part 20 ദിവസങ്ങൾ കടന്നുപോയി. അർജുന്റെ മനസ്സിൽ ഇടയ്ക്കിടെ വന്നു പോകുന്ന ഒരു വാശിക്കാരി പെണ്ണായി മാളവിക മാറിയിരുന്നു. അവളെ മറക്കാൻ ശ്രമിച്ചില്ലെങ്കിലും, അവളുടെ നിറഞ്ഞ കണ്ണുകൾ മാത്രം അവന്റെ മനസ്സിൽ നിന്ന് മാഞ്ഞില്ല. അതിനിടയിൽ മാളവികയുടെ വീട്ടിൽ വിവാഹത്തിരക്കുകൾ തുടങ്ങിയിരുന്നു. ജീവനുമായുള്ള അവളുടെ വിവാഹം നേരത്തെ തന്നെ ഉറപ്പിച്ചതായിരുന്നു. അവൾക്ക് ആ ബന്ധം ഇഷ്ടമല്ലാത്തതുകൊണ്ട് അവന്റെ കോളുകൾ പോലും എടുക്കാറില്ലായിരുന്നു. അതിനാലാണ് അവളെ നേരിട്ട് കാണാനായി ജീവൻ ആശുപത്രിയിൽ വന്നതും, അവിടെവെച്ച് അർജുനുമായി വഴക്കുണ്ടായതും. അന്ന് duty കഴിഞ്ഞിട്ടും മാളവിക വീട്ടിലേക്ക് പോയില്ല. പതിവായി ഇരിക്കാറുള്ള പുഴക്കരയിൽ ചെന്നിരുന്നു. കണ്ണുകൾ നിറഞ്ഞിരുന്നു. അപ്പോഴാണ് കൂട്ടുകാരോടൊപ്പം കറങ്ങാൻ പോയിരുന്ന അഭി അവളെ കണ്ടത്. “ചേച്ചി…” മാളവിക പെട്ടെന്ന് കണ്ണുതുടച്ചു. “അഭിയോ… നീ പൊയ്ക്കോ.” “ചേച്ചിയുടെ കണ്ണ് കണ്ടിട്ട് എങ്ങനെയാ ഞാൻ പോകുന്നത്?” അവൾ ഒന്നും പറഞ്ഞില്ല. അഭി അവളുടെ അടുത്തിരുന്നു. “എന്താ പറ്റിയത്?” കുറച്ചുനേരം കഴിഞ്ഞാണ് അവൾ പതുക്കെ പറഞ്ഞത്. “നാളെ എന്റെ കല്യാണമാണ്.” #📔 കഥ #💞 പ്രണയകഥകൾ #പ്രണയം #ഞാൻഎഴുതിയവരികൾ #prathilipi