https://youtube.com/shorts/y2SEW4ychck?feature=share #🎬സിനിമ കോർണർ #👨‍👨‍👧‍👦 ജീവിതം #🕵️‍♂️ സാമൂഹിക വിഷയങ്ങൾ #✍️വിദ്യാഭ്യാസം #📖 കുട്ടി കഥകൾ

BRENCHER (fantasy comedy 4/4) Screenplay by Hibon Chacko ©copyright protected #🎬സിനിമ കോർണർ #🎞 Short Film Corner #🤝 സുഹൃദ്ബന്ധം #📔 കഥ #💞 പ്രണയകഥകൾ മനു : (പിന്നോട്ട് കൈകെട്ടി നിൽക്കെ, പഴയപടി മുഖം താഴ്ത്തിയൊക്കെ ) “രാജനീഷേട്ടാ, എന്റെ പാതി ഞാൻ ചെയ്തിട്ടുണ്ട്… ബാക്കി ദൈവംതന്നെ വിചാരിക്കണം!” രജനീഷ് : (പഴയപടി തുടരവേ, മുന്നോട്ട് ലക്‌ഷ്യംവെച്ചൊക്കെത്തന്നെ ) “അവളുടെ വീടിന്റെ അങ്ങോട്ട്‌ പോകാം. ബാക്കിയെല്ലാം അവിടെ ചെന്നിട്ട് തീരുമാനിക്കാം.” (അരുൺ ഇരുവരേയും എന്നവിധം നോക്കി നിൽക്കുകയാണ്, രണ്ടുനിമിഷം മൂവരും അങ്ങനെതന്നെ തുടരുന്നു ) 66.medium shot Cut. Scene 7 Ext. ഉള്ളേരിയയിലെ വിജനമായ റോഡ്. Day 4pm (ഇടത്ത് ആദ്യം രജനീഷും -പാന്റ്സിന്റെ പോക്കറ്റുകളിൽ കൈകൾ തിരുകി, രണ്ടാമത് മനുവും മൂന്നാമത് അരുണും ഒരുമിച്ച് റോഡിലൂടെ നടന്ന് മുന്നോട്ട് പോവുകയാണ്, തുറസ്സായ ആ സ്ഥലത്തുകൂടി ) രജനീഷ് : (V. O., ഒന്നയഞ്ഞവിധം ) “എടാ ജീവിതം ഒന്നേയുള്ളു, അവസരങ്ങളും… ഒരവസരം പോയാൽ,,…അടുത്ത അവസരം!” (അവസാന വാക്ക് മന്ദഹാസം ചാലിച്ചാണ് പറഞ്ഞുനിർത്തിയത് -ഇരുവരേയും അശ്വസിപ്പിക്കുംവിധം ) “Everybody deserves a second chance… this is mine. എന്റെ കാര്യമോ നടന്നില്ല, എനിക്കാരും ഇല്ലായിരുന്നു, നിങ്ങൾക്ക് ഞാനുണ്ട്…നിങ്ങൾക്ക് നഷ്ടം വരുത്തില്ല…!” (മറ്റ് ഇരുവരും മൗനമാണ്. മിണ്ടിയും പറഞ്ഞുമൊക്കെയെന്നവിധം മൂവരും അങ്ങനെ മുന്നോട്ട് പോവുകയാണ് -അഞ്ജലിയുടെ വീടിന്റെ പരിസരത്തേക്കെന്നവിധം ) 67.long shot/side/left side of Rajaneesh /pan Cut. Scene 8 Ext. ഉള്ളേരിയയിലെ തുറസ്സായ റോഡിലെ ഒരു വളവ്. Day 4:30pm (മൂവരും അതേപടി -രജനീഷ് വലത്ത് ഒന്നാമത്, രണ്ടാമത് മനു, മൂന്നാമത് അരുൺ, മനുവും അരുണും രാവിലേ എത്തിയ വളവിലേക്ക് നടന്ന് എത്തുകയാണ് -സാവധാനമൊക്കെ, രജനീഷിന്റെ കൈകൾ പോക്കറ്റിലാണ് പഴയപടി ) അരുൺ : (V. O., സാഹചര്യത്തിന്റെ ചൂടുപിടിച്ചപടി ) “ദേ നമ്മള് സ്ഥലമെത്തി…ഇനി എങ്ങനെയാ കാര്യങ്ങള്?” (പൊതുവായെന്നവിധമാണ് ) മനു : (V. O., അരുണിന്റെ ബാക്കിയെന്നവിധം കുറച്ചുകൂടി ചൂടിൽ ) “അവളിതുവരെ വിളിച്ചില്ലല്ലോ…വിളിക്കരുത് എന്ന് രാവിലെ പറഞ്ഞിട്ടാണ് വെച്ചത്, എന്നെ ഇങ്ങോട്ട് വിളിക്കാതെ.” (രജനീഷിനോടെന്നവിധമാണ് മനു ഇങ്ങനെ പറഞ്ഞത്. പക്ഷെ രജനീഷ് മൗനം പ്രകടമാക്കി നടത്തം തുടർന്നതേയുള്ളൂ. മൂവരും നടന്ന് വളവിലേക്ക് എത്തിനിൽക്കുന്നതും രജനീഷിന്റെ മൊബൈൽ ബാഗിനുള്ളിൽ നിന്നും ശബ്ദിക്കുന്നു, മൂവരും നിൽക്കുന്നു ) 68.long shot/low angle (ബാഗ് തുറന്ന് രജനീഷ് സാവധാനം ഫോൺ എടുക്കുന്നു. കോൾ ഒതുക്കത്തിൽ ശ്രദ്ദിച്ചശേഷം ഇരുവരേയും നോക്കുന്നു, മനുവിനെ പ്രത്യേകമെന്നവിധം -വളവിന് അഭിമുഖമായി മൂവരും നിൽക്കെത്തന്നെ പഴയപടി ) രജനീഷ് : (സാവധാനം, ഇടത്തേ കൈ പോക്കറ്റിൽ തിരികെ തിരുകി, വലത്തേ കൈയ്യിൽ റിങ്ങ് ചെയ്യുന്ന മൊബൈലുമായി, ഇരുവരേയും നോക്കിയെന്നവിധം ) “ഞാനേയ്, ഇപ്പോൾ വരാം…ഒരു അർജെന്റ് കോൾ ആണ്…” (ഒരുനിമിഷം രജനീഷ് അങ്ങനെ തുടരുന്നു, മനു സമ്മതം ഭാവിച്ചുപോവുകയാണ് ) “പേടിക്കേണ്ട, ഞാൻ വന്നിട്ട് ആലോചിച്ച് നമുക്ക് ഇന്നുതന്നെ വേണ്ടത് ചെയ്യാം!” (വീണ്ടും രജനീഷ് ഒരുനിമിഷമങ്ങനെ തുടരുമ്പോൾ മറ്റ് ഇരുവരും സമ്മതം ഭാവിക്കുന്നു. രജനീഷ് കോൾ എടുത്ത് ചെവിയിൽ വെച്ച് ഇടത്തേക്ക് മെല്ലെ നടന്ന് പോകുന്നു -കട്ട് ആയ കോൾ തിരിച്ചു വിളിച്ചും ആകാം, അഞ്ജലിയുടെ വീട് ഇരിക്കുന്നത് വലത്ത് ഏതോ ഭാഗത്ത് ആണെന്നതാണ്. അരുൺ മുന്നിലേക്ക് നോക്കിയൊക്കെ നിൽക്കുന്ന അപ്പോൾ മനു രജനീഷിനെ നോക്കിപ്പോവുകയാണ് ) 69.medium shot/back Cut. (മനുവും അരുണും വളവിന് പുറംതിരിഞ്ഞു നിൽക്കുകയാണ്. മനു കൈകൾ മടക്കി നെഞ്ചിൽ കെട്ടിയിട്ടുണ്ട്. അരുണകട്ടെ പിന്നിലേക്ക് കൈകെട്ടിയാണ് നിൽപ്പ് ) മനു : (V. O., തെല്ല് നിരാശപോലെ ) “ഇതിപ്പോൾ നടുക്കടലിലായല്ലോ നമ്മള്… പുള്ളി ഫോൺ വിളിച്ചങ്ങു പോയി…നേരം പോയി തുടങ്ങി…” അരുൺ : (V. O., ലാഘവം പോലെ ) “പുള്ളിയുടെ കൈയ്യില് ഫോൺ ഉണ്ടെന്ന് തോന്നിയതേ ഇല്ല കെട്ടോ… നമ്പറ് ഒന്ന്‌ വാങ്ങിക്കണം, വരട്ടെ…” (പെട്ടെന്ന് മനുവിന്റെ ഫോൺ റിങ്ങ് ചെയ്യുന്നു, അവനത് എടുത്ത് വലത്തേ ചെവിയിൽ വെക്കുകയാണ്, അരുൺ തന്റെ സുഹൃത്തിനെ ശ്രദ്ദിച്ചുനിൽക്കുകയാണ് ) 70.long shot/low angle മനു : (ധൃതിഭാവിച്ച് പെട്ടെന്ന്, ഫോൺ വലതുചെവിയിലിരിക്കെ ) “ആ എടീ ഹലോ…” യുവതി : (V. O., അല്പം സാവകാശമെന്നവിധം ) “മനൂ, നിങ്ങൾ ഇപ്പോഴും അവിടെ നിൽക്കുവാണോ, പോയില്ലേ രാവിലെ? നിങ്ങളെ ആരെങ്കിലും കണ്ടോ?” മനു : (ഇടക്ക് കയറിയെന്നവിധം, തുടർച്ച ) “എടീ ഞങ്ങള് രാവിലെ പോയിട്ട് ഇപ്പോൾ വന്നതേയുള്ളൂ..” 71.medium shot/side/right side of Manu യുവതി : (V. O., പഴയപടി വീണ്ടും സാവകാശത്തിൽ ) “മനു നിനക്ക് ഭാഗ്യം ഉണ്ട്, അങ്കിള് ഇതുവരെ കണ്ടതുപോലെയല്ല ഇന്ന് വന്നപ്പോൾ സംസാരിച്ചത്… ഞാൻ നമ്മുടെ കാര്യം പറഞ്ഞു, അങ്കിള് ഇടപെട്ട് വീട്ടുകാരെ റെഡിയാക്കി. നീ, പറഞ്ഞാൽ വിശ്വസിക്കുമോ ഇത്…?!” മനു : (അത്ഭുതത്തോടെ, അടക്കിവെച്ചത് ) “ഇടപെട്ട് റെഡിയാക്കി എന്നൊക്കെ പറയുമ്പോൾ…” യുവതി : (V. O., തുടർച്ച ) “എടാ…മനു…നിന്റെ വീട്ടുകാരെയും കൂട്ടി വന്ന് ആലോചിക്കാൻ പറഞ്ഞു, എന്റെ വീട്ടിൽ നിന്ന്… എടാ നമ്മുടെ കല്യാണത്തിന് എന്റെ വീട്ടുകാർക്ക് സമ്മതമാണ്…!” (മനു താൻ കേൾക്കുന്നതിന്റെയും, അരുൺ തന്റെ സുഹൃത്തിനെ അസാധാരണമായവിധം കാണപ്പെടുന്നത് വീക്ഷിച്ചൊക്കെ പോകുകയായിരുന്നു ) 72.medium shot/side/left side of Manu യുവതി : (V. O., തുടർച്ച ) “എനിക്കിത് വിശ്വസിക്കാൻ കുറച്ചു സമയമെടുത്തു…അതോണ്ട് വിളിക്കാൻ കുറച്ചു താമസിച്ചു, സോറി. പിന്നേയ്, ഇനി നിങ്ങളിങ്ങോട്ട് വരേണ്ട, അടുത്തദിവസംതന്നെ വീട്ടുകാരെയും കൂട്ടി വരാൻ നോക്ക്… അങ്കിളെനിക്ക് കട്ട സപ്പോർട്ട് ആണ്, എന്തേലും ഉണ്ടേൽ പുള്ളിക്കാരൻ ഇടപെട്ടോളാമെന്നാണ് പറഞ്ഞത് പോകാൻ നേരം!” മനു : (നിർവൃതി അടക്കിപ്പിടിച്ചൊക്കെ ) “അഞ്ജലി, ഞാൻ എന്താ പറയേണ്ടത് ഇപ്പോൾ…” (സാഹചര്യത്തിന്റെ ആഘാതം മൂലം വാചകം പൂർത്തിയാക്കാനാവാതെ മനു തുടർന്നുപോവുകയാണ്.) യുവതി : (V. O., തുടർച്ച ) “ഹ…ഹ,, എനിക്കും… എടാ, ഞാൻ വെക്കുവാ ഇപ്പോൾ. പിന്നെ വിളിക്കാം.” (മറുപടി പറയുവാൻ മറന്നവിധം സന്തോഷത്തോടെ കോൾ കട്ട്‌ ചെയ്ത് പോക്കറ്റിൽ വെക്കുന്നു മനു, മുന്നോട്ട് നോക്കിത്തന്നെ. കാര്യം അനുകൂലമെന്ന് മനസ്സിലാക്കിയവിധം മനുവിന്റെ മന്ദഹാസ സന്തോഷത്തിൽ അരുണും പങ്കുചേരുന്നു. അടുത്തനിമിഷം ചിരിയുടെ ആഘാതം കുറച്ചു കൂടി വർധിപ്പിച്ച് മനു അരുണിന് നേർക്ക് തിരിയുന്നു -മുഖാമുഖം.) 73.medium shot മനു : (അരുണിനെ നോക്കി പഴയപടി നിൽക്കുമ്പോൾ ) “എന്റേടാ എന്റെ കാര്യം സെറ്റായി…” (അരുണും ഒപ്പം സന്തോഷം പ്രകടിപ്പിക്കുന്നു മുഖത്ത്, മനു പെട്ടെന്ന് എന്തോ ആലോചിച്ച പടി- സന്തോഷത്തോടൊപ്പം) “എടാ രജനീഷ് ചേട്ടനോട് പറയേണ്ടേ…!?” 74.close up/back of Arun അരുൺ: (പഴയപടി സന്തോഷത്തോടെ തുടരവേ) “എടാ, ഇതിപ്പോ എല്ലാംകൂടി എന്റെ കിളി പോയല്ലോ…” മനു: (O. C., പഴയപടി) “എടാ…വീട്ടുകാരേം കൂട്ടി ചെല്ലാൻ അവളുടെ വീട്ടുകാര് പറഞ്ഞു…” (തുടർന്നെന്തെങ്കിലും പറയുവാൻ സാധിക്കാത്തവിധം ഇരുവരുമങ്ങനെ, എന്തെങ്കിലും പരസ്പരം പറയണം എന്നവിധത്തിൽ തുടരുകയാണ്) 75.close up/back of Manu അരുൺ : (V. O., പഴയപടിയുടെ തുടർച്ചയെന്നവിധം ) “എടാ ഈ രജനീഷ് ചേട്ടൻ എന്തിയേ…വാ തപ്പാം…” (ഇരുവരും റോഡിലൂടെ രജനീഷ് പോയവഴി ഓടുന്ന ശബ്ദം ) മനു : (V. O., തുടർച്ചയെന്നവിധം, ഓടി തപ്പുന്നതിനിടക്ക് ) “ഇങ്ങേരിത് എങ്ങോട്ട് പോയി…എന്റെ രജനീഷ് ചേട്ടാ…” (ഇരുവരും റോഡിലൂടെ ഓടിനടന്നുപോയി അന്വേഷിക്കുന്ന കാലടി ശബ്ദങ്ങൾ ) അരുൺ : (V. O., ഓടി തപ്പുന്നതിനിടയിൽ എന്നവിധം ) “എടാ, പുള്ളിയിത് എങ്ങോട്ട് മുങ്ങി…” മനു : (V. O., തപ്പിയിട്ട് തിരികെ വളവിൽ എത്തിയവിധം ) “ഇനിയിപ്പോൾ എന്താടാ ചെയ്യുക നമ്മള്…” (ഇതിനെല്ലാം ഒപ്പം വളവിൽ നിന്നും ഇടത്തേക്ക് പോയി രജനീഷിനെ തപ്പിയിട്ട് കിട്ടാതെ ഇരുവരും കിതച്ച് വളവിൽ തിരികെ വന്ന് നിൽപ്പാണ് മുഖമുഖമൊക്കെ ) 76.long shot /low angle Cut to: ‘ആ സമയം നിങ്ങളെന്നെ കാണില്ല…!’ ‘ആരെയും കാക്കാതെ സ്വന്തം കാര്യം നോക്കി നന്നായി ജീവിക്കുക…!’ പാട്ടിനിടയിലെ ഈ വരികളും ഒപ്പം ക്രിസ്ത്യന്റെയും മുസൽമാന്റെയും ഹിന്ദുവിന്റെയും ചേർന്നൊരു ആക്ഷൻ രജനീഷ് കാണിച്ചതും ചേർത്ത് കാണിക്കുന്നു. 77. Cut to: മനു : (വളവിൽ, അരുണിന് എതിരെയെന്നവിധം നിൽക്കെ, കണ്ണുകൾ മിഴിപ്പിച്ച് ) “എടാ…രജനീഷ് ചേട്ടനെ ഇനി തപ്പിയാൽ കിട്ടാൻ ചാൻസ് ഇല്ല..” അരുൺ മനുവിന് എതിരെയെന്നവിധം നിൽക്കെ, അത്ഭുതം സ്വീകരിച്ചവിധം വായ ചെറുതായൊന്ന് തുറന്ന് മുകളിലേക്ക് നോക്കിപ്പോകുന്നു… 78.close up/pan Cut. Scene 8B Ext. ഉള്ളേരിയയിലെ തുറസ്സായ റോഡിലെ മറ്റൊരു സ്ഥലം. Day 5:30pm (അധികം തുറസല്ലാത്ത, ആ റോഡ്ഭാഗത്തുകൂടി ഫോണിൽ സംസാരിച്ചുകൊണ്ടെന്നവിധം മുന്നോട്ട് നടന്നുകൊണ്ടിരിക്കുന്ന രജനീഷിന്റെ കാലുകൾ -വെളുത്ത ഷൂസുകൾ ) രജനീഷ് : (O. C., മന്ദഹാസം പേറിയ ലാഘവത്തോടെ ) “…അപ്പോൾ അങ്ങനെ ചെയ്യ്‌,, അങ്ങനെ നടക്കട്ടെ…!” (കോൾ കട്ടായി മൊബൈൽ ചെവിയിൽ നിന്നെടുത്തവിധം, ശേഷമൊന്ന് നിൽക്കുന്നു ) “അയ്യോ, ഇതിപ്പോ ഞാൻ കുറേ നടന്നിങ്ങു പോന്നല്ലോ…!” 79.close up/tracking /low angle* രജനീഷ് : (തുടർച്ച, മന്ദഹാസം വിടാതെ ) “ഇനിയെന്താ പരിപാടി…അവന്മാരുടെ കാര്യം സെറ്റിലായി, ഇനിയിപ്പോൾ ഞാനെന്തിനാ…” (വലതുകൈയ്യിൽ മൊബൈൽ പിടിച്ചിരിക്കെയും, ഇരുകൈകളും അരയ്ക്കുകൊടുത്തൊക്കെ നിൽക്കുന്നതിനിടയിൽ, തലയല്പം ഇടത്തേക്ക് ചരിച്ച് -മുകളിലേക്ക് നോക്കുന്നുവെന്ന് തോന്നിക്കാവുന്നവിധം ) “മോളിലിരുന്ന് ഒരാളിതെല്ലാം കാണുന്നുണ്ട്, മറക്കരുത്! താൻ പാതി ദൈവം പാതി എന്നാണല്ലോ…” 80.medium shot/back രജനീഷ് : (പഴയപടി നിൽക്കെ, മുഖം നേരെയാക്കി മന്ദഹാസം വിടാതെ ) “നേരെ പോകാം, പിന്നോട്ട് പോകേണ്ട, അടുത്ത പരിപാടി നോക്കാം.” (മന്ദഹാസം വിടാതെതന്നെ ഇടത്തെകൈകൊണ്ട് കൂളിംഗ് ഗ്ലാസ്സ് ഒന്ന്‌ പൊക്കി, മുന്നോട്ട് തലയല്പം നീട്ടി -പ്രേക്ഷകരോട്, ഇടത്തേ കണ്ണ് ഒന്നിറുക്കി കാണിക്കുന്നു -ഇതും പ്രേക്ഷകരോടാണ്. ഉടനടിതന്നെ കണ്ണാടി താഴ്ത്തി പഴയപടിയാക്കി, കൈതാഴ്ത്തി അരയ്ക്ക് പഴയപടി കൊടുത്ത്, വീരഭാവം പ്രേക്ഷകരോടെന്നവിധം പ്രകടമാക്കുന്നു രജനീഷ് ) 81.medium shot*/low angle* Cut. End. End credits ©ഹിബോൺ ചാക്കോ അവസാനിച്ചു.

https://youtube.com/shorts/S_xG6nxYuZI?feature=share #🎬സിനിമ കോർണർ #✍️വിദ്യാഭ്യാസം #🔥 കട്ട ഹീറോയിസം #🕵️‍♂️ സാമൂഹിക വിഷയങ്ങൾ #👨‍👨‍👧‍👦 ജീവിതം

BRENCHER (fantasy comedy 3/4) Screenplay by Hibon Chacko ©copyright protected #🎬സിനിമ കോർണർ #🎞 Short Film Corner #📔 കഥ #💞 പ്രണയകഥകൾ #🤝 സുഹൃദ്ബന്ധം രജനീഷ് : (ഇരുവരും പഴയപടി തുടരവേ, മുഖമല്പം താഴ്ത്തി ) “പേടിക്കാനുമില്ല, ഒന്നും പറ്റിയുമില്ല,, ഇവിടുത്തെ കാര്യം കഴിഞ്ഞു, തത്കാലം വാ പോകാം.” (സാഹചര്യത്തിന്റെ ധൃതിയിലാണ് രജനീഷ് ഈ വാചകങ്ങൾ പറഞ്ഞത്. മൂവരും ഒരുനിമിഷമങ്ങനെ തുടർന്നുപോവുകയാണ് ) 44.medium shot Cut. Scene 4 Ext. ആരാധനാലയത്തെ ചുറ്റിപ്പറ്റിയുള്ള മറ്റൊരിടം. Day 1pm (തുറസ്സായ ഒരിടത്ത് ഇരിക്കെ പരസ്പരം കാര്യങ്ങൾ പറയുകയാണ് മനുവും അരുണും പരിസരം ശ്രദ്ദിക്കാതെ. രജനീഷാകട്ടെ, ഇവർക്കല്പം അകലെ മുന്നിലായി നിന്ന് ചാടുകയാണ് –‘മധ്യത്തിനേറ്റ’ ക്ഷതം കുറക്കുവാൻ ) മനു : (V. O., നിരാശയോടെയൊക്കെ ) “അവളിതുവരെ വിളിച്ചില്ലല്ലോ… അവിടെ എന്തായിക്കാണും? എന്താകുമോ എന്തോ ഇന്ന്…!” (എടുത്തെടുത്താണ് ഈ വാചകങ്ങൾ മനു പറഞ്ഞത് ) അരുൺ : (V. O., കൂട്ടിച്ചേർക്കും വിധം ) “അഞ്ജലി പറയാതെ അങ്ങോട്ട്‌ വിളിക്കരുത് എന്നല്ലേ… ഇന്നിറങ്ങിതിരിച്ചില്ലേ, കുറച്ചുകൂടി നോക്കാമെന്നേയ്…” (കൂടുതൽ കാര്യങ്ങൾ തമ്മിൽ പറഞ്ഞുകഴിഞ്ഞിരുന്നു എന്ന ധ്വനി വാചകങ്ങളിൽ കാണാം അരുണിന്റെ ) മനു : (V. O., രജനീഷിനെ ശ്രദ്ദിച്ചെന്നവിധം ) “ഈ ഉച്ചക്കാണോ പുള്ളി വ്യായാമം ചെയ്യുന്നത്… നമുക്ക് എങ്ങോട്ടേലും ഒന്നൊതുങ്ങി ഇരിക്കാമെന്ന് പറ…!” (രജനീഷ് ചാട്ടം തുടർന്നുകൊണ്ടിരിക്കുകയാണ്, ഇരുവരും പിന്നിലകലെനിന്നും എഴുന്നേൽക്കുന്നു -രജനീഷിനെ ലക്ഷ്യംവെച്ചെന്നവിധം ) 45.long shot*/low angle Cut to: Scene 4B Ext. ആരാധനാലയത്തെ ചുറ്റിപ്പറ്റിയുള്ള മറ്റൊരു നട. Day 1:30pm (വളരെ നീളത്തിലുള്ള പടികളിൽ മുന്നിൽ വലത്തായി ഒറ്റക്കെന്നവിധം രജനീഷും പിന്നിൽ ഇടതുഭാഗത്തൊക്കെയായി അരുണും മനുവും ഇരിക്കുകയാണ്. രജനീഷ് കാലുകൾ അല്പം അകത്തിയപടിയാണ് ഇരിപ്പ്, ഇരുവരുമാകട്ടെ രജനീഷിനെ ശ്രദ്ദിച്ചപടിയും -മനു തന്റെ വലതുകരം സ്വന്തം താടയ്ക്ക് കൊടുത്താണ്. ചുറ്റുപാടും അത്യാവശ്യം ലഘുകാറ്റ് വീശുന്നതും വിജനവുമായ അന്തരീക്ഷമാണ് ) മനു : (അങ്ങനെയിരിക്കെ ) “രാജനീഷേട്ടൻ അഞ്ജലിയുടെ ചേട്ടനെ കണ്ട് പറഞ്ഞതിന്റെ ബാക്കി എന്താകുമെന്ന് എനിക്കറിയില്ല… പക്ഷെ അതെനിക്ക് ഒരുപാട് ഇഷ്ടപ്പെട്ടു, താങ്ക് യൂ ചേട്ടാ..” (രജനീഷ് ഉൾപ്പെടെ മൂവരും അടുത്തനിമിഷങ്ങളിൽ നിശബ്ദരായി അങ്ങനെ തുടർന്നു) അരുൺ : (ചോദ്യമുന്നയിക്കുംവിധം ) “ചേട്ടൻ പ്രണയിച്ചിരുന്ന ആളാണെന്ന് ഞങ്ങൾക്ക് മനസ്സിലായി. ചേട്ടന്റെ പ്രണയം പറയാമോ ഞങ്ങളോട്?!” (രണ്ടുനിമിഷം കൂടി നിശബ്ദരായി മൂവരുമങ്ങനെ തുടർന്നു ) 46.long shot/low angle * രജനീഷ് : (V. O, പഴയപടി തുടരവേ ) “ഞാൻ ഒരിക്കൽ പ്രണയിച്ചിരുന്നെടാ…പക്ഷെ എന്റെ പ്രണയിനി എന്നെ വിട്ടിട്ടുപോയി,… എന്റെ വെളുപ്പെല്ലാമവൾ കൊണ്ടുപോയി, ഇപ്പോൾ കറുപ്പ് മാത്രം മിച്ചം. എന്റെ ഹൃദയമവൾ കൊണ്ടുപോയെങ്കിലും, ഈ ഷൂസ് ഞാൻ വിട്ടുകൊടുക്കില്ല… അതെന്റെ കാലിൽത്തന്നെ കിടന്നോട്ടെ…” 47.long shot/side/low angle/tracking രജനീഷ് : (തലയല്പം ഉയർത്തി, മുന്നോട്ട് ലക്ഷ്യംവെച്ചെന്നവിധം ) “എന്റെ കണ്ണുകളായിരുന്നു അവൾക്ക് ഏറ്റവും ഇഷ്ടമായത്… അവള് ഇട്ടിട്ടുപോയ അന്ന് വെച്ച കണ്ണടയാ… പിന്നെയിത് ഞാൻ ഊരിയിട്ടില്ല…!” (ഇരുകൈകളും കൊണ്ട് കറുത്ത കണ്ണട ഒന്ന്‌ ഉറപ്പിക്കുന്നു ) 48.medium shot/low angle * (മൂവരും പഴയപടി തുടർന്നങ്ങനെ ഇരിക്കവേ, ഒരു പാട്ടിന്റെ ഈണം തുടങ്ങുന്നതുപോലെ അവർക്ക് തോന്നുന്നു ) രജനീഷ് : (പഴയപടി തുടരവേ, ചലനം കൂടാതെ ) “ഞാനല്ല, ഇവരാണ് ഇതിലെ നായകർ…” (പാട്ടിന്റെ ഈണം പെട്ടെന്ന് നിൽക്കുന്നു. ഇത് ശ്രദ്ദിച്ച് അരുണും മനുവും രജനീഷിൽ നിന്നും മുഖമെടുത്ത് പരസ്പരം നോക്കുന്നു ) അരുൺ : (മുഖമെടുത്ത് രജനീഷിനെ നോക്കി ) “അതെന്താ ചേട്ടാ അങ്ങനെ പറയുന്നത്, നമ്മള് മൂന്നുപേരും ഒന്നാണ്…” (മനുവും വാചകങ്ങൾക്ക് കരുത്ത് പകരുംവിധം മുഖമെടുത്ത് രജനീഷിനെ നോക്കുന്നു) 49.long shot രജനീഷ് : (പഴയപടി തുടരവേ, ലഘുവായി തലയൊന്നനക്കി ) “ആഹാ, അത് പൊളിച്ചു. ഒരു കാര്യം ചെയ്യാം… നമുക്കൊന്ന് അടിച്ചുപൊളിച്ചിട്ട്, ഒരു ചായ കുടിക്കാം…വാ,,” 50.medium shot പാട്ടിന്റെ ഈണം നിന്നിടത്തുനിന്നും വീണ്ടും തുടങ്ങുന്നു. രജനീഷ് ചാടിയെഴുന്നേറ്റ് തിരിഞ് നടകയറി തുറസ്സായ സ്ഥലത്തേക്കെന്നവിധം കടന്നുപോകുന്നു, പിന്നാലെയെന്നവിധമൊക്കെ എഴുന്നേറ്റു മനുവും അരുണും -രജനീഷിനെ നോക്കിക്കൊണ്ട്. 51.long shot/high angle/back of Rajaneesh and Co.* Cut to: Scene 4C & Scene 5 Ext. പാട്ട് -വേഗത്തിലുള്ള അടിച്ചുപൊളി പാട്ട്. Day 2pm പാട്ടിലെ ഉള്ളടക്കം : നടയിൽ നിന്നും കയറി തുറസ്സായ സ്ഥലത്ത് പരിസരം മറന്നു രജനീഷ് പാട്ടിന് തുടക്കമിടുന്നു -ഇരുവരും വന്ന് പിടിച്ചുകൊണ്ടു പോകുന്നു ആളുകളെ ഭയന്ന്. 52. വിശാലമായ ഒരു പാടത്തിനടുത്തെ വരമ്പിൽ, തെങ്ങിൻ തോപ്പിലൊക്കെയായി പാട്ട് തുടങ്ങി ഒറ്റക്ക് ഡാൻസ് ചെയ്യുന്നു എല്ലാം മറന്ന് രജനീഷ് -ആദ്യം ക്ഷണിക്കുന്ന മനു ചേരുന്നു, പിറകേ അരുണും, മൂവരും ഒരുമിച്ചും വേഗത്തിൽ പാട്ടുപാടി ഡാൻസ് ചെയ്യുന്നു. 53. പാട്ടിനിടയിൽ മൂന്നുപേരും മാറി മാറി ഡയലോഗുകൾ പറയുന്നുണ്ട് -അടിച്ചുപൊളിയുടെ ഉന്മാദത്തോടെ. ക്രിസ്തുവിനെയും കൃഷ്ണനെയും മുസൽമാനെയും പ്രതിനിധീകരിക്കുന്ന ആക്ഷനുകൾ ഡാൻസിനിടയിൽ രജനീഷ് കാണിക്കുന്നുണ്ട്. (ആ സമയം നിങ്ങൾ എന്നെ കാണുകയില്ല…ആരെയും കാത്തുനിൽക്കാതെ സ്വന്തം കാര്യം നോക്കി നന്നായി ജീവിക്കുക- ഈ വരികൾ ചേർക്കണം ) 54. മൂവരും ചായകുടിക്കുവാൻ അല്പം അകലെയുള്ള ഒരു ചായക്കടയിലേക്കുള്ള യാത്രയിലാണ് പാട്ട്. മൂവരും നടക്കുന്നു, ഓടുന്നു, പാടുന്നു, ഡാൻസ് ചെയ്യുന്നു -മാറി മാറി. 55. (‘ദൈവമേ അനുഗ്രഹിക്ക്, ഞങ്ങൾ അടിച്ചുപൊളിച്ച് ജീവിക്കട്ടെ’ എന്ന ആശയമാണ് പാട്ടിനാകെ.) ചന്ദ്രനെ പിളർത്തുന്നതും, പാടത്തെ കോലം പോലെ നിൽക്കുന്നതും, ചൂണ്ടുവിരൽ ഉയർത്തി കാണിക്കുകയുമൊക്കെ രജനീഷ് ഇടയിൽ ചെയ്യുന്നുണ്ട്. 56. തെങ്ങിൻ തോപ്പുകൾ, വിശാല പാടങ്ങളും വരമ്പുകളും, ഉള്ളേരിയയിലെ റോഡുകൾ ഇങ്ങനെ പോകുന്നു പാട്ടിന്റെ സ്ഥലങ്ങൾ- ഡാൻസിന്റെയും. ഇടയിൽ എന്തെങ്കിലും പുതുതായി കിട്ടിയാൽ ചേർക്കാം. 57. ചായ കടയിൽ ചെന്ന് കയറുന്നു മൂവരും, പിന്നിലായാണ് രജനീഷ്. ചായയ്ക്ക് ഇരിക്കുമ്പോൾ തങ്ങളുടെ സമപ്രായക്കാർ അടുത്ത് അടിച്ചുപൊളിച്ച്, തങ്ങളുടെ പാട്ടിനൊപ്പം ഡാൻസ് ചെയ്യുന്നതായി മനുവിനും അരുണിനും തോന്നുന്നു. അടുത്തനിമിഷം അവരും ഒപ്പം ചേർന്ന് പാട്ടും ഡാൻസുമാണ് വേഗത്തിൽ. 58. തന്റെ അടുത്ത് ഡാൻസും പാട്ടും നടക്കുമ്പോൾ അതിനെ അവഗണിച്ചിരിക്കുന്നപടി രജനീഷ് -മനുവും അരുണും എതിരെ ഇരിക്കുന്നുണ്ട്, ഇടതുകൈയ്യിൽ പാതി കുടിച്ച ചായയും വലതുകൈയ്യിലെ ചൂണ്ടുവിരലിൽ ‘വട’ കോർത്ത് ഇരുകൈകളും യഥാക്രമം അല്പം ഉയർത്തി പിടിച്ചിരിക്കുകയാണ് രജനീഷ്. രജനീഷ് എന്തോ ആലോചിച്ചുവന്ന്, അങ്ങനെ തുടരവേ ചായ ഗ്ലാസ്സ് ചെറിയ ശബ്ദത്തിൽ മേശപ്പുറത്ത് വെക്കുമ്പോൾ പാട്ട് പെട്ടെന്ന് നിലക്കുന്നു -അവസാനിച്ചിരുന്നു. അപ്പോഴും ചൂണ്ടുവിരലിൽ കോർത്ത ‘വട’ ഉയർന്നുതന്നെ ഇരുന്നു, ആരും ശ്രദ്ദിക്കാത്തവിധം. 59. Cut. Scene 6 Ext. ചായക്കടയുടെ മുൻവശം. Day 3pm (രജനീഷ് ഇരുകൈകളും പോക്കറ്റിലിട്ട് ചായക്കടയുടെ മുന്നിൽ ഒരു യോഗ്യനെപ്പോലെ മുന്നോട്ട് ലക്ഷ്യംവെച്ചെന്നവിധം നിൽക്കുകയാണ്. വലത്തായി മനുവും ഇടത്തായി അരുണും ഒത്തവിധം നിൽക്കുകയാണ്. മ്ലാനമാണ് എന്ന് തോന്നും രജനീഷിന്റെ മുഖം ) രജനീഷ് : (ഇതുവരെയില്ലാത്ത ഗൗരവത്തിൽ ) “മനു, നമുക്ക് അഞ്ജലിയുടെ വീട്ടിലേക്ക് പോകാം. ഞാനും നിങ്ങളുടെ കൂടെ വന്ന് സംസാരിക്കാം അവിടെ.” അരുൺ : (പെട്ടെന്ന് രജനീഷിനെ നോക്കി ) “എന്റെ ചേട്ടാ, ചേട്ടനിങ്ങനെ ഞങ്ങളെ ഞെട്ടിക്കാതെ!” മനു : (അരുണിനൊപ്പം രജനീഷിനെ നോക്കിപ്പോയിരുന്നു ) “ചേട്ടാ അവളീ നേരമായിട്ടും വിളിച്ചിട്ടില്ല…” (വാചകം പൂർത്തിയാക്കുവാനാകാതെ നിർത്തിപ്പോകുന്നു മനു ) 60.long shot രജനീഷ് : (പഴയപടി തുടർന്ന് ) “പേടിച്ചിട്ട് കാര്യമില്ല. കാര്യം നടത്തിയെടുക്കേണ്ടേ… റിസ്ക് എടുക്കാം, ഞാനുണ്ട്…!” 61.close up രജനീഷ് : (മറ്റിരുവരും പഴയപടി നിൽക്കുമ്പോൾ, പഴയപടി തുടർന്നുതന്നെ ) “ഇനി കറങ്ങി സമയം കളയാനൊന്നുമില്ല. അവിടെ എത്തുമ്പോഴേക്കും അഞ്ജലി വിളിച്ചാലോ,,” 62.medium shot/side/left side of Rajaneesh മനു : (V. O., മൂവരും പഴയപടി തുടരവേ, പഴയപടി ) “ഇന്നിനി ഇങ്ങനെ പോട്ടെ ചേട്ടാ. ഞങ്ങൾക്ക് ചേട്ടനെ ഇഷ്ടപ്പെട്ടു. രണ്ടുദിവസം നമുക്ക് ഒരുമിച്ച് താമസിച്ചിട്ട് പോകാം.” അരുൺ : (V. O., പഴയപടി, മനുവിന്റെ ബാക്കിയെന്നവിധം ) “രജനീഷ് ചേട്ടനെ ഇനി ഒരിക്കലും ഞങ്ങള് മറക്കില്ല. എന്താണെന്നറിയില്ല ഈ സമയംകൊണ്ട് എന്തോ ഒരു ബന്ധം…” രജനീഷ് : (V. O., പഴയപടിയും അത്ര ഇഷ്ടപ്പെടാത്തവിധവും ) “ജീവിതമിങ്ങനെ കളയരുത് മനു. അവസരങ്ങൾ നഷ്ടപ്പെടുത്തരുത്. ഒരു കാര്യം ചോദിക്കട്ടെ ഞാൻ,, നീ അവളെ നോക്കുമോടാ…?” 63.long shot മനു : (മുഖമൊന്ന് മ്ലാനമാക്കി, അല്പം കുനിച്ച്, മുന്നോട്ടൊക്കെ നോക്കിയവിധം ) “ചേട്ടാ അഞ്ജലി എനിക്ക് ജീവനാണ്. പറഞ്ഞറിയിക്കാൻ പറ്റില്ല അത്.” (സാവധാനം, വിഷമം കലർത്തിയാണ് പറഞ്ഞുതീർത്തത് ) 64.close up അരുൺ : (രജനീഷിനെ നോക്കി, മനുവിനൊപ്പമെന്നവിധം ) “അവള് വിളിച്ചാൽ ഞങ്ങളിന്നുതന്നെ പോയി കാര്യം സംസാരിക്കും ചേട്ടാ. (പൂർത്തിയാക്കിയവിധം, ബാക്കിയെന്തോ പറ്റാത്തതുപോലെ ) 65.close up മനു : (പിന്നോട്ട് കൈകെട്ടി നിൽക്കെ, പഴയപടി മുഖം താഴ്ത്തിയൊക്കെ ) “രാജനീഷേട്ടാ, എന്റെ പാതി ഞാൻ ചെയ്തിട്ടുണ്ട്… ബാക്കി ദൈവംതന്നെ വിചാരിക്കണം!” രജനീഷ് : (പഴയപടി തുടരവേ, മുന്നോട്ട് ലക്‌ഷ്യംവെച്ചൊക്കെത്തന്നെ ) “അവളുടെ വീടിന്റെ അങ്ങോട്ട്‌ പോകാം. ബാക്കിയെല്ലാം അവിടെ ചെന്നിട്ട് തീരുമാനിക്കാം.” (അരുൺ ഇരുവരേയും എന്നവിധം നോക്കി നിൽക്കുകയാണ്, രണ്ടുനിമിഷം മൂവരും അങ്ങനെതന്നെ തുടരുന്നു ) 66.medium shot Cut. തുടരും......

https://youtube.com/shorts/hyI3dI_mwXQ?si=9-K_vVaGZuNhw0RL #🍿 സിനിമാ വിശേഷം #🗞 ട്രെൻഡിങ് അപ്ഡേറ്റ്സ് #🎬 പുത്തൻ പടം #📔 കഥ #🎬സിനിമ കോർണർ

https://youtube.com/shorts/hyI3dI_mwXQ?feature=share #🎬സിനിമ കോർണർ #📔 കഥ #🎬 പുത്തൻ പടം #🗞 ട്രെൻഡിങ് അപ്ഡേറ്റ്സ് #🍿 സിനിമാ വിശേഷം

BRENCHER (fantasy comedy 2/4) Screenplay by Hibon Chacko ©copyright protected #🎬സിനിമ കോർണർ #💞 പ്രണയകഥകൾ #📙 നോവൽ #📔 കഥ #🎞 Short Film Corner (മനുവും അരുണും പരസ്പരമൊന്ന് നോക്കുന്നു, സാഹചര്യസമ്മർദ്ദം മൂലവും കൂടിയെന്നവിധം ) കറുത്ത വസ്ത്രധാരി : (മുഖമെടുത്ത് പൊതുവായെന്നവിധം ) “ഞാനും തിരക്കിലാ, നിങ്ങള് നടന്നോ ഞാൻ കൂടെ കൂടാം… അപ്പോൾ പകുതി പ്രശ്നം കഴിഞ്ഞില്ലേ…!” (ലാഘവത്തോടെയും സ്നേഹം കലർത്തിയും ഉള്ള ഈ വാചകങ്ങൾ കേട്ടശേഷം ഇരുവരും പൊതുവായൊരു നിരാശ പ്രകടമാക്കുംവിധം കറുത്ത വസ്ത്രധാരിയെ നോക്കിപ്പോകുന്നു, മൂവരും ഒറ്റനോട്ടത്തിൽ ഒരേപോലെ തോന്നിക്കും ഒരുവശം ) 24.medium shot/back/back of ‘Black man’ കറുത്ത വസ്ത്രധാരി : (ഒരുനിമിഷം അങ്ങനെ തുടർന്നശേഷം, മുഖമല്പം താഴ്ത്തി, മന്ദഹാസം വെടിഞ്ഞു, ഇരുവരും തന്നെ നോക്കി നിൽക്കെ ) “ഞാനുമൊരു കാര്യത്തിന് ഇറങ്ങിയതാണ്, കുറച്ചു സമയമെടുക്കും,, നിങ്ങള് എന്റെ അതേ വൈബാണെന്ന് തോന്നുന്നു…” 25.medium shot (മനുവും അരുണും മുഖമെടുത്ത് പരസ്പരമൊന്ന് നോക്കുന്നു ) മനു : (V. O., ആത്മഗതം, സംശയത്തോടെ ) “വലിയ പ്രായമൊന്നുമില്ലല്ലോ, പക്ഷെ കൂളിംഗ് ഗ്ലാസ്സൊക്കെ വെച്ച്…” അരുൺ : (V. O., ആത്മഗതം, സംശയഭാവത്തോടെ തന്നെ, മറുപടിയെന്നവിധം ) “വള്ളി ആകാതിരുന്നാൽ മതി..ആഹ് ഇനി എന്തോന്ന് വരാൻ.” ക. വസ്ത്രധാരി : (പഴയഭാവത്തിൽ ) “നിങ്ങൾക്ക് ബുദ്ധിമുട്ട് ആണെങ്കിൽ വേണ്ടാ കെട്ടോ, ഞാനിങ്ങനെ ഒറ്റക്കായിപ്പോയതുകൊണ്ട്…” 26.close up/back/back of ‘Black man’ മനു : (നിരാശയും സ്നേഹവും കലർത്തി, പഴയപടി മറ്റിരുവരും നിൽക്കെ, കറുത്ത വസ്ത്രധാരിയോട് ) “അയ്യോ ചേട്ടാ ബുദ്ധിമുട്ട് ഒന്നുമില്ല. ഞങ്ങളിവിടെ എന്റെ കല്യാണക്കാര്യത്തിനായിട്ട് വന്നതാ…” അരുൺ : (ബാക്കിയെന്നവിധം പറയുന്നു കറുത്ത വസ്ത്രധാരിയോട്, മനു തന്റെ സുഹൃത്തിനെ നോക്കിപ്പോകുന്നു ) “…കാര്യം നടക്കാൻ കുറച്ചു സമയമെടുക്കും. ഞങ്ങള് ആ സമയം വരെ ഒന്ന്‌ വെയിറ്റ് ചെയ്യുവാ.” 27.medium shot ക. വസ്ത്രധാരി : (മന്ദഹാസം ഭാവിച്ച്, ആദ്യത്തേപടി, പൊതുവായി, മുഖമുയർത്തി ) “ഇതാണ് ഞാൻ പറഞ്ഞത്. നമുക്കൊന്ന് കറങ്ങി വരാം, സമയവും പോകും ടെൻഷനും മാറും.” 28.close up Cut to: Scene 2B Ext. തുറസ്സായ ചെറിയ ഒഴിഞ്ഞ റോഡിലെ അല്പം മുന്നിലുള്ള ഭാഗം. Day 10:30am (പഴയപടി നടത്തം തുടരുന്ന അരുണിന്റെയും മനുവിന്റെയും നടുവിൽ യോഗ്യനെപ്പോലെ കറുത്ത വസ്ത്രധാരി നടക്കുകയാണ് ഒപ്പം ) ക. വസ്ത്രധാരി : (തുടക്കമിട്ടെന്നവിധം, മ്ലാനത മുറിച്ച് ) “ശരി. നിങ്ങൾക്കൊന്നും പറയാനില്ലേൽ ഞാൻ പറയാം. സിനിമയൊക്കെ ചെയ്യണം എന്നായിരുന്നു എന്റെ ആഗ്രഹം, എങ്ങും എത്തിയില്ല… ഇപ്പോ ഇങ്ങനെ അലച്ചിലാണ് ഹോബി, വീട് കുറച്ചു മുകളിലാണ്… ചിലരോട് ഇങ്ങനെ കമ്പനിയടിക്കുമ്പോൾ അവര് കൂടെ താമസിക്കുവാൻ ക്ഷണിക്കും, ആരെയും കിട്ടാത്തപ്പോൾ ലോഡ്ജിലോ മറ്റോ താമസിക്കും! എന്റെ പേര് രജനീഷ്.” 29.long shot/side/right side of Arun/pan രജനീഷ് : (മുന്നോട്ടങ്ങനെ നടക്കുന്നതിനിടയിൽ, പെട്ടെന്ന് ഇരുവരുടെയും കൈകളിൽ തന്റെ ഇരുകൈകൾകൊണ്ട് യഥാക്രമം പിടുത്തമിട്ട് നടത്തം നിർത്തിച്ചശേഷം, അങ്ങനെ തുടരവേ, ഇരുവരും തന്നെ നോക്കിപ്പോകാവേയും ) “നിങ്ങള് വല്ലതും കഴിച്ചായിരുന്നോ…” (ഇരുവരും അങ്ങനെ തുടരവേ ‘ഇല്ല’, ‘സാഹചര്യം ഒത്തില്ല’ എന്ന അർത്ഥത്തിൽ മുഖമൊന്ന് താഴ്ത്തുകയും മറ്റും ചെയ്യുന്നു ) “അതാണ്, ഞാനും കഴിച്ചിട്ടില്ല. വാ നമുക്ക് ബ്രഞ്ച് കഴിക്കാം. എനിക്കൊരു കമ്പനി താടോ നിങ്ങള്…” (അവസാനവാചകം ഒരു പ്രത്യേക ഭാവത്തിൽ പറഞ്ഞ് ഇരുവരേയും അതേ ഭാവത്തിൽ മാറി മാറി നോക്കുന്നു രജനീഷ്, ശേഷം മുന്നോട്ടാഞ്ഞ ഭാവത്തിൽ മുഖം കാണിക്കുന്നു) 30.medium shot/tracking * Cut. Scene 3 Ext. ആരാധനാലയത്തെ ചുറ്റിപ്പറ്റിയുള്ള ഒരിടം. Day 11:30am (ഒരു ആരാധനാലയത്തെ ചുറ്റിപ്പറ്റിയുള്ളതും, തുറസ്സായതും എന്നാൽ രഹസ്യമായി തോന്നിക്കുന്നതുമായ ഒരു ഭാഗത്തേക്കെന്നവിധം, വിശാലമായൊരു ഗ്രൗണ്ട് പോലെയുള്ള ഭാഗത്തുകൂടി നടന്നുവന്ന് കേറുകയാണ് ആദ്യം രജനീഷും പിറകെ മനുവും അതിനും പിറകേ അരുണും -ടൗൺ ഏരിയയിൽ ആണ്. ഒരുഭാഗത്ത് താഴെക്കിറങ്ങുവാനുള്ള നടകളും മറ്റുമാണ്. ആ ഭാഗത്ത് രണ്ട് ബൈക്കുകൾ പരസ്പരം ചേർത്തിട്ടിരിക്കുന്നതിന്റെ അടുത്തായി നിന്ന് മൂന്നുപേർ പരസ്പരം സംസാരിക്കുകയാണ്. മൂവർ സംഘം ആ രംഗം ശ്രദ്ദിക്കാതെ ‘ലഞ്ച്’ കഴിച്ചതിന്റെ ആധിക്യത്തിൽ ഒരുവിധമാണ് നടപ്പ് -അലക്ഷ്യമായും. നടത്തം മൂവരും ഏതാണ്ടൊക്കെ നിർത്തുകയാണവിടെ) രജനീഷ് : (V. O., വയറ് നിറഞ്ഞവിധം ) “ഹെന്റമ്മോ വയറ് നിറഞ്ഞു. കുറച്ചു നേരമൊന്ന് വിശ്രമിച്ചാലോ…!” 31.long shot/low angle /left side of Rajaneesh * (മൂവരും അവിടെയെങ്ങനെ ചുറ്റിത്തിരിഞ്ഞു നിൽക്കുന്നനിമിഷം മനു യാദൃശ്ചികമെന്നപോലെ തന്റെ വലത്ത് ഒരു കാഴ്ച കാണുന്നു -മുഖം മിഴിച്ചുപോകുന്നു) മനു: (കൈകൊണ്ട്, തന്റെ പിന്നിലായൊക്കെ നിൽക്കുന്ന അരുണിനോട്) “എടാ പണി പാളി, ദേ അഞ്ജലിയുടെ ചേട്ടൻ.” (തന്റെ നോട്ടം പറിക്കാതെയാണ് മനുവിങ്ങനെ തുടരുന്നത്, രജനീഷ് പുറംതിരിഞ്ഞപടി നിലകൊള്ളുന്നുണ്ട്, അരുൺ തന്റെ വലത്തേക്ക് ശ്രദ്ദിക്കുന്നു-മനുവിനെ ശ്രദ്ദിച്ചശേഷം, അരുണും മ്ലാനമുഖനായി പോവുകയാണ്. പെട്ടെന്ന് രജനീഷ് വലത്തേക്ക് നോക്കി സ്തംഭിച്ച് നിൽക്കുന്ന ഇരുവരേയും, തന്റെ ഇടത്തേക്ക് തിരിഞ് നോക്കുന്നു) രജനീഷ്: (നെറ്റിചുളുപ്പിച്ച് പതിഞ്ഞ സ്വരത്തിൽ) “എന്താ എന്തുപറ്റി?” 32.medium shot/side/right side of Manu* അരുൺ: (മുഖമെടുത്ത് രജനീഷിനെ നോക്കി, മുന്നിൽ മനു മുഖമെടുത്ത് തലതാഴ്ത്തി നിന്നുപോകുമ്പോൾ) “നമ്മുടെ റൈറ്റ് സൈഡിൽ അങ്ങ് നിൽക്കുന്നത്, അഞ്ജലിയുടെ ചേട്ടനാ, മനുവിന്റെ കാമുകിയുടെ…” (ഇരുവരുമങ്ങനെ തുടരവേ, പഴയപടി സംസാരം തുടരുന്ന മൂവർ സംഘത്തെ രജനീഷ് നോക്കിപ്പോകുന്നു) 33.close up/P.O.V. of Rajaneesh/pan രജനീഷ് : (തന്റെ ഇടത്തേക്ക് മുഖം തിരിച്ച് നോക്കിനിൽക്കെ -അഞ്ജലിയുടെ ചേട്ടനെയും കൂട്ടരെയും എന്നവിധം ) “മനു നിന്റെ വിദ്യാഭ്യാസം, ജോലി ഇതൊക്കെ ഓക്കെയാണോ?” മനു : (O. S., മറുപടിയെന്നവിധം ) “ഞാനൊരു എം. കോം. കാരനാ ചേട്ടാ, ഇൻഫോ പാർക്കിൽ ജോലി ആണ്.” അരുൺ : (O. S., സംശയഭാവത്തിൽ ലാഘവത്തോടെ ) “എന്താ ഉദ്ദേശം!?” (രജനീഷ് പഴയപടി തുടരുകയാണ് ) 34.close up/left side of Rajaneesh * രജനീഷ് : (ഇടത്തേക്ക് തിരിച്ച മുഖം മുന്നിലേക്ക്, മനുവിനും അരുണിനും നേരെയാക്കിയെന്നവിധം, സംശയഭാവത്തോടെ ) “നീ അഞ്ജലിയെ നന്നായിട്ട് നോക്കുമോ?” മനു : (O. S., മറുപടിയെന്നവിധം ) “അതെന്ത് ചോദ്യമാ ചേട്ടാ…!” (രജനീഷ് അങ്ങനെ രണ്ടുനിമിഷം തുടരുന്നു ) 35.close up രജനീഷ് : (പഴയപടി തുടരവേ, തന്റെ മുന്നിൽ നിൽക്കുന്ന ഇരുവരോടുമായി ) “നിങ്ങളിവിടെ നിൽക്ക്, ഞാനിപ്പോൾ വരാം…” (ഇത്രയും പറഞ്ഞതും, അഞ്ജലിയുടെ ചേട്ടനെ ലക്ഷ്യമാക്കിയെന്നവിധം രജനീഷ് വേഗത്തിൽ തിരിഞ് നടന്ന് പോകുന്നു ) അരുൺ : (കൈകൾ ഉപയോഗിച്ച് ) “ഏയ്, ചേട്ടാ…” (അരുൺ അങ്ങനെതന്നെ നിന്നുപോവുകയാണ് -ഉയർത്തിയ കൈകളും തുറന്ന വായയും ഉപയോഗിച്ച്. മനുവാകട്ടെ മൊത്തത്തിൽ സ്വയമൊന്ന് തളർന്ന് ഇരുകൈകളും അരയ്ക്കുകൊടുത്ത് രംഗത്തേക്ക് നോക്കി നിന്നുപോയതേയുള്ളൂ…) 36.medium shot/right side of Manu (തന്റെ സുഹൃത്തുക്കളോടെന്നവിധം സംസാരിച്ചുകൊണ്ടിരുന്ന ചേട്ടന്റെ അടുത്തേക്ക് രജനീഷ് ചെല്ലുന്നത് ശ്രദ്ദിച്ച് ആദ്യം ചേട്ടനും എതിരെ നിൽക്കുന്ന ഇരുവരും നോക്കിപ്പോവുകയാണ് -മൂവരും മുണ്ടാണ് വേഷം, മടക്കി ഉടുത്തിരിക്കുന്നു ) രജനീഷ് : (ചെന്ന് ചേട്ടനും ഇരുവർക്കും നടുവിൽ ഒരിടത്തെന്നപ്രതി നിന്നശേഷം, ഒറ്റക്ക് നിന്നിരുന്ന അഞ്ജലിയുടെ ചേട്ടനോട് ) “അഞ്ജലിയുടെ ചേട്ടനല്ലേ, ഒരുകാര്യം പറയാനുണ്ട്. ഒന്ന്‌ വരാമോ?” (താഴേക്കുള്ള നടകളെ ലക്ഷ്യംവെച്ചെന്നവിധവും പ്രൈവസി ആവശ്യപ്പെടുന്നവിധവും രജനീഷ് തുടർന്നുനിന്നു. ചേട്ടൻ അല്പം രൂക്ഷഭാവം പോലെയൊന്ന് മുഖത്തുവരുത്തി ഒരുനിമിഷം രജനീഷിനെ നോക്കിനിന്നുപോവുകയാണ് ) 37.medium shot/tracking */back/back of Rajaneesh Cut to: Scene 3B Ext. ആരാധനാലയത്തെ ചുറ്റിപ്പറ്റിയുള്ള ഒരു നട. Day 12pm (നടകൾ ഇറങ്ങിവരുന്നിടത്ത് ഇരുപോക്കറ്റുകളിലും യഥാക്രമം സ്വന്തം കൈകൾ ഇട്ടുകൊണ്ട് അഞ്ജലിയുടെ ചേട്ടന്റെ മുന്നിലായി നിൽക്കുകയാണ് രജനീഷ്, ചേട്ടൻ പഴയപടി മുണ്ട് മടക്കിക്കുത്തിത്തന്നെയാണ് നിൽപ്പ് ) രജനീഷ് : (സാവധാനം, മുഖത്തേക്ക് നോക്കി ) “ചേട്ടാ, എന്റെ കൂട്ടുകാരൻ മനുവിന് അഞ്ജലിയെ ഇഷ്ടമാണ്.” (ചേട്ടൻ സ്വന്തം മുഖമൊന്ന് ലഘുവായി അനക്കിപ്പോകുന്നുണ്ട് ) “അവന് അഞ്ജലിയെ കല്യാണം കഴിക്കണമെന്ന് ആഗ്രഹമുണ്ട്.” ചേട്ടൻ : (കൈകൾ മടക്കിക്കെട്ടി നെഞ്ചിൽ പിണച്ചുവെച്ചശേഷം ) “ഓഹോ! ആട്ടെ അവൾക്ക് ഇഷ്ടമാണോ!?” രജനീഷ് : (പഴയപടി ) “അതെ ചേട്ടാ. അഞ്‌ജലിക്കും ഇഷ്ടമാണ് മനുവിനെ.” 38.long shot*/side/right side of Rajaneesh രജനീഷ് : (പെട്ടെന്ന് മന്ദഹാസം പൊഴിച്ച് കൈകൾ പോക്കറ്റുകളിൽ നിന്നൂരി, ഇടത്തേ കൈകൊണ്ട് വലത്തേ കൈയ്യുടെ വിരലുകൾ എണ്ണിമടക്കിക്കൊണ്ട്, ചേട്ടനോട് ) “ചേട്ടാ, മനു നല്ല ചെറുക്കനാണ്, ഇൻഫോ പാർക്കിൽ ജോലിയുണ്ട്, എം. കോം. കാരനാണ്, ശമ്പളമുണ്ട്, അഞ്‌ജലിക്ക് സുഖമായിട്ട് മനുവിന്റെ കൂടെ ജീവിക്കാം…!” (എണ്ണി തീരവേ മുഷ്ടി ചുരുട്ടിയപടിയാക്കി കാണിച്ചുപോകുന്നു ചേട്ടനെ രജനീഷ് ) 39.medium shot /back of Anjaly’s Bro. ചേട്ടൻ : (പെട്ടെന്ന് രജനീഷിന്റെ മന്ദഹാസം അനുകരിക്കുന്നു ) “ഒരുകാര്യം പറയാനുണ്ട്, ഇങ്ങടുത്ത് വരാമോ?” (മന്ദഹാസം വിടാതെ, നെഞ്ചിലെ കെട്ടിവെച്ച കൈകൾ അഴിച്ച് വകതുകൈയ്യാൽ ആംഗ്യം കാണിച്ചാണ് ചേട്ടൻ പറഞ്ഞത്. രജനീഷ് മന്ദഹാസം വിടാതെ കൂടുതൽ അടുത്തേക്ക് ചെന്നുനിൽക്കുന്നു, കൃത്യം മുഖാമുഖം ഇരുവരും ) 40.medium shot/back of Rajaneesh ചേട്ടൻ : (O. S., മന്ദഹാസം വിടാതെയെന്നവിധം, പെടുന്നനെ രജനീഷിന്റെ ‘മധ്യത്തിൽ’ പിടിച്ച് ഞെരിക്കുന്നു, വായയിലേക്ക് എന്തോ എത്തിപ്പെട്ടവിധം രജനീഷ് നിശ്ചലനവുകയാണ്.) “മേലാൽ ഈ പണിയുമായിട്ട് വന്നാൽ നീയും മേടിക്കും…” (രജനീഷിന്റെ ചിരി മായിച്ചവിധം വായയിൽ വായു നിറയുകയാണ്, ഒന്നാം ഘട്ടം ) “ഇത് വിട്ടില്ലേൽ നിന്റെ കൂട്ടുകാരനും മേടിക്കും…” (രജനീഷിന്റെ വായയിൽ വായു അടുത്തഘട്ടം നിറയുന്നു, കണ്ണുകൾ മിഴിച്ചവിധം, ആളല്പം പൊങ്ങി നിന്നുപോവുകയാണ് ) “…കേട്ടോടാ കോമാളി…” (വായയിൽ നിറഞ്ഞ വായു മുകളിലേക്ക് കയറും വിധം കണ്ണുകളും പുരികവും വികസിപ്പിച്ച്, വീർത്തു പൊട്ടാറായ കവിളുകളുമായി, വേദനകൊണ്ട് പുളഞ്ഞവിധം നിന്ന് സമ്മതഭാവത്തിൽ മറുപടിയായി തലയാട്ടുകയാണ് രജനീഷ്. രജനീഷ് ചിരിക്കുകയാണോ കരയുകയാണോ എന്ന് സംശയിപ്പിക്കുന്ന ഭാവമാണ് മുഖത്ത് വരുത്തുന്നത്.) 41.close up/P.O.V. of Anjaly’s Bro. Cut to: Scene 3 -CONTINUE (രജനീഷ് വേഗത്തിൽ, കാലുകളല്പം അകത്തിയൊക്കെ, പഴയപടിയൊക്കെ തുടർന്നപടി നിൽക്കുന്ന മനുവിന്റെയും അരുണിന്റെയും അടുത്തേക്ക് എത്തുകയാണ്. പിന്നിലായി തന്റെ ഇരുകൂട്ടുകാരോടും സാവധാനം ചേരുന്ന ചേട്ടനെ കാണാം. മനുവും അരുണും രജനീഷിനെ ശ്രദ്ദിച്ചാണ് നിൽപ്പ്.) ചേട്ടൻ : (O. S., പഴയപടി തുടർന്ന് ) “ഒരുമിനിറ്റ് കൂടി നീയിവിടെ നിന്നാൽ എന്റെ കൂട്ടുകാരെക്കൂടി കാണാം. അതുകഴിഞ്ഞാൽ നിന്റെ കൂട്ടുകാരെ ഞങ്ങൾക്കൊന്ന് കാണണം.” രജനീഷ് : (മനുവിന്റെയും അരുണിന്റെയും അടുത്തേക്ക് വേഗത്തിൽ എത്തിനിന്നശേഷം, വരുന്നപടിതന്നെ ) “എല്ലാം ഓക്കേ. മനുവിന്റെ കാര്യം ഞാൻ പറഞ്ഞിട്ടുണ്ട്.” (വാചകങ്ങൾ അല്പം ബുദ്ധിമുട്ടിലാണെന്ന് കാണാം വേണമെങ്കിൽ ) “വീട്ടിൽ സംസാരിക്കട്ടെ എന്നുംപറഞ് അളിയൻ പിരിഞ്ഞു…” (ഇരുകൈകളാലും ഒരുവിധം മനുവിനെയും അരുണിനെയും അശ്വസിപ്പിക്കുവാനും മറ്റുമൊക്കെ ശ്രമിച്ചു പരാജയപ്പെടുന്നപോലെയാണ് ) 42.long shot*/back of Manu and Arun/ back അരുൺ : (ആത്മാർത്ഥതയോടെയെന്നവിധം, മൂവരുമങ്ങനെ തുടരവേ ) “ചേട്ടാ, ഇവൻ അഞ്ജലിയുടെ അടുത്ത് പുലി… ബാക്കിയെല്ലായിടത്തും എലിയാണ്…” മനു : (രജനീഷിൽ നിന്നും മുഖമെടുത്ത് അരുണിനെ നോക്കി ) “ഇത് ഇപ്പോഴെന്തിനാ നീ പറഞ്ഞത്?” അരുൺ : (പഴയപടി ) “ചുമ്മാ ഇരിക്കട്ടെടാ.” (ഈ സമയമാകെ പരിക്കിന്റെ ഞെരിവിളി അടക്കുകയായിരുന്നു രജനീഷ് -ഇരുകൈകളും താഴ്ത്തി അത് പാന്റ്സിന്റെ പാക്കറ്റുകളിലേക്കിട്ട്, ശേഷം അത് ചുരുട്ടിപ്പിടിച്ചും മറ്റുമൊക്കെ -ഇരുവരും ശ്രദ്ദിക്കാത്തവിധവും മറ്റുമൊക്കെ ) 43.long shot/back /back of Rajaneesh രജനീഷ് : (ഇരുവരും പഴയപടി തുടരവേ, മുഖമല്പം താഴ്ത്തി ) “പേടിക്കാനുമില്ല, ഒന്നും പറ്റിയുമില്ല,, ഇവിടുത്തെ കാര്യം കഴിഞ്ഞു, തത്കാലം വാ പോകാം.” (സാഹചര്യത്തിന്റെ ധൃതിയിലാണ് രജനീഷ് ഈ വാചകങ്ങൾ പറഞ്ഞത്. മൂവരും ഒരുനിമിഷമങ്ങനെ തുടർന്നുപോവുകയാണ് ) 44.medium shot Cut. തുടരും......

https://youtube.com/shorts/vnErSqT_Sxc?feature=share #🎬സിനിമ കോർണർ #🏥 ആരോ​ഗ്യ അപ്ഡേറ്റ്സ്‌ #💃My ഫാഷന്‍ ലുക്ക് #📱 മൊബൈല്‍ ഫോട്ടോഗ്രഫി #✍️വിദ്യാഭ്യാസം

BRENCHER (fantasy comedy 1/4) Screenplay by Hibon Chacko ©copyright protected #📔 കഥ #📙 നോവൽ #💞 പ്രണയകഥകൾ #🎞 Short Film Corner #🤝 സുഹൃദ്ബന്ധം Opening credits (BLACK SCREEN *, Title- BRENCHER (Breakfast+Lunch+Dinner) Scene 1 Ext. ഉള്ളേരിയയിലെ തുറസ്സായ റോഡ്. Day 9am (അല്പം തിടുക്കത്തിൽ നടക്കുന്ന രണ്ട് യുവാക്കളുടെ കാലുകൾ, ഇരുവരും ഷൂസ് ആണ് ധരിച്ചിരിക്കുന്നത്, പാന്റ്സും ) വലത്തേവൻ : (O. C., ധൃതിയോടെ ) “എടാ ഇത്ര സ്പീഡിൽ പോണോ…? ഒരു പത്ത് -പതിനൊന്ന് മണി നോക്കിയാൽ പോരെ?” ഇടത്തേവൻ : (O. C., ധൃതിയോടെ തന്നേ ) “എടാ വീടിന്റെ പരിസരത്ത് എത്തിയാൽ പിന്നെ, അവള് പറയുന്നപോലെയാ കാര്യങ്ങൾ…” 1.close up/tracking /low angle ഇടത്തെവൻ : (O. C., പഴയപടി ) “അവിടെ ചെന്നാലേ ഒരു സമാധാനമാകത്തുള്ളൂ… ചെന്നിട്ടൊന്ന് ശ്വാസം വിട്ട് ഫ്രീയാകാമല്ലോ!” വലത്തേവൻ : (O. C., നടക്കേ, പഴയപടി ) “നടന്ന് ഒരു പരുവമാകുന്ന ലക്ഷണം ഉണ്ട്… അതാ ഞാൻ ചോദിച്ചത്!” 2.close up/tracking /back/low angle ഇടത്തെവൻ : (പഴയപടി തുടരവേ, മുന്നോട്ടു ലക്‌ഷ്യംവെച്ചെന്നവിധം ) “ഇന്റർകാസ്റ്റ് പ്രണയം സാക്ഷാത്കരിക്കാൻ നടക്കുന്ന എന്റെ വിഷമം നിനക്കിപ്പോൾ, മനസ്സിലാകില്ല…” വലത്തേവൻ : (മുന്നോട്ട് തുടരവേ, ഇടത്തേവനെ നോക്കി ) “എടാ ഞാൻ പറഞ്ഞെന്നേയുള്ളൂ വെറുതെ. നമുക്കവിടെ ചെന്നിട്ട് ബാക്കി നോക്കാം, പേടിക്കേണ്ട.” 3.medium shot/tracking ഇടത്തേവൻ : (പഴയപടി മുന്നോട്ട് തുടർന്ന്, തന്നെ നോക്കി നടക്കുന്ന വലത്തേവനോട് ) “അവളുടെ വീട്ടിലിന്ന് ചെന്ന് കാര്യം പറഞ്ഞ് ഒരു, തീരുമാനമാക്കാതെ എനിക്കൊരു, രക്ഷയുമില്ല…” വലത്തേവൻ : (മുഖമെടുത്ത് മുന്നോട്ട് നോക്കി നടപ്പ് തുടരവേ ) “സാരമില്ല. ഒരു കാര്യം നടത്തിയെടുക്കുന്നത് ഇങ്ങനെയൊക്കെയാ… എന്റെ വണ്ടി രണ്ട് ദിവസമായി പണിമുടക്കി ഇരിക്കുവാ,, നിന്റെ വണ്ടിയാണേൽ വർക്ക് ഷോപ്പിലും…!” 4.medium shot/back/tracking (ഇരുവരും തുറസ്സായ റോഡിലൂടെ, പ്രദേശത്തുകൂടി മുന്നോട്ട് നടക്കുകയാണ് പഴയപടി ) ഇടത്തേവൻ : (പഴയപടി തുടരവേ ) “ബൈക്ക് നന്നാക്കുന്നതുവരെ നോക്കിയിരുന്നാൽ, എന്റെ കാര്യം വർക്ക്‌ഷോപ്പിൽ കേറുമെന്നാ അവള് പറഞ്ഞിരിക്കുന്നത്.” (വലത്തേവൻ മറുപടി രഹിതനായി മുന്നോട്ട് തുടരുകയാണ് ) ഇടത്തേവൻ : (ഒന്ന്‌ നിർത്തിയശേഷം, പഴയപടി തുടർന്ന് ) “എന്റെ കല്യാണം ആലോചിക്കാനാ നമ്മളിപ്പോൾ പോകുന്നത്… അതിന്റെ ചൂട് വല്ലതും നിനക്കുണ്ടോ?” വലത്തേവൻ : (പെട്ടെന്നെന്നവിധം, ഇടത്തേവനെ നോക്കി ) “അറിയാടാ, നമ്മളിപ്പോൾ ചെന്ന് കാര്യം സംസാരിക്കുന്നു… എന്നിട്ടേ വീട്ടുകാരേംകൊണ്ട് വരാൻ പറ്റൂ,, ഇതല്ലേ നമ്മള് തീരുമാനിച്ചിരിക്കുന്നത്…!” (ഇടത്തേവൻ മറുപടി രഹിതനെന്നവിധം മുന്നോട്ട് തുടരുകയാണ് ) 5.long shot /side /left side of main young man (ഇടത്തേവൻ )/pan Cut. Scene 1B Ext. ഉള്ളേരിയയിലെ തുറസ്സായ റോഡിലെ ഒരു വളവ്. Day 9:30pm തക്കും പൊക്കും നോക്കാതെ നോക്കിയെന്നവിധം ഇടത്തേക്ക് വഴിതിരിയുന്ന ഒരു വളവിൽ, വഴിക്ക് മുഖമായി ഇരുവരും നിൽക്കുകയാണ് -കാത്തെന്നവിധം. (ഇടത്തേവന്റെ ഇടത്തേ കൈയ്യിൽ ഫോൺ ഇരിക്കുന്നുണ്ട് ) 6.long shot/low angle (ഇരുവരും പഴയപടി തുടരുകയാണ്, ധൃതിയും ആകാംക്ഷയുമൊക്കെ പ്രകടമാണ് -പ്രത്യേകിച്ച് ഇടത്തേവന്. പെട്ടെന്ന് ഇടത്തെവന്റെ ഫോൺ റിങ്ങ് ചെയ്യുന്നു ) ഇടത്തെവൻ : (ഇടത്തേ കൈയ്യിലിരിക്കുന്ന ഫോണിലേക്ക് നോക്കി, ആളെ മനസ്സിലാക്കി, ചലനംകൂടാതെ ഫോൺ ചെവിയിൽ വെക്കുന്നു ) “ആ എടീ, ഞങ്ങള് വീടിന്റെ പരിസരത്തുണ്ട്… അങ്ങോട്ട്‌ വരട്ടെ ഇപ്പോൾ?” (വലത്തേവൻ, ഇടത്തേവനെ നോക്കിപ്പോകുന്നു -ശ്രദ്ദിച്ചെന്നവിധം ) യുവതി : (V. O., ധൃതിയിൽ കോളിലൂടെ ) “എടാ ഒരു പണി കിട്ടി. എന്റെ അങ്കിൾ രാവിലെ വരുന്നുണ്ട്. ഇപ്പോൾ വന്നാൽ ശരിയാവത്തില്ല, ആളിത്തിരി സീനാണ്…” 7.medium shot/side/left side of main young man ഇടത്തേവൻ : (നിരാശ ധൃതിയിൽ മുഖത്ത് വരുത്തി, ഫോൺ കൈമാറി വലത്തേ ചെവിയിൽ വെച്ചശേഷം ) “എടീ ഞാനിന്ന് രാവിലെ മുതൽ മുൾമുനയിലാ നിൽപ്പ്. നമ്മുടെ കാര്യം നടക്കേണ്ടേ…” (വാചകങ്ങൾ പൂർത്തിയാക്കുവാൻ പറ്റാതെ തുടരുന്നു, പഴയപടി ) യുവതി : (V. O., പഴയപടി ) “നീയെന്താ മനു ഇങ്ങനെ സംസാരിക്കുന്നത്… നിനക്കെല്ലാം അറിയാവുന്നതല്ലേ,, എന്റെ വീട്ടുകാര് കുറച്ചു ടെററാണെന്ന് നിനക്കറിയില്ലേ,, അങ്കിൾ പോയിട്ട് സാഹചര്യം ഓക്കേ ആണെങ്കിൽ ഞാൻ വിളിക്കാം, എന്നിട്ട് വന്നാൽ മതി!” (ധൃതിയോടൊപ്പം സാഹചര്യസമ്മർദ്ധവും യുവതിക്കുണ്ട്, മനുവിന്റെ മുഖം മ്ലാനമായി തുടരുകയാണ് ) 8.close up/right side of Manu മനു : (മുഖത്ത് ധൃതികലർന്ന സാഹചര്യത്തിന്റെ നിരാശ വരുത്തി, ലഘു ദേഷ്യം സ്വയം മുഖത്ത് പ്രകടമാക്കി -ഫോൺ ചെവിയിലിരിക്കെ ) “എടീ…ദേവൂ…” (വാചകം പൂർത്തീകരിക്കുവാനാകുന്നില്ല ) യുവതി : (V. O., പഴയപടി ധൃതി വിടാതെ ) “നീ ടെൻഷനാകാതെ മനു, നിന്നെക്കാൾ ടെൻഷനുണ്ട് എനിക്ക്… മനസ്സിലാക്ക്,, നീ…നീ ഫോൺ അരുണിന്റെ കൈയ്യിൽ കൊടുത്തേ…ഞാൻ, ഞാൻ പറയാം അവനോട്.” (അല്പം ഉച്ചത്തിൽ ഒന്ന്‌ കൃത്രിമമായി നിശ്വസിക്കുന്നു മനു ) യുവതി : (V. O., തുടർന്ന് ) “നീ വേഗം കൊടുത്തേടാ, സമയമില്ല എനിക്ക്…” 9.close up മനു : (ഒരുനിമിഷം തണുത്ത്‌, വലതുചെവിയിലെ ഫോൺ, അരുണിനെ നോക്കി, നീട്ടിക്കൊണ്ട് ) “ഇന്നാടാ, അവൾക്കെന്തോ പറയാനുണ്ടെന്ന് നിന്നോട്…” അരുൺ : (മനുവിനെ നോക്കി, മെല്ലെയെന്നവിധം ഫോൺ വാങ്ങി ഇടത്തേ ചെവിയിൽ വെച്ചശേഷം -നേരെ നോക്കിയെന്നവിധമൊക്കെ ) “ആ…അഞ്ജലി, പറ…” യുവതി : (V. O., പഴയപടി, ലഘു ധൃതിയിൽ ) “എടാ ഞാനവനോട് കാര്യം പറഞ്ഞിട്ടുണ്ട്. ഇപ്പോ ഇങ്ങോട്ട് വരേണ്ട.” അരുൺ : (പഴയപടി തുടരവേ, തന്റെ സുഹൃത്തിനെയൊന്ന് നോക്കിയശേഷം, പഴയപടി തുടർന്ന് ) “അല്ല, ഞങ്ങളിവിടെ വന്ന് നിൽക്കുവാ…” (വാചകം മുഴുമിപ്പിക്കുന്നില്ല ) 10.medium shot/side/left side of Manu യുവതി : (V. O., തുടർച്ച, പഴയപടി തുടരുന്ന അരുണിനോട് ) “എടാ നിനക്കൊക്കെ എന്താടാ കാര്യം പറഞ്ഞാൽ മനസ്സിലാകാത്തെ…” (ഒരു പ്രത്യേക ഭാവം അരുണിന്റെ മുഖത്ത് -അംഗീകരിച്ച അവസ്ഥ അഞ്ജലിയെ ) “വീടിന്റെ പരിസരത്ത് ഒക്കെ കിടന്ന് കറങ്ങിയാൽ, എടാ ചേട്ടനെ അറിയാമല്ലോ…” (യുവതി കൃത്രിമമായി തണുപ്പിച്ചാണ് വാചകങ്ങൾ പൂർത്തിയാക്കാതെ അവസാനിപ്പിച്ചത്, അരുൺ മുഖമല്പം താഴ്ത്തിപോകുന്നു -സാഹചര്യം മുഴുവൻ കണക്കിലെടുത്തെന്നവിധം ) അരുൺ : (മുഖം താഴ്ത്തി തുടരവേ ) “മനസ്സിലായി.” (മുഴുമിപ്പിക്കാതെ നിർത്തുന്നു ) യുവതി : (V. O., പഴയപടി തുടർച്ച ) “താങ്ക്സ് ഡാ. ഞാൻ വിളിക്കാം, സമയം താ എനിക്ക്…” (കോൾ അഞ്ജലി കട്ടാക്കിയവിധം, ഫോൺ താഴ്ത്തി മുഖമൊന്നുയർത്തുന്നു അരുൺ ) 11.close up മനു : (സമത്വഭാവത്തോടെ, അരുണിനെ നോക്കിയെന്നവിധം ) “ഊമ്, നിന്റെ സഹോദരി എന്നാ പറഞ്ഞു…” 12.close up/right side of Manu അരുൺ : (മനുവിന്റെ തോളിൽ തട്ടിക്കൊണ്ട് ) “നീ വന്നേ, നമുക്ക് കുറച്ചങ്ങോട്ടേക്ക് മാറി നിൽക്കാം, എന്നിട്ട് പറയാം.” (തന്നെ നോക്കി തുടരുന്ന മനുവിനെയും കൊണ്ട് അരുൺ വന്നവഴിയെന്നവിധം പിന്നോട്ട് നടക്കുന്നു -വളവിൽ നിന്നും ) 13.long shot /low angle Cut. Scene 2 Ext. തുറസ്സായ ചെറിയ ഒഴിഞ്ഞ റോഡ്. Day 10am സാവധാനം വന്നവഴി തിരികെയെന്നവിധം നടക്കുന്ന അരുണും മനുവും -ഇരുവരുടെയും കാലുകൾ (വലത്ത് അരുണും ഇടത്ത് മനുവും ) 14.close up/tracking ഇരുവരും അതേപടി മുന്നോട്ട് നോക്കി, എന്നാൽ ഏതാണ്ട് ലക്ഷ്യബോധം നഷ്ടമായവിധം നടക്കുകയാണ്. 15.medium shot/tracking അതേപടി ഇരുവരും മുന്നോട്ട് നടക്കുകയാണ്, ഒഴിഞ്ഞുകിടക്കുന്ന, ഏതാണ്ട് തുറസ്സായ പ്രദേശത്തുള്ള ആ ചെറിയ റോഡിലൂടെ. മുന്നിൽ ഇടതുവശം ചേർന്ന്, റോഡിന്റെ ഇടതുവശത്തേക്ക് നോക്കി ചലനമറ്റവിധം ഒരാൾ നിൽക്കുന്നുണ്ട് -ഒറ്റനോട്ടത്തിൽ കറുത്ത വേഷം, ഇരുകൈകളും പാന്റ്സിന്റെ പോക്കറ്റിൽ (കറുത്ത ഷർട്ട്, കറുത്ത പാന്റ്, വെളുത്ത ഷൂസ്, തോളിലൊരു ക്രോസ്സ് ബോഡി ബാഗ്, കറുത്ത കൂളിംഗ് ഗ്ലാസ്സ്, തലമുടിയും താടിയും ഭംഗിയാക്കിയിട്ടുണ്ട് ഒത്തവിധം ). ഇരുവരും നടന്നടുക്കുകയാണ് മുന്നോട്ട് – ചുറ്റുപാടും ശ്രദ്ദിക്കാത്തവിധം. 16.medium shot/back/tracking പഴയപടി തുടരുന്ന കറുത്ത വസ്ത്രധാരിയുടെ കാലുകൾ. വന്നവഴി, കറുത്ത വസ്ത്രധാരിയെ പിന്നിട്ട് പോവുകയാണ് അരുണും മനുവും -ഇരുവരുടെയും കാലുകൾ* 17.close up/low angle/left side of Manu (അരുണും മനുവും പഴയപടി മുന്നോട്ട് സാവധാനമുള്ള നടത്തം തുടരുകയാണ് ) കറുത്ത വസ്ത്രധാരി : (O. C., അല്പം ഉച്ചത്തിലും എന്നാൽ സ്നേഹം ഭാവിച്ചും ) “ഹലോ,, ബോയ്സ്… എന്താടോ ഒരു മൈൻഡ് ഇല്ലാത്തത്!?” (ഈ വാചകങ്ങൾ കേട്ട് ഇരുവരും പിന്നിലേക്ക് തിരിഞ് നോക്കിനിന്നുപോകുന്നു -പരസ്പരമാണ് തിരിയുന്നത്, മുഖാമുഖം ) 18.medium shot/back/tracking * കറുത്ത വസ്ത്രധാരി : (നിന്നിടത്ത് നിൽക്കെ, മുഖം മാത്രം വലത്തേക്ക് തിരിച്ചിരിക്കെ, മന്ദഹാസത്തോടെ ) “നിങ്ങൾക്ക് സമയമുണ്ടെങ്കിൽ… ഞാനും കൂടെ കൂടിക്കോട്ടെ?!” 19.close up/side* അരുണും മനുവും പരസ്പരം പഴയപടി തിരിഞ് നിൽക്കെ, പരസ്പരം -മുഖാമുഖം നോക്കിപ്പോവുകയാണ്. കറുത്ത വസ്ത്രധാരിയോടുള്ള ഉത്തരമെന്നവിധം ഇരുവരും പക്ഷെ പരസ്പരം എന്തോ പറയുവാൻ വായ തുറന്നശേഷം അങ്ങനെതന്നെ നിന്നുപോവുകയാണ്. ശേഷം ഇരുവരും അങ്ങനെതന്നെ പിന്നിലേക്ക്, കറുത്ത വസ്ത്രധാരിയെ എന്നവിധം നോക്കുകയാണ്. 20.close up/back കറുത്ത വസ്ത്രധാരി : (പഴയപടി തുടരവേ, മന്ദഹാസം വിടാതെ ) “ബേജാറാകേണ്ട… നിങ്ങളെപ്പോലെ എനിക്കും ചിലത് പറയാനുണ്ട്.” 21.close up/side* (ഇരുവരും പഴയപടി നോക്കി നിൽക്കുന്നതിനടുത്തേക്ക്, അവരുടെ നടുവിലെക്കെന്നവിധം, താൻ നിന്നിടത്തുനിന്നും -പഴയപടി, കറുത്ത വസ്ത്രധാരി മന്ദഹാസം വിടാതെ സന്തോഷം പ്രകടമാക്കിയെന്നവിധം ഒരു പ്രത്യേക ഭാവത്തിൽ എത്തി നിൽക്കുന്നു ) അരുൺ : (പഴയപടി തുടരവേ ) “ചേട്ടാ, ഞങ്ങള് തിരക്കിട്ടൊരു കാര്യത്തിന് വന്നതാ. ഇന്ന് ഫുൾ ഞങ്ങള് തിരക്കാ ചേട്ടാ.” (കറുത്ത വസ്ത്രധാരി, തന്നെ ശ്രദ്ദിച്ച് പഴയപടി നിൽക്കുന്ന മനുവിന് മുഖം കൊടുക്കുന്നു -ഭാവം മാറ്റാതെ ) 22.medium shot കറുത്ത വസ്ത്രധാരി : (മന്ദഹാസത്തോടെ, പഴയഭാവം വിടാതെ, മനുവിനോട് ) “ബ്രോ നിങ്ങള് തിരക്കാണെന്നു കണ്ടപ്പോഴേ മനസ്സിലായി,, ഞാൻ പറയുന്നതൊന്ന് കേൾക്ക് ആദ്യം!” 23.close up/back of Manu (മനുവും അരുണും പരസ്പരമൊന്ന് നോക്കുന്നു, സാഹചര്യസമ്മർദ്ദം മൂലവും കൂടിയെന്നവിധം ) കറുത്ത വസ്ത്രധാരി : (മുഖമെടുത്ത് പൊതുവായെന്നവിധം ) “ഞാനും തിരക്കിലാ, നിങ്ങള് നടന്നോ ഞാൻ കൂടെ കൂടാം… അപ്പോൾ പകുതി പ്രശ്നം കഴിഞ്ഞില്ലേ…!” (ലാഘവത്തോടെയും സ്നേഹം കലർത്തിയും ഉള്ള ഈ വാചകങ്ങൾ കേട്ടശേഷം ഇരുവരും പൊതുവായൊരു നിരാശ പ്രകടമാക്കുംവിധം കറുത്ത വസ്ത്രധാരിയെ നോക്കിപ്പോകുന്നു, മൂവരും ഒറ്റനോട്ടത്തിൽ ഒരേപോലെ തോന്നിക്കും ഒരുവശം ) 24.medium shot/back/back of ‘Black man’ തുടരും......

😎HIBON #🎬സിനിമ കോർണർ #💃My ഫാഷന്‍ ലുക്ക് #🏥 ആരോ​ഗ്യ അപ്ഡേറ്റ്സ്‌ #📔 കഥ #📱 മൊബൈല്‍ ഫോട്ടോഗ്രഫി