ഹൃദയത്തിലേക്കുള്ള ദൂരം ... ജീവിതം അതിന്റെ പതിവ് താളത്തിൽ ഒഴുകിക്കൊണ്ടിരിക്കുമ്പോഴായിരിക്കും യാതൊരു മുൻകൂർ നോട്ടീസുമില്ലാതെ ചിലർ കടന്നുവരുന്നത്. വെറുമൊരു അപരിചിതയായി വന്ന്, പെയ്യാൻ നിൽക്കുന്ന കാർമേഘം പോലെ അവർ നമ്മുടെ ആകാശത്ത് തങ്ങിനിൽക്കും. പിന്നെ എപ്പോഴോ പെയ്തു തുടങ്ങുന്ന മഴ പോലെ, അവർ നമ്മുടെ ഉള്ളിലെ വരണ്ട ഇടങ്ങളെയെല്ലാം നനച്ചു കുളിർപ്പിക്കുന്നു. ചില മനുഷ്യർ അങ്ങനെയാണ്; വർഷങ്ങളായി കൂടെയുള്ളവർക്ക് പോലും മനസ്സിലാക്കാൻ കഴിയാത്ത നമ്മുടെ മൗനങ്ങളെ, അവർ വെറും നിമിഷങ്ങൾ കൊണ്ട് തിരിച്ചറിയുന്നു. വാക്കുകൾ കൊണ്ട് പാലം പണിയുന്നതിനേക്കാൾ മുൻപേ അവർ നമ്മുടെ ഹൃദയത്തിൻ്റെ വാതിലിൽ മുട്ടിയിട്ടുണ്ടാകും. കാലങ്ങളായി പരിചയമുള്ള ആത്മബന്ധം പോലെ തോന്നിപ്പിക്കുന്ന ആ അടുപ്പം ഒരു അത്ഭുതമാണ്.ഒരു പൂവ് വിരിയുന്നത്ര ലാഘവത്തോടെയാണ് അവർ നമ്മുടെ പ്രിയപ്പെട്ടവരായി മാറുന്നത്. കടൽ കാണാത്ത ഒരാൾക്ക് കടൽ നൽകുന്ന അതേ വിസ്മ‌മയത്തോടെ നാം അവരെ നോക്കി നിൽക്കും. പറയുന്ന തമാശകളിലും, പങ്കുവെക്കുന്ന സങ്കടങ്ങളിലും, അർത്ഥമില്ലാത്ത കൊച്ചു വർത്തമാനങ്ങളിലും അവർ കരുതിവെക്കുന്ന ആ ഒരു കരുതൽ ഉണ്ടല്ലോ. അത് ഏതൊരു കാവ്യത്തേക്കാളും മനോഹരമാണ്. നമ്മുടെ ചിരിക്ക് നിറം കൂട്ടാനും, വാടാൻ തുടങ്ങുന്ന സ്വപ്നങ്ങൾക്ക് വെള്ളമൊഴിക്കാനും അവർക്ക് പ്രത്യേക കഴിവുണ്ട്. 'അപരിചിത' എന്ന വാക്കിൽ നിന്നും 'പ്രിയപ്പെട്ടവൾ' പ്രിയപ്പെട്ടവൻ 'എന്ന വാക്കിലേക്കുള്ള ആ ദൂരം അവർ എത്ര വേഗമാണ് പിന്നിട്ടത്! ആത്മാവിന്റെ ഏതോ ഒരു കോണിൽ അവർക്കായി കരുതിവെച്ച ഇടം അവർ തന്നെ കണ്ടെത്തിയത് പോലെ... ചില ബന്ധങ്ങൾ അങ്ങനെയാണ്, അവയ്ക്ക് കാലത്തിന്റെ അളവുകോലുകളില്ല. ആഴം കൊണ്ട് മാത്രം അടയാളപ്പെടുത്തുന്ന മനോഹരമായ ദൈവനിശ്ചയങ്ങൾ! 🥀G̲o̲o̲d̲ M̲o̲r̲n̲i̲n̲g̲🌹 (❤️ജന്നത്തുൽമിന്ന.. جَنَّةُ المِئَة(🥀ஷாலு 💞) #📝 ഞാൻ എഴുതിയ വരികൾ

നാടും വീടും വീട്ടുകാരെയും വിട്ട് അനേകം കാതങ്ങള് അകലെ ഈ മണലാരണ്യത്തില് സൗഭാഗ്യത്തിൻ്റെ ഉറവ തേടി വരുന്ന ഓരോ പ്രവാസിയും തൻ്റെ വിരസമായ ദിവസങ്ങള് എണ്ണിഎണ്ണി കഴിയുന്നത് തിരികെ എത്തുമ്പോള് സന്തോഷത്തോടെ തന്നെ കാത്തിരിക്കുന്നൊരു കൊച്ചു കുടുംബം എന്ന ഒറ്റ വിശ്വാസത്തില് ആണ്... ആ ഒരു ചിന്തയാണ് ഓരോ നിമിഷവും തള്ളി നീക്കുവാന് അവനു ബലം ആകുന്നതും.... ചുട്ടു നീറുന്ന ചൂടും... ശ്വാസം മുട്ടിക്കുന്ന പൊടിക്കാറ്റും സഹിക്കുവാന് അവനെ പ്രാപ്തനാക്കുന്നതും എൻ്റെ വീട് എന്നാ ആ ചിന്തയാണ്...വിശപ്പും ദാഹവും സഹിച്ചു താന് സമ്പാദിക്കുന്ന ഓരോ രൂപയും തന്റെ കുടുംബത്തെത്തിക്കണം എന്നാ ചിന്ത എല്ലാ കഷ്ടപ്പാടുകളും താണ്ടി മുന്നോട്ട് പോകാന് അവനെ സഹായിക്കുന്നു. പക്ഷേ പലപ്പോഴും നീണ്ട വര്ഷത്തെ കഷ്‌ടപ്പാടുകള്ക്കും ദുരിതങ്ങള്ക്കും ശേഷം ശിഷ്‌ടകാലം കുടുംബത്തോടൊപ്പം എന്നാ ആഗ്രഹവുമായി നാട്ടില് എത്തുന്ന നമ്മുടെ പ്രവാസിക്ക് മുന്നില് വീട്ടുകാരുടെ വര്ദ്ധിച്ചു വരുന്ന ആവശ്യങ്ങളും ഉയര്ന്ന ജീവിത സാഹചര്യങ്ങളും ഒരു വിലങ്ങു തടി ആകുന്നു...ഈ ആവശ്യങ്ങള് നിറവേറ്റണം എന്നുണ്ടെങ്കില് അവന് തിരികെ ഈ മരുഭൂമിയിലേക്ക് തന്നെ എത്തേണ്ടിയിരിക്കുന്നു... ഒടുക്കം.ഈ സൗഭാഗ്യത്തിന്റെ ഉറവ അവനൊരുതടവറയായി മാറുന്നൂ..രക്ഷപ്പെടണം എന്നാ ആഗ്രഹംഉണ്ടെങ്കിലും ഒരിക്കലും രക്ഷപ്പെടാന് ആകാത്തൊരു തടവറ... സ്വപ്നങ്ങളുടെ തടവറ... ഖബറിലടങ്ങും വരെ രക്ഷപ്പെടാന് ആകത്തൊരു അദൃശ്യമായ ബന്ധനം..." 🥀,,,,,, G̤o̤o̤d̤ M̤o̤r̤n̤i̤n̤g̤,,,,,,, 🌹 (❤️ജന്നത്തുൽമിന്ന.. جَنَّةُ المِئَة(🥀ஷாலு 💞) #📝 ഞാൻ എഴുതിയ വരികൾ

പുരുഷൻ... പലപ്പോഴും തന്റെ വേദനകൾ ശബ്ദമമില്ലാതെ ചുമന്നുകൊണ്ടിരിക്കുന്ന ഒരു നിശ്ശബ്ദമായ സമുദ്രം. കണ്ണുനീർ വരുമ്പോഴും “ഞാൻ ഒക്കെയാണ് എന്ന് പറയാൻ പഠിച്ച ഹൃദയം. ഒരു കുടുംബത്തിൻ്റെ ഉറച്ച മതിൽപോലെ നിൽക്കുന്നവൻ... സ്വന്തം സ്വപ്നങ്ങൾ മാറ്റിവെച്ച് മറ്റുള്ളവരുടെ സന്തോഷത്തിനായി ഓടുന്നവൻ... തളർന്നാലും തകരാൻ പാടില്ലെന്ന് സമൂഹം നിർബന്ധിച്ച മനുഷ്യൻ. അവൻ കരയുമ്പോൾ അത് ബലഹീനതയല്ല... വളരെ അധികം സഹിച്ച ഒരു മനസ്സിന്റെ നിശ്ശബ്ദമായ പൊട്ടിത്തെറിയാണ്. ഒരു പുരുഷൻറെ മൗനത്തിനുള്ളിൽ പരാജയങ്ങളുടെ മുറിവുകൾ ഉണ്ടാകും... ഉത്തരവാദിത്തങ്ങളുടെ ഭാരം ഉണ്ടാകും... ആരോടും പറയാതെ ഒളിപ്പിച്ച ചില ഭയങ്ങൾ ഉണ്ടാകും... എന്നാലും അവൻ മുന്നോട്ട് നടക്കും... കാരണം പിന്നിൽ അവനെ ആശ്രയിച്ച് ജീവിക്കുന്ന ചില മുഖങ്ങൾ ഉണ്ടാകും.പുരുഷൻ ശക്തനാണ്... പക്ഷേ അവനും സ്നേഹം വേണം, പരിഗണന വേണം, “നീ തളർന്നോ?" എന്ന് ചോദിക്കുന്ന ഒരാൾ വേണം. ... കാരണം, ഉറച്ച പാറകളിലും ചിലപ്പോൾ വിള്ളലുകൾ ഉണ്ടാകും... പക്ഷേ അത് പുറത്തേക്ക് കാണിക്കാതിരിക്കാൻ പഠിച്ചവനാണ് പുരുഷൻ..... 🌹 🅖︎🅞︎🅞︎🅓︎ 🅜︎🅞︎🅡︎🅝︎🅘︎🅝︎🅖︎🌹 ❤️ജന്നത്തുൽമിന്ന.. جَنَّةُ المِئَة(🥀ஷாலு 💞) #📝 ഞാൻ എഴുതിയ വരികൾ

ജീവിത്തിന്റെ ഓട്ടപ്പന്തയത്തിൽ ജയിച്ചുകയറാനുള്ള തിരക്കുകൾക്കിടയിൽ പലരേയും കാണാനും പലരോടും സംസാരിക്കാനും ഇത്തിരി സമയം മുമ്പിലുണ്ടായാലും പിന്നെയാകട്ടെയെന്നു കരുതി മാറ്റിവയ്ക്കും .. ഒടുവിൽ തിരക്കെല്ലാമൊഴിയുമ്പോൾ തിരക്കിവരാൻപോലും ആരുമില്ലാതെ ഒറ്റയ്ക്കായിപ്പോകും ... തിരക്കൊഴിഞ്ഞ് നമ്മളെത്തുന്നത് കാത്തിരിക്കുന്ന ചിലരുണ്ടാവും .. .. സങ്കടങ്ങളോ സന്തോഷങ്ങളോ മറ്റൊന്നിനുമല്ലാതെ ഇത്തിരി നേരം സൗഹൃദം പങ്കുവയ്ക്കാൻ .. സങ്കടങ്ങളോ സന്തോഷങ്ങളോ പരാതികളോ പരിഭവങ്ങളോ പരസ്പരം പറയാൻ .. ഒന്നിച്ചൊന്നു ചിരിക്കാൻ.. തോളിലൊന്നു ചാഞ്ഞിരിക്കാൻ അങ്ങനെയങ്ങനെ നിഷ്കളങ്കമായ സ്നേഹത്തിന്റെ നിമിഷങ്ങൾക്കായി മാത്രം കാത്തിരിക്കുന്ന ചിലർ .. തിരക്കൊഴിഞ്ഞ് നമ്മളെത്തുമ്പോഴേക്ക് കാത്തിരുന്ന കണ്ണുകൾ ചിലപ്പോൾ ഒരിക്കലും തുറക്കാനാവാത്ത വിധം അടഞ്ഞുപോയിട്ടുണ്ടാവും .. പ്രിയപ്പെട്ടവരുടെ സാമീപ്യം മനോഹരമായൊരു സായംസന്ധ്യപോലെയാണ് .. അത് ആ നിമിഷത്തിൽ ആസ്വദിക്കാനുള്ളതാണ് .. വൈകിപ്പോയാൽപ്പിന്നെ ഇരുട്ടുമാത്രമേ കാണൂ.. അടുത്ത സന്ധ്യ നമുക്കുള്ളതാവണമെന്നില്ല ! തിരക്കെന്ന ഒറ്റവാക്കിന്റെ വലിയ മതിലിനപ്പുറം തിരക്കിനിൽക്കുന്നവരിലേക്ക് ഇടയ്ക്കൊരു പുഞ്ചിരിയെങ്കിലുമെറിയാൻ മറന്നുപോകരുത് .. തിരികെ വരുമ്പോൾ വെള്ളമൊഴിക്കാമെന്നു കരുതി വീട്ടുമുറ്റത്തെ പ്രിയപ്പെട്ട ചെടിയെ അവഗണിച്ചുപോകുമ്പോൾ ഒന്നോർക്കുക, തിരികെ വരുമ്പോഴേക്ക് എത്ര നനച്ചിട്ടും പ്രയോജനമില്ലാത്തവിധം അത് ഉണങ്ങിയിട്ടുണ്ടാവും ! നമ്മുടെ പ്രിയപ്പെട്ട മനുഷ്യരും ആ ചെടികളെപ്പോലെയാണ്,,,,,, 🥀🄶🄾🄾🄳 🄼🄾🅁🄽🄸🄽🄶🥀 (❤️ജന്നത്തുൽമിന്ന.. جَنَّةُ المِئَة(🥀ஷாலு 💞) #📝 ഞാൻ എഴുതിയ വരികൾ

വിശ്വാസം: സ്നേഹത്തേക്കാൾ വലിയ അടിത്തറ ************************************** നമ്മുടെ ബന്ധങ്ങളിൽ നാം ഏറ്റവും കൂടുതൽ ഉപയോഗിക്കുന്ന വാക്കാണ് 'സ്നേഹം'. എന്നാൽ ഒരു ബന്ധം എത്ര കാലം മുന്നോട്ട് പോകും എന്നത് തീരുമാനിക്കുന്നത് സ്നേഹമല്ല, മറിച്ച് ആ ബന്ധത്തിലെ വിശ്വാസമാണ്'. വിശ്വാസം എന്നത് ഒരു ദിവസം കൊണ്ട് ഉണ്ടാകുന്ന ഒന്നല്ല; അത് കാലക്രമേണ നമ്മുടെ പ്രവർത്തികളിലൂടെ നേടിയെടുക്കേണ്ട ഒന്നാണ്. ഏതൊരു ബന്ധത്തിലും വിശ്വാസം വളർത്താൻ സഹായിക്കുന്ന 5 പ്രധാന കാര്യങ്ങൾ താഴെ പറയുന്നവയാണ്: തുറന്ന ആശയവിനിമയം (Open Communication) മനസ്സിലുള്ളത് തുറന്നു പറയാൻ കഴിയുന്നിടത്താണ് വിശ്വാസം ജനിക്കുന്നത്. ഉദാഹരണം: പങ്കാളിയോടോ സുഹൃത്തിനോടോ എന്തെങ്കിലും കാര്യത്തിൽ വിയോജിപ്പുണ്ടെങ്കിൽ അത് ഉള്ളിൽ വെച്ച് നീറിപ്പുകയാതെ, കൃത്യമായി പറഞ്ഞു മനസ്സിലാക്കുക. "എനിക്ക് ഇത് ഇഷ്ടപ്പെട്ടില്ല" എന്ന് തുറന്നു പറയാനുള്ള സ്വാതന്ത്ര്യം ബന്ധങ്ങളെ കൂടുതൽ ദൃഢമാക്കും. സുതാര്യതയും സത്യസന്ധതയും (Transparency & Honesty) ഒളിച്ചുവെക്കലുകൾ ഇല്ലാത്ത ബന്ധങ്ങൾക്കേ ആയുസ്സുണ്ടാകൂ. ഉദാഹരണം:ജീവിതത്തിലെ ചെറിയ പരാജയങ്ങളോ തെറ്റുകളോ പ്രിയപ്പെട്ടവരോട് സത്യസന്ധമായി തുറന്നു പറയുക. തെറ്റ് സമ്മതിക്കുന്നത് ഒരാളെ ചെറുതാക്കില്ല, മറിച്ച് മറ്റൊരാൾക്ക് നിങ്ങളിലുള്ള വിശ്വാസം വർദ്ധിപ്പിക്കുകയാണ് ചെയ്യുന്നത്. ตัว (Keeping Promises) ചെറിയ വാഗ്ദാനങ്ങൾ പോലും പാലിക്കപ്പെടണം. ഉദാഹരണം: "ഞാൻ 5 മണിക്ക് വരാം" എന്ന് ഒരാൾക്ക് വാക്ക് നൽകിയാൽ അത് പാലിക്കാൻ പരമാവധി ശ്രമിക്കുക. ഇത്തരം ചെറിയ കാര്യങ്ങളിലെ വിശ്വസ്തയാണ് പിന്നീട് വലിയ കാര്യങ്ങളിൽ നിങ്ങളെ വിശ്വസിക്കാൻ മറ്റൊരാളെ പ്രേരിപ്പിക്കുന്നത്. പരസ്പ‌ര ബഹുമാനം (Mutual Respect) മറ്റൊരാളുടെ വ്യക്തിത്വത്തെയും തീരുമാനങ്ങളെയും ബഹുമാനിക്കുക. ഉദാഹരണം:നിങ്ങളുടെ സുഹൃത്തിന്റെയോ പങ്കാളിയുടെയോ ഇഷ്‌ടങ്ങൾ നിങ്ങളുടേതിൽ നിന്ന് വ്യത്യസ്തമായിരിക്കാം. അത് മനസ്സിലാക്കി അവരെ അംഗീകരിക്കുക. അവഹേളനമില്ലാത്ത ഇടങ്ങളിൽ മാത്രമേ വിശ്വാസത്തിൻ്റെ വേരുകൾ ഇറങ്ങുകയുള്ളൂ. വിട്ടുവീഴ്ചാ മനോഭാവം (Adjustments & Sacrifices)** ഞാൻ എന്ന ഭാവം വിട്ട് നമ്മൾ എന്ന ചിന്തയിലേക്ക് മാറണം. ഉദാഹരണം: തർക്കങ്ങൾ ഉണ്ടാകുമ്പോൾ ആരാണ് ജയിക്കുന്നത് എന്നതിനേക്കാൾ ബന്ധത്തിനാണ് പ്രാധാന്യം എന്ന് കരുതി വിട്ടുവീഴ്ച ചെയ്യുന്നത് വിശ്വാസത്തിന്റെ മറ്റൊരു തലമാണ്. സ്നേഹത്തേക്കാൾ വലിയ അടിത്തറ വിശ്വാസമാണെന്ന് തിരിച്ചറിയുന്നിടത്താണ് ഏതൊരു ബന്ധവും വിജയിക്കുന്നത്. ഒരൊറ്റ ദിവസം കൊണ്ട് ആർക്കും ആരെയും വിശ്വസിക്കാൻ കഴിയില്ല. പക്ഷേ, ഓരോ ദിവസവും നിങ്ങൾ ചെയ്യുന്ന നല്ല പ്രവർത്തികൾ മറ്റൊരാളുടെ ഹൃദയത്തിൽ നിങ്ങൾക്കായി ഒരു വിശ്വാസത്തിന്റെ ഇരിപ്പിടം ഒരുക്കും. നിങ്ങളുടെ പ്രവർത്തികൾ മറ്റൊരാൾക്ക് നൽകുന്ന സമാധാനമാണ് നിങ്ങളുടെ വിശ്വാസ്യത...... 🥀*****🅶︎🅾︎🅾︎🅳︎ 🅼︎🅾︎🆁︎🅽︎🅸︎🅽︎🅶︎******🥀 (❤️ജന്നത്തുൽമിന്ന.. جَنَّةُ المِئَة(🥀ஷாலு 💞) #📝 ഞാൻ എഴുതിയ വരികൾ

പ്രണയത്തെകുറിച്ച് ഒരുപാട് സാഹിത്യകഥകളും വാക്കുകളും കോട്സും കേൾക്കാനും വായിക്കാനും ആഗ്രഹമുള്ള വ്യക്തികളാണ് നാമെല്ലാം. എന്നാൽ എന്നെങ്കിലും സ്വന്തം പ്രണയം യാഥാർഥ്യമായിരുന്നോന്ന് ചിന്തിച്ചിട്ടുണ്ടോ? പ്രണയം എന്നത് എന്റെ കണ്ണിൽ നന്നായി സ്നേഹിക്കുക കെയർ ചെയ്യുക അവർക്കുവേണ്ടി ജീവിക്കുക ഇതൊക്കെ തന്നെ ആയിരുന്നു. സത്യത്തിൽ ഇതുമാത്രം ആണോ പ്രണയം? ഒരിടത്ത് രണ്ടുപേർ തമ്മിൽ പ്രണയത്തിലാകുന്നു. സംസാരിച്ചു സംസാരിച്ചു എപ്പോളോ തമ്മിൽ ഇഷ്ടമാണെന്ന് വെളിപ്പെടുത്തുന്നു. അവർ ചെയ്യുന്നതെല്ലാം തമ്മിൽ തമ്മിൽ പ്രത്യേകതകളുള്ള കാര്യങ്ങളാകുന്നു. തങ്ങളുടേത് ദിവ്യമായ ഒരു ബന്ധമായി മാറുന്നു. വാക്കുകൾ കൊണ്ട് നന്നായി സ്നേഹിക്കുകയും കെയർ ചെയ്യുകയും ചെയ്യുന്നു. ഇതാണോ പ്രണയം എന്ന് വീണ്ടും ഓർമിപ്പിക്കുന്നില്ല പകരം മറ്റൊരു സന്ദർഭം പറയാം രണ്ടുപേർ തമ്മിൽ പ്രണയിക്കുന്നു. അവിടെ അവർ തമ്മിൽ സ്നേഹിക്കുന്നുവെന്ന് ദിവസവും പറയുന്നു. അവിടെ ഒരാൾക്ക് സ്ട്രെസ് അല്ലെങ്കിൽ ഫ്റ്സ്ട്രേഷൻ തോന്നുമ്പോൾ സഹായമായി കേൾക്കാനും ആശ്വസിപ്പിക്കാനും മറ്റെയാളും ശ്രമിക്കുന്നു. എന്നാൽ ഈ ആശ്വസിപ്പിക്കാൻ ശ്രമിക്കുന്ന വ്യക്തിയ്ക്കൊരു വിഷമമോ സ്ട്രേസോ വരുമ്പോൾ മറ്റെയാൾ അത് മെന്റാലിറ്റി പ്രോബ്ലെം ആയി കാണുന്നു. ഇതിൽ എവിടെയാണ് പ്രണയം പണ്ടൊരു കഥയിലോ മറ്റോ വായിച്ചത് പോലെ പ്രണയം എന്നത് വാക്കുകളില്ലല്ല പ്രവൃത്തിയിലാണ് കാണേണ്ടത്. മാനസികമായി അറിഞ്ഞോ അറിയാതെയോ തളർത്തികളയുന്ന ഒരു പാർട്ണർ പിന്നെ അവരൊന്നിച്ചുള്ള റിലേഷൻ എത്ര മനോഹരമാണെന്ന് നമ്മുക്ക് ഊഹിക്കാം.. സാർക്കാസം ആയി മനോഹരം എന്നു പറഞ്ഞെങ്കിലും അനുഭവിച്ചവർക്ക് അറിയാം ആ മനോഹാരിതയുടെ വേദന. പ്രണയത്തിന്റെ ആദ്യഘടകം പരസ്പരമുള്ള വിശ്വാസ്യത ആയിരിക്കണം അതുപോലെ തമ്മിൽ എത്രത്തോളം മനസിലാക്കി എന്നത് അനുസരിച്ച് ഇരിക്കും ആ പ്രണയത്തിന്റെ വിജയവും. ഈയിടെ Gaslighting in Relationship പറഞ്ഞ ഒരു ലേഖനം വായിച്ചു. ടോക്സിക് റിലാഷൻസിൽ ആണ് ഇത് കാണപെടുന്നത്. താൻ gaslighting ന്ന് ഇരയാകുന്നു എന്ന് ആ റിലാഷനിൽ ഉള്ള വ്യക്തി അറിയുന്നു പോലും ഉണ്ടാകില്ല. എന്തുകൊണ്ടാണെന്ന് അറിയാമോ.. കാരണം ആ വ്യക്തി ഇഷ്ടത്തിലാണ് എന്ന വിശ്വാസത്തിലാണ്. തന്റെ കാമുകന്റെയോ കാമുകിയുടെയോ വാക്കുകളിൽ ആണവർ വിശ്വസിക്കുന്നത്. ഞാൻ നിന്നെ സ്നേഹിക്കുന്നു.. ആ വാക്കിനെ വിശ്വസിക്കുന്നവർ ഒരിക്കലും എങ്ങനെയാണ് സ്നേഹിക്കുന്നതെന്നോ.. അത് പ്രകടിക്കപ്പെട്ട് തനിക്ക് ആ സ്നേഹം അറിയാനാകുന്നുണ്ടോ എന്ന് പോലും ചിന്തിക്കുന്നില്ല. ഇനി gaslighting in relationship എന്ന concept കുറിച്ച് പറയാം. ഒരു പാർട്ണർ തന്റെ കാമുകിയുടെയോ കാമുകന്റെയോ ജീവിതം താനെന്ന അചുതണ്ടിന് ചുറ്റും മാത്രം കറങ്ങണമെന്ന് ആഗ്രഹിക്കുകയും അവരുടെ ജീവിതത്തിലെ ഏക സുപ്രധാന വ്യക്തി ആകാൻ വേണ്ടി തന്നാൽ ആവുന്നതെല്ലാം ചെയ്യുന്നതും ഒരുതരം ഇമോഷണൽ manipulation ആണ്. ഇനി ഇതും സ്നേഹം എന്നു പറയുന്നവരോട്.. ആ പാർട്ണർ മറ്റേ ആളോട് തന്റെ വിഷമങ്ങളും സന്തോഷവും പങ്കുവെക്കുകയും ചെയ്യുന്നു അവരുടെ കാമുകനോ കാമുകിയോ കെയർ ചെയ്യുകയും ചെയ്യുന്നു. എന്നാൽ മറിച്ച് ഇതേ കാമുകനോ കാമുകിക്കോ ഒരു വിഷമം വരുമ്പോൾ അത് നിസ്സാരമായി തള്ളിക്കളയുകയും അവരുടെ മനസ്സ് തളർത്തുന്ന വിധത്തിൽ കുറ്റപ്പെടുത്തുകയും ചെയ്യുന്നു.. അതുപോലെ അവരുടെ സന്തോഷവും നേട്ടങ്ങളും ഒന്നുമല്ലാത്തതായും വിഡ്ഢിത്തമായും ചിത്രീകരിക്കുന്നു. ഇതുപോലൊരു പ്രണയത്തിൽ അകപ്പെട്ട വ്യക്തി എന്തുചെയ്യണം നിങ്ങളുടെ അഭിപ്രായത്തിൽ. കാവ്യഭാഷയിൽ പറഞ്ഞാൽ... ഉയിരുകൊടുത്ത് സ്നേഹിച്ചിട്ടും തിരിച്ചു മാനസികമായി തളർത്തുന്ന ഒരു ബന്ധത്തിൽ പ്രണയമെന്ന ഒറ്റ വാക്കിന്റെ പേരിൽ കടിച്ചുതൂങ്ങണമെന്നാണോ? പ്രണയബന്ധത്തിൽ നിന്ന് പിരിഞ്ഞ ശേഷവും മറ്റുള്ളവർക്ക് മുന്നിൽ നിസ്സഹായത ഭാവിക്കുന്ന ആ പാർട്നറെ ആണോ നിങ്ങൾ വിശ്വസിക്കുക? ഇങ്ങനെ ഒരു റിലാഷൻഷിപ്പിൽ നിന്ന് ഒഴിഞ്ഞ് പോയ ഒരാൾക്ക് നേരെ നിങ്ങൾ 👈വിരൽചൂണ്ടുമ്പോൾ ഓർക്കുക ബാക്കി വിരലുകൾ നിങ്ങൾക്ക് നേരെയാണ് ചൂണ്ടുന്നത്! ഒന്നിച്ചു പോകാൻ സാധിക്കില്ലെന്ന് ഉറപ്പായാൽ ഒരു ബന്ധത്തിലും കടിച്ചുതൂങ്ങാതിരിക്കുക.. പണ്ടൊരു സുഹൃത്തു പറഞ്ഞത്പോലെ.. ഒരു നല്ല പാർട്ണർ നമ്മെ വിജയത്തിലേക്ക് കൈപിടിച്ചുയത്തും, തളർച്ചകളിൽ കൈതാങ്ങാകും. ഇനി ഇത് രണ്ടും പറ്റില്ലെങ്കിൽ ആ പാർട്നറുടെ സ്നേഹംകൊണ്ടെന്ത് പ്രയോജനം??? 🥀,,,,,,,,,, 𝐆𝐨𝐨𝐝 𝐌𝐨𝐫𝐧𝐢𝐧𝐠,,,,,,,,,,,,, 🥀 (❤️ജന്നത്തുൽമിന്ന.. جَنَّةُ المِئَة(🥀ஷாலு 💞) #📝 ഞാൻ എഴുതിയ വരികൾ

ഒരു നല്ല സുഹൃത്ത് നമ്മുടെ ജീവിതത്തിലെ മാർഗനിർദേശിയും വഴികാട്ടിയുമാണ്...അത് ഒരിക്കലും ഒരു പ്രണയം ആകാതെ ഇരിക്കട്ടെ.... പ്രണയം എപ്പോഴും നമ്മുടെ ജീവിത്തിലെ കയ്പ്‌പും മധുരവും നിറഞ്ഞ നിമിഷങ്ങളിൽ നമ്മളോടൊപ്പം അത് അനുഭവിക്കാൻ ബാധ്യസ്ഥർ ആണ്... നമ്മുടെ ജീവിതത്തിലെ കയ്പ്പും മധുരവും നിറഞ്ഞ നിമിഷങ്ങളിൽ നമ്മളെ വിട്ടുപോകുന്നത് ഒരു നല്ല പ്രണയമല്ല.... നമ്മുടെ ജീവിതത്തിലെ കയ്പ്പും മധുരവും നിറഞ്ഞ നിമിഷങ്ങളിൽ നല്ലൊരു സുഹൃത്ത് ഒരിക്കലും നമ്മളെ വിട്ടുപോകില്ല... സുഹൃത്തിനു സുഹൃത്തിന്റെതായ വാല്യുവും പ്രണയത്തിനു പ്രണയത്തിന്റെതായ വാല്യുവും കൊടുക്കുന്ന ആൾക്കാർ നമ്മോടൊപ്പം ഉണ്ടെങ്കിൽ അതായിരിക്കും നമ്മുടെ ജീവിതത്തിലെ ഏറ്റവും മനോഹരം... .മനോഹരമായനിമിഷം... മനോഹരമായ വ്യക്തികളും....🥰🥰 🥀....... 𝙶𝚘𝚘𝚍 𝙼𝚘𝚛𝚗𝚒𝚗𝚐.......🥀 (❤️ജന്നത്തുൽമിന്ന.. جَنَّةُ المِئَة(🥀ஷாலு 💞) #📝 ഞാൻ എഴുതിയ വരികൾ

തളരുമ്പോൾ ചാരാനൊരു തോൾ തിരയുന്നവർക്ക്, വാക്കുകൾ കൊണ്ടു നാം തീർക്കുന്നതൊരു തണലാണ്, മനസ്സു തുറന്നു വെക്കാൻ മറ്റൊരാൾ കൂടെയുണ്ടെന്ന അതിശയിപ്പിക്കുന്ന ആശ്വാസം ആകാശത്തോളമാണ്. ചുമടുകൾ ഇറക്കിവെക്കാൻ ഒരിടം മനുഷ്യന് വേണം അത് സ്നേഹമായാലും സങ്കടമായാലും... ,,,,,,,,,, 𝔾𝕠𝕠𝕕 𝕄𝕠𝕣𝕟𝕚𝕟𝕘,,,,,,,,,, (❤️ജന്നത്തുൽമിന്ന.. جَنَّةُ المِئَة(🥀ஷாலு 💞) #📝 ഞാൻ എഴുതിയ വരികൾ

പടച്ചോൻ ചിലപ്പോ നമ്മോട് പതിയെ കഥപറയും അവിടെ വാക്കുകൾ നമുക്ക് ചുറ്റുമുള്ളവയായും... കഥകൾ അനുഭവങ്ങളായും... രസവും നീരസവും ഇടകലർന്ന് പല കഥാപാത്രങ്ങളിലൂടെ... ഹൃദയ താളത്തിലത് കേൾക്കാൻ കഴിയും... ചിലപ്പോ പെട്ടന്ന് മനസ്സിലാക്കാൻ പറ്റിയിട്ടില്ലങ്കിലും പതിയെ അതിന്റെ ചൂടും ചൂരും ജീവിതത്തിന്റെ പലനിറങ്ങളിൽ ലയിച്ചു ചേർന്നിട്ടുണ്ടാകും... പകൽ വിരിഞ്ഞാൽ ഓരോ ദിവസവും പുതിയ ജീവിതം തുടങ്ങി.. ചക്രവാളത്തിൽ ഇരുട്ടുവീണാൽ പ്രശ്ന‌ങ്ങളും പരാതികളുമില്ലാതെ ഏതെങ്കിലും ചെരുവിൽ നാളെയുടെ പുതിയ പിറവിക്ക് വേണ്ടി മരണം വരിക്കുന്നവരാണ് മനുഷ്യേതര ജീവികൾ... അവരുടെ കൊക്കുകളിൽ ആർത്തിയുടെ വിശപ്പലുകളില്ല... അവരുടെ കണ്ണുകളിൽ വിശ്വേഷത്തിന്റെ കറകളില്ല, അവർ ഇന്നലകളെ ആലോചിച്ച് സമയം കളയാറില്ല... നാളെയെ പേടിച്ച് ആവലാതിപ്പെടാറുമില്ല... അവരുടെ ഓരോ ചിറകടിയിലും പ്രതീക്ഷയുടെ തൂവൽ സ്‌പർശമുണ്ട്... അവരുടെ കുറുകലിൽ സാന്ത്വനത്തിന്റെ മൊഴികളുണ്ട്... പക്ഷെ... നമ്മൾ അവരെ.. കേൾക്കാറില്ല... അറിയാറില്ല ...അനുഭവിക്കാറില്ല... എന്നതല്ലേ സത്യം... (❤️जन्नतुलमिन्ना ❤️m ❤️शालु🥀) #📝 ഞാൻ എഴുതിയ വരികൾ