धर्मवीर छत्रपती संभाजी महाराज जयंती उत्साहात साजरी
नवहिंद प्रतिष्ठानच्या वतीने पाच दिवसीय कार्यक्रमांची रेलचेल
सांगली : स्वराज्याचे धाकलेधनी, धर्मवीर स्वराज्यरक्षक छत्रपती संभाजी महाराज यांच्या ३६९ व्या जयंतीनिमित्त नवहिंद प्रतिष्ठानच्या वतीने सालाबादप्रमाणे विविध कार्यक्रमांचे आयोजन मोठ्या उत्साहात करण्यात आले आहे. १३ मे रोजी रात्री बारा वाजता जन्मोत्सव कार्यक्रमाची सुरुवात ध्येयमंत्राने करण्यात आली. त्यानंतर छत्रपती संभाजी महाराजांचे पाळणा गीत सादर करण्यात आले. नवहिंद प्रतिष्ठानच्या महिलांच्या वतीने जिजाऊ वंदना आणि ध्येयमंत्र सादर करण्यात आला. कार्यक्रमानंतर उपस्थितांना सुंठवडा व मिठाई वाटप करण्यात आले तसेच फटाक्यांच्या आतिषबाजीत जन्मोत्सव साजरा करण्यात आला.
यावेळी छत्रपती संभाजी महाराजांच्या मूर्तीला शिव प्रतिष्ठान युवा हिंदुस्तान चे अध्यक्ष नितीन चौगुले तसेच दैनिक तरुण भारतचे संपादक शिवराज काटकर यांच्या हस्ते पुष्पहार अर्पण करून अभिवादन करण्यात आले.
कार्यक्रमास मराठा सेवा संघ चे डॉ. संजय पाटील, नवहिंद प्रतिष्ठानचे अध्यक्ष व शिवसेना जिल्हाप्रमुख शंभूराज काटकर, संतोष तावशी, उमेश चव्हाण, किशोर कचरे, संदेश चाळके, अनिकेत कराळे, शुभम माने, प्रसाद चव्हाण, अभिषेक तावशी, किरण चव्हाण, अरुण बाबर, रामदास थोरात, राजू तावशी आदी उपस्थित होते.
पाळणा गीत कार्यक्रमावेळी शिवसेना जिल्हाप्रमुख सुजाताई इंगळे, आशाताई पाटील, दीपश्री काटकर, रूपाली चव्हाण, दिपाली चाळके, उषा चव्हाण, लीना तावशी, रूपाली बाबर, संगीता चव्हाण, नैना कचरे, अशाराणी कराळे, पुनम चव्हाण, गौरी शिंदे आदी महिला मोठ्या संख्येने उपस्थित होत्या.
दिनांक १४ मे रोजी संभाजी महाराजांच्या जयंतीचा मूळ दिवस असल्याने सर्व सांगलीकरांसाठी दर्शनासाठी व्यासपीठ खुले ठेवण्यात आले आहे.
---
📌 पाच दिवसांचे कार्यक्रम वेळापत्रक
दिनांक कार्यक्रम
१३ मे रात्री १२ वाजता ध्येयमंत्र, पाळणा गीत, जिजाऊ वंदना, सुंठवडा व मिठाई वाटप, फटाक्यांची आतिषबाजी
१४ मे संभाजी महाराज जयंती निमित्त दर्शनासाठी व्यासपीठ सर्वांसाठी खुले
१५ मे सायकोशाहीर अभी मुंडे यांचा “शंभूगाथा” जाहीर कार्यक्रम
१७ मे मराठी भक्तीगीत, भावगीत तसेच शिवछत्रपती व शंभूराजांच्या जीवनावरील गीतांचा कार्यक्रम
१८ मे पारंपरिक भव्य मिरवणूक – स्टेशन चौक ते शिवतीर्थ
---
🎤 “शंभूगाथा” कार्यक्रम विशेष आकर्षण
१५ मे रोजी सायकोशाहीर अभी मुंडे यांचा “शंभूगाथा” हा जाहीर कार्यक्रम सर्वांसाठी मोफत खुला ठेवण्यात आला आहे. महिलांसाठी स्वतंत्र बसण्याची व्यवस्था करण्यात आली असून छत्रपती संभाजी महाराज यांच्या जन्मापासून ते बलिदानापर्यंतचा प्रेरणादायी जीवनप्रवास अभी मुंडे यांच्या प्रभावी वाणीतून सांगलीकरांना अनुभवता येणार आहे.
---
१८ मे रोजी स्टेशन चौकातून सुरू होणारी मिरवणूक बदाम चौक, राम मंदिर, पंचमुखी मारुती रोड मार्गे शिवतीर्थ येथे पारंपरिक पद्धतीने पार पडणार असून मोठ्या उत्साहात धर्मवीर छत्रपती संभाजी महाराजांचा जन्मोत्सव साजरा करण्यात येणार असल्याची माहिती नवहिंद प्रतिष्ठानचे अध्यक्ष व शिवसेना जिल्हाप्रमुख शंभूराज काटकर यांनी दिली.
#संभाजी म्हाताज
#🙏 प्रेरणादायक बॅनर
