അയാൾ എനിക്ക് ആരായിരുന്നു എന്ന് ഇന്നും അറിയില്ല… ഒരു സുഹൃത്തായിരുന്നോ, ഒരു ഇഷ്ടമായിരുന്നോ, അല്ലെങ്കിൽ പേരിടാൻ പോലും കഴിയാത്തൊരു ബന്ധമായിരുന്നോ… ഒന്നും വ്യക്തമായിരുന്നില്ല. പക്ഷേ അയാളോട് സംസാരിച്ചിരുന്ന ഓരോ നിമിഷവും എന്റെ മനസ്സിൽ എവിടെയോ ഒരു ചെറിയ സന്തോഷം ഉണ്ടാക്കിയിരുന്നു. പതിയെ ആ സംസാരങ്ങൾ ശീലമായി, കാത്തിരിപ്പുകൾ പതിവായി, അയാളുടെ ഒരു മെസ്സേജ് പോലും ഒരു ദിവസത്തെ മാറ്റിമറിക്കുന്നതുപോലെയായി. ഒരുപക്ഷേ അതൊന്നും അയാൾ അറിഞ്ഞിരുന്നില്ല. പിന്നെ അകലാൻ അയാൾ തന്നെ ഒരു കാരണം നേരത്തെ കണ്ടെത്തി. ഞാൻ ഒന്നും ചോദിച്ചില്ല… പിടിച്ചുനിർത്താനും ശ്രമിച്ചില്ല. കാരണം ഒരാൾക്ക് പോകണമെന്ന് തോന്നുമ്പോൾ നമ്മുടെ സ്നേഹത്തിന് പോലും അയാളെ അവിടെ നിർത്താൻ കഴിയില്ലല്ലോ. ഇന്ന് തിരിഞ്ഞുനോക്കുമ്പോൾ പരാതിയൊന്നുമില്ല, പിണക്കവുമില്ല. അയാൾ എന്റെ ജീവിതത്തിൽ വന്നത് ഒരു തെറ്റായിരുന്നെന്ന് ഒരിക്കലും കരുതില്ല. കുറച്ചു നല്ല നിമിഷങ്ങൾ തന്നതിനും, ഒരിക്കൽ എങ്കിലും എന്നെ സന്തോഷിപ്പിച്ചതിനും മനസ്സിൽ ഒരു നന്ദി മാത്രം. ഇനി നമ്മൾ തമ്മിൽ ഒന്നും പഴയതുപോലെ ആയിരിക്കണമെന്നില്ല. ഓർമ്മകൾ മാത്രം അവശേഷിച്ചാലും മതി. അയാൾ എവിടെയായാലും, ആരോടൊപ്പമായാലും, ജീവിതത്തിൽ നല്ലത് മാത്രം വരട്ടെ. കാരണം ചിലരെ നമ്മൾ സ്വന്തമാക്കാൻ കഴിയില്ല… പക്ഷേ അവർ നൽകിയ ഓർമ്മകളെ മനസ്സിൽ നല്ലതായിത്തന്നെ സൂക്ഷിക്കാം. അയാൾ എനിക്ക് ആരായിരുന്നു എന്നറിയില്ല, പക്ഷേ ഒരിക്കൽ അയാൾ എന്റെ മനസ്സിൽ പ്രധാനപ്പെട്ട ഒരാളായിരുന്നു… ❤️‍🩹🌿🌿🌿 #📝 ഞാൻ എഴുതിയ വരികൾ #💞 പ്രണയകഥകൾ