#✍️भक्ती संदेश #🌻आध्यात्म 🙏 #💐संत महंत🙏 . . ll ज्ञानेश्वरीतील ज्ञानामृत चिंतन ll . ---------------------------------------- . .. वसु व देव यापासून वसुदेव हा शब्द तयार झाला. वसुदेव म्हणजे विष्णू व वासुदेव म्हणजे कृष्ण. हे सर्व जग वसुदेवच आहे असा जो अनुभव घेतो तोच खरा ज्ञानी भक्त होय. तो अत्यंत दुर्लभ आहे. . ********************************************** . तैसाचि गुरुकृपा उखा उजळली । ज्ञानीची वोतपली पडली l . तेथ साम्याची रिद्धी प्रकटली. तयाचिये दिठी ll . ***************[ ज्ञानेश्वरी अ.७/१३१]************ . ----ll अर्थ ll--- . त्याप्रमाणे गुरुकृपारूपी उषःकाल होऊन ज्ञानरूपी कोवळे ऊन पडले त्यावेळी ब्रह्म साम्यतेचे ऐश्वर्य त्यांना दिसले. . ll भावार्थ ll . ज्ञानी भक्ताचे वर्णन करताना भगवंत म्हणतात, जव्हा भक्ताला गुरुकृपेचा लाभ होऊन ज्ञानप्राप्ती होते त्यावेळी त्या ज्ञानी भक्ताला ब्रह्माचे ऐश्वर्य प्राप्त होते. . ब्रह्मदेवापासून सर्व भूतमात्रात वसणारा जो, त्याला वसु म्हणतात. सर्व भूतमात्रांना आपल्या सामर्थ्याने जो चैतन्य प्रदान करतो त्याला देव म्हणतात. वसु व देव यापासून वसुदेव हा शब्द तयार झाला. वसुदेव म्हणजे विष्णू व वासुदेव म्हणजे कृष्ण. हे सर्व जग वसुदेवच आहे असा जो अनुभव घेतो तोच खरा ज्ञानी भक्त होय. तो अत्यंत दुर्लभ आहे. . ती अनंत जन्माची तपश्चर्या असते. मग एखादाच शुकाचार्य जन्माला येतो. एखादाच ज्ञानेश्वर जन्माला येतो. . ज्ञानदेवांनी अतिशय सुंदर भाष्य केले आहे ते म्हणतात, तो ज्ञानी भक्त विषयांच्या दाट झाडीतून, काम, क्रोध यांची संकटे टाकून चांगल्या वासनारूपी डोंगरावर आला. मग संतांच्या भक्तीने, विहित कर्माच्या सरळ मार्गाने, निषिद्ध आचरणांचा आडमार्ग टाकून, कर्ममार्गाने प्रवास करून शेकडो जन्म घेऊन फलाशेच्या वहाणा पायात न घालता आला. मग कर्माच्या क्षयाची पहाट झाली. मग गुरुकृपेचा उषःकाल झाला. मग ज्ञानरूप कोवळे ऊन पडले तेव्हा त्याच्या दृष्टीला ब्रह्म दिसले. तो जिकडे पाहील तिकडे त्याला तोच एक दिसला किंवा तो निवांत जरी बसला तरी त्याला मीच दिसलो. . ज्ञानी भक्त म्हणजे मी व मी म्हणजे ज्ञानीभक्त अशी स्थिती प्राप्त होते. किती छान दृष्टांत आहे हा! ज्ञानदेवांचा कल्पनाविलास कथन करावा तेवढा थोडाच आहे ! . ll रामकृष्ण हरी, माऊली ll