Follow
❤️ജന്നത്തുൽമിന്ന.. جَنَّةُ المِئَة(🥀ஷாலு 💞)
@itsme_khalbbiiii
59
Posts
1,312
Followers
❤️ജന്നത്തുൽമിന്ന.. جَنَّةُ المِئَة(🥀ஷாலு 💞)
1.8K views
1 months ago
പടച്ചോൻ ചിലപ്പോ നമ്മോട് പതിയെ കഥപറയും അവിടെ വാക്കുകൾ നമുക്ക് ചുറ്റുമുള്ളവയായും... കഥകൾ അനുഭവങ്ങളായും... രസവും നീരസവും ഇടകലർന്ന് പല കഥാപാത്രങ്ങളിലൂടെ... ഹൃദയ താളത്തിലത് കേൾക്കാൻ കഴിയും... ചിലപ്പോ പെട്ടന്ന് മനസ്സിലാക്കാൻ പറ്റിയിട്ടില്ലങ്കിലും പതിയെ അതിന്റെ ചൂടും ചൂരും ജീവിതത്തിന്റെ പലനിറങ്ങളിൽ ലയിച്ചു ചേർന്നിട്ടുണ്ടാകും... പകൽ വിരിഞ്ഞാൽ ഓരോ ദിവസവും പുതിയ ജീവിതം തുടങ്ങി.. ചക്രവാളത്തിൽ ഇരുട്ടുവീണാൽ പ്രശ്ന‌ങ്ങളും പരാതികളുമില്ലാതെ ഏതെങ്കിലും ചെരുവിൽ നാളെയുടെ പുതിയ പിറവിക്ക് വേണ്ടി മരണം വരിക്കുന്നവരാണ് മനുഷ്യേതര ജീവികൾ... അവരുടെ കൊക്കുകളിൽ ആർത്തിയുടെ വിശപ്പലുകളില്ല... അവരുടെ കണ്ണുകളിൽ വിശ്വേഷത്തിന്റെ കറകളില്ല, അവർ ഇന്നലകളെ ആലോചിച്ച് സമയം കളയാറില്ല... നാളെയെ പേടിച്ച് ആവലാതിപ്പെടാറുമില്ല... അവരുടെ ഓരോ ചിറകടിയിലും പ്രതീക്ഷയുടെ തൂവൽ സ്‌പർശമുണ്ട്... അവരുടെ കുറുകലിൽ സാന്ത്വനത്തിന്റെ മൊഴികളുണ്ട്... പക്ഷെ... നമ്മൾ അവരെ.. കേൾക്കാറില്ല... അറിയാറില്ല ...അനുഭവിക്കാറില്ല... എന്നതല്ലേ സത്യം... (❤️जन्नतुलमिन्ना ❤️m ❤️शालु🥀) #📝 ഞാൻ എഴുതിയ വരികൾ
❤️ജന്നത്തുൽമിന്ന.. جَنَّةُ المِئَة(🥀ஷாலு 💞)
870 views
1 months ago
റമദാന്‍ തുടങ്ങിയത് മുതല്‍ നിസ്കാരങ്ങളെല്ലാം പരമാവധി ആദ്യസമയത്ത് തന്നെ ചെയ്യാന്‍ സാധിക്കുന്നുണ്ട് അല്ലേ. മുമ്പ് എത്ര തന്നെ ശ്രമിച്ചാലും വിവിധ കാരണങ്ങളാല്‍ ജമാഅതിന് എത്താന്‍ സാധിക്കാറില്ലായിരുന്നു. പലപ്പോഴും അവസാന സമയത്തായിരുന്നു നമ്മുടെ നിസ്കാരം. ചിലപ്പോഴൊക്കെ നിസ്കരിക്കാന്‍ സൌകര്യപ്പെടാതെ സമയം കടന്ന് പോകുന്ന അനുഭവങ്ങളും ഉണ്ടായിരിക്കാം.എന്നാല്‍ റമദാന്‍ തുടങ്ങിയതോടെ അതിനെല്ലാം മാറ്റം വന്നിരിക്കുന്നു. മുമ്പുണ്ടായിരുന്ന തിരക്കുകളൊക്കെ ഇപ്പോഴും നമുക്കുണ്ട്. ജോലിയുടെ കാര്യത്തിലും കാര്യമായ വ്യത്യാസമൊന്നുമില്ല. എന്നിട്ടും നോമ്പുകാരനാണെന്ന ബോധം നമ്മെ മറ്റെല്ലാം മാറ്റിവെച്ച് സമയമായാല്‍ നിസ്കരിക്കാന്‍ പ്രേരിപ്പിക്കുന്നത്. കൃത്യ സമയത്ത് പള്ളിയിലെത്താനും ജമാഅത് ലഭിക്കുമെന്ന് ഉറപ്പ് വരുത്താനും അത് നമ്മുടെ മനസ്സിനെ പഠിപ്പിച്ചിരിക്കുന്നു.റമദാന്‍ കഴിഞ്ഞാലും നമുക്ക് ഇത് തുടരാനാവില്ലേ. തീര്‍ച്ചയായും സാധിക്കും. നാം തന്നെയാണ് അതിന്റെ ഏറ്റവും വലിയ തെളിവ്. റമദാനിന് ശേഷവും ഇതേ ശീലവും ചിട്ടയും കൃത്യനിഷ്ഠയുമെല്ലാം തുടരാനായാല്‍ മാത്രമേ, ഈ പരിശീലനം കൊണ്ട് ഫലമുണ്ടായി എന്ന് പറയാനാവൂ. അല്ലാത്ത പക്ഷം, നമ്മുടെ ഈ കര്‍മ്മങ്ങളെല്ലാം കേവലം റമദാന്‍ സ്പെഷ്യല്‍ മാത്രമായി മാറും. അതിന് നാം അനുവദിച്ച് കൂടാ.ഇനി മുതലങ്ങോട്ട് ജീവിതത്തിലുടനീളം പരമാവധി ആദ്യസമയത്ത് തന്നെ നിസ്കാരം നിര്‍വ്വഹിക്കാന്‍ ഞാന്‍ കരുതി. അതും ജമാഅതായി പള്ളിയില്‍ വെച്ച് തന്നെ നിര്‍വ്വഹിക്കാന്‍ പരമാവധി ശ്രമിക്കുമെന്നും നമുക്ക് മനസ്സില്‍ ഉറപ്പിക്കാം. നാഥന്‍ തുണക്കട്ടെ. ആമീന്‍ *പുണ്യ റമളാൻ മാസത്തിലെ മുഴുവൻ നോമ്പും അനുഷ്ഠിക്കാൻ ഞങ്ങൾക്ക് തൗഫീഖ് നൽകണേ നാഥാ..* *صَلَّى اللّٰه عَلَى مُحَمَّدْ صَلَّى اللَّهُ عَلَيْهِ وَسَلَّمْ* *صَلَّى اللّٰه عَلَى مُحَمَّدْ صَلَّى اللَّهُ عَلَيْهِ وَسَلَّمْ* *اَللّٰهُمَّ صَلِّ عَلَى مُحَمَّدْ يٰارَبِّ صَلِّ عَلَيْهِ وَسَلِّمْ* (🥀ജന്നത്തുൽമിന്ന🥀) #🤲 റമളാൻ കരീം 🕋 #📝 ഞാൻ എഴുതിയ വരികൾ