Part 26 A അന്തമില്ലാത്ത വരികൾ - സഖിയുടെ സഖാവ് - പെട്ടെന്നാണ് ക്യാമ്പസിലാകെ സ്പീക്കറിന്റെ “ടിങ്… ടിങ്…” എന്ന ശബ്ദം മുഴങ്ങിയത്. ആ ശബ്ദം കേട്ടതും വിദ്യാർത്ഥികളുടെ സംസാരങ്ങൾ പതിയെ നിലച്ചു. എല്ലാവരുടെയും ശ്രദ്ധ സ്പീക്കറിലേക്ക് തിരിഞ്ഞു. ആകാംഷയോടെ എല്ലാവരും അടുത്ത അറിയിപ്പിനായി കാത്തുനിന്നു. “പ്രിയ വിദ്യാർത്ഥികളേ, അടുത്ത മാസം 25-ാം തീയതി നടക്കാനിരിക്കുന്ന കോളേജ് യൂണിയൻ തിരഞ്ഞെടുപ്പിന്റെ ഔദ്യോഗിക പ്രചാരണം ഇന്ന് ആരംഭിക്കുകയാണ്. എല്ലാ വിദ്യാർത്ഥികളും ഈ തിരഞ്ഞെടുപ്പ് പ്രക്രിയയിൽ സജീവമായി പങ്കാളികളാകണമെന്നും, സമാധാനപരവും സൗഹാർദ്ദപരവുമായ രീതിയിൽ തിരഞ്ഞെടുപ്പ് പ്രചാരണവും വോട്ടെടുപ്പും നടത്തണമെന്നും അഭ്യർഥിക്കുന്നു. തിരഞ്ഞെടുപ്പിൽ മത്സരിക്കുന്ന എല്ലാ വിദ്യാർത്ഥികൾക്കും കോളേജിന്റെ ആശംസകൾ.” അറിയിപ്പ് അവസാനിച്ചതോടെ ക്യാമ്പസ് വീണ്ടും സജീവമായി. വിദ്യാർഥികകളുടെ ശബ്ദങ്ങൾ ഉയർന്നു. കൊടികളും ബാനറുകളും കൂടുതൽ ആവേശത്തോടെ കാറ്റിൽ പാറി. പല വിദ്യാർത്ഥികളും തങ്ങളുടെ സംഘടനകളുടെ പാർട്ടി ഓഫീസുകളിലേക്ക് തിരക്കിട്ട് നീങ്ങി. ചിലർ കൂട്ടങ്ങളായി പാർട്ടി പ്രവർത്തകരോടൊപ്പം അവിടവിടങ്ങളിലായി ഒത്തുകൂടി. വരാനിരിക്കുന്ന പ്രചാരണ പരിപാടികളെക്കുറിച്ചും പ്രവർത്തനങ്ങളെക്കുറിച്ചും അവർ ചർച്ച ചെയ്യാൻ തുടങ്ങി. കൊടികളും പോസ്റ്ററുകളും മുദ്രാവാക്യങ്ങളുമായി ക്യാമ്പസ് മുഴുവൻ തിരഞ്ഞെടുപ്പ് ചൂടിൽ തിളച്ചുകൊണ്ടിരുന്നു. എം.എസ്.എഫ് സിന്ദാബാദ്…!” ഈ തവണയും ഞങ്ങളുടെ കൊടികൾ ഉയരും…!” വിജയം ഞങ്ങളുടേതാകും…!” എന്നിങ്ങനെ മുദ്രാവാക്യങ്ങൾ മുഴക്കി ഒരു കൂട്ടം വിദ്യാർത്ഥികൾ ക്യാമ്പസിലൂടെ കടന്നുപോയി. അപ്പോഴേക്കും ക്യാമ്പസിന്റെ മറുവശത്ത് നിന്ന് മറ്റൊരു കൂട്ടം വിദ്യാർത്ഥികൾ മുദ്രാവാക്യങ്ങളുമായി മുന്നോട്ട് വന്നു. നീലവാനം കീഴടക്കും… നീലക്കൊടികൾ പാറിക്കും…!കെ.എസ്.യു… കെ.എസ്.യു… കെ.എസ്.യു സിന്ദാബാദ്…!” പല സംഘടനകളുടെയും മുദ്രാവാക്യങ്ങൾ ഒരേസമയം ക്യാമ്പസിന്റെ പല ഭാഗങ്ങളിൽ നിന്നും ഉയർന്നു. ഓരോ കൂട്ടരും തങ്ങളുടെ വിജയപ്രതീക്ഷയോടെ പ്രചാരണ തിരക്കുകളിൽ മുഴുകി. എന്നാൽ ലക്ഷ്മിയുടെ ശ്രദ്ധ അതിലൊന്നുമുണ്ടായിരുന്നില്ല. ക്യാമ്പസിലെ ആയിരം ശബ്ദങ്ങൾക്കിടയിലും അവൾ തേടിയത് ഒരേയൊരു ശബ്ദമായിരുന്നു. തന്റെ സഖാവിന്റെ ശബ്ദം… തുടരും part 26 B#📙 നോവൽ #💞 പ്രണയകഥകൾ #📔 കഥ #📝 ഞാൻ എഴുതിയ വരികൾ #പ്രതിലിപി കഥകൾ##