ഞങ്ങൾക്ക് ഇരുലോക വിജയം നൽകണേ റബ്ബേ 🤲

*📌 ആയുസ്സ് ഉരുകുകയാണ്...* ✍🏼പ്രിയപ്പെട്ടവരേ, നമ്മളൊക്കെ ഓരോ യാത്രക്കാരാണ്. എങ്ങോട്ടാണ് ഈ പ്രയാണം? തിരിച്ചുവരവില്ലാത്ത ഒരിടത്തേക്ക്... നമ്മുടെ അന്തിമമായ വിശ്രമകേന്ദ്രത്തിലേക്ക്, പടച്ചവന്റെ കോടതിയിലേക്ക്... സത്യത്തിൽ, വലിയൊരു കച്ചവടത്തിന് ഇറങ്ങിത്തിരിച്ചവരാണ് നാം. ലാഭവും നഷ്ടവും നോക്കാതെ എന്ത് കച്ചവടം, അല്ലേ? പക്ഷേ, സങ്കടകരമെന്ന് പറയട്ടെ, നമ്മളിൽ ഭൂരിഭാഗം പേരും ഇന്ന് കനത്ത 'നഷ്ടം' സഹിച്ചുകൊണ്ടാണ് ഈ കച്ചവടം നടത്തിക്കൊണ്ടിരിക്കുന്നത്. എന്താണ് ഈ കച്ചവടത്തിൽ നാം കൊടുക്കുന്ന വലിയ വിലയെന്നോ? നമ്മുടെ 'ആയുസ്സ്'. പകരമായി നമുക്ക് കിട്ടുന്നതോ? വെറും 'ശൂന്യത'യും..!! നട്ടുച്ച വെയിലത്ത് ഐസ് കട്ട വിൽക്കാൻ വെച്ച ഒരാളെ പോലെയാണ് മനുഷ്യൻ. "വാങ്ങുന്നവർ വേഗം വാങ്ങണേ, അല്ലെങ്കിൽ എന്റെ മുതല് ഉരുകിപ്പോവുകയാണേ..." എന്ന് വിളിച്ചു പറയുന്ന ആ കച്ചവടക്കാരന്റെ ഗതികേടില്ലേ, അതാണ് യഥാർത്ഥത്തിൽ നമ്മുടെ അവസ്ഥ. ഓരോ നിമിഷവും നമ്മുടെ ആയുസ്സ് ഉരുകിത്തീരുകയാണ്. ഈ ഐഹിക ജീവിതം ഒരു വഞ്ചനയാണ്. മരുഭൂമിയിലെ മരീചിക പോലെയാണത്. ദൂരെ നിന്ന് നോക്കുമ്പോൾ ദാഹജലമാണെന്ന് തോന്നും, ഓടിയെത്തുമ്പോൾ ഒന്നുമുണ്ടാവില്ല. എന്നിട്ടും, ശാശ്വതമായ പരലോകത്തേക്കാൾ നാം സ്നേഹിക്കുന്നത് ക്ഷണികമായ ഈ കളിപ്പാട്ടങ്ങളെയാണ്. ഇന്നത്തെ കാലത്തെ ഏറ്റവും വലിയ ദുരന്തം നമ്മുടെ കീശയിൽ ഇരിക്കുന്ന ആ 'സ്മാർട്ട്' ലോകമാണ്. രാവിലെ കണ്ണ് തുറക്കുന്നത് തന്നെ വിരലുകൾ കൊണ്ടാണ്. മുഖം കഴുകുന്നതിന് മുമ്പ് വാട്ട്സ്ആപ്പിലെ സ്റ്റാറ്റസുകളിലേക്കും ഇൻസ്റ്റാഗ്രാമിലെ റീലുകളിലേക്കും മനസ്സ് സഞ്ചരിക്കുന്നു. പൂച്ച മീൻ പിടിക്കുന്നതും, ആരോ ഉള്ളി അരിയുന്നതും കണ്ട് മണിക്കൂറുകൾ നാം കളയുന്നു. എന്നിട്ടോ? നല്ലൊരു കാര്യത്തിന് ക്ഷണിച്ചാൽ "ഒട്ടും സമയമില്ല..." എന്ന സ്ഥിരം പല്ലവിയും. ഓർക്കുക, നമ്മൾ ദിവസങ്ങളുടെ ഒരു കൂട്ടം മാത്രമാണ്. ഓരോ പകൽ മായുമ്പോഴും നമ്മുടെ ആയുസ്സിന്റെ ഓരോ ഭാഗമാണ് അടർന്നു വീഴുന്നത്. നാളെ റബ്ബിന്റെ കോടതിയിൽ, "എന്റെ ആയുസ്സ് ഞാൻ എന്തിന് വിനിയോഗിച്ചു?" എന്ന ചോദ്യത്തിന്, "ഞാൻ റീൽസ് കണ്ടു തീർത്തു" എന്ന് മറുപടി പറയാൻ നമുക്ക് കഴിയില്ലല്ലോ... അല്ലാഹു ﷻ നമ്മുടെ ആയുസ്സിൽ ബറകത്ത് നൽകട്ടെ.. അനാവശ്യമായ കാഴ്ചകളിൽ നിന്നും കേൾവികളിൽ നിന്നും നമ്മുടെ ഹൃദയത്തെ അവൻ കാത്തുരക്ഷിക്കട്ടെ.. നാളെ അവന്റെ സ്വർഗ്ഗപ്പൂന്തോപ്പിൽ, മുഖത്തോടു മുഖം നോക്കി പുഞ്ചിരിക്കുന്നവരായി നമ്മെ അവൻ ഒരുമിച്ചു കൂട്ടട്ടെ.., ആമീൻ യാ റബ്ബൽ ആലമീൻ 🤲🏻 #🕋 ഇസ്ലാമിക് സ്റ്റാറ്റസ് #നിൻ്റെ പൊരുത്തത്തിലായി ജീവിക്കാൻ നീ ഞങ്ങൾക്ക് ഭാഗ്യം നൽകണേ റബ്ബേ #അല്ലാഹുവേ നീ ഇഷ്ട്ടം വെക്കുന്ന നിൻ്റെ അടിമകളിൽ ഞങ്ങളെയും ചേർക്കണേ നാഥാ #ഞങ്ങൾക്ക് ഇരുലോക വിജയം നൽകണേ റബ്ബേ 🤲

☘️അസ്സലാമു അലൈക്കും ☘️ അല്ലാഹുവേ....!! ഈ ദുനിയാവിൽ ജീവിക്കുന്ന കാലത്തോളം ഇസ്സത്തോടെ ഇഖ്‌ലാസോടെ ,നിൻ്റെ തൃപ്തിയിലായി ജീവിക്കാൻ ഞങ്ങൾക്ക് തൗഫീഖ് നൽകുകയും ഞങ്ങളുടെ ശരീരങ്ങളിൽ ഉള്ള മുഴുവൻ രോഗങ്ങളെയും നീ ശിഫയാക്കുകയും ഞങ്ങളുടെ ആരോഗ്യം നിലനിർത്തി തരികയും ചെയ്യേണമേ യാ മന്നാനേ...☘️ #🕋 ഇസ്ലാമിക് സ്റ്റാറ്റസ് #നിൻ്റെ പൊരുത്തത്തിലായി ജീവിക്കാൻ നീ ഞങ്ങൾക്ക് ഭാഗ്യം നൽകണേ റബ്ബേ #അല്ലാഹുവേ നീ ഇഷ്ട്ടം വെക്കുന്ന നിൻ്റെ അടിമകളിൽ ഞങ്ങളെയും ചേർക്കണേ നാഥാ #ഞങ്ങൾക്ക് ഇരുലോക വിജയം നൽകണേ റബ്ബേ 🤲