പ്രിയ സഹോദരാ സഹോദരി,
വളരെയേറെ ഹൃദയ വേദനയോടെയാണ് ഈ സന്ദേശം ഞാൻ പങ്കുവയ്ക്കുന്നത്. നാം ഒരു സമൂഹത്തിൽ ആയിരിക്കുമ്പോൾ നമ്മുടെ കൂടെയുള്ളത് സ്വന്തം ജീവിത പങ്കാളിയായിരിക്കാം, മക്കൾ ആയിരിക്കാം, മാതാപിതാക്കൾ ആയിരിക്കാം, സഹോദരങ്ങൾ ആയിരിക്കാം, ബന്ധുക്കൾ ആയിരിക്കാം അതും അല്ലെങ്കിൽ സുഹൃത്തുക്കളും അയൽക്കാരുമായിരിക്കാം.
സങ്കീര്ത്തനങ്ങള് 103 : 15, 16 വചനപ്രകാരം ഒരു കാര്യം ഓർമ്മിപ്പിക്കട്ടെ; മനുഷ്യന്റെ ജീവിതം പുല്ലുപോലെയാണ്; വയലിലെ പൂപോലെ അതു വിരിയുന്നു; എന്നാല്, കാറ്റടിക്കുമ്പോള് അതു കൊഴിഞ്ഞുപോകുന്നു; അതു നിന്നിരുന്ന ഇടംപോലും അതിനെ ഓര്ക്കുന്നില്ല. ഇത്രയേ ഉള്ളൂ മനുഷ്യന്റെ ആയുസ്സും, ജീവിതവും, ഓർമ്മകളും... നാം നമ്മെ തന്നെ ആത്മശോധന ചെയ്യുക. ചിന്തിക്കുക...നമ്മുടെ ജീവിതം പുല്ലുപോലെയും പൂവുപോലെയുമാണ്. ഇന്ന് ഉണ്ട്, നാളെ ഉണ്ടാവണമെന്നില്ല. അപ്പോൾ എന്തിനാണ് ദേഷ്യം? എന്തിനാണ് പക? എന്തിനാണ് സ്വാർത്ഥത? എന്തിനാണ് മിണ്ടാതിരിക്കൽ? ഇന്ന് കൂടെ ഉള്ളവരോട് "ഞാൻ നിന്നെ സ്നേഹിക്കുന്നു" എന്ന് പറയൂ. ഇന്ന് പ്രിയ കുടുംബത്തോടൊപ്പം, സുഹൃത്തുക്കൾക്കൊപ്പം, അയൽക്കാർക്കൊപ്പം കഴിയുന്നതും '10 മിനിറ്റ്' സമയം ഇരിക്കൂ. അവർക്കൊപ്പം ചിലവഴിക്കൂ... ഇന്ന് പരസ്പരം ക്ഷമിക്കൂ, ഇന്ന് പരസ്പരം അനുഗ്രഹിക്കൂ. ഇന്ന് ദൈവത്തെ സ്തുതിക്കൂ 🎵നാളെയിലേക്ക് ഒന്നും മാറ്റിവെക്കരുത്. സമയം പാഴാക്കരുത്. ജീവിതം ആഘോഷിക്കൂ. നമ്മുടെ ജീവിതത്തെ വിലയുള്ളതാക്കാൻ പരിശ്രമിക്കുക. കാരണം കാറ്റ് വീശിയാൽ നമ്മൾ ഇല്ലാതായേക്കാം. പക്ഷേ നമ്മൾ വിതച്ച സ്നേഹം, പ്രാർത്ഥന, നന്മ - അത് എന്നും തലമുറകളോളം നിലനിൽക്കും ❤️
മത്തായി 16 : 26 വചനത്തിൽ ഇപ്രകാരം വ്യക്തമാക്കുന്നു. ഒരുവന് ലോകം മുഴുവന് നേടിയാലും സ്വന്തം ആത്മാവിനെ നഷ്ടപ്പെടുത്തിയാല് അവന് എന്തു പ്രയോജനം? നാം ഈ ലോകത്തിൽ ദൈവം സൃഷ്ടിച്ചവയിൽ ഏറ്റവും മനോഹരമായ സൗന്ദര്യമുള്ളവരോ, സ്വന്തം കഴിവുകൊണ്ട് ഉയർന്ന പദവിയിൽ എത്തിയവരോ, സാമ്പത്തിക മേഖലയിൽ വളർച്ച പ്രാപിച്ച സമ്പത്തും സ്വത്തും ഉള്ളവരോ, ആർഭാടകരമായ മണിമാളികളും, വാഹനങ്ങളും, ജീവിതവും നയിക്കുന്നവരോ, ധാരാളം സുഹൃത്ത് ബന്ധങ്ങൾ ഉള്ളവരോ, അധികാരമേഖലകളിൽ ആയിരിക്കുന്നവരോ, കര നാവിക വ്യോമ മേഖലകളിലൂടെ സ്ഥിരം യാത്ര ചെയ്യുന്നവരോ അങ്ങനെ ജീവിതത്തിൽ എന്തും ഏതുമായിക്കൊള്ളട്ടെ... നമ്മുടെ വായിൽ നിന്ന് പുറപ്പെടുവിക്കുന്ന വാക്കുകൾ കൊണ്ട്, സ്വാർത്ഥതയിൽ നിറഞ്ഞ ചിന്തകൾ കൊണ്ട്, എന്നും എല്ലാം കൂടെയുണ്ട്, ഞാനീ ഭൂമിയിൽ എന്തൊക്കെയോ ആണ് എന്ന അഹങ്കാര ഭാവത്തോടെ നമുക്ക് പാൽ നൽകി വളർത്തിയ അമ്മയെ, നമുക്ക് വേണ്ടി രാപകൽ അധ്വാനിച്ച അച്ഛനെ, നമുക്കൊപ്പം കളിച്ചു വളർന്ന സഹോദരങ്ങളെ, നമ്മൾ ജന്മം കൊടുത്ത മക്കളെ, നമുക്ക് കൂട്ടിരുന്ന സുഹൃത്തുക്കളെ, നമുക്കെല്ലാമായിരുന്ന ബന്ധുക്കളെ, നമ്മുടെ അയൽക്കാരെ, നമ്മുടെ ഏത് കുറ്റങ്ങളെയും കുറവുകളെയും സദാ ക്ഷമിച്ചുകൊണ്ട് കൂടെയായിരുന്ന ജീവിതപങ്കാളിയെ വാക്കിലൂടെയും വിചാരത്തിലൂടെയും പ്രവർത്തനത്തിലൂടെയും വെറുപ്പിക്കുകയും ഉപേക്ഷിക്കുകയും ചെയ്തു അവരുടെ ഹൃദയത്തിന് വേദന നൽകി മുറിപ്പെടുത്തി സ്വയം സന്തോഷിച്ചിട്ടുണ്ടോ? Like-നും, Followers-നും, പണത്തിനും, പേരിനും, ലൗകിക സുഖങ്ങൾക്കും വേണ്ടി ഉറക്കം കളഞ്ഞു മറ്റുള്ളവരുമായി compare ചെയ്ത് ജീവിതം നശിപ്പിക്കുമ്പോൾ, അതിനുവേണ്ടി ഓട്ടം ഓടി എല്ലാം നേടിയിട്ടും തീർച്ചയായും അനുതപിക്കാതെ മുന്നോട്ടു പോയാൽ എന്തൊക്കെ നേടിയിട്ടും നമ്മുടെ ജീവിതം കൊണ്ട് ഈ ഭൂമിയിൽ എന്ത് പ്രയോജനം? ആ "വിജയത്തിന്" എന്ത് വില?
നാം ജീവിതത്തിൽ എന്ത് നേടിയാലും നമ്മുടെ ഹൃദയത്തിന്റെ ഉള്ളിൽ ശൂന്യത, ഉറക്കമില്ലായ്മ, Depression. സമാധാനമില്ലായ്മ എന്നിവ മാത്രമായിരിക്കും മിച്ചം. ലോകത്തെ നേടുന്നതിന് മുൻപ് നമ്മെത്തന്നെ ദൈവത്തിന് / ദൈവത്തിന്റെ ആഗ്രഹത്തിന് സമർപ്പിക്കൂ 🙏 ദൈവത്തിലേക്ക് തിരിച്ചു വരൂ... ആർക്കും ഒന്നും നൽകുവാൻ കഴിഞ്ഞില്ലെങ്കിലും വ്യർത്ഥവാക്കുകൾ കൊണ്ടുപോലും ചുറ്റുമുള്ളവർക്ക് ജീവിതം കൊണ്ട് ഉപദ്രവം ചെയ്യാതെ ഒരു വെളിച്ചം ആയി പ്രകാശിക്കുവാൻ തയ്യാറാകുക. ❤️ എന്നാല്, കര്ത്താവിന്റെ കാരുണ്യം അവിടുത്തെ ഭക്തരുടെമേല് എന്നേക്കുമുണ്ടായിരിക്കും; അവിടുത്തെ നീതി തലമുറകളോളം നിലനില്ക്കും. (സങ്കീര്ത്തനങ്ങള് 103 : 17 ). ഈ വാക്കുകൾ ഹൃദയത്തെ സ്പർശിച്ചു എങ്കിൽ, ഒരു നല്ല തീരുമാനം എടുക്കുവാൻ ആ മനസ്സ് അനുവദിക്കുന്നു എങ്കിൽ ദൈവത്തിന്റെ അനുഗ്രഹം ലഭിക്കട്ടെ എന്ന് പ്രാർത്ഥിക്കുന്നു.
കടപ്പാട് :
ബിനോജ് ബാബു
#🌞 ഗുഡ് മോണിംഗ് #💞 നിനക്കായ് #🙋♀️ എൻ്റെ സ്റ്റാറ്റസുകൾ #😇 ഇന്നത്തെ ചിന്താവിഷയം
