യാത്രയ്ക്കിടെ സ്കൂട്ടറിൽ ആസ്വദിച്ച് കുളി; കൊടുംചൂടകറ്റാൻ വെറൈറ്റി ഐഡിയ, പൂനെയിൽ നിന്നുള്ള കാഴ്ചകൾ
💢⭕💢⭕💢⭕💢⭕
കൊടുംചൂടകറ്റാൻ യാത്രയ്ക്കിടയിൽ സ്കൂട്ടറിൽ കുളിക്കുന്ന യുവാക്കളുടെ വീഡിയോ സോഷ്യൽ മീഡിയയിൽ ചിരി പടർത്തുന്നു. പൂനെയിലെ പിംപ്രി-ചിഞ്ച്വാഡ് നഗരത്തിലെ കാലേവാഡി ഫാറ്റ പ്രദേശത്ത് നിന്നുള്ള വീഡിയോയും ചിത്രങ്ങളുമാണ് ഇപ്പോൾ വൈറലായിരിക്കുന്നത്. നിറയെ വാഹനങ്ങൾ കടന്നുപോകുന്ന റോഡിലൂടെ സ്കൂട്ടറിൽ സഞ്ചരിച്ചാണ് ചെറുപ്പക്കാർ വെറൈറ്റി മാർഗം പരീക്ഷിച്ചിരിക്കുന്നത്.
സ്കൂട്ടറോടിക്കുന്ന യുവാവിന്റെ മുകളിലേക്ക് മറ്റൊരാൾ ബക്കറ്റിൽ കൊണ്ടുവന്ന വെള്ളം കപ്പ് ഉപയോഗിച്ച് ഒഴിക്കുന്നത് കാണാം. ചിരിച്ചുകൊണ്ടാണ് യുവാക്കൾ ഇത് ചെയ്യുന്നത്. യുവാക്കളുടെ ഈ പ്രവർത്തി മറ്റുള്ളവർ കൗതുകത്തോടെയും അതിശയത്തോടെയുമാണ് നോക്കുന്നത്. വീഡിയോയ്ക്ക് വിവിധ തരത്തിലുള്ള പ്രതികരണങ്ങളാണ് ലഭിച്ചുകൊണ്ടിരിക്കുന്നത്. ചിലർ യുവാക്കളെ കളിയാക്കുകയും വിമർശിക്കുകയും ചെയ്യുന്നുണ്ട്.
എന്നിരുന്നാലും യുവാക്കളുടെ ഇത്തരത്തിലുള്ള വീഡിയോ പലരിലും ആശങ്ക സൃഷ്ടിക്കുന്നുണ്ടെന്നാണ് വിവരം. ഇത്തരം പ്രവർത്തികൾ മറ്റ് യാത്രക്കാർക്ക് അപകടകരമാകുമെന്നാണ് അഭിപ്രായങ്ങൾ. എന്നാൽ ഇതുവരെയായിട്ടും അധികൃതർ ഈ വിഷയവുമായി ബന്ധപ്പെട്ട് പ്രതികരിച്ചിട്ടില്ല.
മഹാരാഷ്ട്രിയിലെ വിവിധയിടങ്ങളിൽ ഉയർന്ന താപനിലയാണ് ദിവസം തോറും രേഖപ്പെടുത്തുന്നത്. കഴിഞ്ഞ ദിവസം 38 മുതൽ 40 ഡിഗ്രി സെൽഷ്യസ് താപനിലയാണ് രേഖപ്പെടുത്തിയത്. സംസ്ഥാനത്ത് കൊടുംചൂടിന് ആശ്വാസമായി നേരിയ തോതിൽ മഴ പെയ്തെങ്കിലും ചൂടിന് യാതൊരു മാറ്റവും സംഭവിച്ചിട്ടില്ലെന്നാണ് ജനങ്ങൾ പറയുന്നത്.
💢⭕💢⭕💢⭕💢⭕
#സ്കൂട്ടറിലെ കുളി 😂 #NEWS TODAY💢💢💢 #കൗതുക വാർത്തകൾ