factcheck 🧐

கன்னியாகுமரி தேர்தல் பிரச்சாரத்தில் ராகுல் காந்தி அதிமுகவை புகழ்ந்து பேசியதாக கிஷோர் கே சாமி தவறாக பரப்பி வருகிறார். ராகுல்காந்தி பேசியதன் தமிழ் மொழிபெயர்ப்பு இது தான். “எங்கேயெல்லாம் வாய்ப்பிருக்கிறதோ அங்கேயெல்லாம் அதிகாரத்தை கைப்பற்றிக் கொண்டு, அதன்பின்னர் டெல்லியில் இருந்து அந்தப் பகுதியை ஆள நினைக்கிறது பாஜக. ஆனால் இதை தமிழ் மக்களிடம் நேரடியாக சொல்வதற்கு அவர்களுக்கு தைரியமில்லை. அதற்காக அவர்கள் தமிழ்நாட்டில் பெரிய வரலாற்றை உடைய ஒரு இயக்கத்தை (அதிமுக) இப்போது கைவசப்படுத்தி இருக்கிறார்கள். அதிமுக தமிழ்நாட்டின் வளர்ச்சியில் மிகப்பெரிய பங்காற்றியிருக்கிறது என்பதை நான் மறுக்கவில்லை. தமிழ்நாட்டை உண்மையிலே பிரதிநிதித்துவப்படுத்திய அதிமுக தலைவர்கள் ஒரு காலத்தில் இருந்தார்கள். ஆனால் இன்று இருக்கும் அண்ணா திராவிட முன்னேற்றக் கழகம் என்பது ஒரு வெற்றுக் கூடாக மாறியிருக்கிறது. தற்போது அதிமுக பாஜக தமிழ்நாட்டில் நுழைவதற்கான கருவியாக மாறிப்போய் இருக்கிறது. அதிமுகவின் இன்றைய தலைவர்கள் ஊழலில் திளைத்த காரணத்தால் இன்று மோடி அரசிடம் முழுமையாக சரணாகதி அடைந்திருக்கிறார்கள்”. ராகுல்காந்தி பேசியதன் சிறு பகுதியை மட்டும் எடுத்து அவர் அதிமுகவை புகழ்ந்து பேசியதாக தவறாக கிஷோர் கே சாமி பரப்புகிறார். Proof : https://www.youtube.com/live/5wENud9dcZo?si=2xrXu6FGp6n9QznM&t=3783 #youturn #factcheck 🧐

பெண்களுக்கு 33 சதவீத இட ஒதுக்கீடு என்ற பெயரில் குடும்பம் என்ற அடிப்படை இந்திய கலாச்சாரத்தை பாஜக அழிக்க துடிக்கிறது என்று ராகுல் காந்தி கூறியதாக பரவும் நியூஸ் கார்ட் போலியானது. தந்தி டிவி ஊடகம் இப்படியான எந்த ஒரு நியூஸ் கார்ட்டையும் வெளியிடவில்லை என்பதை உறுதிப்படுத்தியுள்ளனர். #youturn #factcheck 🧐 #dmk

மூடநம்பிக்கை கூடாரங்கள் தகர்த்து துடைத்தெறியப்படும் கடவுளே இறங்கிவந்தாலும் சரி யாராலும் காப்பாத்த முடியாது" என பிரச்சாரத்தின் போது மு.க ஸ்டாலின் காட்டமாக பேசியதாக பரவும் நியூஸ் கார்ட் போலியானது. தி.மு.க.வை இந்தியாவே உயர்வாகப் பேசுகிறது என்ற சன் நியூஸ் ஊடகத்தின் நியூஸ் கார்ட்டை எடிட் செய்து பரப்புகின்றனர். https://x.com/sunnewstamil/status/2045407543808458985?s=20 #dmk #factcheck 🧐 #youturn

‘IBC தமிழ்’ ஊடகம் வெளியிட்டுள்ள சிறப்பு கருத்துக்கணிப்பில் நாம் தமிழர் கட்சியே முன்னிலை எனக் கூறி பரவி வரும் நியூஸ் கார்டு போலியானது. IBC தமிழ் தனது எக்ஸ் பக்கத்தில் “இதுபோன்ற எந்த கருத்துக்கணிப்பு முடிவையும் நாங்கள் வெளியிடவில்லை” என்று மறுப்பு தெரிவித்துள்ளது. Proof; https://x.com/ibctamilmedia/status/2044341651712438577 #youturn #factcheck 🧐

“திருப்பரங்குன்றத்தில் தீபம் ஏற்றினால் மக்களின் பசி பஞ்சம் தீர்ந்து விடுமா? அல்லது படிப்பு வேலை வாய்ப்பு கிடைத்து விடுமா?என முதலமைச்சர் மு.க ஸ்டாலின் கேள்வி” எனப் பரவி வரும் நியூஸ் கார்டு போலியானது. #factcheck 🧐 #youturn இது குறித்து ‘சன் நியூஸ்’ டிஜிட்டல் ஊடகப் பிரிவை தொடர்பு கொண்டு பேசியதில், "இது குறித்து எந்த செய்தியும் வெளியிடவில்லை, பரவி வரும் கார்டு போலியானது" என உறுதி செய்துள்ளனர்.

"ஜனநாயகன் முழுப்படத்தையும் லீக் செய்த திமுகவினர்" எனப் பரவும் செய்தித்தாளின் புகைப்படம் போலியானது. இது குறித்து எந்த ஊடகத்திலும் செய்தி வெளியிடப்படவில்லை. எடிட் செய்து போலியான செய்தித்தாளை பரப்பி வருகின்றனர். #youturn #factcheck 🧐 #jananayagan