#😨बापरे! तिघी बहिणींनी एकाच तरुणाशी लग्न केले
उत्तर प्रदेशातील अमरोहा जिल्ह्यात एकाच तरुणाशी तिघी बहिणींनी विवाह केल्याचा दावा करणारा व्हिडिओ सोशल मीडियावर मोठ्या प्रमाणात व्हायरल झाला आहे. या व्हिडिओमध्ये एक तरुण तिन्ही महिलांच्या भांगात सिंदूर भरताना दिसत असून, या घटनेची सोशल मीडियावर जोरदार चर्चा सुरू आहे. मिळालेल्या माहितीनुसार, सरोज, सावित्री आणि संतोष या दोन सख्ख्या व एक चुलत बहिणी सोशल मीडिया कंटेंट क्रिएटर आहेत. त्या गेल्या काही महिन्यांपासून विकास ऊर्फ विकू नावाच्या कॅमेरामनसोबत काम करत होत्या. परस्पर संमतीने त्यांनी १७ जुलै रोजी एका मंदिरात विवाह केल्याचा दावा केला आहे. मात्र या विवाहाला दोन्ही कुटुंबातील सदस्य उपस्थित नव्हते. दरम्यान, काही हिंदू संघटनांनी या घटनेवर आक्षेप घेतला असून, याबाबत निषेध व्यक्त केला आहे. दुसरीकडे, संबंधित महिलांनी व्हिडिओद्वारे आपण सर्वजणी सज्ञान असून स्वतःच्या इच्छेने हा निर्णय घेतल्याचा दावा केला आहे. पोलिसांनी मात्र स्पष्ट केले आहे की, या प्रकरणात अद्याप कोणतीही लेखी तक्रार प्राप्त झालेली नाही. तसेच व्हायरल व्हिडिओ प्रत्यक्ष विवाहाचा आहे की केवळ सोशल मीडिया कंटेंट (रील) आहे, याबाबतही खात्री झालेली नसून, तक्रार मिळाल्यास कायदेशीर चौकशी केली जाईल, असे पोलिसांनी सांगितले आहे.
#📲व्हायरल व्हिडिओ #मराठी बातम्या { Breking News } #trending #📼ट्रेंडिंग व्हिडिओ😲 
