കഥ : ഒരു ചായയ്ക്ക് ഒരു കടി. "എന്താടാ ?" പണ്ടെന്നോ മുനിസിപ്പാലിറ്റിക്കാർ ഉപേക്ഷിച്ച സർവ്വേക്കല്ലിന്റെ മുകളിലിരുന്ന് വഴിയേ പോകുന്ന വാഹനങ്ങളെയും ആളുകളെയും വീക്ഷിച്ചു സമയം കളഞ്ഞു കൊണ്ടിരുന്ന രതീഷ് പെട്ടെന്ന് തിരിഞ്ഞുനോക്കി. കോളേജ് പഠിത്തം എല്ലാം കഴിഞ്ഞ് ഒരു ജോലിക്കായി ശ്രമിച്ചുകൊണ്ടിരിക്കുന്ന രതീഷിന് ഇപ്പോൾ ജീവിതം ആകെ മടുത്തു തുടങ്ങി. എത്രയോ പരീക്ഷകൾ എഴുതി പാസായി. അതിലേറെ ഇൻറർവ്യൂകളും നേരിട്ടു. പക്ഷേ ഒരു ജോലി ഇതുവരെ ശരിയായില്ല. വീട്ടിലാണെങ്കിൽ അച്ഛന്റെയും അമ്മയുടെയും കുത്തുവാക്കുകൾ കേട്ട് അവൻ മടുത്തു. അവരുടെ വിചാരം ഡിഗ്രി കഴിഞ്ഞാൽ ഉടനെതന്നെ ജോലി കിട്ടുമെന്നാണ്. ഈയിടെ ഇലക്ഷൻ പ്രഖ്യാപിച്ചു. പുതിയ ഭരണകൂടം വന്നാൽ ഉടനെതന്നെ എല്ലാവർക്കും ജോലി കിട്ടുമെന്നാണ് പറയുന്നത്. ഇംഗ്ലീഷിൽ ബിരുദം നേടിയ തനിക്ക് കിട്ടാൻ പോകുന്ന ജോലിയെ ക്കുറിച്ച് സ്വപനം കണ്ടുകൊണ്ടിരിക്കുകയായിരുന്നു രതീഷ്. ചോദ്യം കേട്ട് രതീഷ് എഴുന്നേറ്റു. നോക്കിയപ്പോൾ ഒരു സ്ത്രീ അവൻ്റെ മുന്നിൽ നിൽക്കുന്നു. സൂക്ഷിച്ചു നോക്കിയപ്പോൾ മനസ്സിലായി മൂന്നാലു വർഷങ്ങൾക്ക് മുമ്പ് ഗൾഫിൽ ജോലിക്കായി പോയ സന്തോഷിന്റെ ഭാര്യ രാഗിണി. രതീഷിന്റെ മുഖത്തെ അമ്പരപ്പ് കണ്ട് രാഗിണി വീണ്ടും ചോദിച്ചു. "എന്താടാ ?" "ഏയ് ഒന്നുമില്ല. ഞാൻ ഇങ്ങനെ വെറുതെ ഇവിടെ ഇരിക്കുവാ" ഒരു ചെറിയ ചമ്മലോടെ രതീഷ് മറുപടി പറഞ്ഞു. "കാര്യം എനിക്ക് മനസ്സിലായി. നീ അകത്തോട്ട് വാ" രാഗിണി ഗേറ്റ് തുറന്നു പിടിച്ചുകൊണ്ട് പറഞ്ഞു. ആ ക്ഷണത്തിൽ എന്തോ ഒരു പന്തികേട് ഉണ്ടന്ന് രതീഷിന് തോന്നും. എന്തിനാണ് അവർ അവനെ വീട്ടിലേക്ക് വിളിച്ചത്? കല്യാണം കഴിഞ്ഞ് ജനിച്ച കുഞ്ഞിന് മൂന്നാല് മാസം പ്രായമുള്ളപ്പോൾ ഗൾഫിൽ പോയതാണ് സതീഷ്. പിന്നീട് ഇതുവരെ അയാൾ വന്നിട്ടില്ല . വർഷങ്ങൾ അഞ്ചാറ് കഴിഞ്ഞു. ഒറ്റയ്ക്കാണെന്ന് തോന്നുന്നു ഇവരുടെ ജീവിതം , അതോ സതീഷിന്റെ അമ്മ കൂടെ ഉണ്ടാകുമോയെന്ന് അറിയില്ല. എന്തായാലും വിളിച്ചത് എന്തിനാണെന്ന് അറിയാമല്ലോ ?. ഗേറ്റ് തുറന്ന് മുറ്റത്തെത്തിയ രതീഷിനോട് രാഗിണി പറഞ്ഞു "എന്തായാലും നീ അകത്ത് വന്നല്ലോ. ഞാൻ കരുതി വരില്ലെന്ന്". രതീഷ് രാഗിണിയെ ഒന്ന് സൂക്ഷിച്ചു നോക്കി. എത്ര സുന്ദരമായ മുഖവും ശരീരവും. തുടിക്കുന്ന യൗവ്വനം. ഒന്ന് പ്രസവിച്ചതാണെന്ന് കണ്ടാൽ പറയില്ല. നല്ല വെളുത്ത നിറവും അലസമായി കിടക്കുന്ന ചുരുണ്ട മുടിയും ഒക്കെ. ഒരു ഇളം നീല നിറത്തിലുള്ള നൈറ്റി ആണ് ധരിച്ചിരിക്കുന്നത്. ആകെമൊത്തം ഒരു മദാലസയുടെ ലക്ഷണം. രതീഷിനെ ചിന്തയിൽ നിന്നുണർത്തി ക്കൊണ്ട് രാഗിണി പറഞ്ഞു "ഞാനാകെ മുഷിഞ്ഞിരിക്കുകയാണ്. ഞാൻ പോയി ഒന്ന് കുളിച്ചു വസ്ത്രം മാറി വരാം . ആ സമയം കൊണ്ട് നീ ഒരു കാര്യം ചെയ്യ്. ആ കാണുന്ന അഞ്ചാറ് തടികളില്ലേ . ചെറുതായി ഒന്ന് കീറി വിറകാക്കിത്താ. വീട്ടിൽ വിറകില്ലാതെ ഞാൻ വിഷമിക്കുവാ ഇന്നലെ ഗ്യാസും തീർന്നു." രാഗിണി ഒരു കോടാലി എടുത്ത് രാജേഷിന്റെ കയ്യിൽ പിടിപ്പിച്ചു. അതിനിടയിൽ അവരുടെ കൈകൾ സ്പർശിച്ചോ എന്തോ. ഒരു വൈദ്യുത തരംഗം രതീഷിന്റെ ഉള്ളിലൂടെ കടന്നു പോയി. കുളിക്കാനായി അകത്തേക്ക് പോകുന്നതിന് മുമ്പ് രാഗിണി ചോദിച്ചു "എന്താ തന്റെ പേര്?" "രതീഷ്". ഒരു ചെറിയ നാണത്തോടെ രതീഷ് പറഞ്ഞു "നല്ല അർത്ഥമുള്ള പേര്" രാഗിണി അകത്തേക്ക് പോയി. രതീഷ് അവിടെക്കിടന്ന തടിക്കഷണങ്ങൾ ഓരോന്നായി കീറി വിറകാക്കി. അരമണിക്കൂർ കൊണ്ട് എല്ലാം തടികളും കീറി. ഇനിയെന്ത് ആണ് സംഭവിക്കാൻ പോകുന്നത് എന്ന ആകാംക്ഷയിൽ ഹൃദയമിടിപ്പ് കൂടിക്കൊണ്ടിരുന്നു. വിറകെല്ലാം കീറിക്കഴിഞ്ഞപ്പോഴേക്കും രതീഷ് ആകെ ക്ഷീണിച്ചു. അയാൾ അവിടെക്കിടന്ന ഒരു കസേരയിൽ ഇരുന്നു. അൽപ്പനേരം കഴിഞ്ഞ് ട്രേയിൽ ഒരു കപ്പു ചായയുമായി രാഗിണി വന്നു. കുളികഴിഞ്ഞ് ചൂരിദാർ ഒക്കെ ധരിച്ച് സുന്ദരിയായിരിക്കുന്നു . ചില സിനിമാതാരങ്ങളെപ്പോലെ. രാഗിണി രതീഷിന്റെ മുന്നിൽ വന്നു പറഞ്ഞു "എനിക്കറിയാം താൻ എന്താണ് ആഗ്രഹിച്ചതെന്ന് . ഒരു ചായ. ഇതാ ചായ എടുത്തോളൂ. ഈയൊരു ചായ കിട്ടാനല്ലേ താൻ ഇത്രയും നേരം അവിടെ കാത്തിരുന്നത് . എനിക്ക് അപ്പൊഴേ മനസ്സിലായി " എന്തു പറയണമെന്നറിയാതെ അമ്പരന്നു നിന്ന രതീഷിനോട് രാഗിണി അടുത്ത് ചെന്ന് വീണ്ടും പറഞ്ഞു "എടുത്തോളൂ രതീഷ്" രതീഷ് ചായയുടെ കപ്പ് കയ്യിലെടുത്തു . ചായകുടി കഴിഞ്ഞ് ചായയുടെ കപ്പ് തിരികെ കൊടുക്കുന്നതിനിടയിൽ എന്തോ പറയാനായി ശ്രമിച്ചു. പക്ഷേ വാക്കുകളൊന്നും പുറത്ത് വന്നില്ല. അത് മനസ്സിലാക്കിയ രാഗിണി ചോദിച്ചു "എന്തേ ചായ ഇഷ്ടപ്പെട്ടില്ലേ ?" രതീഷ് പറഞ്ഞു "അല്ല ഒരു കടി കൂടി കിട്ടിയിരുന്നെങ്കിൽ!" "ഒരു ചായയ്ക്ക് ഒരു കടി. അല്ലേ? മോൻ ചെല്ല്. എന്നിട്ട് നമ്മുടെ ഗംഗാധരൻ ചേട്ടൻറെ കടയിൽ നിന്നും ഏതെങ്കിലും ഒരു കടി വാങ്ങിച്ചു കഴിക്ക്. കേട്ടോ?" ഒരു കുസൃതിച്ചിരിയോടെ രാഗിണി പറഞ്ഞു. ചിരിച്ചുകൊണ്ട് രതീഷ് ഗേറ്റ് തുറന്ന് പുറത്തിറങ്ങി തൻ്റെ വീട്ടിലേക്കു നടന്നു. രതീഷിന്റെ മനസ്സിൽ "മോൻ എന്ന ആ വാക്ക് മുഴങ്ങിക്കൊണ്ടേയിരുന്നു... എന്തായിരിക്കും അവർ ഉദേശിച്ചത് എന്ന ചോദ്യവും ... #📝 ഞാൻ എഴുതിയ വരികൾ #🙋‍♀️ എൻ്റെ സ്റ്റാറ്റസുകൾ #📔 കഥ #💞 പ്രണയകഥകൾ #📖 കുട്ടി കഥകൾ