#వాటర్ #📰ఈరోజు అప్డేట్స్ #🏛️పొలిటికల్ అప్డేట్స్ #🏛️రాజకీయాలు #🆕Current అప్డేట్స్📢
*జలజీవన్ మిషన్ సాక్షిగా...*
🚰..కాట్రేనికోనలో నీటి కష్టాలు..!!
*✍️..పై ప్రత్యేక కథనం..రిపోర్టర్ :- శేఖర్📲..9603197203..✍️*
పెద్దల ఇళ్లలో మోటార్ల 'దౌర్జన్యం'.. సామాన్యులకు అందని *'జలం'..🚰*
*ఆర్.డబ్ల్యూ.ఎస్ అడ్రస్ ఎక్కడ..???*
ప్రతి ఇంటికీ స్వచ్ఛమైన తాగునీరు అందించాలనే లక్ష్యంతో ప్రభుత్వం 'జల జీవన్ మిషన్' పథకాన్ని ప్రవేశపెట్టింది. కానీ కాట్రేనికోన గ్రామంలో మాత్రం ఈ పథకం ఆశయం నీరుగారిపోతోంది. *కోట్ల రూపాయలు వెచ్చించి మంచినీటి ట్యాంకులు,పైపులైన్లు నిర్మించినా , కుళాయిలు వేసినా ప్రజల గొంతు మాత్రం ఎండడం మాములే..* ముఖ్యంగా గ్రామంలోని శివారు ప్రాంతాలు, మెరక ప్రాంతాల్లో నివసించే వారు చుక్క నీటి కోసం అల్లాడిపోతున్నారు. గ్రామ శివారు గచ్చకాయలపోర,నాగపట్నం,సత్యమ్మ చెట్టు, మొండి పోర,వేట్లపాలెం తదితర శివారు ప్రాంతాల్లోనూ, మెయిన్లో హై స్కూల్ వీధి, గొల్లల వీధి, రజకుల పేట ప్రాంతాలకు మంచినీరు పూర్తిస్థాయిలో అందడం లేదు.కొన్నిచోట్ల పైపులైను కుళాయిలు అసంపూర్తిగా నిర్మించి వదిలేశారు. పనుల్లో నాణ్యత కొరవడిదంటున్నారు. కాంట్రాక్టర్ నిర్వాకం, అధికారుల నిర్లక్ష్యం వల్ల గ్రామంలో నీటి సరఫరా అస్తవ్యస్తంగా మారిందని ప్రజలు ఆరోపిస్తున్నారు. రెండు రోజుల కోసారి కేవలం గంట లోపు మాత్రమే కుళాయిలద్వారా నీటిని విడుదల చేస్తున్నారు. ఆ తక్కువ సమయంలో కూడా నీరు అందరికీ చేరడం లేదు. సన్నటిదార నీటితో బింది నిండటానికే సమయమంతా సరిపోతుండటంతో మహిళలు ఇక్కట్లు పడుతున్నారు. దీనికి సాంకేతిక లోపాలు ఎంత కారణమో, కొందరు వ్యక్తుల స్వార్థం అంతకంటే ఎక్కువ కారణమని స్పష్టమవుతోంది.ప్రధాన పైపులైన్ల నుంచి వచ్చే నీటిని గ్రామంలోని పలువురు ప్రభావశీలురు, పెద్ద ఇళ్ల యజమానులు భారీ మోటార్లు బిగించి తోడేస్తున్నారు. దీనివల్ల నీటి పీడనం తగ్గి, చివరి గొలుసు ప్రాంతాలకు నీరు ఏమాత్రం అందడం లేదు. మోటార్లు బిగించి మంచినీరు మళ్లిస్తున్నా అధికారులు మాత్రం నిమ్మకు నీరెత్తినట్లు వ్యవహరిస్తున్నారని స్థానికులుఆరోపిస్తున్నారు.ఈసమస్యపైపంచాయతీ,ఆర్.డబ్ల్యూ.ఎస్ అధికారులకు ఫిర్యాదులు అందినప్పటికీ, వారు 'మొక్కుబడి' చర్యలతోనే సరిపెడుతున్నారు. తగిన పర్యవేక్షణ,నిఘా లేదని స్థానికులు ఆవేదన వ్యక్తం చేస్తున్నారు.గ్రామంలో మోటార్లు తొలగించాలని దండోరా వేయించిన అధికారులు, క్షేత్రస్థాయిలో మాత్రం ఒక్క మోటారును కూడా తొలగించిన దాఖలాలు లేవు. దీని వెనుక రాజకీయ ఒత్తిళ్లు ఉన్నాయనే విమర్శలు బలంగా వినిపిస్తున్నాయి.కేవలం చాటింపులతో సరిపెట్టకుండా, అధికారులు స్వయంగా తనిఖీలు చేపట్టాలి. *అక్రమంగా మోటార్లు వాడుతున్న వారిపై కఠిన చర్యలు తీసుకోవాలని కోరుతున్నారు.* గ్రామంలో 3794 నివాస కుటుంబాలు ఉండగా ఇప్పటికి 3563 కుళాయిలు ఏర్పాటు చేశారు..ఇంకా 250 వరకు కొత్త కుళాయిలు వేయాల్సి ఉందని జలజీవన్ మిషన్ రికార్డులు చెబుతున్నాయి.. ఇకనైనా శివారు ప్రాంతాల్లోని నిరుపేదల దాహార్తిని తీర్చాలి అని గ్రామస్తులు డిమాండ్ చేస్తున్నారు. అలాగే వ్యాధులు ప్రబలకుండా బాగాశుద్ధి చేసిన పరిశుభ్రమైన మంచినీటినే క్రమం తప్పకుండా సరఫరా చేయాలని కూడా కోరుతున్నారు. *ఫిల్టర్ టెస్ట్ కిట్టులతో తరచూ మంచి నీటిని పరీక్షలు చేయించాలని సూచిస్తున్నారు.* జల జీవన్ మిషన్ నిధులు రు.కోట్లు ఖర్చవుతున్నా, ప్రజలకు మాత్రం పాతకష్టాలు తీరడం లేదు. గతంలో ఉన్న పబ్లిక్ కుళాయిలే నయమనిపిస్తోందని ప్రజలు అంటున్నారు .ఇప్పటికైనా ఉన్నతాధికారులు స్పందించి కాట్రేనికోనలో రెగ్యులర్ ఆర్ బ్ల్యూఎస్ ఇంజనీర్ ను ఉంచి నీటి పంపిణీ వ్యవస్థను సరిదిద్దాలని ప్రజలు కోరుతున్నారు..
__________________________
డాక్టర్ బి.ఆర్.అంబేద్కర్ కోనసీమ జిల్లా :-
ముమ్మిడివరం - నియోజకవర్గం
*శేఖర్✍️ న్యూస్ 📹 గ్రూప్స్* 5️⃣
👇 *వాట్సాప్ గ్రూప్ లింక్*👇
______________________✍️
*ఫాలో అవ్వండి.* & *సబ్ స్క్రైబ్ చేసుకోండి...👇*
౼౼౼౼౼౼౼౼౼౼౼౼౼౼౼౼౼౼౼
Follow this link to join my WhatsApp group: https://chat.whatsapp.com/B84kn3XfnsiIxEJyhmXoyV?mode=gi_t
౼౼౼౼౼౼౼౼౼౼౼౼౼౼౼౼౼౼౼౼
