ഞാൻ - വെറുമൊരു സ്വപ്നം നീ കണ്ട സ്വപ്നങ്ങളിലെവിടെയോ ഞാനെന്ന കൺചിരാത് തെളിഞ്ഞിരുന്നു  നീയേന്തിയ മിടിപ്പുകളിലെന്നുമെ,ന്നശ്രു ചോര തുടിപ്പുകളായിരുന്നു   നീഹാരമൊരു പുവ്വായി വിടർന്നപ്പോളത്തിൻ തേൻ കണമായ്   നിമിഷങ്ങളൊരുടയാടയുടുത്തപ്പോൾ തെന്നിമാറും നീർകണമായ്!   നാവോറു പാടാനൊരുമ്പെട്ട സന്ധ്യകൾ വിരഹ നാഗങ്ങളായ് വരിഞ്ഞിരുന്നു   നക്ഷത്രതുരുത്തിലകപ്പെട്ട തിങ്കളോ കൊഴിഞ്ഞ നിലാവറിഞ്ഞതില്ല   നിറങ്ങളന്നും മയിലാണ്, നിറവിന്റെയുദ്യാനമാം നീയെന്നയോർമ്മയിൽ!   നദിപോലൊഴുകി,യകലും തീരത്തിൽ കണ്ണുനീർ തിരകൾ മറച്ചു  നാനാക്ഷരങ്ങളറിയാത്ത മനസ്സേകനായി കൊഴിയുമിരവിന്റെ ഗദ്ഗദമായി   നാമമർച്ചനയാക്കിയോർമ്മകളിൽ നഭസ്സിന്റെ മേനിയിൽ സിന്ദൂരമേകി...    നല്ലെഴുത്തായി പതിവായി പതിപ്പുകൾ നാരായമില്ലാതെ തേങ്ങി   നിറച്ചിരുന്നന്നുമകതാരായ് മാറ്റിയ നീലാബരത്തിലാരുമറിയാതെ  നിത്യം പൂത്തിടും നിണമായിടനെഞ്ചിലൊട്ടി ശ്വാസമായി നിന്നെ... false. #🖋 എൻ്റെ കവിതകൾ🧾 #🙋‍♀️ എൻ്റെ സ്റ്റാറ്റസുകൾ #💑 സ്നേഹം #💞 നിനക്കായ് ##ഞാൻ_വെറുമൊരുസ്വപ്നം

കാലമെത്ര കഴിഞ്ഞാലും പുലരി പിറക്കും, കാത്തിരുന്ന പുലരി ഒന്നേ പിറക്കൂ... ശുഭമായ രാത്രി വലിയൊരു പകലിന്റെ അധ്വാനമാണ്, പ്രകാശിതമായ പുലരി ഒരു രാത്രിയുടെ കണ്ണുനീരും... ശുഭദിനം. false. #🙋‍♀️ എൻ്റെ സ്റ്റാറ്റസുകൾ #🖋 എൻ്റെ കവിതകൾ🧾 #💑 സ്നേഹം #💌 പ്രണയം #🌞 ഗുഡ് മോണിംഗ്

മരണം വഴിയറിയാതെയലയുമാത്മമിത്രമവൻ വഴിപോക്കൻ വിണ്ണിന്റെയശ്രുവിൽ മുഖം മറക്കും കളിതോഴൻ വിരഹമില്ലയതിനൊരുക്കും പനിനീരിന്റെ കൂട്ടുകാരൻ വിളിക്കുമവൻ തുടിക്കും ചൊടികളിലിലയകലെ പാകാൻ വിഷാദമില്ലയശ്രുയവനിൻ മിഴിയറിഞ്ഞതില്ലയിന്നുമേകൻ വിഹരിക്കുമെന്നുമതി താഴ്‌വാരമാം മനസ്സിന്റെ മോഹമാകാൻ വീണടിയും പൂവിന്റെ നെഞ്ചിലെ തേനാവുമടിവാരമാകാൻ വിശറിയില്ല വീണിറ്റിടും രുധിരമില്ലയതിൽ കൊരുക്കാൻ വിഹരിക്കാത്ത മൃതദേഹമഴിക്കമസ്ഥിയിലെന്നും ചിരിയാവാൻ വിരഹമല്ലയതിന്റെ രേണുവിൽ തുടിക്കുമസ്ഥിയല്ല ജീവൻ വീണ്ണ് പകുത്ത പകലിന്റെ രശ്മിയിലിന്നും രാത്രിക്കധിപൻ വിളങ്ങട്ടെ ചിരിയിലശ്രു പകരും നിലാവാം മരണമേ... false. #🖋 എൻ്റെ കവിതകൾ🧾 #🙋‍♀️ എൻ്റെ സ്റ്റാറ്റസുകൾ #💌 പ്രണയം #💑 സ്നേഹം ##മരണം

നാളെയിൻ സിന്ദൂരം നിറയുമെൻ മിഴികളിൽ നിൻ ചിത്രം മറന്നുവെന്നോ നീരണിയും കവിളിൽ നിന്നോഷ്ഠ കവിതകൾ ലഹരിയെന്നോ! നീ തുരുമ്പിച്ച പാത്രമായെന്നെ, യകലെ കുടിയിരുത്തിയെന്നോ! നിന്നാത്മഹർഷം തുളുമ്പും മിഴിയെന്നസ്തമയം കണ്ടുവെന്നോ! നിള നീളുന്നുവരുകിലില്ലാ തീരമതു തേടുവാൻ നീളെ നാളെകൾ നിൻ പദമെൻ സിരകളിലുറക്കുന്നു നിന്നിൽ വിരിഞ്ഞയാ പൂക്കൾ വാടുന്നുയെന്നിൽ നിൻ മൊഴികളൊരു ചാപമായെൻ നെഞ്ചു പിളർക്കുന്നു നകട്ടുക നീയെന്നാത്മാവിൻ കാണമങ്ങോളം നിന്നവതാര പുഷ്പമായ് വിരിഞ്ഞിടൂ നിനക്കായ് നാണിച്ചിടുന്നു, യിന്നെൻ ജനിയിൽ നിന്നിൽ വിരിഞ്ഞതിനായ് നാളെയിൻ സിന്ദൂരമാരുടെ നെറ്റിയിക്കു ചുവപ്പായിടാം...! false. #🖋 എൻ്റെ കവിതകൾ🧾 #🙋‍♀️ എൻ്റെ സ്റ്റാറ്റസുകൾ #💌 പ്രണയം #💞 നിനക്കായ് ##നാളെയിൻസിന്ദൂരം

മറഞ്ഞു പോയ ചിന്തകൾക്ക് മധുരം നൽകാം, മനസ്സിന്റെ പൂന്തോപ്പിൽ ഒരു പൂ വിരിയിച്ചെടുക്കാം, മറന്ന സന്ധ്യകളുടെ രശ്മികൾ ഇന്നിന്റെ പൊലിമ കൂട്ടാം, മിടിക്കും ഹൃദയത്തിനൊരു ചെല്ലമാകാം പ്രണയവും... ശുഭരാത്രി... false. #🖋 എൻ്റെ കവിതകൾ🧾 #🙋‍♀️ എൻ്റെ സ്റ്റാറ്റസുകൾ #💌 പ്രണയം #💞 നിനക്കായ് ##ശുഭരാത്രി

നീയെന്ന നിണം നിഴലിൻ മുഖം കണ്ടാൽ നമ്മൾ തിരിച്ചറിയുമോ നീയെന്ന വാക്കിൽ നമ്മൾ ഉരുവാകുമോ! നിന്നിടം കൈകൊണ്ട ജീവനം തിരിച്ചേകുമോ! നീ മറന്ന നാളുകളെനിക്കായ് തിരിച്ചേകിടുമോ നാമെന്ന നിണം മയിൽപ്പീലിയാക്കി സന്ധ്യയെയൊന്നു മുത്തിടുമോ! നമ്മളെന്നോതിയ നമ്മളിൽ നിന്നെന്നെ നാരായം കൊണ്ടൊന്നു പിരിച്ചെഴുതീടാമോ നീ പെറ്റ വാക്കുകൾ സന്ധ്യയില്ലായംബരം നിൻ ചിരിയെന്നെ കൊഞ്ഞനം കുത്തുന്നുവിന്നും. നാളൊരു പേമാരിയായ് ജീവനം മുറുക്കവേ നീ തന്ന ബാഷ്പമെന്നോർമ്മയായലയവേ നിന്നിൽ തളിർക്കും പൂക്കളെല്ലാമിന്നുമെൻ നാമെന്ന ചിന്തയിൻ മോഹങ്ങളിൻ വേരല്ലേ! നിറമില്ലായെൻ മനസ്സിൻ മുഖം നിന്നരികില്ലെന്ന് നിറമുള്ള പൂക്കളെത്ര ചൊല്ലി തവിച്ചുവെന്നോ നീയൊന്നു ചൊന്നാൽ മതിക്കുവാനല്ലാതെ നമ്മളിൻ നമ്മളിന്നാർക്കു വേണ്ടിയലയുന്നു നിന്നെയറിഞ്ഞയെൻ മൂഢമനസ്സിനാൽ നന്നായിന്നു ഞാനെന്നെ തിരിച്ചറിഞ്ഞീടവേ നന്മയെന്നുമാ ജീവനിലേകട്ടെ നമ്മളെയറുത്തു നീയെന്ന ബിംബമെന്നിൽ കറുക പൊലിക്കവേ! false. #🖋 എൻ്റെ കവിതകൾ🧾 #🙋‍♀️ എൻ്റെ സ്റ്റാറ്റസുകൾ #💞 നിനക്കായ് #💌 പ്രണയം #💑 സ്നേഹം

പ്രണയത്തിനൊരു താളമുണ്ട്, രണ്ടു മനസ്സുകളുടെ നെഞ്ചിടിപ്പിന്റെ താളം... ശുഭരാത്രി... false. #🙋‍♀️ എൻ്റെ സ്റ്റാറ്റസുകൾ #🖋 എൻ്റെ കവിതകൾ🧾 #💌 പ്രണയം #💞 നിനക്കായ് ##പ്രണയതാളം

വേനൽ കൊന്ന വിണ്ണിറങ്ങി മണ്ണു പുൽകും പോലെയാ വിരിയും കപോലങ്ങളിൽ കണ്ണനുറങ്ങുന്നോ! വിതാനിച്ച സ്നേഹസ്പർശത്തിലിന്നും വിലപിക്കുമെന്നിലമൃതു ചൊരിയുന്നോ! വിട്ടുപോയ പിതൃക്കളിൻ വരമായിയിന്നും വാരിളം കൈകളാലനുഗ്രഹിച്ചീടുന്നോ...! വേനലിൽ തളിർക്കുമാ വിഷുവിൻ കരങ്ങളിൽ വാരിധിയായ് നീളെ ഹിരണ്യം പരത്തുന്നോ! വരും നാളെയെ വരവേൽക്കുമൂരിനൊന്നായ് വംശജയായ് കണ്ണിനു കണിയായ് നിൽപ്പൂ വല്യമ്മ പൊത്തിയ മിഴികളിൽ നിറയുമാ വിഷുക്കണി, നീ കണ്ണനിൻ ചിരിയായിടുന്നോ വേനലുരുക്കുമീ ജീവന്റെയാശ തുടികളിൽ വന്നിറങ്ങിയെന്നിൽ തളിർക്കുന്നു ഭവാനൊപ്പം വിഷുവകലെ മായാതെയെന്നുമാ പീതഹാസം വർഷിക്കുവെങ്ങളിൽ കണ്ണനിൻ സ്മേരമായ്. false. #🖋 എൻ്റെ കവിതകൾ🧾 #🙋‍♀️ എൻ്റെ സ്റ്റാറ്റസുകൾ #💑 സ്നേഹം #😇 വിഷു ആശംസകൾ 🧨 #😇 വിഷുക്കണിയും കൈനീട്ടവും 🤑

ഒഴുക്കിനവസാനം ഓളങ്ങൾ ഒറ്റപ്പെടും, ഓർമ്മകൾക്കു നടുവിൽ പ്രാണൻ പിടയും, ഒറ്റക്ക് വന്നവർ ഹർഷഭേരിയിൽ ഒറ്റപ്പെടും, ഒന്നു ചിരിക്കാൻ കൊതിച്ച മനസ്സ് കരയും, ഒടുവിലൊരിറ്റു വെള്ളത്തിലൊടുങ്ങും ഗർവും! ശുഭരാത്രി... false. #🖋 എൻ്റെ കവിതകൾ🧾 #🙋‍♀️ എൻ്റെ സ്റ്റാറ്റസുകൾ #💞 നിനക്കായ് #💑 സ്നേഹം ###ശുഭരാത്രി

പ്രിയവസന്തം ഒരു വസന്തമുണ്ടായിരുന്നുയീ ഭൂവിൽ പക്ഷേ, ൠതുക്കളവളെ കൊന്നൊടുക്കി വാഴ് വിന്റെ പച്ചച്ച ശീലയിൽ പൊതിഞ്ഞ് വാനമറിയാതെ മെല്ലെ കൊന്നൊടുക്കി ******************************************* പൂക്കാനറിയാത്ത പൂമൊട്ടായിരുന്നു പൂത്തുമ്പികളിനധരം മധുരം പകർന്നു ഇരുട്ടിനെ പേടിയായെന്നിലമർന്നു ഇരുളുകൾ മറകളായെന്നെ പുണർന്നു ഒരു രാവിലുമവൾ തിളങ്ങാതെ നിന്നില്ല ഓളങ്ങളേറ്റിയെൻ തീരം കവർന്നു ഉച്ചക്കും സന്ധ്യക്കും രാവിലുമുണർന്നപ്പോൾ ഉച്ചത്തിലായ് തൂകി മധുര മന്ദഹാസം എൻ മെയ്യ് തണുത്താലവളറിയുമെന്ന് എത്രയോ വട്ടം വെറുതെ പതം പറഞ്ഞു എന്നെയൊളിച്ചിടാനെത്രയോ വിദ്യകൾ എല്ലാ രാവിലുമവൾ പുറത്തെടുത്തു എന്നിട്ടുമെന്നിലശേഷം മുള പൊട്ടിയില്ല എന്നിൽ ചിരിപ്പവളെന്നെ ചതിപ്പതെന്ന് ന്യായങ്ങളോരോന്നായെന്നും നിരത്തിടും നാണമില്ലാതെ ഞാനെന്നും പിറകെ പിറകെ വീണ്ടുമെത്തുമവൾ കുശലം പറഞ്ഞ് വിണ്ണിനെ തോൽപ്പിക്കും നുണയിൻ മാരിയായ് വിത്തിട്ടു പോയ് മനസ്സിലാ പ്രണയം വേറിടാത്തൊരു കൂട്ടിനായ് കൊതിക്കവേ ഓതി തെളിഞ്ഞെന്നിലോളം മെനഞ്ഞു ഓമനിക്കാതെന്നിൽ വിഷം പകർന്നു ഓർമ്മകൾക്കൊരു വാക്കിനാൽ പുത്തിരിയായി ഓളങ്ങളേന്തി ചിരി തൂകി വന്നവൾ ഓർമ്മക്കറുപ്പിനു നാളം തെളിക്കുവാൻ ഒരു മാത്ര മാത്രമായെന്നിലേക്കെത്തി നോക്കും ഓരടിയീരടി താളത്തിലെന്നും ചൊല്ലി ഓമനിക്കാത്തൊരെൻ മെയ്യും കവർന്നു ജന്മം പുണരാത്ത,അവളിൻ മോഹങ്ങളെയെല്ലാം ജനിപ്പിക്കുവാനായ് തീരത്തൊരീ ആയുധം മാത്രം ഇല്ലില്ല, പകലുകളിനി രാവുകളാവില്ല ഈറൻ തുടിക്കുമീ ശ്വേതരേണുക്കളിൽ വന്നില്ല, രാവിലും പകലിലുമൊരിക്കൽ പോലും പിന്നെയവളെന്നിലേക്കെത്തി നോക്കാനായ് പിണ്ഠം നിറച്ചൊരായിലയുമായിന്നു ഞാൻ പടി കടത്തുവാനെത്തുന്നൊരാളെ കൊതിക്കുന്നു പറയാതെ വയ്യ രുധിരമാം കണ്ണീരിൽ പറഞ്ഞവളെത്ര, യെന്തേ നേടിയതെന്ന് പോര ഞാനെ, ന്നൊരിക്കലായോതാതെ പോയിട്ടു നീയ്യിന്നെന്തിത്ര നേടി പുലരികൾ നിനക്കായ് തുടിക്കട്ടെയെന്നും പൂണ്ടിടൂ നീയ്യെന്നുമോരോരവതാരമായി പ്രിയേ, ഞാനൊന്നു മാത്രം നിനക്കായ് ചൊല്ലുന്നു പ്രിയമാക്കരുതേ,യൊരുവനിൽ തുടിക്കുന്നുള്ളം പ്രണയമായ് ചെന്നു നീ പ്രാണനായ് പോകുമ്പോൾ പകരമറിയാതടർന്നിടും മനസ്സുകൾ പ്രിയയായല്ലേ നീ, വന്നതന്നെന്നിലും പ്രിയമോടറുത്തതെൻ പിണ്ഠമവശേഷിപ്പു ***************************************** ഒരു വസന്തമുണ്ടായിരുന്നുയീ ഭൂവിൽ പക്ഷേ, ൠതുക്കളവളെ കൊന്നൊടുക്കി വാഴ് വിന്റെ പച്ചച്ച ശീലയിൽ പൊതിഞ്ഞ് വാനമറിയാതെ മെല്ലെ കൊന്നൊടുക്കി! false. #🖋 എൻ്റെ കവിതകൾ🧾 #🙋‍♀️ എൻ്റെ സ്റ്റാറ്റസുകൾ #💌 പ്രണയം #💞 നിനക്കായ് ##പ്രിയവസന്തം