rashi phalalu

🙏 ఓం శ్రీ గురుభ్యోనమః 🙏 శ్రీరస్తు - శుభమస్తు - అవిఘ్నమస్తు, తేదీ ... 03 - 06 - 2026, వారం ... సౌమ్యవాసరే ( బుధవారం ) శ్రీ పరాభవ నామ సంవత్సరం, ఉత్తరాయణం, గ్రీష్మ ఋతువు, అధిక జ్యేష్ఠ మాసం, బహుళ పక్షం, *_నేటి మాట_* *మానవుని అజ్ఞానానికి ఈశ్వరుని నవ్వు...!!* ఇంకాసేపట్లో చనిపోయే బిడ్డకు వైద్యంచేస్తూ వైద్యుడు వాళ్ళ తల్లితో “ఏమీ భయం లేదమ్మా మీ అబ్బాయికి ఏమి కాదు, నేను బతికిస్తాను“ అన్నప్పుడు... మరోసారి ఇద్దరు అన్నదమ్ములు భూమిని పంచుకొని “ఇదిగో ఈ భూమి నాది , అదిగో అటువైపు వున్నది నా తమ్మునిది" అన్నప్పుడు. వీడి తండ్రి, తాత, ఇదే మాట అన్నారు పోయారు, ఇప్పుడు వీడు అదే అంటున్నాడు. రేపు వీడు పోతాడు అయినా “ఇది నాది” అనే భ్రమలో, మాయలో, అజ్ఞానంలో బతుకు తున్నాడు అని ఈశ్వరుడు నవ్వుకుంటారట. నిజమే... ఏదీ శాశ్వతం కాదు. మనం, మన పిల్లలు, మనం సంపాదించుకున్న ఇళ్ళు, భూమి, మన బ్యాంకు బాలన్స్ ఏవి మన వెంట రావు. ఈ విషయం మనకందరికీ తెలుసు, అయినా “నాది, నావి “అనే మాయలోనే ఉండి పోతున్నాము. ప్రతి రోజూ తెల్లవారు తోంది, పగలు వెళ్ళిపోతోంది. రాత్రి మొదలవుతోంది, తర్వాత మళ్ళీ తిరిగి పగలు ఏర్పడు తోంది. పగలు తిరగడం, రాత్రుళ్ళు నిద్రపోవడం ఎన్నాళ్ళిలా? ప్రతిరోజూ తిన్నదే తింటున్నాం, తాగిందే తాగుతున్నాం. రోజూ అదే తిండి, అదే నీరు, అదే మంచం, అదే నిద్ర, అయినా ఎందుకో వీటి మీద ఆశ చావడం లేదు. దుఃఖం తొలగడమూ లేదు, ఏమాత్రం అర్ధం కాని ఈ పగలు, రాత్రి అనే ప్రయాణం చివరికి ఎక్కడికి... ఆలోచిస్తుంటే ఈ ప్రయాణం ఒకరోజు చావడం దగ్గరకు తప్ప మరొక చోటుకు కానే కాదని మాత్రం తెలుస్తోంది. ఇక్కడ పుట్టేదంతా ఒకనాటికి తప్పక నశించేదే అయినప్పుడు ఈ దుఃఖం దేనికి.. ఈ ఆరాటం దేనికి.. మనలో ఏర్పడి ఉన్న ఈ “నాది - నావి - నావాళ్ళు” అనే భ్రమంతా మనకు ఎక్కడి నుంచి వచ్చింది..? ఈ జీవితమే మూన్నాళ్ళ ముచ్చటని తెలుస్తూనే ఉన్నప్పటికీ మరి మనం ఎందుకు ఇలా ఆలోచిస్తున్నాం..? డబ్బు సంపాదించాలి.. దాన్ని భద్రంగా దాచుకోవాలి.. అందరికంటే గొప్పవాళ్ళం అయిపోవాలి అని... ఇదంతా పిచ్చి కాకపోతే ఇంకేంటి.! ఇలా మనలో మనం ప్రశ్నించుకోవాలి, ఈ శరీరం పుట్టేటప్పుడు, ఈ శరీరం పెరిగేటప్పుడు, ఈ శరీరం పోయేటప్పుడు ఏదయితే మార్పు అనేదే లేకుండా ఈ శరీరంలో ఉందో అదే ఆత్మ. ఆ ఆత్మే నేను అన్న ఎరుక కలిగిననాడు ఆత్మజ్ఞానం మనలో వుద్భవిస్తుంది. జ్ఞానం కలిగిన తరువాత వైరాగ్యం,దాని తరువాత భక్తి , భక్తికి పరాకాష్ట భగవంతుని దర్శనభాగ్యం. చివరిగా ముక్తి... ముక్తి పొందడానికెే దైవం మనకు మానవజన్మ ప్రసాదించాడని తెలుసుకున్న తరవాత సాధన చెయ్యాలి. మనం కోరుకునే జ్ఞానం, ముక్తి మరెక్కడో లేదు, మన మనస్సులోనే ఉంది. మనిషి దేవుణ్ణి కోరుకోవలసినది... అనాయాసేన మరణం, వినా దైన్యేన జీవనం, దేహాంతే తవ సాన్నిధ్యం, దేహిమాం పరమేశ్వర || అర్ధం : బాధలేని సుఖమరణం, ఒకరిపై ఆధారపడని జీవితం, పోయేముందు నీ దర్శనం, ప్రసాదించు పరమాత్మ... *_🌺శుభమస్తు🌺_* 🙏సమస్త లోకా సుఖినోభవంతు 🙏 రాజేష్ #నేటి రాశి ఫలాలు

#నేటి రాశి ఫలాలు #ఈరోజు గ్రహం - అనుగ్రహం నేటి పంచాగం 🌞 రాశి ఫలాలు #🌅శుభోదయం #శుభ బుధవారం #👋విషెస్ స్టేటస్

🙏 ఓం శ్రీ గురుభ్యోనమః 🙏 శ్రీరస్తు - శుభమస్తు - అవిఘ్నమస్తు, తేదీ ... 02 - 06 - 2026, వారం ... భౌమవాసరే ( మంగళవారం ) శ్రీ పరాభవ నామ సంవత్సరం, ఉత్తరాయణం, గ్రీష్మ ఋతువు, అధిక జ్యేష్ఠ మాసం, బహుళ పక్షం, *_నేటి విశేషం_* *యమునా నదీ పుష్కరాలు ప్రారంభం - నేటి నుండి 13వ తేదీ వరకు* *యమునానదీ పుష్కరాలు ఆరంభం - జూన్ 2 నుండి జూన్ 13 వరకు* గురుగ్రహం సంవత్సరమునకు ఒక సారి 12 రాశులలోకి, ఒక రాశి, నుండి మరియొక రాశిలోనికి మారినప్పుడల్లా, భారత దేశంలోని ఒక్కొక్క నదికి పుష్కరములు ఏర్పడతాయి. గురుడు కర్కాటకరాశి లో ప్రవేశించినప్పుడు యమునానదికి పుష్కరాలు వస్తాయి. ఆ సమయంలో, ఆ నది సకల తీర్థాలను తనలో నింపుకొంటుంది, అందువల్లే పుష్కర కాలంలో నదులకు మహా మహిమలు కలుగుతాయి అని మన పురాణాలు చెబుతున్నాయి. పుష్కర కాలంలో యమునా నదిలో స్నానం అనంత పుణ్యం ఇస్తుంది. యమునా నదీ తీరంలో చేసే భూదాన, గోదాన, వస్త్ర దానాలు శాశ్వతముగా గోలోక సుఖాలను అందిస్తాయి. యమునా కవచం గర్గ భాగవతంలో ఉంది. దానిని యమునా నదీ తీరంలో చదివితే శ్రీకృష్ణుని సన్నిధి లభిస్తుంది. ఆ గర్గ సంహితలోనే యమునా సహస్ర నామాలు కూడా ఉన్నాయి.. అవి పుష్కర కాలంలో చదివితే వచ్చే ఫలితం ఆదిశేషుడు కూడా వర్ణించలేడు అని చెప్పారు. *_🌷శుభమస్తు🌷_* 🙏సమస్త లోకా సుఖినోభవంతు 🙏 రాజేష్ #నేటి రాశి ఫలాలు

#ఈరోజు గ్రహం - అనుగ్రహం నేటి పంచాగం 🌞 రాశి ఫలాలు #నేటి రాశి ఫలాలు #శుభ మంగళ వారం #👋విషెస్ స్టేటస్ #🌅శుభోదయం

🙏 ఓం శ్రీ గురుభ్యోనమః 🙏 శ్రీరస్తు - శుభమస్తు - అవిఘ్నమస్తు, తేదీ ... 01 - 06 - 2026, వారం ... ఇందువాసరే ( సోమవారం ) శ్రీ పరాభవ నామ సంవత్సరం, ఉత్తరాయణం, గ్రీష్మ ఋతువు, అధిక జ్యేష్ఠ మాసం, బహుళ పక్షం, *_నేటి మాట_* *జీవితం అంటే??* 🍥సోక్రటీసుకు మరణశిక్ష విధించారు. తన ఉపన్యాసాలతో యువకుల్ని నాశనం చేస్తున్నాడని అభియోగం. ఆయన్ని జైల్లో పెట్టారు. 🍥ఆ వివేకవంతుడంటే అందరికీ గౌరవం. పేరుకు జైల్లో పెట్టారు కానీ అందరూ వచ్చి ఆయన్ని చూసి వెళుతున్నారు. శిష్య బృందమయితే అక్కడే ఉండి కన్నీరు మున్నీరుగా విలపిస్తున్నారు. కానీ ఆ తాత్వికుడు ఇదేమీ పట్టనట్లు నవ్వుతూ అందర్నీ పలకరిస్తూ కబుర్లూ చెబుతూ ఉన్నాడు. అందరూ ఆయన్ని చూసి ఆశ్చర్యపోతున్నారు. మరణమంటే లక్ష్యపెట్టని ఆ మహానుభావుణ్ణి చూసి విస్తుపోతున్నారు. మరణ శిక్ష అమలు కావడానికి రెండు గంటల సమయముంది. ఆ శిక్ష విషం తాగి మరణించడం. సమయం సమీపించే కొద్దీ అభిమానుల గుండెలు కొట్టుకుంటున్నాయి. 🍥 సోక్రటీస్‌ ఆ సంగతే పట్టనట్లు అది తనకు సంబంధించిన విషయమే కానట్లు ఉన్నాడు. అందరి ముఖాల్లో ఆందోళన దిగులు, ఆయన ముఖంలో ఆనందం వెలుగు. ఆయన కిటికీలోంచి బయటికి చూస్తూ కూర్చున్నాడు. బయట ఒక చెట్టు కింద బిచ్చగాడు కూచుని లైర్‌ వాద్యం వాయిస్తున్నాడు. ఆ తీగల్ని మీటుతూ పాడుతున్న పాట సోక్రటీస్‌ మనసుని తాకింది. 🍥పరవశంగా కళ్ళు మూసుకున్నాడు. చల్లటి గాలి ఆ పాటను మోసుకొచ్చి పరిమళంలా సోక్రటిస్‌ హృదయాన్ని తాకింది. ఎప్పుడూ ఆనందంగా ఉండే అతను మరింత ఆనందపడ్డాడు. 🍥సోక్రటీస్‌ మెల్లగా కళ్ళు తెరచి జైలర్‌ని పిలిచాడు. జైలర్‌ ఎంతో గౌరవభావంతో దగ్గరికి వచ్చి ఏమికావాలన్నాడు. సోక్రటీస్‌ కిటికీలోంచి చూపించి ”మీకు అభ్యంతరం లేకుంటే ఆ బిచ్చగాణ్ణి తీసుకొస్తారా?” అని అడిగాడు. 🍥జైలర్‌ ”అయ్యో!దాందేముంది?” అని వెళ్ళి ఆ బిచ్చగాణ్ణి తీసుకొచ్చాడు. 🍥సోక్రటీస్‌ ఆ బిచ్చగాణ్ణి తనకాపాట నేర్పమన్నాడు. అతని దగ్గర నుంచి లైర్‌ వాద్యం తీసుకున్నాడు. ఆ బిచ్చగాడు పాటపాడాడు. 🍥సోక్రటీస్‌ ఆ పాట పాడుతూ లైర్‌ వాద్యం వాయించాడు. ఇట్లా అరగంట సాధన తరువాత బిచ్చగాడి సాయం లేకుండానే ఆ పాట పాడాడు. 🍥సోక్రటీస్‌ కృతజ్ఞతలు చెప్పి బిచ్చగాణ్ణి పంపేశాడు. ఆయన శిష్యులు, జైలర్‌ ఆశ్చర్యపోయారు. మరణశిక్షకు ఇంకా గంట మాత్రమే ఉంది కానీ సోక్రటీస్‌ ప్రవర్తన వాళ్లకు వింతగా అనిపించింది. శిష్యులు 🍥”గురువుగారూ! ఇక గంటలో విషపాత్ర మీ చేతికి వస్తుంది. అది తాగి మీరు ఈ లోకాన్ని వదిలిపెట్టి వెళ్ళబోతున్నారు. 🍥కానీ ఇప్పుడు మీరు లైర్‌ వాద్యంమీద ప్రాక్టీసు చేసి పాట నేర్చుకున్నారు? ఏమిటిది?” అని కన్నీళ్ళ పర్యంతమయ్యారు. సోక్రటీస్‌ నవ్వి ”జీవితమంటే నేర్చుకోవడం, మరణం గురించి ఆలోచించడం కాదు. 🍥 *నేను నువ్వు ఇక్కడున్న అందరం ఎప్పుడో ఒకప్పుడు చనిపోతాం. కానీ జీవించినన్నినాళ్ళు ప్రతిక్షణం విలువైందే. ఎప్పటికప్పుడు తెలియంది తెలుసుకోవడంలోనే ఆనందముంది*. 🍥గంటక్రితం నాకా పాట తెలీదు. ఇప్పుడు నేర్చుకున్నాను. *ఇంకా నాజీవితంలో గంట సమయముంది. అంటే ఇప్పటికీ నేర్చుకోవడానికి నాకు అవకాశముంది*” అన్నాడు. శిష్యుల నోట మాట రాలేదు. *జీవితం అంటే యేడుస్తూ కూర్చోడం కాదు., జీవితం అంటే - నాకు ఇంతే రాసి పెట్టి వుంది - అనుకుని - నా ఖర్మ ఇంతే - అంటూ నిందించడం కాదు ., జీవితం అంటే - నేర్చుకోవడం."* *_☘️శుభమస్తు☘️_* 🙏సమస్త లోకా సుఖినోభవంతు 🙏 రాజేష్ #నేటి రాశి ఫలాలు

#నేటి రాశి ఫలాలు #శుభ సోమవారం #ఈరోజు గ్రహం - అనుగ్రహం నేటి పంచాగం 🌞 రాశి ఫలాలు #🌅శుభోదయం #👋విషెస్ స్టేటస్

రాజేష్ #నేటి రాశి ఫలాలు

#*♎నేటి రాశి ఫలితాలు♎ #ఈరోజు గ్రహం - అనుగ్రహం నేటి పంచాగం 🌞 రాశి ఫలాలు #నేటి రాశి ఫలాలు #🕉️🔱 శుభ ఆదివారం స్పెషల్ విషెస్ #శుభ ఆదివారం శుభోదయం🙏

🙏 ఓం శ్రీ గురుభ్యోనమః 🙏 శ్రీరస్తు - శుభమస్తు - అవిఘ్నమస్తు, తేదీ ... 30 - 05 - 2026, వారం ... స్థిరవాసరే ( శనివారం ) శ్రీ పరాభవ నామ సంవత్సరం, ఉత్తరాయణం, గ్రీష్మ ఋతువు, అధిక జ్యేష్ఠ మాసం, శుక్ల పక్షం, *_నేటి మాట_* *నేటి మన దుఃఖమునకు కారణం ఏమిటి??* ఈరోజు దుఃఖం లేని మనుషులు లేని వారు ఎవరూ ఉండరు కదా!!... కానీ ఒక్కొక్కరిది ఒక్కోక్క విధంగా ఉంటుంది... మరి అసలు ఈ దుఃఖానికి కారణం ఏమిటి?? మితిమీరిన కోరికలే మానవుని దుఃఖమునకు కారణం!!.. ఆవు ఎక్కువ పాలు ఇవ్వడానికి పులియబెట్టిన ఆహారం పెట్టినప్పుడు పాలు అసహ్యకరమైన వాసనను వెదజల్లుతాయి. అలానే మనిషి తనలో కోరికలను ఎక్కువ చేసుకున్నప్పుడు అతని ప్రవర్తన మరియు స్వభావం అసహ్యకరమైనవిగా తయారవుతాయి. ప్రతివారు "నా అర్హతలు ఏమిటి? నా స్థానం ఏమిటి? నేను చేస్తున్నది ఏమిటి" అని తనను తను అత్మపరిశీలన చేసుకోవాలి. పులి ఆకలితో ఉన్నా, గడ్డి గానీ తింటుందా? మనము కూడా చిన్నవి కాక గొప్పదైన దానినే ఆశించాలి, అదే దైవత్వం, వేప చెట్టు మీద ఉన్న చిలుక మామిడిపండ్ల తీపిని ఎలా రుచి చూడగలదు? ప్రాపంచిక కోరికల వలయములో చిక్కుకుని ఉంటే దైవత్వాన్ని ఎలా అనుభవించగలం? మన లక్ష్యంనకు అనుగుణంగా మన ప్రయత్నం ఉండాలి. ఏ అడ్డంకి వచ్చినా, ప్రయాణము ఆపకూడదు, లక్ష్యం వైపు మనం ఎంత వేగంగా కదిలితే లక్ష్యం మన దగ్గరికి అంతా వేగముగా కదలి వస్తుంది. మనం దైవము పట్ల ఎంత విశ్వాసంతో ఉంటామో అంతకన్నా ఎక్కువ ఆత్రుతగా మనల్ని రక్షించడానికి దేవుడు ఉంటాడని గ్రహించాలి. కోరికలను తగ్గించుకుని దైవము పట్ల ప్రేమను అభివృద్ధి పరచుకోవాలి. *_🌸శుభమస్తు🌸_* 🙏 సమస్త లోకా సుఖినోభవంతు 🙏 రాజేష్ #నేటి రాశి ఫలాలు