മാധ്യമം ************* കിനാവിന്റെ പൂന്തോട്ടത്തിൽ നിലാവായി ചില കാലങ്ങളിൽ നീ വിരുന്ന് വരാറുണ്ട്. ആലിംഗനങ്ങളിൽ ബന്ധിതരായി നാമിരുവരും, ഒരിക്കൽ പറയാൻ മടിച്ച മൗനാനുരാഗങ്ങളെക്കുറിച്ച് വാചാലരാകാറുണ്ട്. കിനാവിന്റെ പൂന്തോട്ടത്തിലെ പനിനീർപ്പൂക്കളിലൊരെണ്ണം നീ എനിക്ക് നേരെ നീട്ടാറുണ്ട്. കിനാവിന്റെ പൂന്തോട്ടത്തിൽ നീ മഴയായ്, മിന്നലായ്, മുഴക്കങ്ങളായി എന്നിലണയാറുണ്ട്. കോരിച്ചൊരിയുന്ന മഴയിൽ, മിന്നലിൽ, മുഴക്കങ്ങളിൽ, നാമിരുവരും ആലിംഗനബദ്ധരാകുന്ന അസുലഭ നിമിഷങ്ങളുണ്ട്. മൃദു മന്ദഹാസത്തോടെ, വിടര്‍ന്ന കണ്ണുകളോടെ ഒരിക്കൽ പറയാൻ മടിച്ച വാചാലതകളുടെ കുത്തിയൊഴുക്കിൽ നാം അകപ്പെടാറുണ്ട്. പ്രണയം വളരുന്നത് കോരിച്ചൊരിയുന്ന മഴയത്താണെന്നോതി നാം ചുംബനവർഷങ്ങളിലാറാടാറുണ്ട്. കിനാവിന്റെ പൂന്തോട്ടത്തിൽ നീ മഞ്ഞായി പെയ്തിറങ്ങുന്ന നാളുകളുണ്ട്. മഞ്ഞിൻ പുതപ്പിൽ നാമിരുവരും പരസ്പരം പുണർന്ന് മുഗ്ദ്ധരാകുന്ന വേളകളുണ്ട്. ഹിമബിന്ദുക്കളുടെ പനിനീർപ്പൂക്കൾ നാം പരസ്പരം കൈമാറുന്ന നിമിഷങ്ങളുണ്ട്. ഒരിക്കൽ പറയാൻ മടിച്ച പ്രണയസന്ദേശങ്ങൾ നാം ആ വേളകളിൽ കൈമാറാറുണ്ട്. പൂക്കൾക്കെല്ലാം നമ്മുടെ പ്രണയം പോലെ തീജ്വാലയുടെ സൗന്ദര്യമെന്ന് നാം തമ്മിൽത്തമ്മിൽ സ്വകാര്യം പറയാറുണ്ട്. അപ്പോൾ വർഷകാലത്തെ പ്രണയ നിമിഷങ്ങളെ നമ്മൾ സൗകര്യപൂർവ്വം മറന്നതായി ഒരു പുഞ്ചിരിയോടെ നടിക്കാറുണ്ട്. കിനാവിന്റെ പൂന്തോട്ടത്തിൽ നീ ഗ്രീഷ്മമായി പെയ്തിറങ്ങാറുണ്ട്. പരസ്പരം കാണുമ്പോഴും , വാചാലമായ മൗനത്തിൽ മുങ്ങി തമ്മിൽത്തമ്മിൽ പങ്കിടാൻ മടിച്ച പ്രണയത്തെ നാം ഓർത്തെടുക്കാറുണ്ട്. ഗ്രീഷ്മ സൂര്യന്റെ ചുംബനങ്ങളിൽ നമ്മുടെ അധരങ്ങൾ കരുവാളിക്കുന്ന നിമിഷങ്ങളുണ്ടാകാറുണ്ട്. ആദ്യമായി നാം കണ്ടുമുട്ടിയതും പ്രണയമൗനങ്ങൾ കൈമാറിയതും ഒരു ഗ്രീഷ്മത്തിലായിരുന്നല്ലോ എന്ന് തമ്മിൽത്തമ്മിൽ ഓർമ്മിപ്പിക്കാറുണ്ട്. അതുകൊണ്ട് തന്നെ ഗ്രീഷ്മസൂര്യന്റെ തീക്ഷ്ണ ചുംബനങ്ങൾ എത്രയും പ്രിയപ്പെട്ടതെന്ന് നാം പരസ്പരം ഓർമ്മിപ്പിക്കാറുണ്ട്..... കിനാവിന്റെ പൂന്തോട്ടത്തിൽ നിലാവായും, മഴയായും, മഞ്ഞായും, ഗ്രീഷ്മമായും കണ്ടുമുട്ടുമ്പോഴും നാം ലോകത്തിന്റെ ഏതേത് കോണുകളിലെന്ന് പരസ്പരം അറിയാതെ പോകുന്നല്ലോ......? പിറ്റർ *************************** #📝 ഞാൻ എഴുതിയ വരികൾ #📋 കവിതകള്‍ #🖋 എൻ്റെ കവിതകൾ🧾 #❤️ പ്രണയ കവിതകൾ

ഛായ ****************** ആണ്ടിലൊരിക്കൽ ശിവരാത്രിയുടെ തലേന്ന് ഇരുട്ടിന്റെ കുട ചൂടി തറവാട്ടിൽ ഒരു അതിഥി വന്നു. കാവിയുടുത്ത് കാവിപുതച്ച, നെറ്റിയിൽ ഭസ്മം പൂശിയ അതിഥി തലമുണ്ഡനം ചെയ്തിരുന്നു. താടിയും മീശയുമില്ലായിരുന്നു. അതിഥി മധ്യവയസ്സിന്റെ പാലം കടക്കാൻ തുടങ്ങിയിരുന്നു. തറവാടിന്റെ ഉമ്മറത്തെ തെക്കേ മൂലയിൽ അതിഥി ചുമരും ചാരി കുത്തിയിരുന്നു. മുത്തശ്ശിയുടെ കാൽ തൊട്ട് വന്ദിച്ച്, അമ്മയിലും,ചിറ്റമ്മമാരിലും, അമ്മാവന്മാരിലും ഗൗരവം നട്ടും അതിഥി ഇരുന്നു. മുത്തശ്ശി വിളമ്പിയ ഭക്ഷണം കഴിച്ച് അതിഥി മൗനിയായി. ഓരോ ശിവരാത്രിത്തലേന്നും മുത്തശ്ശിയും,മറ്റുള്ളവരും ആകാംക്ഷ കുടിച്ച് കണ്ണുകളിൽ തിളക്കവുമായി അതിഥിയുടെ വരവ് കാത്തു. ഇരുട്ടിന്റെ കുട ചൂടി വന്ന അതിഥി അവരിൽ ആഹ്ലാദം നിറച്ചു. അയൽപക്കത്തറവാടുകൾ അതിഥിയുടെ ആഗമനം അറിഞ്ഞില്ല, ആരും അറിയിച്ചുമില്ല. മുത്തശ്ശിയോട് ഭവ്യനായും, മറ്റുള്ളവരോട് ഗൗരവം കുടിച്ചും അതിഥി പലതും സംസാരിച്ചു. അ രാത്രി വീട് ആഗമനത്തിന്റെ ഉത്സവം കൊണ്ടാടി. അന്നൊക്കെ വള്ളി നിക്കറിട്ട് നടന്ന എനിക്ക് അതിഥി വാത്സല്യച്ചിരി സമ്മാനിച്ചു. അന്ന് മുത്തശ്ശിയും, മറ്റുള്ളവരും നിദ്ര വെടിഞ്ഞ് ശിവരാത്രി കൊണ്ടാടി. ഇരുട്ടിന്റെ കുട ചൂടി, അതിഥി യാത്ര പറയാതെ ഇരുട്ടിലൂടെ നടന്ന് പോയി. അപ്പോൾ കരയാത്ത മുത്തശ്ശി കണ്ണുനീരണിഞ്ഞു. അമ്മയും, അമ്മാവന്മാരും കണ്ണീരണിഞ്ഞു. ഞാൻ മാത്രം കരയാനും, ചിരിക്കാനുമാകാതെ ധർമ്മസങ്കടത്തിലുമായി. അടുത്ത ശിവരാത്രിത്തലേന്നത്തേക്ക് മുത്തശ്ശിയും, മറ്റുള്ളവരും അതിഥിയുടെ വരവിനായി കാത്തിരിപ്പാരംഭിച്ചു. എല്ലാവർക്കും അതിഥിയുടെ ഛായയായിരുന്നു. എനിക്കും..... പിറ്റർ *********************** #❤️ പ്രണയ കവിതകൾ #🖋 എൻ്റെ കവിതകൾ🧾 #📋 കവിതകള്‍ #📝 ഞാൻ എഴുതിയ വരികൾ

കാന്തം **************** അല്ലയോ മധ്യാഹ്ന സൂര്യാ, ഹൃസ്വവേളയിലേക്ക്, കാർമുകിലുകൾക്ക് വേണ്ടി ഒരവധിയെടുത്താലും. താഴെ, ഭൂമി ഒരു വേഴാമ്പലായി, ഒരിറ്റ് ദാഹജലത്തിനായ്, കൊക്കുപിളർത്തി, മാനം നോക്കി നിൽക്കുന്നത് നീ കാണുന്നില്ലയോ? നിന്റെ സ്പർശത്തിന്റെ ഉടയാടയണിയാൻ, ഒന്ന് നനയാൻ, പുതുമണ്ണിന്റെ മദഗന്ധം പരത്താൻ, രോമാഞ്ചമണിയാൻ അവൾ കൊതിക്കുന്നത് നീയറിയുന്നില്ലയോ? അല്ലയോ നിലാവേ, താഴെ, ഭൂമിയിൽ,പരന്നൊഴുകിയാലും. ജലാശയങ്ങളിൽ കൂമ്പി നിൽക്കുന്ന ആമ്പൽ മൊട്ടുകൾ ഇതളുകൾ വിടർത്തി കോൾമയിർ കൊള്ളട്ടെ. അല്ലയോ വിദൂര നക്ഷത്രമേ, താഴെ, ഭൂമിയിൽ ആരാധകനായ് ഞാൻ, പ്രണയിയായ് ഞാൻ, നിന്റെ സാന്നിധ്യം കൊതിക്കുന്നത് നീ കാണുന്നില്ലയോ?. അല്ലയോ ഗ്രീഷ്മസൂര്യാ താഴെ, ഭൂമിയിൽ സൂര്യകാന്തിപ്പാടങ്ങൾ നിന്നെ ധ്യാനിക്കുന്നത്, സൂര്യകാന്തിപ്പാടങ്ങളിൽ മയിലുകൾ പീലി വിടർത്തി നൃത്തമാടുന്നത് നീ കാണുന്നില്ലയോ.....? പിറ്റർ ********************** #📋 കവിതകള്‍ #📝 ഞാൻ എഴുതിയ വരികൾ #🖋 എൻ്റെ കവിതകൾ🧾 #🖋 എൻ്റെ കവിതകൾ🧾 #🖋 എൻ്റെ കവിതകൾ🧾 #❤️ പ്രണയ കവിതകൾ #❤️ പ്രണയ കവിതകൾ

#💞 നിനക്കായ് #💕Love wishes #♥ പ്രണയം നിന്നോട് #💑 സ്നേഹം #💌 പ്രണയം

#💞 നിനക്കായ് #💑 സ്നേഹം #❤️എന്റെ പ്രണയം #💑 Couple Goals 🥰 #😍 ആദ്യ പ്രണയം

#🙏 കർത്താവിൻറെ കരം #🙏 ഭക്തി Status #🏰 ക്രിസ്ത്യൻ സ്റ്റാറ്റസ് #✝️ ക്രിസ്തീയ പ്രാർത്ഥനകൾ

#🙏 കർത്താവിൻറെ കരം #🙏 ഭക്തി Status #🏰 ക്രിസ്ത്യൻ സ്റ്റാറ്റസ് #✝️ ക്രിസ്തീയ പ്രാർത്ഥനകൾ

#✝️ ക്രിസ്തീയ പ്രാർത്ഥനകൾ #🏰 ക്രിസ്ത്യൻ സ്റ്റാറ്റസ് #🙏 ഭക്തി Status #🙏 കർത്താവിൻറെ കരം