ജൂൺ മാസം തുടങ്ങുമ്പോൾ തന്നെ നാട്ടിലാകെ ഒരു പ്രത്യേക ഉണർവാണ് രാവിലെ തന്നെ എഴുന്നേറ്റ് കുളിച്ചൊരുങ്ങി പുതിയ ഉടുപ്പും ഇട്ട് സ്കൂളിലേക്ക് പോകാൻ നിൽക്കുന്ന കുട്ടികളെ കാണുന്നത് തന്നെ മനസ്സിന് വല്ലാത്തൊരു സന്തോഷം നൽകുന്ന കാര്യമാണ്. മഴ പെയ്യുന്ന സമയത്താണെങ്കിലും പുതിയ കുടയും ചൂടി കൂട്ടുകാരുടെ കൂടെ നടന്നു പോകുന്ന കുട്ടികളുടെ മുഖത്തെ ചിരിക്ക് ഒരു പ്രത്യേക ഭംഗിയുണ്ട്. പുത്തൻ പുസ്തകങ്ങളുടെയും പുതിയ ബാഗിൻ്റെയും മണം ഓരോ വിദ്യാർത്ഥിയുടെയും മനസ്സിൽ പുതിയ പ്രതീക്ഷകൾ നിറയ്ക്കുന്നുണ്ട്...... വേനലവധിയുടെ മടുപ്പിൽ നിന്ന് മാറി വീണ്ടും കൂട്ടുകാരെ കാണാനും ഒരുമിച്ച് കളിക്കാനും പഠിക്കാനുമുള്ള അവസരം വരുന്നതിൻ്റെ ആവേശത്തിലാണ് എല്ലാവരും.
നാട്ടിലെ കവലകളിലും ചായക്കടകളിലും ഇപ്പോൾ പ്രധാന ചർച്ച കുട്ടികളുടെ സ്കൂൾ കാര്യങ്ങൾ തന്നെയാണ് പുസ്തകം വാങ്ങിയതും യൂണിഫോം തയ്ക്കാൻ കൊടുത്തതുമൊക്കെയായി സാധാരണക്കാർക്കിടയിൽ എപ്പോഴും കേൾക്കുന്ന സംസാരങ്ങൾ കേൾക്കാം. വീടുകളിൽ രാവിലെ തൊട്ട് വല്ലാത്തൊരു തിരക്കായിരിക്കും കുട്ടികളെ സമയത്തിന് എഴുന്നേൽപ്പിക്കാനും ഭക്ഷണം കൊടുത്ത് വണ്ടി കയറ്റി വിടാനുമുള്ള ഓട്ടപ്പാച്ചിലിലാണ് അമ്മമാർ. മുത്തശ്ശിമാരുടെ വക കുട്ടികൾക്കുള്ള ഉപദേശങ്ങളും സ്നേഹം നിറഞ്ഞ ശാസനകളും വീടുകളിൽ നിറഞ്ഞു നിൽക്കും ഈയൊരു സമയം വീടുകൾക്ക് ഒരു പ്രത്യേക ജീവൻ വെക്കുന്നത് പോലെ തോന്നും. മുതിർന്ന തലമുറയിലെ ആളുകൾക്ക് തങ്ങളുടെ സ്കൂൾ കാലഘട്ടം ഓർമ്മ വരുന്നത് ഇത്തരം സമയങ്ങളിലാണ്........ വീടിൻ്റെ മുറ്റത്ത് സ്കൂൾ ബസ്സ് വരുമ്പോഴോ കൂട്ടുകാർ വിളിക്കാൻ വരുമ്പോഴോ ഉള്ള കുട്ടികളുടെ തിടുക്കം കാണാൻ തന്നെ ഭംഗിയാണ്.
സ്കൂൾ മുറ്റത്ത് എത്തുമ്പോൾ പുതിയതായി ഒന്നാം ക്ലാസ്സിലേക്ക് വരുന്ന കുട്ടികളുടെ കരച്ചിലും അവരെ സമാധാനിപ്പിക്കുന്ന ടീച്ചർമാരെയും കാണാം. ആദ്യമായി വീട്ടിൽ നിന്ന് മാറി നിൽക്കുന്നതിൻ്റെ സങ്കടം മാതാപിതാക്കളുടെ മുഖത്തും കാണാൻ സാധിക്കും എന്നാൽ മുതിർന്ന ക്ലാസ്സുകളിലെ കുട്ടികൾ തങ്ങളുടെ കൂട്ടുകാരെ കണ്ടതിൻ്റെ സന്തോഷത്തിൽ വിശേഷങ്ങൾ പങ്കുവെക്കുന്ന തിരക്കിലായിരിക്കും. ക്ലാസ്സ് മുറികളിലെ പുതിയ ബെഞ്ചും ഡെസ്കും ചോക്കിൻ്റെ മണവുമെല്ലാം കുട്ടികളെ ഒരു പുതിയ ലോകത്തേക്ക് കൊണ്ടുപോകുന്നു. അവധിക്കാലത്ത് നടന്ന കാര്യങ്ങളും പുതിയതായി കണ്ട സിനിമകളുടെ വിശേഷങ്ങളും തുടങ്ങി പല കാര്യങ്ങളും അവർ പരസ്പരം സംസാരിക്കും. ഉച്ചയ്ക്ക് ഭക്ഷണം കഴിക്കുന്ന സമയത്ത് എല്ലാവരും കൂടി ഒരുമിച്ചിരുന്ന് ചോറ്റുപാത്രം തുറക്കുമ്പോൾ ഉണ്ടാകുന്ന സന്തോഷം പറഞ്ഞറിയിക്കാൻ കഴിയാത്തതാണ് പല വീടുകളിൽ നിന്നുള്ള പലതരം രുചികൾ ഒന്നിക്കുന്ന സമയം കൂടിയാണത്.
ക്ലാസ്സുകൾ തുടങ്ങി ആദ്യത്തെ കുറച്ച് ദിവസങ്ങളിൽ ചെറിയൊരു മടിയൊക്കെ കാണുമെങ്കിലും പതിയെ എല്ലാവരും പുതിയ ചുറ്റുപാടുമായി ഇഴുകി ചേരും. അധ്യാപകരും പുതിയ പാഠഭാഗങ്ങൾ പഠിപ്പിക്കാനും കുട്ടികളെ കൂടുതൽ കാര്യങ്ങൾ മനസ്സിലാക്കിക്കാനും ശ്രദ്ധിക്കാൻ തുടങ്ങും. മഴയത്ത് കുട ചൂടി വഴുക്കുന്ന ഇടവഴികളിലൂടെ നടന്നു പോകുന്നതും കൂട്ടുകാരുടെ കയ്യിൽ നിന്നും മിഠായികൾ വാങ്ങി കഴിക്കുന്നതുമൊക്കെ സ്കൂൾ ജീവിതത്തിലെ മറക്കാനാവാത്ത ചില അനുഭവങ്ങളാണ്. ഗ്രൗണ്ടിൽ കളിക്കാൻ പോകുന്ന സമയവും ഒഴിവ് സമയങ്ങളും വരാൻ വേണ്ടി കാത്തിരിക്കുന്ന വിദ്യാർത്ഥികൾ എല്ലാ സ്കൂളുകളിലുമുണ്ട്. പാട്ടുപാടാനും വരയ്ക്കാനും കഥകൾ പറയാനും ഒക്കെ കുട്ടികൾ സമയം കണ്ടെത്തും ഇത്തരം നിമിഷങ്ങൾ ഓരോരുത്തരുടെയും ജീവിതത്തിൽ എപ്പോഴും നിലനിൽക്കുന്ന നല്ല ഓർമ്മകൾ സമ്മാനിക്കുന്നു. ഓരോ ദിവസവും പുതിയ കാര്യങ്ങൾ പഠിച്ച് വളരാൻ ഈ അവസരങ്ങൾ കുട്ടികളെ ഏറെ സഹായിക്കുന്നുണ്ട് എല്ലാവർക്കും ഒരുപോലെ ആസ്വദിക്കാൻ കഴിയുന്ന ഒരു മികച്ച കാലഘട്ടമാണ് ഓരോ അധ്യയന വർഷവും തുറന്നിടുന്നത്. ഭാവിയിലേക്കുള്ള ചുവടുവെപ്പുകൾ തുടങ്ങുന്നത് ഇത്തരം ക്ലാസ്സ് മുറികളിൽ നിന്നാണ്.
"അറിവിൻ്റെ ലോകത്തേക്ക് പിച്ചവെക്കുന്ന ഓരോ കുരുന്നുകൾക്കും അക്ഷരങ്ങളുടെ ചിറകിലേറി ഉയരങ്ങൾ കീഴടക്കാൻ കഴിയട്ടെ; പുതിയ അധ്യയന വർഷം പുതിയ സ്വപ്നങ്ങൾക്കും മികച്ച വിജയങ്ങൾക്കും തുടക്കമാകട്ടെ... എല്ലാ വിദ്യാർത്ഥികൾക്കും ഹൃദയം നിറഞ്ഞ ആശംസകൾ!"
#🙋♀️ എൻ്റെ സ്റ്റാറ്റസുകൾ #✍️വിദ്യാഭ്യാസം #🛕Interesting facts
