📱 మొబైల్ — వరమా? శాపమా? మొబైల్… 21వ శతాబ్దపు వినూత్న ఆవిష్కరణ. మొదట్లో కేవలం కమ్యూనికేషన్ కోసం ఉపయోగపడిన ఈ చిన్న పరికరం, ఇప్పుడు ఒక వ్యక్తికి పూర్తి ప్రపంచంగా మారిపోయింది. వాచ్‌ను పక్కన పెట్టేశాం… క్యాలెండర్‌ను పక్కన పెట్టేశాం… సినిమా హాల్‌కు వెళ్లి సినిమా చూడటం తగ్గించేశాం. ఒకప్పుడు మన జీవితంలో భాగమైన ఎన్నో వినోద సాధనాలను ఈ ఒక్క మొబైల్ భర్తీ చేసేసింది. కానీ… ఈ సౌకర్యం వెనుక దాగి ఉన్న ప్రమాదాలను మనం గమనిస్తున్నామా? నిన్న ముగ్గురు 25 ఏళ్ల లోపు కుర్రాళ్లు ఒకే బైక్‌పై వెళ్తున్నారు. ఒకడు చాలా వేగంగా బైక్ నడుపుతున్నాడు. మిగిలిన ఇద్దరూ మొబైల్ చూస్తున్నారు. అదీ రద్దీగా ఉన్న ట్రాఫిక్‌లో! బైక్ నడుపుతూ ఫోన్ రావడంతో అదే వేగంలో కాల్ మాట్లాడుతున్నవారిని మనం ఎన్నిసార్లు చూడలేదు? ఇక WhatsApp, Facebook, Instagram… కమ్యూనికేషన్‌ను ఎంత సులభం చేశాయో మనకు తెలుసు. కానీ ఇదే మొబైల్ ఇప్పుడు అనవసర పరిచయాలకు, unwanted chatting‌కు, వివాహేతర సంబంధాలకు, అనుమానాలకు, కుటుంబ కలహాలకు కూడా ఒక సాధనంగా మారుతోంది. భార్యాభర్తల మధ్య చిన్న చిన్న మనస్పర్థలను మొబైల్ ఫ్రెండ్‌తో పంచుకోవడం… అక్కడ ఓదార్పు పొందడం… చివరికి జీవిత భాగస్వామినే శత్రువుగా భావించడం కూడా చూస్తున్నాం. చాట్ హిస్టరీని రహస్యంగా తెలుసుకోవడం, అనుమానాలు పెంచుకోవడం, ఆ విషయాలను స్నేహితులతో పంచుకోవడం… చివరికి అదే విషయం అందరికీ తెలిసిపోవడం—ఇవన్నీ మన చుట్టూ జరుగుతున్నాయి. ఇవన్నింటికంటే భయంకరమైన విషయం ఏమిటంటే, పిల్లలపై లైంగిక నేరాలకు ముందు అశ్లీల కంటెంట్‌ను వెతికిన సంఘటనలు కూడా దర్యాప్తుల్లో బయటపడుతున్నాయి. మొబైల్ ఒక్కటే ప్రమాదాలకు, విడాకులకు, కుటుంబ కలహాలకు కారణం అని చెప్పడం అతిశయోక్తి కావచ్చు. కానీ దాని దుర్వినియోగం కూడా ఒక ముఖ్యమైన కారణంగా మారుతోందనేది మాత్రం నిజం. ఇంకో ఆలోచించాల్సిన విషయం… ఈ గాడ్జెట్ ప్రపంచంలో పూర్తిగా మునిగిపోయిన కొంతమంది యువతకు పెళ్లి, పిల్లలు, కుటుంబం వంటి వాటి ప్రాధాన్యత కూడా తగ్గిపోతుందా? రైలులో… బస్సులో… ఇంట్లో… మన పక్కన ఉన్న మనిషి ఏం చేస్తున్నాడో కూడా చూడకుండా, మనం మన మొబైల్ ప్రపంచంలో మునిగిపోతున్నాం. అందుకే… మొబైల్ డిటాక్స్ అవసరం. వీలైనంత వరకు స్క్రీన్ టైమ్ తగ్గించుకుందాం. మొబైల్‌ను అవసరానికి మాత్రమే ఉపయోగిద్దాం. ఉపయోగకరమైన సమాచారాన్ని తెలుసుకుందాం. ఆపదలో ఉన్నవారికి సహాయం చేయడానికి టెక్నాలజీని ఉపయోగిద్దాం. టెక్నాలజీ మన జీవితాన్ని నడపకూడదు… మన జీవితాన్ని సులభతరం చేయడానికి టెక్నాలజీని మనం ఉపయోగించాలి. 📱 మొబైల్ మన చేతిలో ఉండాలి… మనం మొబైల్ చేతిలో ఉండకూడదు. ❤️ #yes it's true 💯% #💗నా మనస్సు లోని మాట #😃మంచి మాటలు #తెలుసుకుందాం #mobile