bhanjamohanty
582 views • 18 hours ago
#📰ଦେଶ-ବିଦେଶ ଅପଡେଟ ସାରା ବିଶ୍ବରେ ଖାଦ୍ୟସାମଗ୍ରୀର ମୂଲ୍ୟ ୨୦୨୨ ପରଠୁ ସବୁଠୁ ମହଙ୍ଗା-
ନୂଆଦିଲ୍ଲୀ : ସାରା ବିଶ୍ବରେ ଖାଦ୍ୟସାମଗ୍ରୀର ଦାମ ଅଗଷ୍ଟରେ ବୃଦ୍ଧି ପାଇଛିି। ଏହା ୨୦୨୨ ପରଠୁ ସର୍ବୋଚ୍ଚସ୍ତରରେ ପହଞ୍ଚି ଯାଇଛି। ଗତ ମାସରେ ଚିନି ମୂଲ୍ୟ ୧୧.୯ ପ୍ରତିଶତ, ଖାଦ୍ୟଶସ୍ୟ ମୂଲ୍ୟ ୨.୨ ପ୍ରତିଶତ ଓ ଭେଜିଟେବୁଲ ଅଏଲ ଦର ୦.୬ ପ୍ରତିଶତ ବଢ଼ି ଥିଲା। ମିଳିତ ଜାତିସଂଘ ସଂସ୍ଥା ଏଫଏଓର ସୂଚନା ଅନୁଯାୟୀ, ଯୁରୋପରେ ଭୀଷଣ ଖରା ଓ ମରୁଡ଼ି, ରୁଷ-ୟୁକ୍ରେନ ଯୁଦ୍ଧ ଯୋଗୁଁ ବିଶ୍ବ ବଜାରରେ ଯୋଗାଣ ହ୍ରାସ ପାଇବାର ଭୟ ରହିଛି। ଅଗଷ୍ଟରେ ବିଶ୍ବ ଖାଦ୍ୟ ସୂଚକାଙ୍କ ବଢି ୧୩୩.୩ ପଏଣ୍ଟରେ ପହଞ୍ଚି ଯାଇଛି। ଏହା ଜୁଲାଇରେ ୧୩୦.୮ ପଏଣ୍ଟ ଥିଲା। ତେବେ ଏହା ୨୦୨୨ ମାର୍ଚର ସର୍ବକାଳୀନସ୍ତର ଠାରୁ ୧୭ ପ୍ରତିଶତ କମ ରହିଛି। ୟୁରୋପରେ ଭୀଷଣ ଗ୍ରୀଷ୍ମ ପ୍ରବାହ ଓ ମରୁଡ଼ି ପାଇଁ ମକା ଓ ବିଟ୍ ଉତ୍ପାଦନ ସହିତ ଡାଏରୀ ଉତ୍ପାଦ ଗଭୀର ଭାବେ ପ୍ରଭାବିତ ହୋଇଛି। ଏହା ବ୍ୟତୀତ ଏଲନିନୋ ପ୍ରଭାବ ପାଇଁ ଏସିଆରେ ପାମ ଅଏଲ ଓ ଚିନି ଉତ୍ପାଦନକୁ ନେଇ ଚିନ୍ତା ବୃଦ୍ଧି ପାଇଛି। ଅନ୍ତର୍ଜାତୀୟ ବଜାରରେ କେବଳ ପାଣିପାଗ ନୁହେଁ, ବରଂ ରୁଷ-ୟୁକ୍ରେନ ଯୁଦ୍ଧ ଓ ଆମେରିକା-ଇରାନ ସଂଘର୍ଷ ଯୋଗୁଁ ବ୍ୟାବସାୟିକ ସମସ୍ୟା ସୃଷ୍ଟି ହୋଇଛି। ଏହା ଦ୍ବାରା କୃଷି ବଜାର ପ୍ରଭାବିତ ହୋଇଛି। ତେଣୁ ଖାଦ୍ୟଶସ୍ୟ ସାମଗ୍ରୀ ମୂଲ୍ୟ ୩ ବର୍ଷର ସର୍ବୋଚ୍ଚ ସ୍ତରରେ ପହଞ୍ଚି ଯାଇଛି।
8 shares
