🥀🥀ഒരു കോൺട്രാക്ട് കല്യാണം🥀🥀3️⃣9️⃣ താഴേക്ക് ചെല്ലുമ്പോൾ അവനെ നോക്കി എല്ലാവരും നിൽപ്പുണ്ടായിരുന്നു.. ശ്രീ കുട്ടി യാണെങ്കിൽ ഇപ്പോൾ കരയും എന്ന രീതിയിൽ ആയിരുന്നു നിൽപ്പ്.... എല്ലാവരോടും യാത്ര പറഞ്ഞ ഇറങ്ങുമ്പോൾ അവന്റെ കണ്ണിൽനിന്നും കണ്ണു നീർ ഒഴുകുന്നുണ്ടായിരുന്നു... സരസ്വതി യെയും ശ്രീ കുട്ടിയേയും ചേർത്തു നിർത്തി നെറ്റിയിൽ തന്റെ ചുണ്ടുകൾ ചേർത്തു... എന്നിട്ട് ഇവയെ ഒന്നു തിരിഞ്ഞു നോക്കിയിട്ട് കണ്ണ് കൊണ്ട് യാത്ര പറഞ്ഞു..... ബാക്കി ആരോടും യാത്ര പോലും പറയാതെ അവൻ വേഗം കാറിലേക്ക് കയറി... അനൂപും രാഘവനും മാത്രം എയർപോർട്ടിലേക്ക് പോയാൽ മതി എന്ന് അവൻ നേരത്തെ തന്നെ പറഞ്ഞിരുന്നു.... അല്ലെങ്കിൽ അവസാന നിമിഷം അവനു പിടിച്ചു നിൽക്കാൻ പറ്റില്ല... അതുകൊണ്ട് തന്നെ മറ്റാരും അവനോടൊപ്പം പോയില്ല... ശ്രീ എല്ലാം എടുത്തല്ലോ അല്ലെ??? അപ്പോൾ പോകുവല്ലേ... മ്മ്... രാഘവൻ ചോദിച്ചതിന് അവൻ ഒന്നു മൂളി എന്നിട്ട് കണ്ണടച്ചു സീറ്റിലേക്ക് ചാരി കിടന്നു.... കണ്ണടച്ചപ്പോൾ അതിനുള്ളിൽ ഇവ മാത്രം താങ്ങി നിൽക്കുന്നുണ്ടായിരുന്നു.... ശ്രീയുടെ കാർ കണ്ണിൽ നിന്നു മായുന്നത് വരെ സരസ്വതിയും ഇവയും ശ്രീകുട്ടിയും അരുണിമയും അവിടെ തന്നെ നിന്നു.... അവൻ പോയ കാർ ഇട വഴി തിരിഞ്ഞതും ശ്രീക്കുട്ടി കണ്ണുകൾ തുടച്ചു കൊണ്ട് പതുക്കെ അകത്തേക്ക് കയറി പോയി.. പിറകെ അരുണിമയും അകത്തേക്ക് തന്നെ കയറി പോയി.... ഇവ എന്ത് കൊണ്ടോ ആ നിൽപ്പ് അവിടെ തന്നെ നിന്നു... തന്നിൽ നിന്ന് പ്രിയമുള്ളതെന്തോ അകന്നു പോകുന്നത് പോലെയാണ് അവൾക്ക് തോന്നിയത്... മോള് വരുന്നില്ലേ??? വഴിയിലേക്ക് നോക്കി നിൽക്കുന്ന ഇവയോട് അകത്തേക്ക് കയറി പോകാൻ നേരം സരസ്വതി ചോദിച്ചു... വരുന്നു ആന്റി.... സരസ്വതി അവളുടെ കയ്യിൽ പിടിച്ചു കൊണ്ട് ആ സിറ്റ് ഔട്ടിലേക്ക് ഇരുന്നു.... മോൾക്ക് സങ്കടം ഉണ്ടോ??? ഇല്ല ആന്റി.. മോള് ഈ ആന്റി വിളി നിർത്തിക്കൂടെ... എന്നെ അമ്മ എന്നും രാഘവേട്ടനെ അച്ഛാ എന്നും വേണം ഇനി മുതൽ വിളിക്കാൻ... മനസ്സിൽ ആകുന്നുണ്ടോ എന്റെ കുട്ടിക്ക്.. മ്മ്.. മൂളിയാൽ പോരാ... അങ്ങനെ തന്നെ വിളിക്കണം.. വിളിക്കാം.... പിന്നെയും അവർ കുറെ നേരം സംസാരിച്ചിരുന്നു. ഇപ്പോഴാ ഓർത്തത് എനിക്ക് അടുക്കളയിൽ ഇത്തിരി പണിയുണ്ട്... ഞാൻ പോട്ടെ അതും പറഞ്ഞു അവർ അവിടെ നിന്നും എഴുന്നേറ്റു.... അമ്മേ ഞാനും ഹെല്പ് ചെയ്യട്ടെ... അതിനെന്താ മോളു വാ... സരസ്വതി അവളെയും കൂട്ടി കിച്ചണിലേക്ക് നടന്നു... ജനാലക്കിടയിലൂടെ ഇതൊക്കെ കണ്ട അരുണിമ ദേഷ്യം കൊണ്ട് വിറച്ചു.... ഇല്ലടി ഒരുപാട് നാളൊന്നും നിന്നെ ഇവിടെ വാഴിക്കത്തില്ലടി... ഇപ്പോൾ കൈയ്യിൽ പിടിച്ചു കൊണ്ടു നടക്കുന്ന മാമി തന്നെ നിന്നെ പുറം കാലുകൊണ്ട് ചവിട്ടി പുറത്താക്കുന്ന ഒരു ദിവസം വരും... അതിനുള്ള വഴികൾ ഒക്കെ ഈ അരുണിമക്ക് നന്നായി അറിയാം.... അവൾ അതും മനസ്സിൽ ഓർത്തു ശ്രീ കുട്ടിയുടെ റൂമിലേക്ക് നടന്നു.... 🥀🥀തുടരും🥀🥀 "🥀🥀ഒരു കോൺട്രാക്ട് കല്യാണം 1️⃣", എന്ന രചന പ്രതിലിപിയില്‍ വായിക്കൂ:, https://malayalam.pratilipi.com/series/ഒരു-കോൺട്രാക്ട്-കല്യാണം-9mamjhegtbqj?language=MALAYALAM&utm_source=android&utm_medium=content_series_share ഒട്ടേറെ രചനകള്‍ വായിക്കുകയും എഴുതുകയും കേള്‍ക്കുകയും ചെയ്യൂ, സൗജന്യമായി! #💞 നിനക്കായ് #പ്രതിലിപി കഥകൾ## #📙 നോവൽ #പ്രതിലിപി മലയാളം