#soulmates 22 തലേന്നത്തെ മാനസികവിഷമങ്ങളിൽ നിന്നും ഒന്ന് മാറാൻ വേണ്ടി ആദി തന്റെ വണ്ടിയുമെടുത്ത് നഗരത്തിലേക്ക് ഇറങ്ങിയതായിരുന്നു. തണുത്ത കാറ്റ് മുഖത്തടിച്ചപ്പോൾ മനസ്സ് അല്പം ശാന്തമായതുപോലെ അവന് തോന്നി.  നഗരത്തിലെ തിരക്കേറിയ ഒരു ജംഗ്ഷനിലെ ട്രാഫിക് സിഗ്നലിൽ അവൻ ബൈക്ക് നിർത്തി. ചുമ്മാ ചുറ്റും നോക്കുന്നതിനിടയിലാണ് തൊട്ടുമുന്നിലെ കാറിലെ യാത്രക്കാരനിലേക്ക് അവന്റെ കണ്ണുകൾ എത്തിയത്. അപ്രതീക്ഷിതമായി അവനെ വീണ്ടും കണ്ടതും ആദിയുടെ ഉള്ളിൽ അവനെപ്പറ്റി അറിയാനുള്ള ആകാംക്ഷ നിറഞ്ഞു. സിഗ്നൽ പച്ചയായതും മുകിൽ വണ്ടിയെടുത്തു. ആദി കൃത്യമായ അകലം പാലിച്ച്, അവൻ അറിയാത്ത രീതിയിൽ പുറകെ നീങ്ങി. മുകിൽ നഗരത്തിലെ തിരക്കിലൂടെ കടന്ന് ഒടുവിൽ ചെന്നുനിന്നത് നഗരത്തിലെ പ്രശസ്തമായ 'ആർട്സ് ആൻഡ് സയൻസ് കോളേജിന്റെ' കൂറ്റൻ ഗേറ്റിന് മുന്നിലായിരുന്നു. മുകിൽ വണ്ടി അകത്തേക്ക് ഓടിച്ചുപോയി പാർക്ക് ചെയ്തു. ആദി വണ്ടി റോഡരികിൽ ഒതുക്കി, അവന് പുറകെ വേഗത്തിൽ ഗേറ്റ് കടക്കാൻ ആഞ്ഞു. എന്നാൽ പെട്ടെന്ന് സെക്യൂരിറ്റി ജീവനക്കാരൻ അവന്റെ മുന്നിലേക്ക് കയറി നിന്നു. "ഹലോ സാർ, വണ്ടിയൊന്ന് ഒതുക്കി നിർത്തൂ." വണ്ടി ഒതുക്കി വന്നപ്പോളേക്ക് ആദിക്ക് മുകിൽ എങ്ങോട്ടാണ് പോയതെന്ന് പിടികിട്ടിയില്ല. അവൻ ദേഷ്യവും നിരാശയും കടിച്ചമർത്തി അവിടെ തന്നെ നിന്നു. അവനെ കൈയെത്തും ദൂരത്ത് കിട്ടിയിട്ടും ഒന്നും ചെയ്യാൻ പറ്റാത്തതിന്റെ ദേഷ്യം അവനെ ഭ്രാന്ത് പിടിപ്പിച്ചു. "ആദിയേട്ടാ..." പെട്ടെന്നാണ് കോളേജ് പാർക്കിങ്ങിൽ നിന്ന് വളരെ പരിചിതമായ ഒരു വിളി ഉയർന്നത്. ആദി പെട്ടെന്ന് തിരിഞ്ഞുനോക്കി. തോളിൽ ഒരു ബാഗും തൂക്കി, മുഖത്ത് വലിയൊരു പുഞ്ചിരിയോടെ ഒരു പെൺകുട്ടി അവന്റെ അടുത്തേക്ക് ഓടി വരുന്നുണ്ടായിരുന്നു. അത്  അവന്റെ കൂട്ടുകാരൻ സ്റ്റീഫന്റെ അനിയത്തി സ്റ്റെഫി ആയിരുന്നു. "സ്റ്റെഫിയോ"  ആദി അത്ഭുതത്തോടെ ചോദിച്ചു. "ഞാൻ ഇവിടെയാ പഠിക്കുന്നത്, ഫൈനൽ ഇയർ ബി.കോം.  ഏട്ടൻ എന്താ ഈ കോളേജിന്റെ മുന്നിൽ? " അവളുടെ നിഷ്കളങ്കമായ ചോദ്യങ്ങൾക്ക് മുന്നിൽ ആദി ഒന്നു മടിച്ചു. ഒരാളെ പിന്തുടർന്ന് വന്നതാണെന്ന് അവളോട് എങ്ങനെ പറയും? പക്ഷേ, ആ നിമിഷത്തിൽ ആദിയുടെ തലയിൽ ഒരു ബുദ്ധി തെളിഞ്ഞു. അവൻ പോയത് ഈ കോളേജിലേക്കാണ്. സ്റ്റെഫി ഇവിടെയാണ് പഠിക്കുന്നത്. അങ്ങനെയെങ്കിൽ അവനെക്കുറിച്ചുള്ള വിവരങ്ങൾ അറിയാൻ ഇതിലും നല്ലൊരു വഴി വേറെയില്ല അവൾക്ക് അറിയാമായിരിക്കാം. ആദിയുടെ മുഖത്തെ ഗൗരവം മാറി, അവിടെ ഒരു പുതിയ പ്രതീക്ഷയുടെ വെളിച്ചം തെളിഞ്ഞു വന്നു. "ഞാൻ ഇവിടെ എന്റെ ഒരു ഫ്രണ്ടിന്റെ ബ്രദർന് അഡ്മിഷന്റെ കാര്യം സംസാരിക്കാൻ." "അതിന് സീറ്റ്‌ ഒക്കെ ഫുൾ ആണെന്ന് തോന്നുന്നു." "ആണല്ലേ " അകത്തു കയറാനുള്ള ആ പ്രതീക്ഷ നഷ്ടപ്പെട്ട വിഷമത്തിൽ ആദി പറഞ്ഞു. "ഇന്ന് ഫ്രഷേഴ്‌സ് ഡേ ആണ്. പ്രോഗ്രാംസ് ഒക്കെ ഉണ്ടാവും. എന്റെ ഒരു പ്രോഗ്രാം ഉണ്ട്. തിരക്കിലെങ്കി കണ്ടിട്ട് പോവാം" "എനിക്ക് അതിന് അകത്തു കേറാൻ പറ്റോ" "ആദിയേട്ടനെ കണ്ടാ ഏതെങ്കിലും സ്റ്റുഡന്റ് ആണെന്ന് വിചാരിച്ചോളും. എന്തായാലും ഇവിടെ വരെ വന്നതല്ലേ.. പ്ലീസ് " ആദിക്കും അതൊരു നല്ല ഐഡിയ ആയിട്ട് തോന്നി. അവനെപ്പറ്റി എന്തെങ്കിലും ഐഡിയ കിട്ടിയാൽ പിന്നെ എങ്ങനെ വേണമെങ്കിലും അന്വേഷിക്കാമല്ലോ.... "ഓക്കേ " അവൻ സമ്മതം മൂളിയതും സ്റ്റെഫിക്ക് സന്തോഷം ആയി. അവൾ അവനെ ഓഡിറ്റോറിയത്തിലേക്ക് കൊണ്ട് പോയി. അവളുടെ ഫ്രണ്ട്സിനൊക്കെ അവനെ പരിചയപ്പെടുത്തിയതിനു ശേഷം അവരുടെ കൂടെ അവനെ ഇരുത്തിയിട്ട് അവൾ മറ്റൊരു കൂട്ടുകാരിയുടെ കൂടെ ഡ്രസ്സ് മാറാനും മേക്കപ്പ് ചെയ്യാനുമൊക്കെയായിട്ട് പോയി. ആദി ഫോണും എടുത്ത് ഇപ്പോൾ വരാമെന്ന് പറഞ്ഞ് കോളേജ് മുഴുവൻ മുകിലിനെ തിരഞ്ഞ് നടക്കാൻ തുടങ്ങി. ലൈബ്രറിയും ക്യാന്റീനും വാഷ്റൂമും ഉൾപ്പടെ എല്ലായിടവും നോക്കിയെങ്കിലും അവിടെങ്ങും അവനു മുകിലിനെ കണ്ടെത്താനായില്ല.  ഓഡിറ്റോറിയത്തിൽ  പരിപാടികൾക്ക് തുടക്കമായി. പ്രിൻസിപ്പാളിന്റെ ശബ്ദം സ്പീക്കറിലൂടെ അവിടെ മുഴങ്ങി കേട്ടു കൊണ്ടിരുന്നു. അതിനു ശേഷം ആദ്യത്തെ ഡാൻസ് പ്രോഗ്രാം സ്റ്റെഫിയുടെയും ടീമിന്റെയും ആയിരുന്നു. അന്നൗൺസ്‌മെറ്റ് കേട്ട് അവൻ തിരികെ അവിടേക്ക് വന്നു. കർട്ടൻ പൊങ്ങി. ✍🏻asra #📝 ഞാൻ എഴുതിയ വരികൾ #😍 ആദ്യ പ്രണയം #💌 പ്രണയം #💞 പ്രണയകഥകൾ #👩 Sisters Love