#🚩 अधिकमास महात्म्य 🚩 🌹⚜️🚩🔆🕉🔆🚩⚜️🌹
दान महात्म्य सांगणारा अधिक मास प्रारंभ
⚜️⚜️🚩⚜️⚜️⚜️⚜️⚜️⚜️🚩
ध्यानं परं कृतयुगे त्रेतायां ज्ञानमुच्यते ।
द्वापरे यज्ञमेवाहु: दानमेव कलौ युगे ॥
अधिक मास (ज्याला 'पुरुषोत्तम मास' किंवा 'मलमास' देखील म्हटले जाते) हा हिंदू कालगणनेनुसार दर ३२ ते ३३ महिन्यांनी (सुमारे ३ वर्षांनी) येणारा एक अतिरिक्त महिना आहे, जो ईश्वरभक्ती, आत्मशुद्धी आणि आध्यात्मिक प्रगतीसाठी अत्यंत पवित्र मानला जातो. चांद्र वर्ष आणि सौर वर्ष यांमधील ११ दिवसांचा फरक भरून काढण्यासाठी या महिन्याची निर्मिती करण्यात आली आहे. भगवान विष्णूंनी या महिन्याला आपले 'पुरुषोत्तम' हे नाव दिल्यामुळे या काळात केलेल्या उपासनेचे फळ अनेक पटींनी अधिक मिळते, अशी धार्मिक श्रद्धा आहे.
कृतयुगात ध्यान, त्रेतायुगात ज्ञान, द्वापरयुगात यज्ञ आणि कलीयुगात दान.. ज्ञानदान ही सर्वश्रेष्ठ साधने आहेत.
अधिक मास. अर्थात पुरुषोत्तम मास किंवा धोंड्याचा महिना आज प्रारंभ होतोय. दर तीन वर्षांनी येणारा हा अधिक मास यंदा ज्येष्ठ मास अधिक म्हणून आलाय.
आपले सण, उत्सव, व्रते व उपासना चांद्रमासा प्रमाणे म्हणजे चंद्राच्या गतीवर आधारलेले आहेत. पण ऋतू मात्र सौरमासा प्रमाणे.. सूर्याच्या गतीवर ठरविलेले आहेत. विशिष्ट सण हे विशिष्ट महिन्यातच यावे म्हणून पंचांगकर्त्यांनी चांद्रमास व सौरमास यांचा मेळ घालण्यासाठी दर तीन वर्षांनी चांद्रमासाचा एक महिना अधिकमास म्हणूनं ठरविला आहे.
मानवी जीव हा जल.. अग्नि.. आकाश.. वायू आणि पृथ्वी या पाच महान घटकांचा बनला आहे. हे घटक त्यांच्या स्वभावानुरुप प्रत्येक सजीवाचे स्वरुप कमी अधिक स्वरुपात ठरवतात. अधिकामातील सर्व धार्मिक कृती, चिंतन, ध्यान, योग याव्दारे आपल्या शरीरातील पाच घटकांचे संतुलन प्रस्थापित करण्याचा प्रयत्न या अधिक महिन्यात केला जातो.
यामुळेच अधिक मासात सर्वत्र भजन.. कीर्तन केले जाते. श्रीमद देवी भागवत, श्री भागवत पुराण, श्री विष्णू पुराण, श्री विष्णू सहस्त्रनाम तसेच अनेक विष्णू अवताराच्या ग्रंथाचे वाचन.. श्रवण केले जाते. विष्णू मंत्राचा जप केला जातो.
अधिक मासात मौन व्रताचेही महत्त्व आहे. गरजूंना दानाचेही महात्म्य आहे. ज्ञानदान हा पण पुण्य प्राप्तीचा सुलभ मार्ग आहे. दानासाठी कर्णाची उदारता हवी. जेवढे दान दिल्या जाते त्याच्या दहापट परत आपल्याकडे येते हा निसर्ग नियमच आहे. तेवढा पुण्याचा साठा नक्कीच जमा होणार.
या आधिक महिन्यात जावईबुवांना तेहेतीस बत्तासे.. अनारसे दान देण्याची परंपरा आहे.
भगवंताचे कोणतेही नाव श्रद्धापूर्वक घेतले तरीही आपला भक्तीभाव त्याच्या पर्यंत नक्कीच पोहोचतो .
🚩🚩सर्वांना अधिक मासाच्या हार्दिक शुभेच्छा 🚩🚩
🌹🌹ॐ नमो भगवते वासुदेवाय🌹🌹🙏🙏
🌹🌿🌸🔆🌺🔆🌸🌿🌹🌻🌼🥀🌸🌻🌸🥀🌼🌻🌹🙏
#अधिकमास पोथी 
