പെയ്തിട്ടും തോരാതെ പെയ്തിട്ടും തോരാതെ Part -5 മഴ മിഴി ഇതാ സാറേ ആളു.. ഇവളെയൊക്കെ കണ്ടാൽ പറയുവോ കയ്യിലിരിപ്പ് ഇതാണെന്നു. പിടിച്ചു വണ്ടിലോട്ട് കേറ്റടോ ആ മൊതലിനെ. വൈഗയും ഹിമയും ഒന്നും മനസ്സിലാകാതെ തങ്ങൾക്ക് അരികിലേക്ക് വരുന്ന പോലീസുകാരെ നോക്കി ഭയന്നു നിന്നു.. വന്നു വണ്ടി കേറെഡി.. മുന്നോട്ട് വന്ന പോലീസുകാരൻ ശബ്ദം ഉയർത്തി പറഞ്ഞതും വൈഗ ഭയത്തോടെ ഹിമേ നോക്കി. എന്താ സാറേ കാര്യം. കാര്യം നിന്നോട് പറയേണ്ട കാര്യം എന്താടി.. ചി...മാറി നിൽക്കേടി അങ്ങോട്ട്.. അല്ലെങ്കിൽ ഇവടെ കൂടെ നിന്നേം പിടിച്ചു അകത്താക്കും. എന്നാൽ അതൊന്നു കാണാമല്ലോ സാറേ.. ഹിമായും വിട്ടു കൊടുക്കാതെ പറഞ്ഞതും വൈഗ പേടിയോടെ അവടെ കയ്യിൽ പിടിച്ചു. മര്യാദക്ക് വന്നു വണ്ടി കേറുന്നതാ നിനക്ക് നല്ലത്. അല്ലെങ്കിൽ പോലീസിന്റെ കാര്യനിർവഹണത്തിന് തടസ്സം സൃഷ്ടിച്ചുന്നു പറഞ്ഞു നിന്റെ കൂടെ ഉള്ളതിനെ കൂടി അകത്താക്കും. അപ്പോഴേക്കും പോലീസ് ജീപ്പിൽ നിന്നും രണ്ടു വനിതാ പോലീസുകാര് ഇറങ്ങി വന്നു അവളെ ബലമായി പിടിച്ചു ജീപ്പിലേക്ക് കയറ്റി. പിന്നാലെ ചെന്ന ഹിമേ നോക്കി പേടിപ്പിച്ചു കൊണ്ട് ആ ജീപ്പ് മുന്നോട്ട് പാഞ്ഞു. ഹിമ തന്റെ ഫോൺ എടുത്തു ആരെയൊക്കെയോ കോൺടാക്ട് ചെയ്തു. വൈഗ ആണെങ്കിൽ ഭയന്നു വിറച്ചു രണ്ടു വനിതാ പോലീസുകാർക്ക് ഇടയിൽ ഇരിക്കുകയാണ്. കണ്ടാൽ പറയുവോ സാറേ ഈ പെങ്കൊച്ചിന്റെ പണി ഇതാണെന്നു. ഇവൾക്കൊക്കെ മാനം മര്യാദക്ക് ജോലി എടുത്തു ജീവിച്ചാൽ പോരെ. അതെങ്ങനെയാ ഇവളുമാരെ പോലെയുള്ളതുങ്ങളെ വിശ്വസിച്ചു ജോലിയ്ക്ക് നിർത്തുക. ഇപ്പൊ തന്നെ കണ്ടില്ലേ... ജോലിയ്ക്ക് നിന്ന വീട്ടിന്നു ലക്ഷങ്ങൾ വില വരുന്ന മൊതല് അടിച്ചു മാറ്റിയെ. പിന്നെ എങ്ങനെയാ ഇവളെയൊക്കെ വിശ്വസിച്ചു എവിടെ എങ്കിലും ജോലിയ്ക്ക് നിർത്തുക. അവര് അവളെ നോക്കി പറയുമ്പോൾ വൈഗ ഞെട്ടി വിറങ്ങലിച്ചു ഇരുന്നു പോയി. . . . . ബാക്കി വായിക്കാൻ ലിങ്ക് ക്ലിക്ക് ചെയ്യൂ 👇 . . . https://aksharacheppuofficial.blogspot.com/2026/08/5.html . . #📝 ഞാൻ എഴുതിയ വരികൾ #👨‍👩‍👧‍👦 കുടുംബം #💞 പ്രണയകഥകൾ #📙 നോവൽ #📔 കഥ