பெண்கள் கட்டாயம் சாப்பிட வேண்டிய உளுத்தம்மா உருண்டை தோல் நீக்காத கறுப்பு முழு உளுந்து மற்றும் புழுங்கல் அரிசியை சம அளவில் எடுத்துக் கொள்ளவும். உ+ம் புழுங்கல் அரிசி 3 பேணி உளுந்து 3 பேணி உளுந்தை கழுவி காயவைக்கவும். அரிசியைக் கழுவி தண்ணீரை முற்றிலும் வடித்துவிட்டு அரைமணி நேரம் அப்படியே மூடி வைக்கவும். அரிசி தண்ணீரை உறிஞ்சி உலரும் வரை வைக்கவும். பின்னர் இரண்டையும் தனித்தனியாக வறுத்து ஆறியதும் மில்லில் கொடுத்து அரைக்கவும். குறைந்த அளவில் என்றால் மிக்சியில் அரைத்து அரித்து எடுக்கவும். மா நன்கு ஆறியதும் ஒரு டப்பாவில் பாதுகாத்துவைத்து ஒரு மாதம் வரை பயன்படுத்தலாம். உருண்டை செய்முறை: தேவையான அளவு மாவை பாத்திரத்தில் போட்டு தேங்காய்ப்பூ, சீனி ( சர்க்கரை, பனங்கட்டி) உப்புச் சேர்த்து கொஞ்சம் கொஞ்சமாக சுடுதண்ணீர் சேர்த்து குழைத்து உருண்டைகளாக்கி தேநீருடன் பரிமாறவும். பி.கு. முடிந்தவரை தோல் நீக்காத உளுந்தையே பயன்படுத்தவும். கறுப்பு உளுந்து பெண்களின் இடுப்பு எலும்புகளையும் கர்ப்பப்பையையும் வலுப்படுத்தும். #🏋🏼‍♂️ஆரோக்கியம் #🌱 இயற்கை மருத்துவம் #💪Health டிப்ஸ் #🍃வீட்டு ஆயுர்வேத குறிப்புகள் #🌿ஆயுர்வேத பொருட்கள்