#🏏క్రికెట్ 🏏 #t 20 world cup 2026 #🏏ఇంగ్లండ్ టీమ్🏴󠁧󠁢󠁥󠁮󠁧󠁿 #🇮🇳టీమ్ ఇండియా😍 *టీ20 వరల్డ్ కప్..! కెప్టెన్ అనాలోచిత వైఖరే ఇండియాకు పెద్ద బలహీనత..‼️* March 5, 2026🏏 ముంబై ముచ్చట..: సూర్య వ్యూహాల్లో పస తగ్గిందా..? సెమీస్‌లో ఇంగ్లాండ్‌ను ఆపాలంటే ఈ పొరపాట్లు వద్దు..! వాంఖడే స్టేడియం… కోట్లాది మంది భారతీయుల ఆశలు… ఎదురుగా డిఫెండింగ్ ఛాంపియన్ ఇంగ్లాండ్! కాగితం మీద భారత్ బలంగా కనిపిస్తున్నా, క్షేత్ర స్థాయిలో కెప్టెన్ సూర్యకుమార్ యాదవ్ తీసుకుంటున్న కొన్ని నిర్ణయాలు అభిమానుల్లో ఆందోళన కలిగిస్తున్నాయి… ఈ సాయంత్రం జరగబోయే సెమీఫైనల్ పోరులో భారత్ గెలవాలంటే కేవలం బ్యాటింగ్ మెరుపులు సరిపోవు, వ్యూహాత్మక చతురత అత్యవసరం… 1. బుమ్రాను ‘షో పీస్’లా వాడుతున్నారా? భారత జట్టుకు ఉన్న అతి పెద్ద బలం జస్ప్రీత్ బుమ్రా… కానీ ఈ టోర్నీలో సూర్య అతన్ని వాడుకుంటున్న తీరు విస్మయానికి గురిచేస్తోంది… పవర్‌ప్లేలో ప్రత్యర్థిని కోలుకోలేని దెబ్బ తీయాల్సిన బుమ్రాకు కేవలం ఒకటీరెండు ఓవర్లు ఇచ్చి పక్కన పెడుతున్నాడు… లోపం…: ప్రత్యర్థి బ్యాటర్లు సెట్ అయి, రన్ రేట్ 9- 10కి చేరిన తర్వాత బుమ్రాను తీసుకురావడం వల్ల ప్రయోజనం ఉండటం లేదు… అతను పరుగులు కట్టడి చేసినా, వికెట్లు తీసినా… అప్పటికే జరగాల్సిన నష్టం జరిగిపోతోంది… పరిష్కారం…: ఇంగ్లాండ్ ఓపెనర్లు బట్లర్, సాల్ట్‌లను ఆదిలోనే దెబ్బతీయాలంటే బుమ్రాకు పవర్‌ప్లేలో కనీసం రెండు ఓవర్లు ఇవ్వాల్సిందే… 2. ‘దూబే’ ప్రయోగం బెడిసికొడుతోందా? ఆల్ రౌండర్ కోటాలో జట్టులోకి వచ్చిన శివం దూబే ప్రదర్శన ఇప్పుడు పెద్ద ప్రశ్నార్థకంగా మారింది… చివరకు ప్రత్యక్ష వ్యాఖ్యాతలు కూడా సెటైర్లు వేస్తున్నారు సూర్య దూబేకు ఇస్తున్న ప్రయారిటీ చూసి… లాఫింగ్ స్టాక్ కాదు, ఆందోళనకరం… సూర్య కెప్టెన్సీ మీదే… బౌలింగ్ వైఫల్యం..: 10.5 ఎకానమీ రేటుతో పరుగులు ఇస్తున్న దూబేకు పదే పదే ఓవర్లు ఇవ్వడం ఆత్మహత్యాసదృశ్యమే… ముఖ్యంగా ఇంగ్లాండ్ బ్యాటర్లు పేస్‌ను ఇష్టపడతారు, దూబే వేసే నెమ్మదిపాటి మీడియం పేస్ వారికి ‘లడ్డూ’ల్లా మారుతున్నాయి… బ్యాటింగ్ నెమ్మది…: ఫినిషర్‌గా రావాల్సిన దూబే, కీలక సమయాల్లో డాట్ బాల్స్ ఆడుతూ ఇంకోవైపు ఒత్తిడిని పెంచుతున్నాడు… 3. ఫీల్డింగ్.. కొంపముంచే బలహీనత! ఈ టోర్నీలో భారత్ ఇప్పటివరకు 13 క్యాచ్‌లు వదిలేసింది… సెమీస్ లాంటి నాకౌట్ మ్యాచ్‌ల్లో ఒక క్యాచ్ వదిలేస్తే అది మ్యాచ్‌నే వదిలేసినట్లు అవుతుంది… బట్లర్ లేదా హ్యారీ బ్రూక్ లాంటి ఆటగాళ్లకు జీవనదానం ఇస్తే ఫలితం దారుణంగా ఉంటుంది… 4. ఇంగ్లాండ్ ‘డెప్త్’ను తక్కువ అంచనా వేయొద్దు ఇంగ్లాండ్ జట్టులో 8వ నంబర్ వరకు హిట్టర్లు ఉన్నారు… వారి కెప్టెన్ హ్యారీ బ్రూక్ అసాధారణ ఫామ్‌లో ఉన్నాడు… జోఫ్రా ఆర్చర్ పవర్‌ప్లేలో వేస్తున్న యార్కర్లు భారత టాప్ ఆర్డర్‌కు సవాలుగా మారనున్నాయి… అభిషేక్ శర్మ తన ఫామ్‌ను అందుకోకపోవడం భారత్‌కు మరో పెద్ద మైనస్… *ముగింపు*: సూర్యకుమార్ యాదవ్ వ్యక్తిగత స్కోర్ల కంటే, జట్టును నడిపించే ‘లీడర్’గా ఈరోజు సత్తా చాటాలి… బుమ్రాను అటాకింగ్ బౌలర్‌గా వాడటం, దూబేపై అతిగా ఆధారపడకుండా ఉండటం, ఫీల్డింగ్‌లో ఏకాగ్రత చూపడం… ఇవే భారత్‌ను ఫైనల్‌కు చేర్చే సూత్రాలు… లేదంటే సొంత గడ్డపై మరో చేదు జ్ఞాపకం మిగిలే ప్రమాదం ఉంది…. *కొసమెరుపు*:అన్నిటికీ ముగింపు పలుకుతూ ..*టీమ్ ఇండియా* ఫైనల్ చేరింది.