பாரதிராஜாவின் 500 கோடி சொத்தில் மருமகளுக்கு பங்கு தர மறுக்கும் உறவினர்கள்.. நீலாங்கரை இல்லம் யாருக்குச் சொந்தமானது?
மூத்த இதழாளர் வெங்கடேசன் யூடியூப் நேர்காணலில் கூறியதாவது, "பாரதிராஜா அவர்களின் மறைவின் போது அஞ்சலி செலுத்த வந்த இயக்குனர் கங்கை அமரன், அங்கிருந்த குடும்ப உறுப்பினர்களைக் கண்டு, "இறுதியில் அவரை ஆதரவற்றவர் போல விட்டுவிட்டுப் போய்விட்டீர்களே?" என்று மிகுந்த வருத்தத்துடன் சத்தமாகத் தன் ஆதங்கத்தைக் காட்டினார். பாரதிராஜா மற்றும் கங்கை அமரன் இருவரும் தொடக்க காலத்தில் வறுமையில் ஒன்றாக வளர்ந்த நண்பர்கள் என்பதால், அந்த நெருக்கத்தின் காரணமாகவே அவர் அவ்வாறு ஆவேசமாகப் பேசினார்.
இந்தச் சிக்கல்களுக்கு பாரதிராஜாவின் மகன் மனோஜின் மறைவும், அதைத் தொடர்ந்து உருவான சொத்துத் தகராறுகளுமே முக்கியக் காரணங்கள். சினிமாவில் எதிர்பார்த்த அளவு உயர முடியாத விரக்தியில், மனோஜ் மதுவுக்கு அடிமையானார். சில மாதங்களுக்கு முன்பு அவர் மாரடைப்பால் காலமானார். தன் ஒரே மகனை இழந்த துயரத்தை பாரதிராஜாவால் தாங்கிக் கொள்ள முடியவில்லை. "மகன் உயிருடன் இருந்தபோதே அவருக்குரிய பங்கினைப் பிரித்துக் கொடுத்துத் துணை இருந்திருக்கலாம்; அப்படிச் செய்திருந்தால் அவர் இவ்வளவு சீக்கிரம் மறைந்திருக்க மாட்டார்" என்ற குற்ற உணர்வு அவரைத் தொடர்ச்சியாகத் துன்புறுத்தியது.
மனோஜ் மறைந்த பிறகு, சென்னை நீலாங்கரையில் உள்ள கோடிக்கணக்கான மதிப்புள்ள பங்களா உள்ளிட்ட சொத்துக்களில், மனோஜிற்குச் சேர வேண்டிய உரிமையை அவரது மனைவி மற்றும் இரு மகள்களுக்குப் பெற்றுத்தர பாரதிராஜா விரும்பினார். ஆனால், மகன் இறந்துவிட்ட நிலையில் ஏன் அவனது குடும்பத்திற்குச் சொத்து கொடுக்க வேண்டும் என்று கூறி, அவரது உறவினர்கள் அந்தச் சொத்துக்கள் அவர்கள் கைக்குச் செல்லாமல் தடுத்தனர். இது மிகவும் கொடூரமான செயலாகும். தான் உழைத்து சேர்த்த சொத்தை, தன் மகனின் வாரிசுகளுக்குக் கூட வழங்க முடியாத சூழல் ஏற்பட்டதால் பாரதிராஜா கடும் மனவேதனைக்கு உள்ளானார். அந்தத் துயரத்தால் அவர் உடல்நலம் குன்றி, சுயநினைவை இழந்தார்.
ஒருவன் வாழ்நாள் முழுவதும் எவ்வளவு கோடிக்கணக்கான சொத்துக்களைச் சேர்த்தாலும், இறப்பிற்குப் பின் அவனுக்குக் கிடைப்பது ஆறு அடி நிலம் மட்டுமே என்ற கசப்பான உண்மையை நாம் பல இடங்களில் காண்கிறோம். இவ்வளவு ஆஸ்தி இருந்தும், பாரதிராஜாவும் அவரது மகனும் இன்று உயிருடன் இல்லை; அந்தச் சொத்துக்களை இனி யார் அனுபவிப்பார்கள் என்பதும் தெரியவில்லை. எல்லாவற்றையும் விட வருத்தமான விஷயம் என்னவென்றால், தமிழ் சினிமாவின் ஒரு பெரும் தூணாக இருந்த பாரதிராஜா உயிருடன் போராடியபோது, அவரது இரத்த உறவுகள் அருகில் இல்லை. அவரது மகள் மலேசியாவிலும், மனைவி தேனியிலும், மருமகள் வேறொரு இடத்திலும் பிரிந்து வாழ்ந்து வந்தனர்.
தனது இறுதிக் காலத்தில் அவருக்குப் பின்தொடர உறவினர்கள் இல்லாததால், பணத்திற்குப் பணிபுரியும் செவிலியர்களும் பணியாளர்களுமே அவரைப் பார்த்துக்கொண்ட வேண்டிய அவல நிலை ஏற்பட்டது. பாரதிராஜா மலேசியாவில் இருந்தபோதே, அவரது சுயநினைவு குறைந்து தன் மகளையே அடையாளம் காண முடியாத நிலை உருவானது. அந்தச் சமயத்தில்தான் அவரது சொத்துக்கள் மாற்றப்பட்டதாகக் கூறப்படுகிறது. அந்தச் சொத்துக்கள் முறையாகப் பிரிக்கப்பட்டதா? அல்லது மனைவி, மகள், மருமகள் ஆகிய மூவரில் யாருக்குச் சென்றது? என்பது இன்றும் ஒரு பெரிய சந்தேகமாகவே உள்ளது. பாரதிராஜாவுக்குச் சொந்தமான 400 முதல் 500 கோடி ரூபாய் மதிப்புள்ள சொத்தில், அவர்களுக்கு வெறும் 10 முதல் 15 கோடி ரூபாய் மட்டுமே வழங்கித் தீர்வு காணப்பட்டதாகக் கூறப்படுகிறது, ஆனால் இது குறித்த தெளிவான தகவல்கள் இன்னும் இல்லை" என்று அவர் தெரிவித்தார்.
#சினிமா🎬தகவல்
#📺வைரல் தகவல்🤩 #🎥Trending வீடியோஸ்📺 #📑முக்கியமான வாட்ஸ்அப் தகவல் #📱சிறப்பு வீடியோக்கள்🎦
