*आद्य क्रांतिगुरू लहुजी वस्ताद साळवे यांना जयंतीनिमित्त अभिवादन* चाकूरः- ब्रिटिश सत्तेविरुद्ध सशस्त्र लढा उभारून देशाच्या स्वातंत्र्यासाठी संघर्ष करणारे थोर क्रांतिकारक, आद्य क्रांतिगुरू लहुजी वस्ताद साळवे यांच्या जयंतीनिमित्त लहुजी साळवे चौक येथे त्यांच्या प्रतिमेस पुष्पहार अर्पण करून अभिवादन करण्यात आले. काँग्रेस शहराध्यक्ष पप्पूभाई शेख यांच्या हस्ते लहुजींच्या प्रतिमेचे पूजन करून हा अभिवादनाचा कार्यक्रम पार पडला. जगेन तर देशासाठी, मरेन तर देशासाठी’ हा देशभक्तीचा विचार उराशी बाळगून लहुजी वस्ताद साळवे यांनी ब्रिटिश सत्तेविरुद्ध लढा उभारला. तसेच स्वातंत्र्य, समता आणि बंधुतेची मूल्ये समाजात रुजविण्यासाठी त्यांनी आपले संपूर्ण आयुष्य समर्पित केले. त्यांचे शौर्य, त्याग, देशभक्ती आणि सामाजिक परिवर्तनाचे कार्य आजही नव्या पिढीसाठी प्रेरणादायी आहे. *चौकट* *या प्रसंगी डॉ. अण्णाभाऊ साठे क्रांतीसेनेचे जिल्हाध्यक्ष नितीन डांगे, पत्रकार संग्राम वाघमारे, पपन वैरागे, चंदू औसेकर, रामकिशन रनक्षेत्रे, देवा कोटंबे, अमोल मोठेराव, बालाजी लोंढे, चंद्रकांत कांबळे, अतिश मोठेराव, प्रिन्स वैरागे, रुपेश घोडके, रोहन कसबे, साहिल मोठेराव, गोठू सूर्यवंशी, पवन मोतेवार आदीजण उपस्थित होते*. #📝मराठवाडा अपडेट्स