16 ਮਾਰਚ 1993 ਵਾਲੇ ਦਿਨ, ਪੰਥਕ ਕਮੇਟੀ ਦੇ ਮੁਖੀ ਬਾਬਾ ਗੁਰਬਚਨ ਸਿੰਘ ਮਾਨੋਚਾਲ ਦੇ ਮਾਤਾ ਜੀ, ਮਾਤਾ ਗੁਰਮੇਜ ਕੌਰ ਜੀ ਨੂੰ ਸ਼ਹੀਦ ਕਰਨ ਤੋਂ ਬਾਅਦ ਉਹਨਾਂ ਦੀ ਮ੍ਰਿਤਕ ਦੇਹ, ਹਰੀਕੇ ਦਰਿਆ ਵਿੱਚ ਰੋੜ ਦਿੱਤੀ ਗਈ: ਗੁਰਦੀਪ ਸਿੰਘ ਜਗਬੀਰ ( ਡਾ.) 16 ਮਾਰਚ 1993 ਵਾਲੇ ਦਿਨ ਪੰਥਕ ਕਮੇਟੀ ਦੇ ਮੁਖੀ ਬਾਬਾ ਗੁਰਬਚਨ ਸਿੰਘ ਮਾਨੋਚਾਲ ਦੀ ਮਾਤਾ ਜੀ, ਬੀਬੀ ਗੁਰਮੇਜ ਕੌਰ ਨੂੰ ਆਖਰੀਵਾਰ ਬੀਬੀ ਚਰਨ ਕੌਰ ਅਤੇ ਬੀਬੀ ਸਵਰਨ ਕੌਰ ਦੇ ਨਾਲ, ਵੈਰੋਵਾਲ ਪੁਲਿਸ ਥਾਣੇ ਵਿੱਚ ਵੇਖਿਆ ਗਿਆ ਸੀ। ਮਾਤਾ ਗੁਰਮੇਜ ਕੌਰ ਜੀ ਨੂੰ ਸ਼ਹੀਦ ਕਰਨ ਤੋਂ ਬਾਅਦ ਉਹਨਾਂ ਦੀ ਮ੍ਰਿਤਕ ਦੇਹ ਹਰੀਕੇ ਦਰਿਆ ਵਿੱਚ ਰੋੜ ਦਿੱਤੀ ਗਈ ਸੀ। 15 ਸਤੰਬਰ 1992 ਵਾਲੇ ਦਿਨ ਬੀਬੀ ਗੁਰਮੇਜ ਕੌਰ ਮਾਨੋਚਾਲ ਨੂੰ ਤਰਨ ਤਾਰਨ ਦੀ ਪੁਲਿਸ ਨੇ ਸ੍ਰੀ ਅੰਮ੍ਰਿਤਸਰ ਸਾਹਿਬ ਦੇ ਕਟੜਾ ਸ਼ੇਰ ਸਿੰਘ ਤੋਂ ਸਰਦਾਰ ਸੁਰਜੀਤ ਸਿੰਘ ਦੇ ਘਰੋਂ ਗ੍ਰਿਫਤਾਰ ਕਰ ਕੇ ਹਿਰਾਸਤ ਵਿੱਚ ਲੈ ਲਿਆ ਸੀ। ਬੀਬੀ ਗੁਰਮੇਜ ਕੌਰ ਦਾ ਕਸੂਰ ਸਿਰਫ ਇਤਨਾ ਸੀ ਕਿ ਉਹ ਪੰਥਕ ਕਮੇਟੀ ਦੇ ਮੁਖੀ ਬਾਬਾ ਗੁਰਬਚਨ ਸਿੰਘ ਮਾਨੋਚਾਲ ਅਤੇ ਭਾਈ ਨਿਰਵੈਰ ਸਿੰਘ ਮਾਨੋਚਾਹਲ ਦੇ ਮਾਤਾ ਜੀ ਸਨ। ਮਾਤਾ ਗੁਰਮੇਜ ਕੌਰ ਦੀ ਉਮਰ ਦਾ ਕੋਈ ਲਿਹਾਜ਼ ਨਾ ਕਰਦਿਆਂ ਹੋਇਆਂ ਉਨ੍ਹਾਂ ਨੂੰ ਸੀ.ਆਈ.ਏ.ਸਟਾਫ ਦੇ ਦਫ਼ਤਰ ਵਿਖੇ ਲਿਆ ਕੇ ਉਨ੍ਹਾਂ ਉਪਰ ਬੁਰੀ ਤਰਾਂ ਤਸ਼ੱਸਦ ਢਾਹਿਆ ਗਿਆ। ਇਸ ਗੱਲ ਦਾ ਵੀ ਕੋਈ ਲਿਹਾਜ਼ ਨਹੀਂ ਕੀਤਾ ਗਿਆ ਕੇ ਉਹ ਇਕ ਬੁਜ਼ਰੁਗ ਔਰਤ ਹੈ। ਬੀਬੀ ਗੁਰਮੇਜ ਕੌਰ ਦੇ ਦੋ ਨੌਜਵਾਨ ਪੁੱਤਰ ਬਾਬਾ ਗੁਰਬਚਨ ਸਿੰਘ ਮਾਨੋਚਾਹਲ ਜਿਨ੍ਹਾਂ ਨੂੰ ਪੁਲਿਸ ਨੇ 28 ਫਰਵਰੀ ਵਾਲੇ ਦਿਨ ਸ਼ਹੀਦ ਕਰ ਦਿੱਤਾ ਸੀ ਅਤੇ ਭਾਈ ਨਿਰਵੈਰ ਸਿੰਘ ਮਾਨੋਚਾਹਲ ਨੂੰ ਵੀ ਪੁਲਿਸ ਦੁਆਰਾ ਪਹਿਲਾਂ ਹੀ ਸ਼ਹੀਦ ਕੀਤਾ ਜਾ ਚੁੱਕਿਆ ਸੀ। ਅਤੇ ਤਰਨ ਤਾਰਨ ਦੇ ਐਸ.ਐਸ.ਪੀ. ਨੇ ਇਹ ਐਲਾਨ ਕੀਤਾ ਸੀ ਕਿ ਹੁਣ ਖਾੜਕੂਆਂ ਦੇ ਸਾਰੇ ਪਰਿਵਾਰ ਖਤਮ ਕਰਨੇ ਹਨ।ਇਸ ਕੜੀ ਵਿੱਚ ਬੀਬੀ ਗੁਰਮੇਜ ਕੌਰ ਦੇ ਸਪੁੱਤਰ ਭਾਈ ਤਰਲੋਚਨ ਸਿੰਘ ਉਪਰ ਵੀ ਪੁਲਿਸ ਨੇ ਅੰਨ੍ਹਾ ਤਸ਼ੱਦਦ ਢਾਇਆ ਸੀ। ਸੋ 16 ਮਾਰਚ 1993 ਵਾਲੇ ਦਿਨ ਬੀਬੀ ਗੁਰਮੇਜ ਕੌਰ ਨੂੰ ਆਖਰੀਵਾਰ ਬੀਬੀ ਚਰਨ ਕੌਰ ਅਤੇ ਬੀਬੀ ਸਵਰਨ ਕੌਰ ਦੇ ਨਾਲ ਵੈਰੋਵਾਲ ਪੁਲਿਸ ਥਾਣੇ ਵਿੱਚ ਵੇਖਿਆ ਗਿਆ ਸੀ। ਮਾਤਾ ਗੁਰਮੇਜ ਕੌਰ ਜੀ ਨੂੰ ਸ਼ਹੀਦ ਕਰਨ ਤੋਂ ਬਾਅਦ ਉਹਨਾਂ ਦੀ ਮ੍ਰਿਤਕ ਦੇਹ ਹਰੀਕੇ ਦਰਿਆ ਵਿੱਚ ਰੋੜ ਦਿੱਤੀ ਗਈ ਸੀ। ਤਰਨ ਤਾਰਨ ਦੇ ਐਸ.ਐਸ.ਪੀ. ਦੇ ਖਾੜਕੂਆਂ ਦੇ ਪਰਿਵਾਰਾਂ ਨੂੰ ਖਤਮ ਕਰਣ ਦੇ ਐਲਾਨ ਦੀ ਕੜੀ ਵਿੱਚ,ਸ਼ਹੀਦ ਭਾਈ ਗੁਰਬਚਨ ਸਿੰਘ ਮਾਨੋਚਾਹਲ ਦੇ ਪਿਤਾ ਜੀ ਸਰਦਾਰ ਆਤਮਾ ਸਿੰਘ ਅਤੇ ਉਹਨਾਂ ਦੇ ਭਰਾ ਅਤੇ ਰਿਸ਼ਤੇਦਾਰ ਭਾਈ ਨਿਰਵੈਲ ਸਿੰਘ, ਸਰਦਾਰ ਬਲਵਿੰਦਰ ਸਿੰਘ, ਸਰਦਾਰ ਮਹਿੰਦਰ ਸਿੰਘ #ਸਿੱਖ ਇਤਿਹਾਸ #ਸਿੱਖ #ਸਿੱਖ ਸੂਰਮੇ #ਸਿੱਖ ਪੰਥ ਦੇ ਸੂਰਮੇ #ਸਿੱਖ ਕੌਮ ਦੇ ਹੀਰੋ 🌹🙏 , ਸਰਦਾਰ ਰੂੜ ਸਿੰਘ, ਸਰਦਾਰ ਬਲਵਿੰਦਰ ਸਿੰਘ,ਸਰਦਾਰ ਦਿਆਲ ਸਿੰਘ ਚੋਹਲਾ, ਸਰਦਾਰ ਨਿਰਮਲ ਸਿੰਘ ਸਮੇਤ 10 ਜੀਆਂ ਨੂੰ ਪੁਲਿਸ ਨੇ ਹਿਰਾਸਤ ਵਿੱਚ ਲੈ ਕੇ ਅੰਨ੍ਹਾ ਤਸ਼ਦੱਦ ਕੀਤਾ ਸੀ। ਭੁੱਲਾਂ ਦੀ ਖਿਮਾ:🙏