اقصیٰ اسلامک اکیڈمی للبنات 🌸 اسلامی بہنوں کی دینی تعلیم و تربیت کا معتبر آن لائن مرکز اقصیٰ اسلامک اکیڈمی للبنات کی جانب سے اسلامی بہنوں کے لیے متعدد دینی و تعلیمی کورسز کا اہتمام کیا جاتا ہے، جن کا مقصد خواتین اسلام کو بنیادی دینی علوم سے آراستہ کرنا اور انہیں علمِ دین کی روشنی سے منور کرنا ہے۔ انہی کورسز میں سے ایک نہایت اہم اور جامع کورس پانچ سالہ عالمہ کورس بھی ہے، جس میں قرآن، حدیث، فقہ، عقائد، سیرت اور دیگر اہم دینی علوم مرحلہ وار پڑھائے جائیں گے۔ اسلامی بہنوں کی آسانی اور دین کی خدمت کے جذبے کے تحت اس عظیم کورس کو بالکل مفت رکھا گیا ہے، تاکہ ہر طبقہ کی اسلامی بہنیں اس سے فائدہ اٹھا سکیں۔ داخلہ لینے والی اسلامی بہنوں کے لیے ضروری شرائط • اپنا مختصر تعلیمی تعارف پیش کریں۔ • نام بمع والد کا نام تحریر کریں۔ • وہ موبائل نمبر فراہم کریں جس سے کلاس کریں گی، نیز سرپرست کا موبائل نمبر بھی دینا ضروری ہوگا۔ • روزانہ باقاعدگی اور پابندی کے ساتھ کلاس میں شرکت کا عہد کریں۔ • اکیڈمی کے تمام تعلیمی نظم و ضبط اور ہدایات کی پابندی کریں۔ • ہر داخلہ لینے والی اسلامی بہن کے لیے لازم ہوگا کہ کم از کم پانچ اسلامی بہنوں کو اس کورس سے جوڑنے کی کوشش کرے۔ • اخلاق و آداب کا خیال رکھیں اور گروپ یا کلاس میں غیر ضروری گفتگو سے پرہیز کریں۔ • پردہ اور اسلامی تہذیب و وقار کا اہتمام کریں۔ • تعلیم کو صرف معلومات نہیں بلکہ عمل کے جذبے کے ساتھ حاصل کریں۔ • مسلک اہلِ سنت و جماعت (معروف مسلک اعلیٰ حضرت) کی پابند ہوں اور عقائدِ صحیحہ کا احترام کریں۔ • اکیڈمی کے ساتھ خیرخواہی، تعاون اور اخلاص کا رویہ رکھیں۔ • امتحانات، اسائنمنٹ اور دہرائی میں سنجیدگی کے ساتھ حصہ لیں۔ یہ کورس صرف ایک تعلیمی پروگرام نہیں بلکہ علمِ دین کے ذریعے اسلامی معاشرے کی صالح ماؤں، بہنوں اور مربیات کی تیاری کی ایک مبارک کوشش ہے۔ اللہ تعالیٰ سے دعا ہے کہ وہ اس ادارہ کو قبول فرمائے اور اسے خواتین اسلام کے لیے علم و ہدایت کا ذریعہ بنائے۔ از جانب: اقصیٰ اسلامک اکیڈمی للبنات #🥰میرا سٹیٹس ❤️ #💞دعا میں یاد رکھنا 🤲🏻