ആ വലിയ മാവിൻചുവട്ടിലെ തണലിൽ ദേഷ്യം കൊണ്ട് കാൽവിരലുകൾ മണ്ണിൽ അമർത്തിക്കൊണ്ട് അവൾ കാത്തിരിക്കുകയായിരുന്നു. ചുറ്റുമുള്ള കാറ്റൊന്നും അവളുടെ ചൂട് കുറയ്ക്കാൻ പാകത്തിലുള്ളതായിരുന്നില്ല. അപ്പോഴാണ് യാതൊരു ഭാവവ്യത്യാസവുമില്ലാതെ അവൻ അങ്ങോട്ട് നടന്നു വന്നത്. അവനെ കണ്ട പാടെ അവൾ ചാടിയെഴുന്നേറ്റു ഒട്ടും കുറച്ചില്ല.............. "നീ ഏത് അടുപ്പിൽ പോയി കിടക്കുകയായിരുന്നു ഞാൻ ഇവിടെ വന്നു കാത്തുനിഇരിക്കാൻ തുടങ്ങിയിട്ട് എത്ര സമയമായി എന്ന് വല്ല വകതിരിവുമുണ്ടോ നിനക്ക്" അവൻ പതിയെ ഒന്നു ചിരിച്ചു, എന്നിട്ട് കൈകൾ പുറകിൽ ഒളിപ്പിച്ചു കൊണ്ട് പറഞ്ഞു............ "അയ്യോ ദേഷ്യപ്പെടല്ലേ പെണ്ണേ ഞാൻ ഇങ്ങോട്ട് പോരുന്ന വഴിക്ക് ഒരു കാര്യം സംഭവിച്ചു" "വരുന്ന വഴിക്ക് എന്താ ഇണ്ടായത്" അവൾ കൈകെട്ടി നിന്ന് സംശയത്തോടെ ചോദിച്ചു............... "വരുന്ന വഴിക്ക് നല്ല കണ്ണിമാങ്ങകൾ നിൽക്കുന്നത് കണ്ടു പിന്നെ ഒന്നും നോക്കിയില്ല അതിനെ ഒരെണ്ണം എറിഞ്ഞിടാനുള്ള പരിപാടിയിലായിരുന്നു ഞാൻ" അവളുടെ മുഖത്തെ ദേഷ്യം പതിയെ മാറി കൗതുകം നിറഞ്ഞു............. "ഹമ്മ് എന്നിട്ട് കിട്ടിയോ" "പിന്നെ നിന്റെ ആളല്ലേ എറിഞ്ഞത് നാലെണ്ണം കിട്ടി" അവൻ അഭിമാനത്തോടെ നെഞ്ച് വിരിച്ചു............... "ഹമ്മ് എന്നാപ്പിന്നെ രണ്ട് എണ്ണം ഇങ്ങോട്ട് എടുത്തേ" അവൾ കൈ നീട്ടി............. പെട്ടെന്ന് അവൻ അൽപം ചമ്മലോടെ തല ചൊറിഞ്ഞു............ "അത്... അതിപ്പോ എന്റെ കയ്യിലില്ല" "എന്ത് മര്യാദയ്ക്ക് തന്നോണം പറഞ്ഞേക്കാം" "അത് അത് പിന്നെ" അവൻ കഥ വിസ്തരിക്കാൻ തുടങ്ങി.............. "ഇങ്ങോട്ട് പോരുന്ന വഴിക്ക് മാളുവിനെ കണ്ടു അവൾക്ക് ഒരെണ്ണം കൊടുത്തു അപ്പുറത്തെ അക്കയുടെ അനിയത്തി ഇല്ലേ നമ്മുടെ ലക്ഷ്മി അവൾക്കും കൊടുത്തു ഒരെണ്ണം" അവൾ കണക്കുകൂട്ടി നോക്കി......... "ആഹാ അപ്പൊ ബാക്കി രണ്ട് എണ്ണം കൂടിയുണ്ടല്ലോ" "അതുണ്ടായിരുന്നു പക്ഷെ വരുന്ന വഴിക്ക് നമ്മുടെ കൂട്ടുകാരി ഇല്ലേ ചട്ടക്കരി വാവ യെ കണ്ടു ഒരെണ്ണം അവൾക്ക് കൊടുത്തു കാണേണ്ട താമസം അവളത് മൊത്തത്തോടെ കടിച്ചു തിന്നു തീർത്തു ഹൊ" "ഹമ്മ്" അവൾ ദീർഘശ്വാസം വിട്ടു.............. "അപ്പൊ ചുരുക്കം പറഞ്ഞാൽ നിന്റെ കയ്യിൽ ഇപ്പോൾ മാങ്ങയൊന്നും ഇല്ല അല്ലേ ഡാ" "ഇനി എന്റെ അടുത്ത് ഒരേയൊരു മാങ്ങയേ ഉള്ളൂ അത് നമ്മുക അ" അവളുടെ മുഖം കറുത്തു........... "ആഹാ നിന്റെ ഉദ്ദേശം എനിക്ക് മനസ്സിലായി അതിന് എന്നെ കിട്ടില്ല മോനെ ഇനി ഇതിന് ഒറ്റ മാർഗ്ഗമേ ഉള്ളൂ" "എന്താ അത്? നിനക്ക് മാങ്ങ വേണ്ടേ " അവൻ അത്ഭുതത്തോടെ ചോദിച്ചു........... "അത് കണ്ടോ അവിടെ നോക്കിയേ " അവൾ പെട്ടെന്ന് ദൂരേക്ക് കൈ ചൂണ്ടി.............. അവൻ കൗതുകത്തോടെ പുറകോട്ട് തിരിഞ്ഞ് അങ്ങോട്ട് നോക്കിയതേയുള്ളൂ കിട്ടി പുറകിൽ കൂടെ ഒരൊറ്റ ചവിട്ട്.............. "അമ്മേ" എന്നും വിളിച്ച് അവൻ തറയിലേക്ക് വീണു അവൾ ഒട്ടും സമയം കളയാതെ അവിടുന്ന് തിരിഞ്ഞു നടന്നു മനസ്സിൽ അവൾ പിറുപിറുക്കുന്നുണ്ടായിരുന്നു........ "അവന്റെ ഒരു ഒടുക്കത്തെ മാങ്ങക്കളി സമയം കളയാനായിട്ട്" അവൻ നടുവും തടവിക്കൊണ്ട് നിലത്തിരുന്ന് ഉറക്കെ വിളിച്ചു പറഞ്ഞു.............. "ഡീ എന്റെ നടുവ് പോയി ഹൊ നിനക്കുള്ള മാങ്ങ എന്റെ കയ്യിൽ തന്നെയുണ്ട് ഡീ നിൽക്കടി അവിടെ ഞാൻ പറയട്ടെ" "ഓടിയട്ടെ അത് വെച്ചിട്ട് എന്തിനാ നിന്റെ ആ മറ്റവൾക്ക് കൊണ്ട് കൊടുക്ക് തൊണ്ടി നീ ഇങ്ങോട്ട് വന്നേക്കരുത്" "ഡീ അങ്ങനെ അല്ല ഞാൻ പറയുന്നത് ഒന്ന് കേൾക്ക് പോവല്ലേ" അവൻ പുറകെ നടന്ന് വിളിക്കാൻ തുടങ്ങി........... നടപ്പിന്റെ വേഗത കൂട്ടിക്കൊണ്ട് അവൾ സ്വയം പറഞ്ഞു............... "എന്റെ കഷ്ടകാലത്തിന് ഫോൺ കൂടി എടുത്തില്ല ഇല്ലെങ്കിൽ ഇതിന്റെയൊന്നും മുഖം കാണേണ്ടി വരില്ലായിരുന്നു" അവൾ ദേഷ്യത്തോടെ വേഗത്തിൽ നടക്കുകയായിരുന്നു എന്നാൽ അവൻ ഓടിക്കിതച്ച് അവളുടെ അരികിലെത്തി അവൻ ഉറക്കെ വിളിച്ചു.............. "ഡീ" പക്ഷേ അവൾ തിരിഞ്ഞുനോക്കുക പോലും ചെയ്തില്ല പഞ്ചായത്തിൽ വെച്ച് കണ്ട ഒരു പരിചയം പോലും കാണിക്കാതെ, ഭയങ്കര ഗൗരവത്തിൽ നേരെ നോക്കി അവൾ നടന്നു കൊണ്ടേയിരുന്നു............... അവൻ അവളുടെ മുന്നിൽ കയറി നിന്ന്.............. "ഡീ നില്ല് നീയൊന്ന് കേൾക്ക് എന്റെ കയ്യിൽ മാങ്ങയൊന്നുമില്ല എന്ന് നീ വെറുതെ തെറ്റിദ്ധരിച്ചതാണ് നീ ഇങ്ങനെ തുടങ്ങിയാൽ എങ്ങനെ ആണ്" അവൾ നടത്തം നിർത്തി കൈകൾ രണ്ടും ഇടുപ്പിൽ കുത്തി കണ്ണ് ഉരുട്ടിക്കൊണ്ട് അവൾ പറഞ്ഞു.............. "എന്നാപ്പിന്നെ എന്റെ മാങ്ങ ഇങ്ങോട്ട് താ" അവൻ ചിരിച്ചുകൊണ്ട് പുറകിലെ ബാഗ് തുറന്നു എന്നിട്ട് അതിൽ വളരെ ഭദ്രമായി സൂക്ഷിച്ചു വെച്ചിരുന്ന ആ കണ്ണിമാങ്ങ എടുത്ത് അവളുടെ കയ്യിലേക്ക് കൊടുത്തു പറഞ്ഞ് കൊതിപ്പിച്ചിട്ട്.................. മാങ്ങ കണ്ടതും അവളുടെ ദേഷ്യം പമ്പകടന്നു അത് കഴിക്കാനായി പെട്ടെന്ന് വായിലേക്ക് അടുത്തപ്പോഴാണ് അവൾ അവനെ നോക്കിയത്................. അവൻ ദയനീയമായി അവളെത്തന്നെ നോക്കി നിൽക്കുകയാണ്............. അവൾ ചോദിച്ചു........... "നീ നീ കഴിച്ചോ" അവൻ സങ്കടത്തോടെ തലയാട്ടി "ഇല്ല..." അപ്പോഴാണ് അവൾക്ക് കാര്യം മനസ്സിലായത് പാവം അവൻ അവൾക്ക് വേണ്ടി മാത്രമായി കരുതിവെച്ച മാങ്ങയായിരുന്നു അത് ഒന്നും അറിയാതെ അവന്റെ ആ സ്നേഹം കാണാതെ താൻ അവനെ ഇത്രയും ക്രൂരമായി ചവിട്ടി വീഴ്ത്തിയല്ലോ എന്ന് ഓർത്തപ്പോൾ അവളുടെ മനസ്സ് അലിഞ്ഞു.............. ദേഷ്യമെല്ലാം മാറി അവളുടെ കണ്ണുകളിൽ ഒരു കുറ്റബോധം നിറഞ്ഞു................. "അയ്യോ സോറിടാ ഞാൻ അറിയാതെ" അവൻ നടുവും തടവി അവളെ നോക്കി................ "ചവിട്ടിയത് പോരാഞ്ഞിട്ട് ഇപ്പൊ ഒരു സോറി എന്റെ നടുവ് ഒടിഞ്ഞു പെണ്ണേ" "അത് അത് പിന്നെ നീ മാങ്ങ ഇല്ലെന്ന് കള്ളം പറഞ്ഞോണ്ടാ അല്ലെ ഞാൻ എനിക്ക് അപ്പോ അങ്ങനെ തോന്നി പോയി ക്ഷമിക്ക്" അവൾ മാങ്ങ കടിച്ച് പകുതി അവന് നേരെ നീട്ടി................ "ഇന്നാ പകുതി നീ കഴിക്ക്" അവൻ മാങ്ങ വാങ്ങാതെ അവളുടെ മുഖത്തേക്ക് തന്നെ നോക്കി................ "എന്താടാ നോക്കുന്നേ കഴിക്ക്." "എനിക്ക് മാങ്ങയല്ല" "പിന്നെ." അവൻ അവളുടെ കൈകളിൽ പതിയെ പിടിച്ചു................ "എനിക്ക് നിന്നെയാ വേണ്ടത്" അവൾ ആകെ ഞെട്ടി അവന്റെ കണ്ണുകളിലെ ആ നോട്ടം കണ്ട് അവൾ പതിയെ കൈകൾ വലിച്ചെടുക്കാൻ നോക്കി................ "ഡാ വിട് എന്താ നിന്റെ ഉദ്ദേശം" അവൻ അവളുടെ അടുത്തേക്ക് ഒരു അടിയുകൂടി അടുത്തേക്ക് വന്നു........... "എനിക്ക് നിന്റെ കയ്യിലെ മാങ്ങയല്ല വേണ്ടത്" "പിന്നെ" "എനിക്ക് എനിക്ക് ഇപ്പോ നിന്റെ ഈ ചുണ്ടിൽ നിന്നൊരു കണ്ണിമാങ്ങയുടെ മധുരമുള്ള ഉമ്മ വേണം" അത്രയും പറഞ്ഞ് അവൻ കണ്ണ് ചിമ്മുന്നു................ അവൾ ആകെ നാണിച്ച്............. "ഡാ ആളൊഴിഞ്ഞ വഴി കണ്ടപ്പോ നിനക്ക് കൊതി കൂടിയല്ലേ ചെക്കാ" "പിന്നെ എന്റെ നടുവ് ഒടിച്ചു തന്നതിന് എനിക്ക് ഇതെങ്കിലും പ്രതിഫലം കിട്ടണ്ടേ പെണ്ണേ" അവൻ പതിയെ അവളുടെ മുഖത്തേക്ക് മുഖം അടിപ്പിച്ചു.............. "നീ കണ്ണ് അടക്ക്" "അഹ്ഹാ" അവൾ കണ്ണ് രണ്ടും ഇറുക്കി അടച്ചു................ "വേഗം താ" പക്ഷേ പെട്ടെന്ന് അവളുടെ കവിളിൽ ഒരു കടിച്ച ലക്ഷണം തോന്നി അനുഭവപ്പെട്ടു................ അവൾ കണ്ണ് തുറന്ന് നോക്കുമ്പോൾ അവൻ ആ കണ്ണിമാങ്ങയുടെ പകുതി അവളുടെ വായിലേക്ക് വെച്ചുകൊടുത്ത് ഉറക്കെ ചിരിക്കുന്നു................ "ഡീ നീ എന്താ വിചാരിച്ചേ" അവൾ ആകെ ചമ്മി................ "നിന്റെ ഈ കൊതിച്ചി മുഖം കാണാനാ ഞാൻ അങ്ങനെ പറഞ്ഞത് അയ്യേ ഡീ" അവൾ ദേഷ്യം കൊണ്ട് പല്ല് കടിച്ചു................ "ഡാ കള്ളാ പന്നി നീ എന്നെ പറ്റിച്ചല്ലേ ഞാൻ ഓർത്ത് കിസ്സ് ആയിരിക്കും എന്ന് ശോ ഇന്ന നീയും മുണുങ്ങ്" അവൾ കയ്യിലിരുന്ന മാങ്ങയുടെ ബാക്കി കഷ്ണം അവന്റെ വായിൽ തിരുകി വെച്ചു................ "ഉം ഡീ എന്ത് പണി ആ കാണിച്ചത് ഹൊ" "മനുഷ്യനെ പറഞ്ഞു കൊതിപ്പിച്ചു എന്നിട്ട് അവൻ്റെ വെറുപ്പിക്കല് " "ഹൊ നിനക്ക് വേണോ" അവളുടെ ദേഷ്യം മാറി മുഖത്ത് വീണ്ടും നാണം വന്നു കാൽവിരലുകൾ മണ്ണിൽ അമർത്തിക്കൊണ്ട് അവൾ അവൾ പറഞ്ഞു............... (തുടരണോ.........🌸) നമ്മുടെ ഈ കണ്ണിമാങ്ങ കാമുകനും ദേഷ്യക്കാരി കാമുകിക്കും ഞാൻ ഇതുവരെ പേരിട്ടിട്ടില്ല.......... ​ഇവർക്ക് നമ്മൾ എന്ത് പേരാണ് ഇടേണ്ടത്? 🤔 നിങ്ങളുടെ മനസ്സിൽ തോന്നുന്ന നല്ല അടിപൊളി പേരുകൾ താഴെ കമന്റ് ചെയ്യണേ............... ​ഞാൻ മുൻപ് എഴുതിയ കഥകളെല്ലാം ആദ്യം ഇതുപോലെ ഷോർട്ട് സ്റ്റോറി ആയിരുന്നോ പിന്നെ നല്ലതുപോലെ എഴുതി എഴുതി അങ്ങ് ഒരു ലോങ് സ്റ്റോറി ആക്കി മാറാറുണ്ട് 😁👌🏻 ഇ പ്രണയകഥ ഇനി തുടരണോ? #💭 എന്റെ ചിന്തകള്‍ #📙 നോവൽ #📔 കഥ #📝 ഞാൻ എഴുതിയ വരികൾ #💞 പ്രണയകഥകൾ

#📙 നോവൽ - കാശിയുടെ പെണ്ണ് 💐💐 🔻 പാർട്ട് _81 ✍️ രചന - ജിഫ്‌ന നിസാർ.. 💥 ഡീ...കാർത്തു. കാശി വിളിക്കുമ്പോൾ കാർത്തു ഞെട്ടി കൊണ്ടവനെ നോക്കി. ആവിശ്വസനീയതയുടെ ഒരായിരം കറുത്ത നിഴലുകൾ അവനവളുടെ കണ്ണിൽ കണ്ടു. ആ കൈകളപ്പോഴും താൻ അണിയിച്ചു കൊടുത്ത താലിയിലാണ് പിടി മുറുക്കിയിട്ടുള്ളത്. അവനവളോട് വല്ലാത്തൊരിഷ്ടം തോന്നി ആ ഇരിപ്പ് കണ്ടതും. ഗതി മാറി ഒഴുകാൻ ഒരുപാട് കൈ വഴികൾ ഉണ്ടായിട്ടും കാരണങ്ങൾ ഉണ്ടായിട്ടും താനെന്ന കടലിലേക്ക് മാത്രം ഒഴുകി വന്നവൾ. കലഹിച്ചും പ്രണയിച്ചും ഒഴുകി ഒഴുകി തന്നിലേക്കണഞ്ഞ ഒരു പ്രണയത്തിന്റെ പുഴ.. "എന്ത് പറ്റി..?" അവളുടെയാ മൗനം കണ്ടിട്ടാണ് അവനങ്ങനെ ചോദിച്ചത്. പുറപ്പെട്ടു പോന്നിട്ടിപ്പോ ഒരു മണിക്കൂറിലേറെ നേരമായി. ഏറെക്കുറെ അതിർത്തി വിട്ട് കഴിഞ്ഞു. ഇനിയിപ്പോ അശോകേട്ടൻ അത്രയും പെട്ടന്ന് എത്തി പെടാത്തത്രയും ദൂരെ.. അവനപ്പോൾ മുതലാണ് ശ്വാസം നേരെ വീണതും. സാമാന്യം സ്പീഡിൽ തന്നെ പരിചിതമായ ആ വഴികളിൽ കൂടി മുന്നോട്ട് കുതിക്കുമ്പോൾ പോലും ആ വഴികളിൽ ഇരുളിന്റെ മറവിൽ പതുങ്ങിയിരിക്കുന്ന അപകടങ്ങളെ കുറിച്ച് കൂടി അവന് നന്നായി അറിയാം. തനിക്കെന്തെങ്കിലും പറ്റിയാലും തന്റെ കൂടെ ഉള്ളവക്കെന്തെങ്കിലും പറ്റിയാലും തനിക്കും അവൾക്കും ഒരുപോലെ നോവും. അത് കൊണ്ട് തന്നെ.. ശിവ ഓർമ്മിപ്പിച്ചത് പോലെ കരുതലോടെ തന്നെയാണ് അവൻ മുന്നോട്ട് പോയതും. ഇടക്കെപ്പഴോ ശിവ വിളിക്കാൻ പറഞ്ഞത് പോലെ ആ നമ്പറിൽ വിളിച്ചു നോക്കിയപ്പോൾ വളരെ ഹൃദ്യമായിരുന്നു മറുവശം കേട്ട ശബ്ദം. സൂക്ഷിച്ചു പെട്ടന്ന് വാ.. ഞാനിവിടെ കാത്തിരിപ്പാണെന്ന് കേൾക്കുമ്പോൾ തോന്നുന്ന ആശ്വാസം.. ശെരിക്കും ഇങ്ങനൊരു ഷെൽട്ടർ പെട്ടന്ന് കിട്ടിയില്ലായിരുന്നെങ്കിൽ പെട്ടു പോയേനെ എന്നായിരുന്നു കാശിയപ്പോൾ ഓർത്തതും. "നമ്മുടെ കല്യാണം കഴിഞ്ഞോ കാശ്യേട്ട.." പതറി കൊണ്ടുള്ള അവളുടെയാ ചോദ്യം. കാശിക്ക് ചിരി വന്നു. "മ്മ്..." തലചെരിച്ചു കൊണ്ടവളെ നോക്കി അവനൊരു താളത്തിൽ മൂളി കൊടുത്തു. "പക്ഷെ...." എന്തോ ചോദിക്കാൻ വന്നിട്ട് അവള് പിന്നെ അത് വേണ്ടന്ന് വെച്ച് തല കുടഞ്ഞു. കാശി പതിയെ കാർ റോഡിനോരം ചേർത്ത് നിർത്തി. "നമ്മളെത്തിയോ..?" ഇനിയും വിട്ടു പോകാത്ത ഇരുട്ട് നോക്കി കാർത്തു വെപ്രാളത്തോടെ അവനെ നോക്കി. കാശി ഇല്ലെന്ന് തലയാട്ടി കൊണ്ടവളെ നോക്കി ആ സീറ്റിലേക്ക് ചാരി. "പിന്നെന്താ ഇവിടെ നിർത്തിയെ.." ചുമ്മാ.." അവന് മൊത്തത്തിൽ ഒരു കള്ളത്തരം. "അച്ഛൻ പിറകെ വന്നാലോ.." വരട്ടെ.. " "യ്യോ നമ്മളെ പിടിച്ചോണ്ട് പോകും.." അവൾ ഭയത്തോടെ പറഞ്ഞു. "ഏയ്.. നമ്മളെയല്ല.നിന്നെ... നിന്നെ മാത്രം പിടിച്ചോണ്ട് പോകും.. എന്നെ ഇവിടെ തന്നെയിട്ട് വെട്ടി മൂടും..അത്ര തന്നെ.. അതേയ്... അമ്പലപറമ്പിൽ അശോകനാ.." അവനതേ ചിരിയോടെ തന്നെ പറഞ്ഞപ്പോൾ കാർത്തു ദേഷ്യത്തോടെ അവന്റെ കയ്യിൽ നുള്ളി പറിച്ചു. "വേണ്ടാത്തത് പറയല്ലേ.." ശാസനയോടെ പറഞ്ഞിട്ടവൾ കണ്ണുരുട്ടി. "നടക്കാൻ പോണതാ ഞാനിപ്പോ പറഞ്ഞത്.." "അങ്ങനിപ്പോ നടക്കണ്ട.. ഇങ്ങോട്ട് വരട്ടെ പിടിച്ചോണ്ട് പോകാൻ.. കാശ്യേട്ടനോപ്പം അല്ലാതെ അവർക്കൊരടി എന്നെ ഇവിടുന്ന് കൊണ്ടോവാൻ പറ്റൂല " അവൾ പെട്ടന്ന് തന്നെ വാശിക്കാരിയായി. "അത്രയ്ക്കൊക്കെ ഇഷ്ടം തോന്നാൻ മാത്രം ഈ കാശിനാഥൻ ഉണ്ടോ ഡീ.." അതേ ഇരുപ്പോടെ മനോഹരമായ ചിരിയോടെ അവൻ ചോദിക്കുമ്പോൾ അവനെ പോലെ തന്നെ സീറ്റിലേക്ക് ചാരി കിടന്നു കൊണ്ടാ നേരെ നോക്കി അവളോന്ന് മൂളി. ഉള്ളിലെ നീറുന്ന ടെൻഷനും ആകുലതകലും വിട്ട് പ്രണയം മാത്രം നിറഞ്ഞു നിൽക്കുന്ന ഒരു തരം ഉന്മാദിയായ മൗനം അവർക്കിടയിൽ വളർന്നു തിങ്ങി. ചോദിക്കാനും പറയാനും ഒത്തിരിയുണ്ടായിട്ടും രണ്ടാളും ഒന്നും മിണ്ടാതെ അങ്ങനെയിരുന്നു. "പോവാം..." ഇത്തിരി നേരം കൂടി അങ്ങനെ പരസ്പരം നോക്കിയിരുന്നു കൊണ്ട് കാശി വീണ്ടും എഴുന്നേറ്റു. അവളൊന്നും മിണ്ടാതെ അവനെ തന്നെ നോക്കിയിരുന്നു. "എങ്ങനാ.. ജയിലിൽ നിന്നും പുറത്തിറങ്ങിയെ.." വീണ്ടും മുന്നോട്ടുള്ള യാത്ര തുടരവേ കാർത്തു ചോദിച്ചു. എനിക്കറിയില്ല.. "ഏഹ്.. അറിയില്ലന്നോ.. കാർത്തു അമ്പരപ്പോടെ അവനെ നോക്കി. "ആഹ്.. അറിയില്ലന്ന് തന്നെ..ആരോ ഒരാൾ പറഞ്ഞിട്ടെന്ന് പറഞ്ഞു കൊണ്ടൊരു വക്കീൽ വന്നു സ്റ്റേഷനിൽ. മൂപ്പര് കുറച്ചു മാസ്സ് ഡയലോഗ്.. എനിക്ക് ജാമ്യം കിട്ടി.." കാശി നേർത്തൊരു ചിരിയോടെ പറഞ്ഞു. "അച്ഛൻ പറഞ്ഞു വിട്ട ആളാവുമോ ഇനി..?" അൽപ്പനേരത്തേ മൗനതിന്നു ശേഷം അവൾ വീണ്ടും ചോദിച്ചു. അറിയില്ല... അത് പറയുമ്പോൾ വല്ലാതെ പതിഞ്ഞു പോയിരുന്നു അവന്റെ സ്വരം. ആ മുഖത്തുള്ള ചിരിയും അപ്പോൾ മുതൽ ഇല്ലായിരുന്നു. "എന്താ പിന്നെ അറിയുന്നത്.." അവനിനി ഒന്നും വിട്ടു പറയാത്തതാണോ എന്നൊരു കുഞ്ഞ് കെറുവോടെ കാർത്തു മുഖം വീർപ്പിച്ചു. അങ്ങേയറ്റം ടെൻഷൻ നിറഞ്ഞ ആ അവസ്ഥയിൽ നിന്നൊക്കെ രണ്ടാളും പുറത്ത് കടന്നിരുന്നു. അത് കൊണ്ട് തന്നെ ആ നിമിഷങ്ങളിൽ സന്തോഷം തന്നെയാണ്. "അറിയുന്നൊരു കാര്യം പറഞ്ഞു തരട്ടെ.." കാശി വീണ്ടും സ്പീഡ് കുറച്ചു കൊണ്ടവളുടെ കൈ പിടിച്ചെടുത്തു. "എനിക്കെന്റെ ഭാര്യയെ ഒരുപാട് ഇഷ്ടമാണെന്ന്.. അതെനിക്കിപ്പോ നന്നായി അറിയാം.." കൈകൾ ചേർത്ത് പിടിച്ചു കൊണ്ടുള്ള ആ തുറന്നു പറച്ചിൽ.. കാർത്തു ഒന്നാകെ വിറച്ചു പോയതാ വിരൽ തുമ്പിൽ നിന്നും അവൻ തൊട്ടറിഞ്ഞു. ഇങ്ങനൊക്കെ പറയാൻ അറിയാവുന്ന ഇവനാണോ ദൈവമേ അന്ന് തന്നിടത്രേം കലിപ്പിട്ട് നടന്നതെന്നൊരു പകപ്പോടെ കാർത്തു അവനെ മിഴിച്ചു നോക്കി. അതിനുമപ്പുറം അവനാ പറഞ്ഞ ഭാര്യയെന്ന പദവി. ഒരു വേള അവളുടെ കണ്ണുകൾ വീണ്ടുമാ താലി മാലയിലേക്ക് നീണ്ടു. "ഒരുപാട് കാര്യം പറയാനുണ്ടെനിക്ക്. നമ്മളിപ്പോ പോകുന്നത് എങ്ങോട്ടാണ് എന്നതടക്കം. എല്ലാം പതിയെ പറഞ്ഞു തരും. ഇപ്പൊ കുറച്ചു നേരം ഉറങ്ങിക്കോ.. ഒരുപാട് നാളായില്ലേ ഉറങ്ങിയിട്ട്.. സ്ഥലം എത്തുമ്പോ ഞാൻ വിളിക്കാം..! ഒരാൾക്ക് സാധ്യമാവുന്നത്രേം സ്നേഹത്തോടെ പറയുന്നവൻ. അവൾക്കൊന്നവനെ ഇറുകെ കെട്ടിപിടിക്കാൻ തോന്നി. കാശിനാഥൻ പൂർണ്ണമായും ഇനി തനിക്ക് സ്വന്തമാണല്ലോ എന്നുള്ള ആ സത്യം.. അതിൽ മാത്രം അവളുടെ മനസങ്ങനെ കുരുങ്ങി കിടന്നു. അവൾക്കുറങ്ങാൻ വേണ്ടിയവൻ പാട്ടിട്ട് കൊടുത്തു. പതിയെ... അവനെ നോക്കി കൊണ്ട് തന്നെ ഉറക്കത്തിലേക്ക് വീണു പോകുന്നവൾക്ക് ചാരി കിടക്കാൻ പാകത്തിന് അവൻ കുറച്ചു കൂടി അവളുടെ അരികിലേക്ക് ചേർന്നിരുന്നു. അവന്റെ തോളിൽ ചാരി കൊണ്ടവൾ ഗാഡമായ ഉറക്കത്തിൽ വീണെന്ന് ഉറപ്പായ നിമിഷം... ഹൃദയം നിറഞ്ഞൊരു ചിരിയോടെ കാശി പതിയെ അവളുടെ നെറുകയിലൊന്നുമ്മ വെച്ചു.. അത്രയും സ്നേഹത്തോടെ.. വാത്സല്യത്തോടെ. 💥💥 കുറച്ചു കൂടി കുടിക്ക് തുളസി..." അശോകന്റെ സ്വരം വല്ലാതെ മുറുകിയിരുന്നു അത് പറയുമ്പോൾ. അയാൾ നീട്ടിയ ഗ്ലാസ് വെള്ളം വാങ്ങിച്ചു കുടിക്കുമ്പോൾ തുളസി വല്ലാതെ വിറക്കുന്നുണ്ട്. ടെൻഷൻ കൊണ്ടും ഭയം കൊണ്ടും അവർ വല്ലാതെ തളർന്നു പോയിരുന്നു. "അശോകേട്ട.. നമ്മുടെ മോള്...?" ഗ്ലാസ്‌ തിരികെ വാങ്ങിക്കുന്ന അയാളെ നോക്കി അവരൊന്നു വിതുമ്പി. "ഹോസ്പിറ്റലിൽ പോണോ നിനക്ക്. വയ്യായ്ക വല്ലതും തോന്നുന്നുണ്ടോ?" അവരുടെ ആ ചോദ്യം കേട്ടില്ലെന്ന മട്ടിലാണ് അശോകന്റെ മറു ചോദ്യം. "വേണ്ട..." തുളസി അയാളിൽ കാണുന്ന ആ കടുത്ത ഭാവത്തിലേക്ക് നോക്കി ഭയത്തോടെ തന്നെ പറഞ്ഞു. "എങ്കിൽ കുറച്ചു റസ്റ്റ്‌ എടുക്ക്.. എനിക്ക് കുറച്ച് പണിയുണ്ട്.." അതും പറഞ്ഞു കൊണ്ട് ധൃതിയിലിറങ്ങി പോകാൻ തുടങ്ങിയ അയാളെ തുളസി കയ്യിൽ പിടിച്ചു നിർത്തി. "കൈ വിട് തുളസി..എന്ത് വേണമെന്ന് എനിക്കറിയാം." അങ്ങേയറ്റം ഗൗരവത്തോടെ അയാളത് പറയുമ്പോൾ ആ നോട്ടത്തിലെന്റെ കാടിന്യം കൊണ്ടാണ് അവരുടെ പിടി അയഞ്ഞു പോയതും. ബാത്‌റൂമിൽ ഉറക്കെ വിളിച്ചും വാതിൽ തട്ടിയും അവരങ്ങനെ കുടുങ്ങി കടന്നത് ഒരു മണിക്കൂറോളമാണ്. എന്ത് പറ്റിയെന്നോ താനെങ്ങനെ അതിനുള്ളിൽ കുരുങ്ങി പോയെന്നോ അറിയില്ല. അതിനേക്കാൾ.. അകത്തെ മുറിയിലുള്ള മകളെ കുറിച്ചോർക്കുമ്പോൾ തോന്നുന്ന ഭയം. എല്ലാം കൂടി വല്ലാത്തൊരു അവസ്ഥയിലായിരുന്നു തുളസി അശോകൻ വന്നു വാതിൽ തുറക്കുമ്പോൾ. അവരുടെ നോട്ടം വീണ്ടും അശോകന് നേരെ നീണ്ടു. മേശപ്പുറത്തു വെച്ച കാർത്തുവിന്റെ ഫോൺ അയാളെടുത്തു നോക്കുന്നത് കണ്ടു. "അശോകനെ ചതിച്ചു പോയവരെ ഇന്ന് വരെയും ആരെയും ഞാൻ വേറുതെ വിട്ടിട്ടില്ല..ഇനിയും അതങ്ങനെ തന്നെയാവും " അത് വരെയും ഉള്ളതിനേക്കാൾ ഗൗരവം നിറഞ്ഞു നിൽക്കുന്ന ആ വാക്കുകൾ. തുളസിയുടെ ചങ്കിടിച്ചു. എത്രയായാലും അവൾ മകളാണ്. ഇപ്പോഴും അവളുടെ മുഖമൊന്നു വാടിയാൽ തന്റെ കണ്ണും കലങ്ങും. കാശിയെ നഷ്ടപ്പെടുമെന്ന് തോന്നിയ ആ നിമിഷം മുതൽ അവൾ അനുഭവിച്ച ആ ടെൻഷൻ അവരും അത്രയും അരികെ നിന്ന് കണ്ടതുമാണ്. അന്നതിനെതിരെ ഒന്നും പറയാഞ്ഞത് അശോകേട്ടൻ അവളുടെ ലൈഫിനെ കുറിച്ച് പറഞ്ഞും അത് കാശിയോടപ്പമാകുമ്പോൾ വരാൻ സാധ്യതയുള്ള അപകടങ്ങളെ കുറിച്ചുമെല്ലാം പറഞ്ഞത് കൊണ്ടായിരുന്നു. പക്ഷെ ഇപ്പൊ കാർത്തുവിനെ കാണുന്നില്ലെന്നറിഞ്ഞ നിമിഷം.. സങ്കടത്തേക്കാൾ ആശ്വാസമാണ് തോന്നിയതും. കാർത്തു പോയെങ്കിൽ.. തീർച്ചയായും അത് കാശിയുടെ കൂടെയാവുമെന്ന് അവർക്കറിയാം. അവന്റെ കൂടെ അവൾ സന്തോഷവതിയായിരിക്കും എന്നും അവർക്കുറപ്പുണ്ട്. പക്ഷെ അപ്പോഴും പുറത്തേക്കിറങ്ങി പോയ സ്വന്തം ഭർത്താവിനെ കുറിച്ചോർക്കുമ്പോൾ അവരിൽ ചെറുതല്ലാത്തൊരു ഭയവും വന്നു നിറയുന്നുണ്ട്.. 💥💥 എപ്പോ പോയെന്നറിയില്ല... " മഹേഷിനോടത് പറയുമ്പോൾ അശോകൻ പല്ല് കടിച്ചു പിടിച്ചിരുന്നു. എങ്ങനെ പോയെന്നും അറിയില്ലായിരിക്കും. അല്ലേ അങ്കിളെ.. " അവനൊരു പരിഹാസത്തോടെയാണാ ചോദ്യമെന്നും അയാൾക്ക് മനസ്സിലായി. "ഇങ്ങനൊരു അറ്റാക്ക് ഉണ്ടാവും എന്ന് അപ്പഴേ ഞാൻ പറഞ്ഞതല്ലേ.. അന്നേരം അവൻ അങ്ങനൊന്നും ചെയ്യില്ല.. നെറികേട് കാണിക്കില്ല.. പറഞ്ഞ വാക്കിനു വിലയുള്ളവനാണ് എന്നൊക്കെ പറഞ്ഞത് നിങ്ങളല്ലേ..എന്നിട്ടിപ്പോ ആ നാറി തന്നെയല്ലേ ഇതൊക്കെ ചെയ്തതും." അവൻ ദേഷ്യമൊതുക്കാൻ വല്ലാതെ കഷ്ടപെടുന്നുണ്ടെന്ന് കൂടി അയാൾക്ക് മനസ്സിലായി. "ഇതൊക്കെ കൊണ്ടാ അവനെ ജാമ്യത്തിലിറക്കരുതെന്ന് ഞാൻ പറഞ്ഞത്. അന്നതും കേൾക്കാതെ ഓരോന്നു ചെയ്തിട്ട്.. ഇപ്പൊ അവനായിട്ട് തന്നെ പണി തന്നില്ലേ.." കാശിയുടെ ജാമ്യത്തിന്റെ കാര്യത്തിൽ അപ്പോഴും തീരാത്ത.. തീരാൻ സ്റ്റീഫൻ സമ്മതിച്ചു കൊടുക്കാത്ത മഹേഷിന്റെ ഉള്ളിലെ സംശയം അവനറിയാതെ തന്നെ പുറത്ത് ചാടി. കാശിയെ കുറിച്ച് താൻ അങ്ങനൊക്കെ പറഞ്ഞത് ശെരിയായത് കൊണ്ട് അത്രയും നേരം മിണ്ടാതെ നിന്നിരുന്ന അശോകൻ അവനാ പറഞ്ഞത് കേട്ടതും മുഖം ചുളിച്ചു. "അവനെ ഞാനല്ല പുറത്തിറക്കിയതെന്ന് പറഞ്ഞത് നീയപ്പോ വിശ്വസിച്ചില്ലേ.." അവനെക്കാൾ ദേഷ്യമുണ്ടായിരുന്നു അപ്പോൾ അശോകനും. "ഇനിയിപ്പോ അതിനെ കുറിച്ചൊന്നും പറഞ്ഞു നിൽക്കാതെ എങ്ങനെ അവരെ കണ്ട് പിടിക്കുമെന്ന് ആലോചിക്ക്.. അതായിപ്പോ വേണ്ടത്.. ഞാനും നോക്കട്ടെ.. കിട്ടിയ തന്നെ ഇനിയിപ്പോ കെട്ടണോ ന്നാ.." അത്രയും പറഞ്ഞിട്ട് അശോകന് പറയാനുള്ള ഉത്തരം പോലും കാക്കാതെ മഹേഷ്‌ കോൾ കട്ട് ചെയ്തു പോയി.. തുടരും.. മ്യാമനും മോനും ഇപ്പഴേ അടി തുടങ്ങിയോ.. 😆 എജ്ജാതി സ്നേഹം ഉള്ളവരായിരുന്നു ല്ലേ 😁 സ്നേഹത്തോടെ jif💐 #💞 പ്രണയകഥകൾ #📔 കഥ

മനസ്സ് നിയന്ത്രിക്കാൻ പഠിക്കുക..! 🙂 . . #madhavikutty #kamalasurayya കണ്ണൂർകാരൻ 🥰🥰🥰🥰 #📔 കഥ #💞 പ്രണയകഥകൾ #💌 പ്രണയം #😔സങ്കടം #❤ സ്നേഹം മാത്രം 🤗

ഹൃദയത്തിൽ സൂക്ഷിക്കാൻ പാർട്ട് -40 ഒരു മാസത്തിന് ഇപ്പുറം..               സൂരജ്..... സാം ക്ലാസ്സിലേക്ക് വന്നു കൊണ്ട് ആ പേര് വിളിച്ചതും സൂരജ് എണീറ്റു സാമിന് അടുത്തേക്ക് നടന്നു... എന്താ സാർ.... സൂരജിനെ സാം വെളിയിലേക്ക് കൂട്ടിക്കൊണ്ട് പോയി... അവന്റെ തോളിലൂടെ കൈ ചേർത്ത് പിടിച്ചു.... നിനക്ക് എന്താ സൂരജ് പറ്റിയെ... പറ്റാനോ.. എന്ത് പറ്റാൻ... അവൻ സാമിനെ സൂക്ഷിച്ചു നോക്കി... നിനക്ക് ഈ ക്ലാസ്സിൽ ഉള്ള ഇരട്ടപ്പേര് എന്തുവാ.. പഠിപ്പി സൂരജ്.. എല്ലാവരും കളി ആക്കി ആ പേര് നിന്നെ വിളിക്കുമെങ്കിലും അത് ഒരു അഭിമാനത്തോടെ ആട ഞാൻ കേൾക്കുന്നേ... നി അതില്ലാണ്ട് ആക്കരുത്.... അറിയാല്ലോ നിന്നിൽ എനിക്ക് ഒരുപാട് പ്രതീക്ഷ ഉണ്ട്... നി ആയിട്ട് അത് കളയരുത്.. പ്രണയമൊക്കെ ഉണ്ടാവും സൂരജെ അതിന്റെ പിറകെ പോയാൽ നിന്റെ അവസ്ഥ എന്താകും നി അത് ചിന്ദിച്ചിട്ടുണ്ടോ... നിന്റെ മനസ്സിൽ പഠിപ്പ് എന്നൊരു ചിന്തയെ വരാവൊള്ളൂ.... നിന്റെ കൂട്ട് ഇത്തിരി കൂടി വരുന്നുണ്ട്.. പ്രത്യേകിച്ച് അവർ രണ്ട് പേർക്ക് ഇടയിൽ....ഈ വെട്ടം മാർക്ക്‌ കുറഞ്ഞത് കണ്ടോ... നി പഠിക്കാൻ വേണ്ടിയാ ഞാൻ മാർക്ക്‌ വാരി കോരി തരാഞ്ഞത് പോലും.. സാർ പറഞ്ഞ് വരുന്നത് എന്റെ മാർക്ക്‌ കുറച്ചത് സാർ അറിഞ്ഞോണ്ട് ആണന്നു അല്ലെ... ബാക്കി എല്ലാ വിഷയത്തിലും നല്ല മാർക്ക്‌ ഉള്ളപ്പോ ഇതിനു മാത്രം കുറഞ്ഞു പോയി..... സാറെ തല്ക്കാലം എനിക്ക് ആരെയും പ്രേമിക്കാൻ സമയം ഇല്ല... പിന്നെ പഠിത്തത്തിൽ ഇത് വരെ ഞാൻ ഒരു ഒഴപ്പ് കാണിച്ചട്ടും ഇല്ല... സാർ എന്തായാലും ഈ വെട്ടം മനഃപൂർവം എന്റെ മാർക്ക്‌ കുറച്ചതാണെന്ന് എനിക്ക് നന്നായി മനസ്സിലായതാ... അപ്പൊ ഞാൻ കരുതി എല്ലാ കുട്ടികൾക്കും പഠിക്കാൻ വേണ്ടി മാർക്ക്‌ കുറച്ചു തരുന്നത് പോലെയാ.. പക്ഷെ ഇപ്പോ എനിക്ക് മനസിലായി.... പിന്നെ സാർ പേടിക്കണ്ട അവളുമാരിൽ ആരെയും ഞാൻ എന്റെ സഖി ആക്കാൻ ഉദ്ദേശിച്ചിട്ടില്ല..     ഇനിയും സാർ മാർക്കും കുറച്ചു ഇമ്മാതിരി ഉപദേശവും കൊണ്ട് വന്നാൽ ഉണ്ടല്ലോ...ഞാൻ ഒരു കംപ്ലയിന്റ് അങ്ങ് കൊടുക്കും... അതും പറഞ്ഞവൻ തിരിഞ്ഞു നടന്നു... എന്താ സൂരജെ എന്റെ ജോലി തെറിപ്പിക്കും  എന്നാണോ നി പറഞ്ഞത് എന്നാൽ വീണ്ടുമവന്നോന്നു നിന്നു...പിന്നെ കഴുത്തൊന്നു ചെറുതായി തിരിച്ചു കൊണ്ട് സാമിനെ നോക്കി അവൻ ചിരിച്ചു കൊണ്ട്... ജോലി പിന്നെ ആണേലും കിട്ടുമല്ലോ... പക്ഷെ കാലും കൈയും ഓടിച്ചു അങ്ങ് ഇട്ടാലോ.... എന്നെ കൊണ്ട് പറ്റില്ലായിരിക്കും പക്ഷെ ഇത് അറിഞ്ഞ രുദ്രേട്ടൻ സാറിനെ വെച്ചേക്കില്ല... അത് കൊണ്ട് പറയുവാ.. മനസ്സിൽ മറ്റൊരു ചിന്തയും വേണ്ട.... എനിക്ക് അറിയാം സാർ പാവമാണെന്നു.. പക്ഷെ ശെരിയാകില്ല സാറെ... അത്രയും പറഞ്ഞവൻ ക്ലാസ്സിലേക്ക് നടന്നു.... അവൻ കയറി വരുന്നത് കണ്ടതും പാറുവും നേഹയും പുരികം ഉയർത്തി കാര്യമെന്തെന്നു തിരക്കി... സൂരജ് ഒന്നുമില്ല എന്നുള്ള രീതിയിൽ ഒന്ന് കണ്ണടച്ച് കാണിച്ചത് മാത്രമേ ഉള്ളു... എന്നാൽ പുറത്ത് നിന്ന സാമിന്റെ മുഖത്തു ചമ്മൽ ആയിരുന്നു... സൂരജ് എല്ലാം മനസിലാക്കി.... ഇനി ക്ലാസ്സിലേക്ക് എങ്ങനെ കയറും... അവളുമ്മാരോട് അവൻ എല്ലാം പറയും..സാം തിരിഞ്ഞു ഓഫീസ് റൂമിലേക്ക്‌ നടന്നു.... ❤️ സാം സാറെ. ഓഫീസ് റൂമിലെ ടേബിളിൽ തല വെച്ച് കിടക്കുമ്പോളാണ് സൂരജ് അവനെ വിളിച്ചത്... എന്തോ സൂരജിന്റെ മുഖത്തു നോക്കാൻ ഒരു ചമ്മൽ.... എന്താ സൂരജെ.... സാം ചോദിക്കുമ്പോൾ സൂരജ് ഒന്ന് ചിരിച്ചു... ചമ്മൽ കാരണം ക്ലാസ്സിൽ കയറാതെ ഇരിക്കേണ്ട... പാറുനോട് ഉള്ള സാറിന്റെ ഇഷ്ടം കുറച്ച് നാളുകൾ കൊണ്ട് എനിക്ക് മനസിലായതാ... സാർ വിഷമിക്കണ്ട ഞാൻ ഇതൊന്നും ആരെയും അറിയിക്കില്ല.. ധൈര്യം ആയി വന്നു ക്ലാസ്സ്‌ എടുക്കാം....സാം അവന്റെ സംസാരം കേട്ടതും ഒന്ന് ചിരിച്ചു... സോറി സൂരജ്.... എന്നോട് എന്റെ അധ്യാപകൻ സോറി പറയണ്ട കാര്യമില്ല.... മനസ്സിലായോ...എന്നാ ശെരി.... അത്രയും പാറഞ്ഞു സൂരജ് തിരിഞ്ഞതും..    വൈഷ്ണവിക്ക് രുദ്രനെ ഇഷ്ടാണോ.... അതിന് സൂരജ് ഒന്ന് ചിരിച്ചു മറുപടി പറയാതെ അവിടെ നിന്നും ഇറങ്ങി.... 💜💜 രുദ്ര...... എണീറ്റെ.......മതി. അനൂപ് വിളിക്കുമ്പോൾ രുദ്രൻ ബിയർ ബോട്ടിൽ ഒരെണ്ണം കൂടി വായിലേക്ക് കമഴ്ത്തി... വിടാടാ...എന്നെ തൊടണ്ട.... ഡാ നി ഒരുപാട് ഓവറ... ഈ കോലത്തിൽ എങ്ങനെ വീട്ടിൽ ചെന്ന് കയറും പാറു നിന്നെ ഇന്നും വെളിയിൽ കിടത്തും.... അഹ്. അവൾ ആ പാറു... എന്നെ മുറ്റത്ത് കിടത്തിയവളാ അവൾ.. എന്നാലും അവളെ എങ്ങനെയാഡാ അനൂപേ ഇന്ദ്രൻ സ്നേഹിച്ചേ.... ആകെ അടക്ക കുരിവിടെ അത്രേം... നാക്ക് ഇന്ത്യൻ റെയിൽ പാളം പോലെ.....ദേ ഇങ്ങനേ അങ്ങ് നീണ്ടു നിവർന്നു കിടക്കുവാ.... അഹങ്കാരി രുദ്ര അവള് കേൾക്കരുത് കേട്ടോ.... കാര്യം. കൊച്ച് പിള്ളേരെ പോലെയാ പക്ഷെ ഇതൊക്കെ കേട്ടാൽ അവൾ നിന്നെ വെച്ചേക്കില്ല... അവൾ കെട്ടാൽ എന്ത്.... ഒന്നും ഇല്ല...... അവൾ എന്നെ ഒന്നും ചെയ്യില്ല കാണണോ നിനക്ക്... വാ.... എന്നെ കൊണ്ട് വിട്....വാടാ.... രുദ്രൻ മുണ്ടും മടക്കി കുത്തി  ഇറങ്ങി.....അനൂപ് തലയിൽ കൈ വെച്ചു പോയി  . ഈ അവസ്ഥയിൽ അവനെയും കൊണ്ട് പോയാൽ അവൾ എന്നെ കൊല്ലും.... രുദ്ര.. ഇന്ന് എന്റെ വീട്ടിൽ കിടക്കാം... നാളെ പോകാം... പറ്റില്ല ഇന്ന് ഇപ്പൊ.... ഈ രാത്രിയിൽ... ആ മൂദേവിടെ അടുത്തു എനിക്ക് പോകണം... അടി ഇരന്നു വാങ്ങാൻ പോകുവാ.... പോട്ടെ... കൊണ്ട് ആക്കിയേക്കാം..... രുദ്രൻ ബൈക്കിനു പിറകിലേക്ക് കയറി.. അനൂപ് വീടിനു മുന്നിൽ വണ്ടി നിർത്തിയതും രുദ്രൻ ഇറങ്ങി.... വാടാ.... അവളെ രണ്ട് പറഞ്ഞിട്ട് വരാം..... വാടാ........ രുദ്രൻ മുന്നോട്ടു നടന്നു കൊണ്ട് തിരിഞ്ഞു നോക്കിയതും അനൂപിന്റെ ബൈക്കും ഇല്ല അവനും ഇല്ല... തെണ്ടി മുങ്ങി....... രുദ്രൻ അവിടെയും തളർന്നില്ല.... കാളിങ് ബെൽ അമർത്തിക്കൊണ്ട് നിന്നു..... പാറു ഡോർ തുറക്കുന്നത് വരെ... അവളെ കണ്ട് അവനൊന്നു പുച്ഛിച്ചു ചിരിച്ചു..... പാറു തല തിരിച്ചു മുറിയുടെ വാതിക്കലേക്കു നോക്കി... നേഹ ഉണ്ടോ എന്ന്.... ഇല്ല....... അവൾ ഉറങ്ങിയാൽ പിന്നെ എണീക്കില്ല... അത് നന്നായി... രുദ്രൻ എന്തോ പറയാൻ വാ തുറന്നതും അവൾ വിരൽ അവളുടെ ചുണ്ടിൽ വെച്ചു മിണ്ടരുത് എന്ന് ആംഗ്യം കാണിച്ചു.... നേഹ ഉറങ്ങുവാ മിണ്ടരുത് അവൾ താക്കോൽ എടുത്തു മുന്നിലെ വാതിൽ പൂട്ടി........ വാ..... രുദ്രന്റെ കൈ പിടിച്ചു അവൾ പുറത്തേക്കു ഇറങ്ങി... എവിടെ പോകുവാടി...... അവൻ കുഴഞ്ഞു കൊണ്ട് ചോദിച്ചു... നിന്നോടാ ചോദിച്ചേ.... എങ്ങോട്ടാ പോകുന്നെ എന്ന്.... കുറച്ച് ദൂരം മുന്നോട്ടു ചെന്നതും വെള്ളത്തിന്റെ സൗണ്ട് അവൻ കെട്ടു... ഈ ഇരുട്ടത്ത് നിലാ വെളിച്ചം നല്ലത് പോലെ ഉണ്ട്..... അവൾ അവന് അടുത്തേക്ക് ചെന്നു..... രുദ്രേട്ടന് നീന്താൻ അറിയാമോ.... നീന്താനോ... ചോദിച്ചു തീരും മുൻപ് അവനെ അവൾ തെള്ളി ഇട്ടിരുന്നു..... വെള്ളത്തിലേക്കു വീണ രുദ്രൻ മുങ്ങി പൊങ്ങി.... ഡീ... എന്തിനാ എന്നെ തള്ളി ഇട്ടത്...അഹങ്കാരി. പറഞ്ഞ് തീരും മുൻപ് അവളും എടുത്തു ചാടിയിരുന്നു......രുദ്രന്റെ തലയിൽ പിടിച്ചു പല വെട്ടം അവൾ ആ വെള്ളത്തിലേക്കു മുക്കി പൊക്കി.. ഡീ  അവൻ .പൊങ്ങി വരുമ്പോൾ  അത് മാത്രം പറയാൻ ഉള്ള സമയമേ കിട്ടുന്നുള്ളു... ലാസ്റ്റ് ഒരിക്കൽ കൂടി മുക്കി പൊക്കി... ബോധം വീണോ... ഇറങ്ങിയോ നിങ്ങളുടെ കെട്ട്... ഏഹ്ഹ്..... അതും ചോദിച്ചു അവൾ കരയിലേക്ക് കയറി.. അവൾക്ക് പിറകെ അവനും.... നാളെ തന്നെ ഇവിടെ നിന്നും പൊയ്ക്കോളണം.. കേട്ടല്ലോ..... മതി ആയി.. രണ്ട് പെൺകുട്ടികൾ ഉള്ള വീട്ടിലേക്ക് 11 മണി രാത്രിയിൽ.. അതും കുടിച്ചു മറിഞ്ഞു.... കുടിച്ചാൽ വയറ്റിൽ കിടക്കണം.. അല്ലാതെ എന്നോട് അടി ഇടാൻ വരുവല്ല വേണ്ടത്..... അത് പറയാൻ നി ആരാടി... ഞാൻ കുടിക്കും ഇനിയും കുടിക്കും...... എന്റെ വിഷമം മാറും വരെ കുടിക്കും......രുദ്രന്റെ ഒഴുകി ഇറങ്ങിയ കണ്ണുനീർ വെള്ളത്തിനോടൊപ്പം അലിഞ്ഞു ഇല്ലാതെ ആയി... കുടിക്കുവോ ചാവുവോ എന്ത് വേണേ ആയിക്കോ.. പക്ഷെ അതിവിടെ വേണ്ട...അത്രേ ഞാൻ പറഞ്ഞുള്ളു.....( പാറു ) രുദ്രൻ ഈറനോടെ ആ പുല്ലിലേക്ക് കിടന്നു കൊണ്ട് ആകാശത്തേക്ക് നോക്കി..... പാറു അവന് അടുക്കലായി ഇരുന്നു.... എന്താ പോകുന്നില്ലേ നി.... എനിക്ക് ഒറ്റക്ക് ഈ ഇരുട്ടത്ത് കൂടി പോകാൻ പേടിയാ... അവൾക്കിട്ടൊരു പണി കൊടുക്കണം എന്ന് രുദ്രനും തോന്നി..... രുദ്രൻ എണീറ്റിരുന്നു അവളെ ഒന്ന് നോക്കി..... ഞാൻ എന്തായാലും ഇവിടെ എവിടെ എങ്കിലും കിടന്നു ഉറങ്ങാൻ പോകുവാ.... രുദ്ര പ്ലീസ് ഒന്ന് വരാമോ.... പറ്റില്ല... അവൻ തീർത്തു പറഞ്ഞു.. കുറച്ച് നേരം കൂടി അവൾ അവിടെ നിന്നു.. അവൻ എണീക്കുന്നില്ല എന്ന് കണ്ടതും അവൾ മുന്നോട്ടു നടന്നു.... എന്നാൽ രുദ്രൻ ചിരിച്ചു കൊണ്ട് അവൾക്ക് പിറകെ ചെന്നു.... പുറകിൽ അവനുണ്ടന്നു അറിഞ്ഞതും ചെറു ചിരി അവളുടെ ചുണ്ടിൽ ഉണ്ടായിരുന്നു ❤️ അമ്പലത്തിലെ മണിനാദം കാതിൽ കാതിൽ പതിച്ചതും രുദ്രൻ കണ്ണുകൾ തുറന്ന്.. കോവിലിനുള്ളിൽ ഇരിക്കുന്ന വിഗ്രഹത്തിലേക്കു നോക്കി...എങ്ങും മനസിനെ കുളിരണിയിക്കുന്ന മണം..... അവൻ ശ്വാസം ഒന്ന് ആഞ്ഞെടുത്തു... അമ്പലത്തിൽ നിന്നും  തിരികെ ഇറങ്ങുമ്പോൾ അവന് മുന്നിലൂടെ ഒരു കൂട്ടം സ്വാമിമാർ നടന്നു നീങ്ങി.... ഷർട്ടിന്റെ ബട്ടൺ ഇട്ടു കൊണ്ട് അവൻ അവർക്ക് പോകുവാനായി വഴിയിൽ നിന്നും മാറി.. മേലാകെ ഭസ്മം പൂശി ആഘോരി എന്നു തോന്നിപ്പിക്കും  കുറച്ച് പേരും അവർക്കൊപ്പം ഉണ്ടായിരുന്നു..... അതിൽ ഒരു അഘോരി അവന് അടുക്കലേക്കു വന്നു.....        ഹിന്ദിയിൽ എന്തോ പറഞ്ഞ് കൊണ്ട് അവന് മുന്നിലൂടെ അയാൾ പോയി... എന്നാൽ അയാൾ പറഞ്ഞത് അവന് മനസിലായി.... ആഗ്രഹം നിറവേറാതെ അയാൾ സങ്കടപ്പെടുവാണത്രേ..... അവളെ സംരക്ഷിക്കാൻ......ആരുടെ ആഗ്രഹം... ഏതവൾ.... ഓരോന്ന് ഓർത്തു രുദ്രൻ മുന്നിലെ പടികൾ പാതി ഇറങ്ങിയതും പെട്ടെന്ന് അവൻ അവിടെ നിന്ന്.... രുദ്രന്റെ കണ്ണുകൾ വിടർന്നു.....രുദ്രൻ ശ്വാസം ഒന്ന് ആഞ്ഞെടുത്തു കൊണ്ട് പടികൾ തിരിച്ചു കയറി...... നടന്നു നീങ്ങുന്ന ആഘോരികൾക്കിടയിലേക്ക് അവൻ ഓടി കയറി.... അവൻ ചുറ്റിനും അയാളെ തിരഞ്ഞു.. എന്നാൽ അയാളെ കാണാൻ കഴിഞ്ഞില്ല.... പെട്ടെന്ന് അവന് ചുറ്റുമായി ആ ആഘോരികൾ നിന്ന് ചിരിക്കുവാൻ തുടങ്ങി....         അവന്റെ ആഗ്രഹം നിറവേറ്റി കൊടുക്ക്‌.... ഈ ജന്മം നിന്റെ കടമയാണ് അത്... അവർ ഒരേ സ്വാരത്തിൽ പറഞ്ഞ് കൊണ്ട് ഇരുന്നു..... അവരെല്ലാവരും തന്നിലേക്ക് അടുക്കുന്നത് പോലെ തോന്നി അവന്.... രുദ്രൻ ശ്വാസം ആഞ്ഞെടുത്തു..... അവൻ ചെവി പൊത്തി അലറി....      കതകിൽ നിർത്താതെ ഉള്ള കൊട്ട് കേട്ടാണ് രുദ്രൻ റൂമിന്റെ വാതിൽ ചെന്നു തുറന്നത്..... എന്താ എന്ത് പറ്റിയതാ....ഭയത്തോടെ ഉള്ള ചോദ്യമായിരുന്നു നേഹയിലും പാറുവിലും... കണ്ണുമിഴിച്ചു അവർ രണ്ടാളും അവനെ നോക്കി..... രുദ്രൻ ശ്വാസം ഒന്ന് ആഞ്ഞെടുത്തു ഇപ്പോളും അവന് ചുറ്റും അമ്പലത്തിലെ അതെ മണം... സ്വപ്നത്തിൽ നിന്നും അവൻ ഇത് വരെ കരകയറാൻ കഴിഞ്ഞിട്ടില്ല.... എന്താ രുദ്രേട്ടാ പറ്റിയെ സ്വപ്നം വല്ലതും കണ്ടോ...... നേഹ വീണ്ടും ചോദിച്ചതും വാ പൊത്തി രുദ്രൻ വെളിയിലേക്ക് ഇറങ്ങി ഓടിയിരുന്നു.... വാഴ ചുവട്ടിൽ കുനിഞ്ഞു നിന്നു ശർദ്ധിക്കുന്നവനെ നോക്കി രണ്ടാളും നിന്നു പോയി... നേഹ പാറുവിനെ നോക്കി ഇതെന്ത് കൂത്ത് എന്നമട്ടിൽ... പാറു അടുക്കളയിലേക്ക് ചെന്ന് ഒരു മോന്ത വെള്ളം എടുത്തു അവന് അടുക്കലേക്കു ചെന്നു..... കുറച്ചു കൂടി വലിച്ചു കേറ്റാൻ വയ്യാരുന്നോ... പുറകിൽ നിന്നും പാറുവിന്റെ ശബ്ദം കേട്ടതും രുദ്രൻ നനകല്ലിന്റെ അടുത്തേക്ക് ഇരുന്നു പോയി...... മോന്തയും വെള്ളവും അവന് നേരെ നീട്ടി അവൾ.... രുദ്രൻ മോന്ത വാങ്ങി വാ കഴുകി.. മുണ്ടിന്റെ തലപ്പു കൊണ്ട് മുഖം ഒന്ന് തുടച്ചു വിട്ടു.... മിഴികൾ ഉയർത്തി അവളെ നോക്കാൻ ഉള്ള ആരോഗ്യം അവനില്ലായിരുന്നു..... രാവിലത്തെ സ്വപ്നം... ഭയം വല്ലാതെ മനസിനെ പിടി കൂടും പോലെ....... നേഹ അടുത്തേക്ക് വന്നതും അവളുടെ കയ്യിൽ നിന്നും ഫോൺ വാങ്ങി അനൂപിനെ വിളിച്ചവൾ.... അനൂപേട്ടാ ഞാനാ പാറു.... ഇവിടെ വരെ ഒന്ന് വരാമോ.... രുദ്രന്... അല്ല രുദ്രേട്ടന് തീരെ വയ്യ..... ഒന്ന് ഹോസ്പിറ്റലിൽ കൊണ്ട് പോകാമോ..... അവന്റെ ഇരിപ്പും ഭാവവും അത്ര പന്തി ആയി തോന്നി ഇല്ല അവൾക്ക്...... നെഹെ... ഒന്ന് പിടിച്ചെടി....... രുദ്രൻ കൈ പൊക്കി അവൾക്കു നേരെ നീട്ടിയതും.. നേഹ വിഷമത്തോടെ പാറുവിനെ നോക്കി..... രണ്ടാളും കൂടി രുദ്രനെ പതിയെ ഇരുന്നിടത്തു നിന്നും എണീപ്പിച്ചു..... ഉമ്മറത്തേക്കു കൊണ്ട് ഇരുത്തിയതും അവൻ വീഴാൻ പോയി... എന്നാൽ പാറുവിന്റെ ചുരിദാറിൽ പിടുത്തം കിട്ടിയിരുന്നു അവനിൽ.... രുദ്രേട്ടാ കട്ടൻ വല്ലതും വേണോ.... (നേഹ ) വേണ്ടടി..... രുദ്രൻ അവശതയോടെ പറയുമ്പോൾ പാറു രുദ്രന് അരുകിലേക്ക് ഇരുന്നു.... ഈ ഉപയോഗിക്കാതെ സാധനം തോന്നും പോലെ വാങ്ങി കുടിക്കുമ്പോൾ തന്റെ ശരീരത്തിന് അത് പിടിക്കുമോ അല്ലങ്കിൽ ഓവർ ആണോ എന്നൊക്കെ ഒന്ന് ശ്രെദ്ധിക്കുന്നത് നല്ലതാ.... അത്രയും പറഞ്ഞവൾ അകത്തേക്ക് കയറി പോയി.... വേഷം മാറി തിരികെ ഇറങ്ങുമ്പോൾ കയ്യിൽ പേഴ്സും ഉണ്ടായിരുന്നു..... നെഹെ അനൂപ് ഏട്ടന്റെ കൂടെ ഞാനും കൂടി പോകുവാ.. ഒറ്റക്ക് എങ്ങനെയാടി.... നീ സൂരജിന്റെ കൂടെ ഇന്ന് കോളേജിൽ പൊ... അവളത് പറയുമ്പോൾ നേഹ തലയാട്ടി...... പറഞ്ഞ് തീർന്നതും അനൂപ് അവിടെ എത്തി... എന്താ.... എന്താടാ രുദ്ര... എന്ത് പറ്റി പാറു..... അനൂപ് ചോദിക്കുമ്പോൾ രൂഷമായ ഒരു നോട്ടം ആയിരുന്നു അവളുടെ മറുപടി.... കൈയ്യിൽ ഇരുന്ന കാറിന്റെ ചാവി അവൾ അനൂപിന് കൊടുത്തു.... രുദ്രന്റെ അടുത്തേക്ക് വന്നു അവനെ എണീപ്പിക്കാൻ പാവിച്ചു കൊണ്ട് നേഹയെ നോക്കി..... ഇതേ സമയം ഇന്ദ്രന്റെ കാർ അനൂപ് വെളിയിലേക്ക് ഇറക്കിയിരുന്നു..... രുദ്രനെ പിടിച്ചു കൊണ്ട് മുന്നോട്ടു നടക്കുമ്പോൾ രുദ്രന്റെ മിഴികൾ പാറുവിൽ വന്നു നിന്നു.... സ്വപ്നം  വീണ്ടും ഓർമകളിൽ തെളിഞ്ഞതും മുന്നോട്ടു നടക്കാൻ ആവാതെ രുദ്രൻ അവിടെ നിന്നു... എന്താ രുദ്രേട്ടാ വയ്യേ.... പാറുവിന്റെ ശബ്ദം കേട്ടതും അവനൊന്നു ഞെട്ടി... പെട്ടെന്ന് അവന്റെ മുഖത്ത് ദേഷ്യം നിറഞ്ഞു.... അവൾ പിടിച്ചിരുന്ന കൈ തട്ടി മാറ്റി മുന്നോട്ടു നടന്നവൻ കാറിലേക്ക് കയറി.. കാറിലേക്ക് കയറിയ രുദ്രൻ കൈ കൊണ്ട് മുഖം മറച്ചു ഒരേ കിടപ്പ് ആയിരുന്നു.... പാറു നീ ഫ്രണ്ടിൽ കയറ്.... അനൂപ് പറഞ്ഞതും പാറു മുന്നിലെ ഡോർ തുറന്ന് കയറി... നേഹയോട് യാത്രയും പറഞ്ഞ് ആ കാർ മുന്നോട്ട് നീങ്ങി.... പാറു സംശയത്തോടെ പുറകിൽ കിടക്കുന്ന രുദ്രനെ നോക്കി.... പെട്ടെന്ന് എന്ത് പറ്റി.... കുറച്ച് മുൻപ് കൈ തട്ടി മാറ്റി കാറിലേക്ക് കയറിയവനെ ഓർത്ത് പോയവൾ....ഇന്നലത്തെ ദേഷ്യം ആവും. അവളോർത്തു... ഹോസ്പിറ്റലിൽ ചെന്നപ്പോൾ അനൂപ് അവനെ വെളിയിലേക്ക് പിടിച്ചു ഇറക്കി.... ഡോക്ടർ നോക്കിയിട്ട് അവനെ വഴക്കും ഒപ്പം പറഞ്ഞു.... തലേന്ന് കുടിച്ച കള്ളിന്റെ ആണെത്രെ ഈ വയ്യഴിക... റൂമിലേക്ക്‌ മാറ്റി ഡ്രിപ് ഇട്ടു.....ഡ്രിപ് തീർന്നു കഴിഞ്ഞു വീട്ടിൽ പൊക്കോളാൻ പറഞ്ഞു....... പാറു ബില്ല്  അടക്കാൻ വെളിയിലേക്ക് ഇറങ്ങിയതും അനൂപ് അവനടുക്കൽ വന്നിരുന്നു.... രുദ്ര.. അനൂപ് വിളിച്ചതും രുദ്രൻ കണ്ണ് തുറന്നു.... എന്താടാ പറ്റിയെ.. ഇതിനു മുൻപും നീ കുടിച്ചിട്ടുണ്ടല്ലോ... പക്ഷെ ഈ വയ്യഴിക.. എന്താ പറ്റിയെ നിനക്ക്.... ഏയ് ഒന്നുല്ലടാ..... അത്ര മാത്രം പറഞ്ഞവൻ.... ഉള്ളിലേക്ക് കയറി വന്ന പാറുവിനെ കണ്ടതും പതിവിലും ദേഷ്യം അവന്റെ മുഖത് ഉള്ളത് പോലെ തോന്നി അനൂപിന്... രുദ്രന് ഇതെന്താ പറ്റിയത്..... വീണ്ടും രുദ്രൻ കൈ മുഖത്ത് വെച്ചു കിടന്നു..... ബില്ല് അടച്ചോ പാറു.... അടച്ചു..... ഡ്രിപ് തീർന്നില്ലേ... നമുക്ക് ഇറങ്ങാം.. മരുന്നും കുറിച്ച് തന്നത് വാങ്ങി.... അവള് പറയുമ്പോൾ അനൂപ് തലയാട്ടി... രുദ്ര... ഇറങ്ങാം.. അനൂപ് പറയുമ്പോൾ രുദ്രൻ പതുക്കെ എണീറ്റു....അനൂപ് പിടിച്ചെങ്കിലും പാറു പിടിക്കാൻ പോയില്ല.. അവന് ഇഷ്ടായില്ലെങ്കിലോ..... ഹോസ്പിറ്റലിൽ നിന്നും കാറിൽ കയറി നേരെ വീട്ടിലേക്ക് പോയി..... മുറിയിലേക്ക് അവനെ കിടത്തി അനൂപ് കുറച്ച് നേരം രുദ്രന് അടുത്ത് ഇരുന്നിട്ടാണ് പോയത്... പോകുമ്പോൾ അനൂപ് പാറുവിനെ അടുത്തേക്ക് വിളിച്ചു.... പാറു..... അവൻ രാവിലെ തോട്ട് കുളിച്ചിട്ടില്ല.... നീ ഇത്തിരി വെള്ളം ചൂടാക്കി കൊടുത്തേക്കണേ.... എന്തേലും പറയുമോ അനൂപേട്ടാ... ഇല്ലടി... അവന് ദേഹത്തൊക്കെ വേദനയെന്നു... നിനക്ക് പറ്റില്ലേ ഞാൻ ചൂടാക്കി കൊടുക്കാം... എനിക്ക് എന്ത് ബുദ്ധിമുട്ട് അനൂപ് ഏട്ടാ.. ഞാൻ ഉണ്ടാക്കി കൊടുത്തോളം... ഇന്നലെ വന്ന കോലം അനൂപ് ഏട്ടന് അറിയാല്ലോ.... ഇച്ചായൻ ഒക്കെ അറിഞ്ഞാൽ മോശം അല്ലെ... ഒന്നാതെ. നേഹ ഇവിടെ താമസിക്കുന്നു.... ഞാൻ അതിനു വഴക്കും പറഞ്ഞ്... പാറു... രുദ്രനും ഇന്ദ്രനും രണ്ട് ശരീരം ആയിരുന്നേലും ഒറ്റ മനസ് ആയി ജീവിച്ചവരാ.... അവന് അത് ഉൾക്കൊള്ളാൻ പറ്റിയിട്ടില്ല ഇത് വരെ.... അത് കൊണ്ടാണ് മരിച്ചിട്ടു പോലും ഒരു നോക്ക് കാണാൻ രുദ്രൻ അവന്റെ അടുത്തു വരാഞ്ഞത്..... നമ്മള് കാണുന്നത് പോലെ അല്ലടി ആരും... അവൻ സഹിക്കുവാ.... നമ്മളെക്കാൾ ഒക്കെ ഒരുപാട് വിഷമിക്കുന്നത് രുദ്രാനാ പാറു... അവന് ശെരിക്കും ആര് ഉണ്ടായിട്ടാ... ഏഹ്ഹ്... ഒരു കൂടപ്പിറപ്പ് ഉള്ളതിനെ ദൈവം കൊണ്ട് പോയി.... അവന് മനസ് നോവുമ്പോൾ അവൻ കുടിച്ചു പോകുന്നതാടി...... അനൂപ് പറഞ്ഞു നിർത്തുമ്പോൾ വിങ്ങി പൊട്ടി നിൽക്കുക ആയിരുന്നു പാറുവും.... ( തുടരും ) പറ്റുന്നവർ പ്രതിലിപി കൂടി ഫോളോ ചെയ്യണേ.. ലിങ്ക് വാട്സ്ആപ്പ് ഷെയർ ചെയ്ത ഓപ്പൺ ആവും.. https://malayalam.pratilipi.com/user/ആര്യ-✍️📚-u037j7u0i4?language=MALAYALAM&utm_source=android&utm_medium=my_profile_share #📙 നോവൽ #നോവൽ #📔 കഥ #🧟 പ്രേതകഥകൾ! #💞 പ്രണയകഥകൾ

ഏഴ് തലയുള്ള നാഗം #🙋‍♀️ എൻ്റെ സ്റ്റാറ്റസുകൾ #📔 കഥ #കാവൽ നാഗം. #സ്വർണ നാഗം #നാഗം

നിഴലായി വന്നവൾ വിധി എഴുതിയ ഒരു അപൂർവ പ്രണയം... 🖤 Part 8 "നമുക്ക്... കുറച്ചുനേരം സംസാരിക്കണം." ശരത്ചന്ദ്രന്റെ ഗൗരവമുള്ള ശബ്ദം കേട്ടതും വൃന്ദയുടെ ഹൃദയമിടിപ്പ് കൂടിപ്പോയി. അവൾ പതിയെ തിരിഞ്ഞു. ശരത്ചന്ദ്രൻ വാതിൽ അടച്ചില്ല. മുറിക്കുള്ളിലേക്ക് കയറി, കുറച്ച് അകലം പാലിച്ചാണ് നിന്നത്. "ഇരിക്കൂ..." അദ്ദേഹം സോഫയിലേക്ക് കൈ ചൂണ്ടി. വൃന്ദ പതിയെ ഇരുന്നു. അൽപനേരം ഇരുവരും ഒന്നും മിണ്ടിയില്ല. ആ നിശ്ശബ്ദത ഭേദിച്ചത് ശരത്ചന്ദ്രനായിരുന്നു. "വൃന്ദ..." "ഈ വിവാഹം എങ്ങനെ സംഭവിച്ചതാണെന്ന് നിനക്കറിയാം." അവൾ തലയാട്ടി. "എന്റെ ജീവിതത്തിൽ..." "ദീപ്തിയുടെ സ്ഥാനം മറ്റാർക്കും എടുക്കാൻ കഴിയില്ല." ആ വാക്കുകൾ കേട്ടപ്പോൾ വൃന്ദയുടെ മുഖം ഒന്ന് മങ്ങി. "അതുകൊണ്ട് നിന്നെ ഒരിക്കലും അവളുമായി താരതമ്യം ചെയ്യില്ല." "നീ... നീ മാത്രമാണ്." "ഈ വീട്ടിൽ നിനക്ക് അർഹിക്കുന്ന ബഹുമാനവും സ്വാതന്ത്ര്യവും ഉണ്ടാകും." "പക്ഷേ..." "എനിക്ക് കുറച്ച് സമയം വേണം." വൃന്ദ ശാന്തമായി തലയാട്ടി. "എനിക്ക് മനസ്സിലാകും... സർ." ശരത്ചന്ദ്രൻ നേർത്തൊരു പുഞ്ചിരിയോടെ പറഞ്ഞു. "'സർ' എന്ന് വിളിക്കേണ്ട." "നിനക്ക് ഇഷ്ടമുള്ളതുപോലെ വിളിച്ചാൽ മതി." വൃന്ദ ചെറുതായി പുഞ്ചിരിച്ചു. അതോടെ... മുറിയിലെ ഭാരം നിറഞ്ഞ നിശ്ശബ്ദതയ്ക്ക് അൽപം അയവ് വന്നു. അപ്പോഴാണ്... ടക്... ടക്... "മോനെ..." സാവിത്രിയമ്മയുടെ ശബ്ദം. ശരത്ചന്ദ്രൻ വാതിൽ തുറന്നു. "സംസാരം കഴിഞ്ഞെങ്കിൽ ഇനി രണ്ടുപേരും പോയി ഒന്ന് ഫ്രഷ് ആവാൻ നോക്ക്." അവരുടെ കയ്യിൽ ഒരു ഇളം ക്രീം നിറത്തിലുള്ള സെറ്റ് സാരിയും, മറൂൺ ഡിസൈനുള്ള ബ്ലൗസും ഉണ്ടായിരുന്നു. അത് അവർ വൃന്ദയുടെ കൈയിൽ കൊടുത്തു. "ഇന്ന് ഇത് ഉടുത്തോളൂ മോളേ." പിന്നെ അലമാര മുഴുവൻ തുറന്ന് കാണിച്ചു. പുതിയ സാരികൾ... ഡ്രസ്സുകൾ... ചെരിപ്പുകൾ... കോസ്മെറ്റിക്സ്... അവൾക്ക് ആവശ്യമായ എല്ലാം അതിനുള്ളിൽ ഭംഗിയായി അടുക്കിവെച്ചിരുന്നു. വൃന്ദ അത്ഭുതത്തോടെ നോക്കി. "ഇതൊക്കെ... എനിക്ക് വേണ്ടിയാണോ?" സാവിത്രിയമ്മ ചിരിച്ചു. "പിന്നല്ലാതെ എല്ലാം നിനക്ക് വേണ്ടി വാങ്ങീതാ. എന്റെ മരുമകൾക്ക് യാതൊരു കുറവും ഉണ്ടാവാൻ പാടില്ല . വൃന്ദയുടെ കവിളിൽ തലോടി സാവിത്രി പറഞ്ഞു. ആ വാക്കുകൾ കേട്ട് വൃന്ദയുടെ മനസ്സിൽ ഒരു നേർത്ത അഹങ്കാരത്തിന്റെ പുഞ്ചിരി മിന്നിമാഞ്ഞു... "ശരി... മോൾ പോയി ഫ്രഷ് ആയിട്ട് വാ." സാവിത്രിയമ്മ പുറത്തേക്ക് നടന്നു. ശരത്ചന്ദ്രനും പറഞ്ഞു. "ഞാനും ഒന്ന് ഫ്രഷ് ആയി വരാം." അദ്ദേഹവും പുറത്തേക്ക് നടന്നു. അരമണിക്കൂറിന് ശേഷം... കുളിച്ചിറങ്ങിയ വൃന്ദ... സാവിത്രിയമ്മ നൽകിയ സാരീ ധരിച്ചിരുന്നു. കല്യാണത്തിലെ ഭാരമുള്ള ആഭരണങ്ങൾ മാറ്റിയിരുന്നു. കഴുത്തിൽ താലി മാത്രം. നെറ്റിയിൽ ചെറിയ കറുത്ത പൊട്ട്. നെറുകയിൽ നേർത്ത സിന്ദൂരം. നനഞ്ഞ മുടി പിന്നിലേക്ക് വിടർത്തിയിട്ടിരുന്നു. അവൾ പതിയെ കണ്ണാടിയുടെ മുന്നിലേക്ക് നടന്നു. കണ്ണാടിയിലുള്ള സ്വന്തം പ്രതിബിംബം കണ്ടപ്പോൾ... ഒരു നിമിഷം അവൾ അനങ്ങാതെ നിന്നു. ഇന്നലെ വരെ... സ്വന്തം വീട്ടിലെ ഒരു സാധാരണ പെൺകുട്ടി. ഇന്ന്... ഒരാളുടെ ഭാര്യ. ഒരു വലിയ വീട്ടിലെ മരുമകൾ. കഴുത്തിലെ താലിയിൽ അവൾ അറിയാതെ വിരലോടിച്ചു. അവളുടെ ചുണ്ടിൽ നേർത്തൊരു പുഞ്ചിരി വിരിഞ്ഞു. അപ്പോഴാണ്... ടക്... ടക്... "വൃന്ദമ്മേ..." മീനാക്ഷിയുടെ ശബ്ദം. വൃന്ദ വാതിൽ തുറന്നു. മീനാക്ഷി ചിരിച്ചുകൊണ്ട് നിൽകുന്നു. "അമ്മൂമ്മ വിളിക്കുന്നു." "താഴേക്ക് വരാൻ പറഞ്ഞു." "ശരി..." വൃന്ദ മീനാക്ഷിക്കൊപ്പം താഴേക്കിറങ്ങി. ഹാളിൽ സാവിത്രിയമ്മ ഒരു ഗ്ലാസിൽ ചൂടുപാലുമായി കാത്തുനിൽക്കുകയായിരുന്നു. "മോളേ..." "ഇത് കൊണ്ടുപോ." പാൽഗ്ലാസ് വൃന്ദയുടെ കൈയിൽ കൊടുത്ത ശേഷം അവർ അവളുടെ നെറുകയിൽ സ്നേഹത്തോടെ തലോടി. "സന്തോഷമായി ജീവിക്കണം." വൃന്ദ ചെറുതായി പുഞ്ചിരിച്ച് തലയാട്ടി. പാൽഗ്ലാസ് കൈയിൽ പിടിച്ച് അവൾ വീണ്ടും മുകളിലേക്ക് നടന്നു. മുറിയുടെ വാതിൽ പതിയെ തുറന്ന് അകത്തേക്ക് കയറിയപ്പോൾ... കടും മറൂൺ നിറത്തിലുള്ള ഷർട്ടും വെള്ള മുണ്ടും ധരിച്ച് ശരത്ചന്ദ്രൻ ഫോണിൽ സംസാരിക്കുകയായിരുന്നു. "ഏയ്യ്... അത് സാരമില്ലടാ വരാൻ പറ്റാത്തതിൽ വിഷമിക്കണ്ട." "നിനക്ക് അവിടത്തെ ജോലി ഒഴിവാക്കാൻ പറ്റില്ലെന്ന് എനിക്കറിയാം." വാതിൽ തുറക്കുന്ന ശബ്ദം കേട്ട അദ്ദേഹം... ഒരു നിമിഷം വൃന്ദയെ നോക്കി. പിന്നെ സംസാരം നിർത്താതെ... അകത്തേക്ക് വരാൻ കൈകൊണ്ട് പതിയെ ആംഗ്യം കാണിച്ചു. വൃന്ദ ശാന്തമായി അകത്തേക്ക് കയറി. കയ്യിലുണ്ടായിരുന്ന പാൽഗ്ലാസ് മേശപ്പുറത്ത് വെച്ച്... എന്ത് ചെയ്യണമെന്നറിയാതെ നിശ്ശബ്ദമായി നിന്നു. "ഹാ..." "അടുത്ത തവണ നീ നാട്ടിൽ വരുമ്പോൾ കാണാം." "ഓക്കേ... "ഗുഡ് നൈറ്റ്." കോൾ അവസാനിപ്പിച്ച ശേഷം ശരത്ചന്ദ്രൻ ഫോൺ മേശപ്പുറത്ത് വെച്ചു. അപ്പോഴാണ്... അദ്ദേഹം വീണ്ടും വൃന്ദയെ നോക്കിയത്. "താഴെ എല്ലാവരും പോയോ?" "മ്മ്..." വൃന്ദ പതിയെ മറുപടി പറഞ്ഞു. ശരത്ചന്ദ്രൻ ചെറുതായി തലയാട്ടി. മുറിയിൽ വീണ്ടും നിശ്ശബ്ദത നിറഞ്ഞു. ആ നിശ്ശബ്ദതയ്ക്ക് ശേഷം... പറയാൻ ബാക്കിയുണ്ടായിരുന്നത് ഒരുപാട് കാര്യങ്ങളായിരുന്നു... (തുടരും...) #📔 കഥ #💞 പ്രണയകഥകൾ #📝 ഞാൻ എഴുതിയ വരികൾ #📙 നോവൽ

#🧟 പ്രേതകഥകൾ! 😲 #📔 കഥ #📙 നോവൽ

നിഴലായി വന്നവൾ വിധി എഴുതിയ ഒരു അപൂർവ പ്രണയം... 🖤 Part 7 കല്യാണമണ്ഡപത്തിൽ നിന്ന് പുറപ്പെട്ട കാർ പതിയെ ശരത്ചന്ദ്രന്റെ വീട്ടിലേക്ക് എത്തി. വീട്ടുമുറ്റം മുഴുവൻ വിളക്കുകളും പൂക്കളും കൊണ്ട് അലങ്കരിച്ചിരുന്നു. കാർ നിർത്തിയതും സാവിത്രിയമ്മ പുഞ്ചിരിയോടെ മുന്നോട്ട് വന്നു. അവരുടെ കയ്യിൽ ആരത്തിത്തളികയുണ്ടായിരുന്നു. വൃന്ദ കാറിൽ നിന്ന് ഇറങ്ങിയപ്പോൾ ഒരു നിമിഷം ആ വലിയ വീടിനെ നോക്കി നിന്നു. "ഇനി... ഇതാണ് എന്റെ വീട്..." അവൾ മനസ്സിൽ പറഞ്ഞു. സാവിത്രിയമ്മ ആരത്തിയെടുത്ത് ഇരുവരെയും വീട്ടിലേക്ക് സ്വാഗതം ചെയ്തു. "വാ മോളേ..." "വലതുകാൽ വച്ച് കയറിക്കോ." വൃന്ദ ശരത്ചന്ദ്രനെ ഒന്ന് നോക്കി. അദ്ദേഹം ഒന്നും പറയാതെ ചെറുതായി തലയാട്ടി. വൃന്ദ പതിയെ ശരത്ചന്ദ്രന്റെ കൈയിൽ പിടിച്ചു. അവളുടെ വലതുകാൽ ആ വീടിന്റെ പടിവാതിൽ കടന്നു. അത് കണ്ട മീനാക്ഷി സന്തോഷത്തോടെ കൈയടിച്ചു. "അമ്മൂമ്മേ..." "ചേച്ചി... അല്ല..." അവൾ ഒന്ന് ചിരിച്ചു. "ഇനി വൃന്ദമ്മ നമ്മുടെ വീട്ടിലല്ലേ..." അവിടെ നിന്നവരെല്ലാം ചിരിച്ചു. വൃന്ദയുടെ മുഖത്തും അറിയാതെ ഒരു പുഞ്ചിരി വിരിഞ്ഞു. അകത്തേക്ക് കയറിയതും പൂജാമുറിയിൽ വിളക്ക് കൊളുത്താൻ സാവിത്രിയമ്മ വൃന്ദയോട് പറഞ്ഞു. വൃന്ദ ഭക്തിയോടെ വിളക്ക് തെളിയിച്ചു. ആ പ്രകാശം അവളുടെ മുഖത്ത് വീണു. സാവിത്രിയമ്മ ഒരു നിമിഷം അവളെ നോക്കി നിന്നു. "ഈ വീട്ടിലെ ഐശ്വര്യമായി ഇവൾ മാറട്ടെ..." അവർ മനസ്സിൽ പ്രാർത്ഥിച്ചു. അൽപസമയം കഴിഞ്ഞ്... എല്ലാവരും ഹാളിൽ ഇരിക്കുകയായിരുന്നു. ബന്ധുക്കൾ ഓരോരുത്തരായി യാത്ര പറഞ്ഞ് മടങ്ങാൻ തുടങ്ങി. ശാരദ മകളുടെ അടുത്തേക്ക് വന്നു. "സന്തോഷമായി ജീവിക്കണം മോളേ." അത് പറയുമ്പോൾ അവരുടെ ശബ്ദം ഇടറിയിരുന്നു. വൃന്ദ അമ്മയെ കെട്ടിപ്പിടിച്ചു. "അമ്മ..." "കരയല്ലേ..." "ഞാൻ ഇടയ്ക്കിടെ വരില്ലേ..." ശാരദ ചിരിക്കാൻ ശ്രമിച്ചെങ്കിലും കണ്ണുകൾ നിറഞ്ഞിരുന്നു. വിഷ്ണുവും വൃന്ദയുടെ തോളിൽ തട്ടി. "എന്തെങ്കിലും ആവശ്യമുണ്ടെങ്കിൽ വിളിച്ചാൽ മതി." വൃന്ദ തലയാട്ടി. അവർ യാത്ര പറഞ്ഞ് മടങ്ങി. കാർ ഗേറ്റിന് പുറത്തേക്ക് മറയുന്നതുവരെ വൃന്ദ അവിടെത്തന്നെ നിന്നു. ആദ്യമായാണ്... സ്വന്തം വീട്ടിൽ നിന്ന് ഇത്രയും അകലെ അവൾ ഒറ്റപ്പെട്ടത്. "വൃന്ദാ..." സാവിത്രിയമ്മയുടെ വിളി കേട്ടാണ് അവൾ തിരിഞ്ഞത്. "വാ മോളേ..." "നിനക്ക് മുറി കാണിച്ചുതരാം." മുകളിലേക്കുള്ള പടികൾ കയറുമ്പോൾ വൃന്ദയുടെ മനസ്സിൽ ചെറിയൊരു ഭയം ഉണ്ടായിരുന്നു. വാതിൽ തുറന്നതും വിശാലമായ മുറി അവളുടെ മുന്നിൽ തെളിഞ്ഞു. വൃത്തിയായി അടുക്കിവെച്ച അലമാര. വലിയ ജനൽ. ബാൽക്കണി. എല്ലാം അതീവ ഭംഗിയായിരുന്നു. "ഇതാണ് ഇനി നിങ്ങളിരുവരുടെയും മുറി." സാവിത്രിയമ്മ പുഞ്ചിരിയോടെ പറഞ്ഞു. "കുറച്ചുസമയം വിശ്രമിച്ചോളൂ." അവർ പുറത്തേക്ക് പോയതും... മുറിയിൽ വൃന്ദ മാത്രം. അവൾ പതിയെ ചുറ്റും നോക്കി. മുറിയിലെ ഓരോ സാധനത്തിനും ഒരു ചിട്ടയുണ്ടായിരുന്നു. ഒരു കോണിൽ ബുക്ക് ഷെൽഫ്... മേശപ്പുറത്ത് ലാപ്ടോപ്പ്... അലമാരയ്ക്ക് മുകളിൽ ശരത്ചന്ദ്രന്റെയും മീനാക്ഷിയുടെയും ഒരു ഫ്രെയിം ചെയ്ത ചിത്രം... ആ ചിത്രം കൈയിലെടുത്ത് നോക്കിയ വൃന്ദ... അറിയാതെ ഒന്ന് പുഞ്ചിരിച്ചു. അപ്പോഴായിരുന്നു... മുറിയുടെ വാതിൽ പതിയെ തുറന്നത്. ശരത്ചന്ദ്രനായിരുന്നു. ഒരു നിമിഷം... ഇരുവരുടെയും കണ്ണുകൾ തമ്മിൽ കൂട്ടിമുട്ടി. മുറിയിൽ നിറഞ്ഞ നിശ്ശബ്ദത... ആദ്യം ഭേദിച്ചത് ശരത്ചന്ദ്രനായിരുന്നു. "എനിക്ക്..." "കുറച്ചുനേരം ഒന്ന് സംസാരിക്കണം." വൃന്ദയുടെ ഹൃദയമിടിപ്പ് അറിയാതെ കൂടി. (തുടരും...) #📔 കഥ #💞 പ്രണയകഥകൾ #📝 ഞാൻ എഴുതിയ വരികൾ #📙 നോവൽ

ഹോ.... കുളിച്ചു വന്നു നേരെ അടുക്കളയിലേക്കാണ് ഞാൻ ഓടിയത് അത് ഒരു മാരത്തോൺ ആയിരുന്നു... ആക്രാന്തം കണ്ടു ആർക്കും ഒന്നും തോന്നേണ്ട ആറു മാസത്തെ ഹോസ്റ്റൽ ജീവിതത്തിനു ശേഷം ഉള്ള തിരിച്ചു വരവാണ്... അടുക്കള മൊത്തം ഒന്ന് പരതി എലി പുന്നെല്ലു കണ്ടപോലെ മുഖം ഒന്ന് കൂർത്തു.... ""ഹൈ.... ഉപ്പേരി പാട്ട... ""...പി ടി ഉഷ ഓടാൻ നിൽക്കുന്ന പോലെ ഞാൻ ഒന്ന് നിന്നു... അടങ്ങു മാളു അടങ്ങു അത് നിനക്ക് മാത്രം അവകാശ പെട്ടതാണ് .... മനസ്‌ എന്ത് പറഞ്ഞാലും വയറു കേക്കണം എന്നില്ലാലോ നേരെ സ്ലാബിലേക്കു കയറി ആ പാത്രം ഒന്ന് എടുത്തു അതിനെ ഒന്ന് തഴുകി... തുറക്കാൻ ആയി ശ്രമിച്ചപ്പോൾ അല്ലെ പണി പാലും വെള്ളത്തിൽ കിട്ടിയത്... അവസാനം തിരിഞ്ഞും മറിഞ്ഞും ഉരുണ്ടും ഞാൻ അത് തുറന്നു.... ""ഹല്ല !....പിന്നെ ആരോടാ ഈ കളി...." ആദ്യരാത്രിയിലെ അങ്കം കഴിഞ്ഞു തളർന്ന പോലെ ഞാൻ ഒന്ന് ഇരുന്നു.... ഇത്‌ ഒക്കെ കേട്ടറിവ് ഉള്ളെ തെറ്റിദ്ധരിക്കരുതേ..... ""മാളു.. dont waste time... ""നിമിഷ നേരങ്ങൾക്കുള്ളിൽ ഞാൻ ആ പാത്രത്തിൽ തല ഇട്ടു കഴിഞ്ഞിരുന്നു... ""മാളു..... മാളു.... നീ എന്തെടുക്കുവാ അവിടെ""... ""ഈൗ അമ്മ എന്തിനാ ഇങ്ങനെ വിളിച്ചു കൂവുന്നത്"".... ഉപ്പേരി പാട്ടയിൽ നിന്നും തല ഉയർത്തി ഒന്ന് നോക്കി... അശിരീരി പുറത്തു നിന്നാണല്ലോ കൈയിൽ ഇരുന്ന ഉപ്പേരി പേട്ടയിൽ നിന്നും കുറച്ചെടുത്തു വായിലിട്ടു കൊണ്ടു ഞാൻ പുറത്തേക്കു ചെന്നു........ കുറച്ചു കയ്യിലും കരുതി.. അമ്മയും ചിറ്റയും പുറത്തു കാര്യമായി ചർച്ചയിൽ ആണ്.... ഈ ചർച്ച എന്നൊക്കെ പറയുമ്പോൾ ലോക കാര്യം ഒന്നും അല്ലാട്ടോ... അയൽക്കൂട്ടത്തിലെ പെണ്ണുങ്ങടെ കുറ്റം ആണ്... രണ്ട് കൂടെ ഞയറാഴ്ച അയൽകൂട്ടത്തിനു ഒരു പോക്കുണ്ട്... ചേച്ചി അനിയത്തി ചന്ദന കുറി ഒക്കെ തൊട്ടു സുന്ദരി ആയി സരസ്വതി മന്ത്രം ഒക്കെ ഉരുവിട്ടാണ് പോകുന്നത്..... പിന്നീട് തിരിച്ചു ഒരു വരവ് ഉണ്ട്..... എന്റെ സിവനെ.... സരസ്വതി മന്ത്രം കാളി മന്ത്രം ആകും... ഗേറ്റ് തുറക്കുമ്പോൾ കേൾകാം...... സുശീലേടെ ജാരന്റെ കഥയും.. ഗോമതിയുടെ പെണ്ണ് ഒളിച്ചോടിയതും... പിന്നെ ആ ഗേറ്റ് ന്റെ അവിടെ കിടന്നു ആട്ടും തുപ്പും... അവസാനം അച്ഛനും ചിറ്റപ്പനും ചെന്നു രണ്ടു തെറി പറയണം രണ്ടും അകത്തു കയറാണെൽ..... അതൊരു ചടങ്ങായി മാറീട്ടുണ്ട്... മിക്കവാറും ഇവറ്റകൾ രണ്ടിനും കൂടെ പെണ്ണുങ്ങൾ കോട്വാഷൻ കൊടുക്കും.. ""എന്താണ് രണ്ടു കൂടി ഒരു ചർച്ച... ""ഞാനും കൂടി അതിലേക്... എന്താന്ന് അറിയില്ല ഈ അവിഹിതം എന്റേം ഒരു വീക്നെസ് ആയി പോയി..... ""ഡീ നീ കഴിഞ്ഞ ആഴ്ച വിളിച്ചപ്പോ ഞാൻ പറഞ്ഞില്ലാരുന്നോ ശ്യാമളേടെ മോൾടെ ചുറ്റിക്കളി."".. ""അവള് ചുറ്റി കളിക്കട്ടെ അമ്മേ കൊച്ച് പെണ്ണല്ലേ.""... ""മ്മ്മ്... പത്തിൽ പഠിക്കുന്ന പെണ്ണ് എന്റെ അടുത്ത് ആരുന്നെങ്കിൽ ഞാൻ കൈ തല്ലി ഓടിച്ചേനെ..."" ""ഈശ്വര.. ""ഞാൻ എന്റെ രണ്ടു കയ്യും നോക്കി ഹോ ഭാഗ്യം അവിടെ തന്നെ ഉണ്ട്.... പിന്നെ എനിക്കു പറ്റിയ പീസ് ഇത്‌ വരെ കണ്മുൻപിൽ വന്നിട്ടില്ലാത്ത കൊണ്ടു ഭാഗ്യം.... പക്ഷേ വരുവല്ലോ... അന്ന് ഞാൻ ഒരു കലക്കും എന്റെ കറവേട്ട... ഞാൻ എന്റെ താടികൊന്നു പിടിച്ചു.... "'അയ്യോ.."". തള്ള നോക്കി കണ്ണുരുട്ടുന്നു.... ""അന്ന് നിന്റെ കയ്യും കാലും തല്ലി ഓടിച്ചു ഇവിടെ ഇടും ഞാൻ..... "' "'ഓ... പിന്നെ..... ഞാൻ ഒളിച്ചോടും... അപ്പോഴോ.... "" ""എണിറ്റു പോടീ..... ചിറ്റയുടെ വക ആട്ടും..."" ""ഹോ.... ഒന്ന് പ്രേമിക്കാൻ ഉള്ള സ്വാതന്ത്ര്യം ഈ വീട്ടിൽ ഇല്ലേ..... ""ഞാൻ എഴുനേറ്റു.... ""മാളു... നീ അപ്പുന്റെ വീട്ടിൽ പോകുന്നിലെ കല്യാണത്തിനോ നീ വന്നില്ല... ഇച്ചേയിക് ഭയങ്കര സങ്കടം ആയി..... "" ""അയ്യടാ എന്നെ വിളിച്ചോ അതിനു... "" ""നിന്നെ എന്തോ പ്രത്യേകം വിളിക്കാണ."".. വന്നാലോ പട്ടാളം പുരുഷു.. ശ്... സോറി എന്റെ പ്രൊഡ്യൂസർ... ആളു പട്ടാളം ആണ് പെൻഷൻ ഇല്ലാത്ത പട്ടാളം.... പണ്ട് യുദ്ധം തൊടങ്ങിയപ്പം കഷത്തിന്റെ അടിയിൽ ഉള്ളി കേറ്റി വച്ചു പനി ആണെന്ന് പറഞ്ഞു മുങ്ങിയതാ... ഇപ്പോൾ പട്ടാളത്തിന്റെ പിടികിട്ടാ പുള്ളി സുകുമാരക്കുറുപ് ആണ് കഷി.... ഇപ്പോ പണി എന്താണന്നു വച്ചാൽ ഞങ്ങള്ക് പണി തരുന്നത് ആണ് മെയിൻ പണി... അത് പുറകെ മനസ്സിൽ ആകും.... https://share.aksharathalukal.in/s/61610/view ഫുൾ പാർട്സ് ഇവിടെ വായിക്കാം ♥️ ഇതുപോലെയുള്ള നിരവധി കഥകൾ പരസ്യങ്ങൾ ഒന്നുമില്ലാതെ വായിക്കാനും... നിങ്ങളുടെ മനസ്സിൽ ഉള്ള കഥകൾ എഴുതി സമ്പാദിക്കുവാനും ഇന്ന് തന്നെ അക്ഷരതാളുകൾ ഡൗൺലോഡ് ചെയ്യാൻ മറക്കല്ലേ ❤️ #💞 പ്രണയകഥകൾ #📔 കഥ #💖 മഴയും പ്രണയവും #😍 ആദ്യ പ്രണയം #📙 നോവൽ

#എന്റെ കഥ ##എന്റെ കഥ 🥀 #Ishq💞