*యోగశాంతిప్రదం #గణాధీశస్తోత్రం* ||శ్రీగణేశాయ నమః || ||కర్దమ ఉవాచ || కేనోపాయేన భో వత్స యోగశాంతిః ప్రలభ్యతే . తదర్థం పూజనీయం కిం తద్వదస్వ జనార్దన .. 1.. కపిల ఉవాచ . గణేశభజనం ముఖ్యం శాంతియోగప్రదం మతం . యోగాకారస్వరూపం తం బ్రహ్మేశం భజ మానద .. 2.. సర్వాదిః సర్వపూజ్యోఽయం సర్వాధారో మహామునే . య ఆదిః ప్రలయాంతే స తిష్ఠతి శాస్త్రసంమతం .. 3.. జ్యేష్ఠరాజం గణేశానం వేదేషు ప్రవదంతి తం . గణాః సమూహరూపాశ్చ తేషాం స్వామీ ప్రకథ్యతే .. 4.. నానాజగత్స్వరూపం వైదేహరూపం కృతం మునే . నానాబ్రహ్మమయం తేన శిరః కృతం మహాత్మనా .. 5.. యస్మాజ్జాతమిదం యత్ర హ్యంతే గచ్ఛతి మహామతే . తద్వేదే గజశబ్దాఖ్యం శిరస్తేన గజాననః .. 6.. త్రివిధం భేదయుక్తం యదఖండం వై తురీయకం . తయోర్యోగే గణేశోఽయం దేహమస్తకయోర్గతః .. 7.. చిత్తం పంచవిధం ప్రోక్తం తత్ర మోహశ్చ పంచధా . మోహరూపా మహాసిద్ధిర్బుద్ధిశ్చ మోహధారకా .. 8.. తయోః స్వామీ గణాధీశశ్చిత్తే నిత్యం ప్రతిష్ఠితః . చింతామణిర్మహాభాగో లభ్యతే యోగసేవయా .. 9.. పంచధా చిత్తముత్సృజ్య తదైశ్చర్యం తథైవ చ . యోగః శాంతిమయః సద్యః ప్రాప్యతే బ్రహ్మణస్పతిః .. 10.. తస్మాత్తం భజ మంత్రేణైకాక్షరేణ మహామునే . తేన తుష్టో గణేశానో యోగం దాస్యతి శాంతిదం .. 11.. ||ఇతి ముద్గలపురాణాంతర్గతం శ్రీగణాధీశస్తోత్రం సమాప్తం || #🌹ఓం గం గణపతయే నమః 🙏🙏 #🕉️ గణపతి బప్పా మోరియా #🌅శుభోదయం #దేవుళ్ళ స్టేటస్ #🙏🏻భక్తి సమాచారం😲