✍️ ഇന്ന് 03 ഏപ്രിൽ 2026. യേശുക്രിസ്തുവിൻ്റെ പരമമായ ത്യാഗത്തെയും കുരിശുമരണത്തെയും അനുസ്മരിക്കുന്ന ദിവസമായ ദുഃഖവെള്ളിയാഴ്ച. യേശു ശിഷ്യന്മാരോടൊപ്പം അന്ത്യ അത്താഴം കഴിച്ചു അവരുടെ കാലുകൾ കഴുകി വിനയത്തിന്റെ ഉദാത്ത മാതൃക കാണിച്ച പെസഹാ വ്യാഴത്തിന്റെ തുടർന്നുള്ള ഈ ദിവസത്തിൽ ‍യേശുക്രിസ്തുവിന്റെ പീഡാ സഹനത്തെയും കാൽവരി മലയിലെ കുരിശു മരണത്തെയും ക്രൈസ്തവർ അനുസ്മരിക്കുന്നു. ക്ഷമ, സമാധാനം, ദൈവസ്നേഹം, പ്രത്യാശ എന്നിവയുടെ സന്ദേശമാണ് ഈ ദിവസത്തിലൂടെ യേശു നമുക്ക് പകർന്ന് നൽകുന്നത്. ഒന്നാമതായി, ക്ഷമയെപറ്റി ധ്യാനിക്കുമ്പോൾ, തന്നെ ക്രൂശിച്ചവർക്കു വേണ്ടി പ്രാർത്ഥിച്ച യേശുവിനെപ്പോലെ, മറ്റുള്ളവരോട് ക്ഷമിക്കാനും സ്നേഹിക്കാനും ഈ ദിനം നമ്മെ പഠിപ്പിക്കുന്നു. രണ്ടാമതായി, സമാധാനത്തെപ്പറ്റി ധ്യാനിക്കുമ്പോൾ, കുരിശിൻ്റെ വഴി നമ്മെ ശാന്തമായ പ്രാർത്ഥനയിലേക്കും ആത്മീയതയിലേക്കും നയിക്കുന്നു എന്ന് ഈ ദിനം നമ്മെ പഠിപ്പിക്കുന്നു. മൂന്നാമതായി, ദൈവസ്നേഹത്തെ പ്പറ്റി ധ്യാനിക്കുമ്പോൾ, കുരിശിലെ മരണം ദൈവത്തിൻ്റെ പരിധിയില്ലാത്ത സ്നേഹത്തിൻ്റെയും ത്യാഗത്തിൻ്റെയും തെളിവാണെന്ന് നമ്മെ പഠിപ്പിക്കുന്നു. നാലാമതായി, പ്രത്യാശയെപ്പറ്റി ധ്യാനിക്കുമ്പോൾ, ഈ ദിവസത്തെ പ്രധാനമായും, ദുഃഖവെള്ളിയാഴ്ചയിലെ ഇരുട്ടിന് ശേഷം ഈസ്റ്ററിൻ്റെ പ്രകാശം (ഉയിർപ്പ്) ഉണ്ടെന്ന പ്രത്യാശയാണ് ഈ ദിനം നമ്മെ പഠിപ്പിക്കുന്നത്. യേശുവിന്റെ കുരിശിലെ ത്യാഗത്തെ ധ്യാനിച്ച് അനുദിനം നമ്മുടെ ജീവിതത്തിൽ അറിഞ്ഞും അറിയാതെയും കടന്നുവരുന്ന എല്ലാവിധ പാപങ്ങളിൽ നിന്നും മോചനം നേടി നന്മയുടെയും പ്രാർത്ഥനയുടെയും , സ്നേഹത്തിന്റെയും കരുണയുടെയും പാതയിൽ സഞ്ചരിക്കാൻ നമുക്ക് പ്രതിജ്ഞ ചെയ്യാം. ദൈവം നിങ്ങളെ ഓരോരുത്തരെയും അനുഗ്രഹിക്കട്ടെ! കടപ്പാട്: ബിനോജ് ബാബു, ദി ഹാപ്പി ഫാമിലി. #💞 നിനക്കായ് #😇 ഇന്നത്തെ ചിന്താവിഷയം #ദുഃഖവെള്ളി ##ദുഃഖവെള്ളി