రామాయణం కాదు రణబీరాయణం ... రామాయణం ఆ పేరు వింటే చాలు కాశ్మీర్ నుంచి కన్యాకుమారి దాకా ప్రతిభారతీయుడు ఎంతో వినమ్రంగా పవిత్రంగా సీతారాములను తన మదిలో భావిస్తాడు ! కారణం వారి కధలోని గొప్పతనం వారి వ్యక్తిత్వంలోని ఔన్నత్యం !వారి దైవత్వం ... రామకధను ఎంత తప్పుగా చూపాలో అంత తప్పుగా చూపారీ దర్శకనిర్మాతలు ! ... పదహారు గొప్పగుణాలు చెప్పి ఈ గుణాలు కలిగిన మానవుడు ఇప్పుడు పుడమిమీద ఉన్నాడా అని మహర్షి వాల్మీకి అడిగిన ప్రశ్నకు నారదులవారు చెప్పిన సమాధానమే రామాయణం ! ... ఇక ఈ సినిమాలో ఏమి తప్పులున్నాయి ? అని అంటారా ... ... రాముడు వెన్నుచూపని వీరాధివీరుడు ! ఖరదూషణ సంహారమప్పుడు సీతారామలక్ష్మణులు మువ్వురూ కలిసిపారిపోయినట్లుగా చూపాడు ఇతగాడు.. .... ఎంత తెంపరితనం ? ఇలా చూపటానికి ?...మహర్షివాల్మీకి అడిగిన ప్రశ్న ఏమిటో తెలుసా ? కస్యభిభ్యతిదేవాస్య జాతరోషస్య సంయుగే !! అంటే ఎవడికి కోపమొస్తే ఎదురు నిలబడటానికి దేవతలు సైతం గజగజవణికిపోతారు ? అని!! అటువంటివాడు పారిపోవడమేమిటి ?...చెత్తగాకపోతే ! ... భరతుడు కిరీటం పెట్టుకుని రాజకుమారుడి వేషంలో అడవిలో రామయ్య వద్దకు వస్తాడు .. ధర్మాత్ముడైన భరతుడిని అలా చూపటమా ? నారచీరలు ధరించి జటాధారియై వస్తాడాయన ! .. నా అన్న ఈ తిండితిని ఈ బట్ట కడితే నాకెందుకీ అలంకారాలు అని రాజ్యాన్ని భోగాన్ని త్యజించివేసిన మహాత్యాగి భరతుడు !!! ... విశ్వామిత్రుడు వచ్చి దశరథుని తో మాట్లాడేటప్పుడు తనంతటతానే వస్తానని రాముడంటాడా ? అలా ఎప్పటికీ అనడు! అది తండ్రిని తక్కువ చేసినట్లవుతుంది ! ఆత్మవాన్ కో జితక్రోధో ...ఎవరు ధైర్యవంతుడు ఎవరు కోపాన్నిజయించినవాడు ఎవరు ధర్మజ్ఞుడు ఎవరుకృతజ్ఞుడు ఎవరు సత్యవాక్పాలకుడు అని వాల్మీకి అడిగిన ప్రశ్నకు సమాధానమే "రాముడు " .. పరశురాముడు గండ్రగొడ్డలి విసరడమేమిటి ఈయన పట్టుకోవడమేమిటి ? ఇక్కడ కూడా తండ్రినిbypass చేసినట్లు చూపాడు ఇలా చేసేవాడు రాముడు కాడు రణబీరుడు మాత్రమే ! .. సీతాదేవి గురించి అస్త్రాలు ఉపదేశించే సమయంలో విశ్వామిత్రులవారు చెపుతారా ? అసలు విశ్వామిత్రుడెంత గొప్ప మహర్షియో తెలియనివారు తీసిన సినిమా ఇది. ... ఇహ అగస్త్యులవారి భార్య సీతాదేవి కి వస్త్రాలిచ్చినట్లు చూపారు . వస్త్రాలిచ్చినది అనసూయామాత ఆమె అత్రిమహర్షి భార్య . ... లక్ష్మణుడు దాదాపు రాముడంతటి వీరుడు రాముడి బయట తిరుగాడే ప్రాణం లక్ష్మణుడు అంటారు వాల్మీకి ! అటువంటి మహావీరుడిని ఒక జోకరుగా రెండు సందర్భాలలో చూపారు. .. ఇహ సీతమ్మ చేత కత్తిపట్టిచ్చారు .. తప్పులేదు! ఆమె రాకుమారి క్షత్రియస్త్రీ ,వీరపత్ని ,కానీ సందర్భం ?అది సరిపోలేదు. .. ఇహ సీతమ్మ ఆభరణాలు రావణుడు త్రుంపి పైనుంచి విసిరినట్లుగా చూపాడు దర్శకుడు ! అది శుద్ధతప్పు వాడు చూడకుండా చీరచింపి తన ఆభరణాలు మూటగట్టి క్రిందకు విసురుతుంది సీతమ్మ! అది ఆ తల్లి presence of mind ని ధైర్యాన్ని చూపుతుంది అంతేగాని రావణుడు చెయ్యలేదు. .. .. రామస్య ఆత్మసమో సఖః ( రాముడి ఆత్మ ) అని వాల్మీకి చెప్పిన గుహుడు లేకుండా రాముడు గంగ ఎట్లా దాటాడు ? ఇలా అడుగడుగునా ప్రతి ఫ్రేములో వక్రీకరణే ! ... భారతీయుడి గుండె రామరామ అని కొట్టుకుంటుంది ! దాని గతి తప్పించాలనే కుట్రదాగి ఉన్నదా ? ఈ సినిమా వెనకాల ! అని అనుమానం ... ఊటుకూరు జానకిరామారావు From Facebook Wall #💗నా మనస్సు లోని మాట #🙏సీతారాములు #సీతారాములు #సీతారాములు, జై శ్రీ రామాంజనేయ #🚩జై శ్రీరామ 🕉️