#😱શક્તિ વાવાઝોડાનું તાંડવ ગુજરાત પરથી ફંટાયેલું 'શક્તિ' વાવાઝોડું ફરી યુ-ટર્ન લે તેવી સંભાવના છે. હાલમાં આ વાવાઝોડું સૌરાષ્ટ્રના કાંઠાથી 550 કિલોમીટરથી વધુ દૂર છે, પરંતુ દરિયામાં તે અતિ પ્રચંડ બનતા તેની દિશા બદલી રહ્યું છે. અગાઉ તે મસ્કત-ઓમાન તરફ ફંટાયું હતું, પરંતુ હવે નબળું પડીને ફરી ગુજરાત તરફ આવી શકે છે. આ સંભાવનાને પગલે, હવામાન વિભાગે સૌરાષ્ટ્ર અને દક્ષિણ ગુજરાતમાં 8 ઓક્ટોબરના રોજ ભારે વરસાદની આગાહી કરી છે.રાજ્યમાં 10 ઓક્ટોબર સુધી છૂટાછવાયા સ્થળે વરસાદ ચાલુ રહેવાનું અનુમાન છે. વાવાઝોડાના સંભવિત ખતરાને ધ્યાનમાં રાખીને માછીમારોને દરિયો ન ખેડવા સૂચના આપવામાં આવી છે. અરવલ્લી જિલ્લાના વાતાવરણમાં પલટો અરવલ્લી જિલ્લાના વાતાવરણમાં પલટો આવ્યો છે. મોડાસા શહેરમાં વહેલી સવારે વરસાદી ઝાપટું પડ્યું હતું. આ ઝાપટું ડીપ વિસ્તાર, પેલેટ વિસ્તાર અને બસ સ્ટેશન વિસ્તારમાં નોંધાયું હતું. આ અણધાર્યા વરસાદના કારણે ખેડૂતોની ચિંતામાં વધારો થયો છે. ખેડૂતોને મગફળી, સોયાબીન સહિતના તૈયાર પાકને નુકસાન થવાની ભીતિ છે. જોકે, જિલ્લાના અન્ય ભાગોમાં હાલમાં વાદળછાયું વાતાવરણ જોવા મળી રહ્યું છે. #🗞️ ગુજરાત અપડેટ્સ #📢5 ઓક્ટોબરની મુખ્ય અપડેટ્સ🆕

#📢5 ઓક્ટોબરની મુખ્ય અપડેટ્સ🆕 રાધનપુર-કંડલા હાઈવે પર ભયાનક અકસ્માત રાધનપુર-કંડલા હાઈવે પર મોટીપીપળી નજીક એક ભયાનક અકસ્માત સર્જાયો છે, જેમાં એક સાથે પાંચ વાહનો અથડાયા હતા.આ ગંભીર અકસ્માતમાં ચારથી વધુ લોકોના મોતની આશંકા છે, જ્યારે સાતથી વધુ લોકો ઈજાગ્રસ્ત થયા છે. અકસ્માતમાં સામેલ વાહનોમાં ટ્રેલર, બાઈક, જીપ અને પીકઅપ વાનનો સમાવેશ થાય છે. ઈજાગ્રસ્તોને તાત્કાલિક સારવાર અર્થે રાધનપુર રેફરલ હોસ્પિટલ ખાતે ખસેડવામાં આવ્યા છે. આ અકસ્માત અંગે સામે આવેલી વિગતો અનુસાર 1 ટ્રેલર, 2 બાઈક, 1 જીપ અને 1 બોલેરો પિકઅપ વચ્ચે અકસ્માત સર્જાયો હતો. તમને જણાવી દઈએ કે, રાધનપુરના મોટી પીપળી નજીક આ અકસ્માત સર્જાયો હતો. આ અકસ્માતની જાણ થતા પોલીસની ટીમ ઘટનાસ્થળે પહોંચી છે. હાલ ઇજાગ્રસ્તોને સારવાર અર્થે હોસ્પિટલ ખસેડી વધુ તપાસ હાથ ધરવામાં આવી છે. અકસ્માતની ઘટનાને પગલે મોટી સંખ્યામાં લોકો એકઠા થઈ ગયા હતા. જો કે, આ અકસ્માત કેવી રીતે સર્જાયો તે અંગે કોઈ માહિતી સામે આવી નથી. પોલીસ તપાસ બાદ સામે માહિતી સામે આવશે. #🗞️ ગુજરાત અપડેટ્સ

#📢5 ઓક્ટોબરની મુખ્ય અપડેટ્સ🆕 સૌરાષ્ટ્રના બીજા નંબરના સૌથી મોટો જળસ્ત્રોત ગણાતો ભાદર-1 ડેમ ઓવરફલો થયો છે. આ ડેમ ઓવરફલો થવાની આ સૌપ્રથમ ઘટના છે, જેને કારણે લાંબા ગાળાના પીવાના પાણીના સંકટનો અંત આવ્યો છે. ડેમમાં પાણીની ભરપૂર આવકને પગલે જળસપાટી તેની નિર્ધારિત સપાટી વટાવી ગઈ હતી. જેના પરિણામે, ડેમમાંથી વધારાનું પાણી છોડવાની ફરજ પડી હતી.હાલમાં ભાદર-1 ડેમનો એક દરવાજો અડધો ફૂટ જેટલો ખોલવામાં આવ્યો છે. ડેમમાં 282 ક્યુસેક પાણીની આવક નોંધાઈ છે અને તેની સામે એટલો જ 282 ક્યુસેક પાણીનો જથ્થો ડેમમાંથી નદીના પટમાં છોડાઈ રહ્યો છે. #🗞️ ગુજરાત અપડેટ્સ