#చంద్రబాబు నాయుడు #ఏపి న్యూస్ ఏపీ పాలిటెక్స్🎯 *ఈ రోజును సెలబ్రేట్ చేసుకోవడం బాబుకే డేమేజీ కదా❗* 01.09.2026🎯 చంద్రబాబు మొగల్తూరులో ఏర్పాటు చేసిన పింఛన్ల పంపిణీ కార్యక్రమంలో పాల్గొన్నారు. ఈ సందర్భంగా ఆయన మాట్లాడుతూ.. సరిగ్గా 31 సంవత్సరాల కిందట ఇదే రోజున తాను ఉమ్మడి ఆంధ్రప్రదేశ్ కు మొదటిసారిగా ముఖ్యమంత్రి అయ్యానని సెలవిచ్చారు. పైగా.. ఆ విషయం తాను కూడా మర్చిపోయానని, ఇప్పుడే గుర్తు వచ్చిందని కూడా అన్నారు. ఎవరైనా సరే.. తాను మొదటిసారి ముఖ్యమంత్రి అయిన రోజును అంత సులువుగా ఎలా మర్చిపోగలరు? అప్పటి పట్టాభిషేకం ప్రక్రియ అంతా పద్ధతిగా జరిగి ఉంటే అస్సలు మర్చిపోలేరు. అదంతా నానా కంగాళీగా జరిగింది గనుక.. ఆ ఎపిసోడ్ అనేది.. చంద్రబాబునాయుడును ఆయన ప్రత్యర్థులు వెన్నుపోటు నాయకుడిగా ముద్ర వేయడానికి మూలకారణం గనుక.. బహుశా చంద్రబాబుకు ఆ రోజు సరిగా గుర్తండకపోయి ఉండొచ్చు. ఏది ఏమైనప్పటికీ.. ఆరోజును సెలబ్రేట్ చేసుకోవడం అనేది.. చంద్రబాబుకే పరువునష్టం కలిగించే వ్యవహారం అని అంతా భావిస్తున్నారు. ఇలాంటి సందర్భాన్ని సాధారణంగా ఎవరైనా బాగానే సెలబ్రేట్ చేసుకుంటారు. ఇప్పుడు కూడా అధికారంలో ఉన్నట్లయితే ఖచ్చితంగా సెలబ్రేషనే అవుతుంది. కానీ.. చంద్రబాబు సంగతి వేరు. ఆయన తొలిసారి ముఖ్యమంత్రి కావడం అనే మాట వింటేనే.. ఆయన నందమూరి తారక రామారావును దొంగదెబ్బతీసి పదవీచ్యుతుడిని చేసిన వైనం అందరికీ గుర్తుకు వస్తుంది. తెలుగుదేశం పార్టీకి ఇవాళ్టి వరకు మిగిలిఉన్న అభిమానుల్లో.. చాలా వరకు ఇప్పుడు అధికారంలో ఉన్నారు గనుక.. చంద్రబాబును నాయకుడిగా గుర్తిస్తుండవచ్చు గానీ.. నిజానికి వాళ్లంతా నందమూరి తారకరామారావు అంటే ప్రాణం పెట్టే అభిమానులే. అలాంటి వారు వేరే గత్యంతరంలేక ఇవాళ తెలుగుదేశంలోనే ఉండవచ్చు.. కానీ.. ఆరోజున చంద్రబాబు తమ ప్రియతమ అన్నని కొట్టిన దెబ్బను వాళ్లు మర్చిపోలేరు. చంద్రబాబునాయుడు తన 48 ఏళ్ల సుదీర్ఘ రాజకీయ చరిత్రను నెమరు వేసుకుంటూ.. 30ఏళ్ల కిందట ఇదేరోజున తొలిసారి సీఎం అయ్యానని చెప్పుకోవడం వల్ల ప్రజలకు వెన్నుపోటు ఎపిసోడ్ గుర్తుచేయడం, తద్వారా పరువునష్టం పొందడం తప్ప మరొకటి కాదని ప్రజలు అంటున్నారు. ఆరోజున ఎన్టీఆర్ ను పదవినుంచి అక్రమంగా దించేసి, తర్వాత మనోవేదనతో ఆయన చావుకు కూడా చంద్రబాబే కారణమయ్యారనే విమర్శలు చాలానే ఉన్నాయి. కానీ.. ఇవాళ్టి వరకు ఎన్టీఆర్ ఫోటో లేకుండా ఎన్నికలకు వెళ్లే ధైర్యం తెలుగుదేశం పార్టీకి లేదు. ఇలాంటి నేపథ్యంలో ఆయన ఆ ఎపిసోడ్ ను గుర్తుచేయడమే చిత్రంగా కనిపిస్తోంది.