*जनगणना 2026-27*
*जनगणना करताना आलेला भावनिक अनुभव*
जनगणनेच्या कामानिमित्त गावातील शेतशिवारात जाण्याचा योग आला. उन्हातान्हात शेतकरी वडील आणि मुलगा बैलांच्या सहाय्याने शेताची नांगरणी करत होता. आधुनिक यंत्रसामग्रीच्या युगातही पारंपरिक पद्धतीने शेती करणारे ते दृश्य मनाला स्पर्शून गेले.
*माहिती घेत असताना त्यांच्याशी भरपूर गप्पागोष्टी झाल्या. शेतीतील संघर्ष, बदलते वातावरण, कुटुंबाची जबाबदारी, मुलांचे शिक्षण आणि गावातील जुन्या आठवणी याबद्दल ते मनमोकळेपणाने बोलत होते. त्यांच्या साधेपणात आणि आपुलकीत एक वेगळाच आनंद दडलेला होता. काही क्षणांसाठी जनगणनेचे काम विसरून मी आणि काकडे सर त्या ग्रामीण जीवनाचा एक भाग झालो*.
काम पूर्ण झाल्यावर निघताना त्यांनी प्रेमाने वानोळा म्हणून काही 🥭आंबे हातात दिले. त्या आंब्यांची किंमत नव्हती, पण त्यामागील माया आणि जिव्हाळा अमूल्य होता. त्या क्षणी गावाकडच्या नात्यांची ऊब पुन्हा एकदा अनुभवायला मिळाली.
घरी परतताना मनात एकच विचार होता—गावाकडची माणसं कदाचित साधी असतील, पण त्यांची माणुसकी, प्रेम आणि आपुलकी खरोखरच श्रीमंत असते. जनगणनेच्या निमित्ताने भेटलेला हा अनुभव आयुष्यभर स्मरणात राहील. 🌾🥭🙏
#🌾शेती माहिती #🌳निसर्ग फोटोग्राफी #ग्रामीण खाद्य संस्कृती 😋 #गावाकडच्या गोष्टी... ग्रामीण भाग #ग्रामीण जीवनशैली
