Jayaram
510 views • 2 days ago
*കൊച്ചിയിൽ* *പെർമിറ്റില്ലാ* *ഓട്ടോകളുടെ* *അരാജകത്വം*
കൊച്ചി നഗരത്തിൽ സിറ്റി പെർമിറ്റ് ഇല്ലാതെ സർവീസ് നടത്തുന്ന ഓട്ടോറിക്ഷകളുടെ എണ്ണം ദിനംപ്രതി വർദ്ധിച്ചു വരികയാണ്. നഗരപരിധിയിൽ ഓടാൻ അനുമതിയില്ലാത്ത നിരവധി ഓട്ടോകൾ യാതൊരു പരിശോധനയും ഇല്ലാതെ നഗരമധ്യത്തിൽ കൂടി സർവീസ് നടത്തുന്നു.
ഇടുങ്ങിയ റോഡുകളിൽ പോലും അമിതവേഗതയിലും അശ്രദ്ധമായും കുത്തിക്കയറ്റി വരുന്നതാണ് ഇവരുടെ രീതി. ഇത് മറ്റ് വാഹനങ്ങൾക്കും കാൽനടയാത്രക്കാർക്കും വലിയ ഭീഷണിയായി മാറിയിരിക്കുന്നു.
കഴിഞ്ഞ ദിവസം പച്ചാളം ഇരട്ടക്കുളങ്ങര റോഡിൽ ഇത്തരത്തിൽ കുത്തിക്കയറ്റി വന്ന ഒരു ഓട്ടോ, എതിരെ വന്ന കാറിൽ ഇടിച്ച് കാറിന് കേടുപാടുകൾ വരുത്തിയ ശേഷം നിർത്താതെ കടന്നുകളഞ്ഞു. നാട്ടുകാർ നോക്കി നിൽക്കെ ആണ് സംഭവം.
ആവശ്യമായ രേഖകളോ, പെർമിറ്റോ, ഇൻഷുറൻസോ ഇല്ലാത്ത വാഹനങ്ങൾ അപകടം ഉണ്ടാക്കി കടന്നുകളഞ്ഞാൽ ഇരകൾക്ക് നീതി ലഭിക്കാത്ത അവസ്ഥയാണ്.
അധികൃതർ കണ്ണടയ്ക്കുന്ന ഈ പ്രവണതയ്ക്ക് എതിരെ മോട്ടോർ വാഹന വകുപ്പും ട്രാഫിക് പോലീസും അടിയന്തരമായി സംയുക്ത പരിശോധന നടത്തി നിയമലംഘകരെ പിടികൂടണം. അല്ലെങ്കിൽ നിരപരാധികളായ നിരവധി പേർക്ക് കൂടി ഇതിന്റെ ദുരിതം അനുഭവിക്കേണ്ടി വരും. #കൊച്ചി
15 shares
