ഉത്തർപ്രദേശിൽ വിചിത്ര തീരുമാനം; മകൻ മരിച്ചതിന് പിന്നാലെ മരുമകളെ വിവാഹം ചെയ്ത് 70-കാരൻ ഉത്തർപ്രദേശിലെ ബഡ്ഗൽഗഞ്ചിൽ നിന്ന് ശ്രദ്ധേയമായ ഒരു വാർത്തയാണ് പുറത്തുവരുന്നത്. 70 വയസ്സുള്ള കൈലാസ് യാദവ്, തന്റെ 26 കാരിയായ മരുമകൾ പൂജയെ വിവാഹം കഴിച്ചതാണ് ഇപ്പോൾ വലിയ ചർച്ചയായിരിക്കുന്നത്. 12 വർഷങ്ങൾക്ക് മുൻപാണ് കൈലാസ് യാദവിന്റെ ഭാര്യ മരിച്ചത്. തുടർന്ന് കുടുംബത്തോടൊപ്പമായിരുന്നു ജീവിതം. എന്നാൽ മൂന്നാമത്തെ മകൻ മരണപ്പെട്ടതോടെ മരുമകൾ പൂജ ഒറ്റപ്പെടാതിരിക്കാനും അവളുടെ ഭാവി സുരക്ഷിതമാക്കാനുമാണ് ഈ തീരുമാനം എടുത്തതെന്ന് കൈലാസ് യാദവ് മാധ്യമങ്ങളോട് പറഞ്ഞു. പൂജയുടെ പൂർണ സമ്മതത്തോടെയാണ് വിവാഹം നടന്നതെന്നും, ഇത് കുടുംബത്തിന്റെ ആഭ്യന്തര തീരുമാനമായതിനാൽ ആദ്യം ബന്ധുക്കളെ പോലും അറിയിച്ചിരുന്നില്ലെന്നും അദ്ദേഹം വ്യക്തമാക്കി. വിവാഹത്തിന്റെ ചിത്രങ്ങൾ സോഷ്യൽ മീഡിയയിൽ പ്രചരിച്ചതോടെയാണ് സംഭവം നാട്ടുകാരും ബന്ധുക്കളും അറിഞ്ഞത്. #വാർത്തകൾ