🪷167లింగ మహాపురాణం🪷
🍀శివుని సత్య రూపాలు🍀
#నూట అరవై ఏడవ భాగం#
సనత్కుమారుడు శిలాదుని కుమారుడు నందీశ్వరునితో "శైలాదీ! మునీశ్వరులు శివుని రూపాలను అనేక విధాలుగా వర్ణించారు. తమరు శివుని వద్దనే ఉంటారు. శివుని సత్య రూపాలను వర్ణించండి" అని కోరాడు. అంతటనందీశ్వరుడు సనత్కుమారా! మహర్షులు వర్ణించిన శివుని రూపాలన్ని నేను దర్శించుకున్నాను. నాకు తెలిసిన శివ సత్య రూపాలు వివరిస్తాను.
ఆగమ విద్వాంసులు శివుని క్షేత్రజ్ఞుడు అని, ప్రకృతివ్యక్తుడు అని,కాలాత్ముడుఅనిఅంటారు. అలాగేపురుషునిక్షేత్రజ్ఞశబ్దముతో,ప్రధానమునుప్రకృతిశబ్దముతో పిలుస్తారు. ప్రకృతి యొక్క వికృతి చేత ఉత్పన్నుడని కాలాత్ముడుఅనగాకాలమునకు ప్రధానుడుఅంటారు.అంతేకాకుండాప్రకృతివికృతిలకుముఖ్య కారణుడుఅనిచెబుతారు.
ఈ నాలుగు వర్గముల వలన పరమేశ్వరునికినాలుగురూపాలుఏర్పడ్డాయి.హిరణ్యగర్భుడు, పురుషుడు,ప్రధానుడు,వ్యక్తుడు. హిరణ్యగర్భుడు జగత్తు యొక్క సృష్టికర్త. ప్రణవ భోక్త, ప్రధానుడుయొక్కవికృతరూపమేవ్యక్తుడు.ప్రధానమేమహత్తుకు కారణము. కనుకఈనాలుగు శివరూపములని అర్థం చేసుకోవాలి.
కొందరు పండితులు శివునికి పిండరూపము, జాతి రూపము ఉందంటారు. చరాచర ప్రపంచపు భౌతిక రూపమే పిండము. సమస్త సామాన్య అసామన్యమే జాతి. కనుక పిండము, జాతి శివరూపములే అని తెలుసుకోవాలి. కొందరు శివుని హిరణ్యగర్భ రూపము తలుస్తారు. హిరణ్యగర్భుడు సమస్త జగత్తుకి హేతువు అనగా కారణుడు. ఆయన వలనే సమస్త జగత్తు ఏర్పడింది. కావున జగత్తుకి ఆత్మ అవుతాడు.
వేద విజ్ఞానులు శివుని అవ్యక్తుడు అంటారు. నిజానికి అవ్యక్తము ప్రధానుడు అవుతాడు. పరమేశ్వర రూపము ఎటువంటిది అంటే అనేక మణులు కూర్చబడిన సూత్రము వంటిది. సూత్రము అనగా దారము వలనే మణులు వంటి అనేక శివ రూపాలు కూర్చబడ్డాయి. కొందరు శివుని అంతర్యామి అని, ఈశుడు అని అంటారు.
శివుడు స్వయంగా వేద్యుడు, పరమేశ్వరుడు. శివుడు సర్వప్రాణులలో అంతర్యామిగా విరాజమానుడై ఉంటాడు. ఆత్మ రూపంలో అందరిలో ఉన్నా ఆయన సర్వప్రాణులకు పరుడు అనగా అతీతుడై ఉంటాడు. అందుకే శివుని పరాత్పరుడు అంటారు. కొందరు శివుని ప్రాజ్ఞుడు, తైజస్సుడు, విశ్వరూపుడు అని మూడు రూపాలలో కొలుస్తారు. ప్రజ్ఞాన రూపము సుషుప్తి, స్వప్నము, జాగృదావస్థ అనే మూడు స్థితులలో ఉంటుంది.
విరాట్, హిరణ్యగర్భుడు, అవ్యాకృతుడు అనే పదాలతో మూడు అనస్థలలో గల శివుని పిలుస్తారు. ఈ మూడు అవస్థలు జగత్తు సృష్టి స్థితి సంహారములకు కారణములు. కనుక శివుని విష్ణువు విరించి భవుడు అని అంటారు. జీవులు ఈ రూపాలలో శివుని భక్తితో కొలిచి ఆరాధించి ముక్తి పొందుతారు.
వేదములు, శాస్త్రములు తెలిసినవారు శివుని కర్త క్రియ కర్మ కారణము అనే నాలుగు రూపములు కలవానిగా చెబుతారు. అందుకే పరమేశ్వరునికి అనుప్రమాత, ప్రాణ, ప్రమేయ, ప్రమతి అనే నాలుగు రూపాలు ఉన్నాయి. అలాగే శివునికి గల ఈశ్వర, అవ్యాకృత, ప్రాణ భూత, జ్ఞానేంద్రియ రూపాలు శివునికి వికృతులు, జగత్తుకి కారణాలు అని చెబుతారు. పండితులు స్వయంప్రధానుడు, అవ్యాకృతుడు అంటారు. హిరణ్యగర్భునికి ప్రాణము అని మరొక నామము ఇవ్వబడింది.
భూత శబ్దము మహా పంచ భూతములను తెలియజేస్తుంది.
జ్ఞానేంద్రియాలు శివుని ప్రభావము తెలియజేస్తాయి కాబట్టి అవి శివుని రూపమే అంటారు. ఇరవై నాలుగు తత్త్వాలు శివుని నుంచే ఉత్పన్నమయ్యాయి కావున శివుని కంటే ఇతరములు (వేరేవి) కావు. శివతత్త్వమే అన్నిటి కంటే మహత్తరమైనది. శివుని నుంచే మాయ, అవిద్య, క్రియాశక్తి, జ్ఞానశక్తి, క్రియామయి అనే ఐదు అసందిగ్ధ రూపాలలో ఉత్పన్నమయ్యాయి.
సనత్కుమారా! నాకు తెలిసిన శివుని సత్య రూపాలను వివరించి చెప్పాను" అని ముగించాడు.
https://chat.whatsapp.com/KDL0KMpFKx1HphevElyH8R?mode=gi_t
#🌅శుభోదయం #🙏శుభాకాంక్షలు #🙏ఓం నమః శివాయ🙏ૐ
*తరువాత కధ రేపటి భాగంలో చదువుదాం*.
🌹శ్రీకాంత్ గంజికుంట
కరణంగారి సౌజన్యంతో🌹
💜 ఓం శ్రీఉమా
మహేశ్వరాయ నమ:💜
🙏లోకా:సమస్తాః
సుఖినోభవన్తు🙏
రేపటి తరానికి బ్రతుకు, భద్రత లతోపాటు భారతీయత కూడా నేర్పండి.*
(సర్వం శ్రీశివార్పణమస్తు)
🌷🙏🌷
శుభమస్తు 🌹 🌷 ♥️ 🙏 స్వస్తి.
🍀🌺🍀🌺🍀🌺🍀🌺🍀🌺
