శ్రీ లక్ష్మినారాయణుల వారు ఆదిశేషునిపైన పాల సముద్రంలో ఉన్న చిత్రం లో ఉన్న రహస్యతత్వం
ప్రతి దేవతా రూపం వివిధ రీతులలో వుంటూ ఒకో తత్వాన్ని తన భక్తులకు బోధిస్తుంది. అన్ని రూపాలు ఒకే రకంగా ఉండవు తిరుమల శ్రీ వెంకటేశ్వర స్వామి ఒక రకంగానూ, అయ్యప్ప స్వామి ఇంకో రకంగా, శివలింగం మరొక రకంగానూ ఉండడానికి కారణాలు ఇవే.
భక్తుడు ఆ దేవతా స్వరూపం చెప్పే తత్వం తెలుసుకొని పూజిస్తేనే ఆశించిన ఫలితం వచ్చే అవకాశం ఎక్కువ.
ఇక్కడ మనకు శ్రీమహావిష్ణువు ఎప్పుడు ఆదిశేషతల్పం మీద శయనించి ఉంటారు, పాదాల దగ్గర శ్రీలక్ష్మీదేవి ఉంటారు. ఇదే రూపం ను ఎన్నో సంవత్సరాలుగా మనం దర్శించుకుంటున్నాము.
విష్ణువు : కర్తవ్యం నిర్యహించేవాడు, అంటే మనం. మనకు ఎదో ఒక బాధ్యత, దానికి సంబంధించిన కర్తవ్యం ఉంటుంది. ఇక్కడ లింగ బేధం లేదు.
పాలసముద్రం :– మనకు లోకం ను సూచిస్తుంది. చూడ్డానికి అంతా స్వచ్ఛంగా ,శాంతిగా ఉన్నట్లు ఉంటుంది. కానీ సముద్ర స్వభావ రీత్యా ఏ నిమిషమైన తుపాను లు, ఉపద్రవాలు రావచ్చు. పూర్తిగా నమ్మలేనిది
ఆదిశేషుల వారు : సమస్యలకు చిహ్నం.
విష్ణువు అంటే మనం ఎప్పుడు సమస్యల పాన్పు మీద ఉంటాము. మనం ఏ మాత్రం అజాగ్రత గా ఉన్న సమస్యలు మనల్ని కబళించడం కోసం తయారుగా ఉంటుంది.
మనం, సమతాస్థితి తో సమస్యను సమస్యగా చూడాలి. ఆపేక్ష, ఉద్రేకం, పగ, కసి,ప్రీతి మొదలైన ఉద్రేక వైకల్యాలతో సమస్యను పరిష్కరించాలని చూస్తే.. అంటే విష్ణువు పాన్పు పై ఉద్రేకంగా కదిలితే , సర్పం అంటే సమస్య మనల్ని కాటు వేస్తుంది లేదా కబళించడం చేస్తుంది.
ఇలా సమతాస్థితి లో వుంటూ, సమస్యను పరిష్కరించిన మంచి ఫలితం అంటే లక్ష్మీ దేవి తనంతట తాను మీకు లభిస్తుంది..అంటే లక్ష్మీ దేవి విష్ణువు పాదాల దగ్గరకు వస్తుంది.
మీరు లక్ష్మీ కోసం ప్రయత్నాలు చేస్తే ఆమె దొరకదు.. ఆమె స్వభావరీత్య దొరికినట్లు దొరికి జారుకోంటుంది. ఆమె ఎప్పుడు నారాయణ పాదదాసి.
బ్రహ్మ : సృష్టికి సంకేతం. సమతాస్థితిలో ఉన్న విష్ణువు మాత్రమే ఏదైనా కొత్త సృష్టి చేయగలడు.. సమస్యలతో కొట్టుమిట్టాడే వాడు, తన బతుకు తప్పించి వేరే వ్యాపకం ఉండదు.. కొత్త సృష్టి అసంభవం.
ఇప్పుడు మీ చుట్టూ వున్న మనుషులను గమనిచండి.. ఎవరైతే తెలివితేటలు, జ్ఞానం, అధికారం ఉన్న, ఉప్పొంగక , ఉద్రేకపడక , అధైర్యపడక తన బాధ్యత, వ్యాపారం, కర్తవ్యం ని సమతా స్థితి తొ చేస్తారు వారి దగ్గరకు అన్ని రకాల లక్ష్మిలు చేరుతారు..
మిడి మిడి జ్ఞానం తో, తాటాకు చప్పుళ్ళు చేస్తూ..తొందర పడే వారు..పాతాళంకి చేరుకొంటారు.
ఈ సత్యం ను ఈ ఆదిశేషు సమేత శ్రీ లక్ష్మీనారాయణుడు రూపం బోధిస్తుంది..
రోజు పూజ చేయడం అంటే మననం చేసుకొని మనం వ్యవహరించాలి అని. అంతే కాని ఓ దణ్ణం, ఓ పువ్వు ఆ రూపం పైన వేయడం అని కాదు.
ఏ రోజు అయితే..భక్తి , సంప్రదాయాలు, మీ దైనందిన జీవితం లో భాగం వుంటేనే మీకు సార్ధకత.. అది ఏదో అర్థం అయ్యి అర్థం కాని బ్రహ్మపదార్థం అయితే..అలాగే వదిలేయకుండా పూర్తి అర్థం చేసుకొని జీవితం లో పాటించాలి.
#తెలుసుకుందాం #శ్రీ లక్ష్మీ నారాయణ స్వామి #🌺లక్ష్మీనారాయణ🌺 #లక్ష్మినారాయణలు #నమో లక్ష్మీనారాయణాయ నమః
