*श्रीगुरूंची महती*
भावभक्तीचे हे साकडे देवापुढे।
कधी नको संकट ह्या मानव जातीपुढे।
आहेत नादान, परी भाव तुझे ठायी।
तुझेच रूप गुण चरित, ह्या सर्वांठायी।।१।।
मागील कर्माचे देणे भोगणे आहे।
परी अजाण मानव हे जाणेनाहे।
चौऱ्यांशी लक्ष फिरुनी देह हा मिळाला।
तरी किंमत अजुनी कळेना तयाला।।२।।
नरदेह म्हणजे काय, मांस, त्वचा आणि हाडे।
वात, पित्त, आणि कफातुनी तो घडे।
अन्न आणि जिवन घेता काय होते।
मल, मूत्र, वमन यात परिणती होते।।३।।
लागता परमार्थास परी देह हा।
सोन्यास ही उणे पाडील पहा।
आत्म्यास ओळखता देहातल्या या।
देहातून विदेही होण्यास सोपान हा।।४।।
ह्या आत्मज्ञानाची कसोटी कठीण।
गुरुकृपेचे हवे यास अवगुंठण।
गुरूंच्याच कृपेने लाभते हे ज्ञान।
जेव्हा आत्म्याचे परमात्म्याशी होते मिलन।।५।।
अजुनी वेळ आहे, धरा सद्गुरूंची कास।
सहज सोपे होउनी, सुटतील मायेचे पाश।
एकेक पायरी दाखवी नूतन मार्ग।
लागुनी गुरुचरणी अनुभवा येथेच स्वर्ग।।६।।
नसे माझे मनाचे, ही गुरुकृपा खरी।
श्रीवासुदेवांची शक्ती, बने वैखरी।
बोलविता धनी श्रीगुरुच माझे।
बोबड्या माझ्या बोलाचे निमित्त माझे।।७।।
श्रीगुरुदेव दत्त.
🙏🏻🙏🏻🙏🏻🙏🏻🙏🏻🙏🏻🙏🏻
#🌻आध्यात्म 🙏
