മിഴിയിൽ നിന്നും മിഴിയിലേക്ക് ✨♥️ ​(ഭാഗം - 8) ബാൽക്കണിയിൽ നിന്ന് ചാടി കിതച്ചുകൊണ്ട് കാറിനടുത്തേക്ക് എത്തുന്ന ധീരജിനെ കണ്ട് അമീനും അജയും ഞെട്ടിപ്പോകുന്നു. അവന്റെ ഷർട്ട് ചോരയിൽ നനഞ്ഞിരുന്നു. 'ഡാ ധീരജേ... ഇതെന്ത് പറ്റി? റോഷൻ കണ്ടോ നിന്നെ? ' അജയ് അവനോടായി ചോദിച്ചു. 'ഇല്ല... ഇത് റോഷൻ ചെയ്തതല്ല... റിയ ചെയ്തതാ.' 'എന്ത്? റിയയോ? അവൾക്ക് എങ്ങനെ അതിനു കഴിഞ്ഞു?' അമീൻ വിശ്വസിക്കാനാവാതെ ചോദിച്ചു. ധീരജ് കാര്യങ്ങൾ പറയുമ്പോൾ അവർക്ക് വിശ്വസിക്കാൻ കഴിഞ്ഞില്ല. ​'മതിയെടാ! ഇത്രയും കാലം നീ അവളുടെ പുറകെ നടന്നു. അവസാനം നിന്റെ ജീവൻ എടുക്കാൻ വരെ അവൾ തയ്യാറായ സ്ഥിതിക്ക് ഇനി ആ വഴിക്ക് നീ പോകരുത്. ' അമീൻ ദേഷ്യത്തോടെ പറഞ്ഞു 'എനിക്ക് സത്യാവസ്ഥ അറിയണം.. ഞാൻ അല്ല അവളുടെ പുറകെ പോയത്.. അവൾ ആണ് സ്നേഹം നടിച്ച് എന്റെ പുറകെ വന്നത്. ഞാൻ ഒഴിഞ്ഞു മാറിയിട്ടും അവൾ എന്റെ പുറകെ വന്നു. എന്റെ സ്നേഹം നേടി എടുത്തു. ഇപ്പോൾ അവൾ...' ധീരജിന് വാക്കുകൾ മുഴുവിക്കാൻ സാധിച്ചില്ല.. അതേസമയം നിധിയുടെ വീട്ടിൽ 🏡 ജനലിലൂടെ പുറത്തെ ഇരുട്ടിലേക്ക് നോക്കി നിൽക്കുമ്പോൾ നിധിയുടെ ഉള്ളിൽ വിഷ്ണുവിന്റെ വാക്കുകൾ മുഴങ്ങുന്നുണ്ടായിരുന്നു. 'നിന്റെ ജീവിതം ഇനി മുതൽ നരകമാകും...' ഓരോ നിമിഷവും മരണത്തോടടുക്കുന്ന ഒരു ഇരയെപ്പോലെ അവൾ തളർന്നിരുന്നു. രക്ഷപ്പെടാൻ ഒരു വഴിയുമില്ല. വീട്ടുമുറ്റത്ത് പന്തൽ ഇടാനുള്ള സാധനങ്ങൾ എത്തിത്തുടങ്ങി. സന്തോഷം നിറയേണ്ട വീട് പക്ഷേ അവൾക്ക് ഒരു ശ്മശാനം പോലെ തോന്നി. പിറ്റേന്ന് രാവിലെ... ☀️ കല്യാണത്തിന് ഇനി വെറും രണ്ട് ദിവസം. നിധിയുടെ വീട്ടിൽ ആകെ തിരക്കായിരുന്നു. ബന്ധുക്കളെല്ലാം എത്തിക്കഴിഞ്ഞു. നിധി തന്റെ മുറിക്കുള്ളിൽ അടച്ചിരിക്കുകയാണ്. ഭക്ഷണം കഴിക്കാൻ പോലും അവൾക്ക് കഴിഞ്ഞില്ല. രക്ഷപ്പെടാൻ പല വഴികളും ആലോചിച്ചെങ്കിലും ഒന്നും അവൾക്ക് മുൻപിൽ തെളിഞ്ഞില്ല. 'ഇനി ഒറ്റ വഴിയേ ഉള്ളൂ ധീരജിന്റെ സഹായം തേടാം..' അവൾ അത് ഉറപ്പിച്ചു കൊണ്ട് ധീരജിന്റെ വീട്ടിലേക്ക് പോയി.. ഇതെല്ലാം റോഷന്റെ ആളുകൾ കാണുന്നുണ്ടായിരുന്നു. അവർ അത് റോഷനെ അറിയിച്ചു.നിധി കാളിങ് ബെൽ അമർത്തി. അജയ് വന്ന് വാതിൽ തുറന്നു. 'ധീരജ് എന്തെ...' 'വരൂ...' അജയ് നിധിയെ കൊണ്ട് ധീരജിന്റെ മുറിയിൽ പോയി അവിടെ അമീനും ധീരജും എന്തോ സംസാരിക്കുക ആയിരുന്നു. 'നിധി താൻ എന്താടോ ഇവിടെ?..' 'അത് ധീരജ്.. അയ്യോ കൈയ്ക്ക് എന്ത് പറ്റി..' മറുപടി പറഞ്ഞത് അമീൻ ആണ്. അത് അവൾക്ക് വിശ്വസിക്കാൻ ആയില്ല.. 'പിന്നെ എന്തിനാ ആ കുട്ടി അന്ന് ഇവിടെ വന്ന് ഇത്രയും പ്രശ്നം ഉണ്ടാക്കിയെ?..' നിധി ചോദിച്ചു. അവർ അറിയില്ല എന്ന് പറഞ്ഞു. ' നിധി വന്ന കാര്യം പറഞ്ഞില്ല?...' ധീരജ് അവളോട് ആയി ചോദിച്ചു. 'ധീരജ് എനിക്ക് പേർസണൽ ആയി ഒന്ന് സംസാരിക്കണം.' 'നിങ്ങൾ സംസാരിച്ചോ ഞങ്ങൾ പുറത്ത് പോയി ഉച്ചക്ക് വല്ലോം കഴിക്കാൻ വാങ്ങിട്ട് വരാം...'. അത്രയും പറഞ്ഞ് അമീനും അജയും പുറത്ത് പോയി.നിധി എല്ലാ കാര്യവും ധീരജിനോട് പറഞ്ഞു. ' ഇനി എന്ത് ചെയ്യും നിധി? നാളെ ഒരു ദിവസം കൂടിയേ തനിക്ക് മുൻപിൽ ഉള്ളൂ ' ധീരജ് അവളെ ആശ്വസിപ്പിക്കാൻ തുടങ്ങുമ്പോഴേക്കും റോഷന്റെ ആളുകൾ അകത്തേക്ക് കയറി മുറിയിൽ എത്തി. 'ആരാ നിങ്ങൾ?' ധീരജ് പ്രതിരോധിക്കാൻ നോക്കിയെങ്കിലും ഒരാൾ അവന്റെ തലയുടെ പിന്നിൽ കനത്ത ആയുധം കൊണ്ട് അടിച്ചു. അവൻ ചോരയൊലിപ്പിച്ചു വീണു. നിധി നിലവിളിക്കും മുൻപേ അവളുടെ മൂക്കിൽ ക്ലോറോഫോം മുക്കിയ തുണി അമർന്നു. നിമിഷങ്ങൾക്കുള്ളിൽ അവൾ ഇരുട്ടിലേക്ക് വഴുതി വീണു. 'ബോസ്സ് പറഞ്ഞത് പോലെ ഇഞ്ചക്ഷൻ കൊടുത്തേക്ക്... നാളെ നേരം വെളുക്കാതെ ഇവർ രണ്ടും ഉണരരുത്!' ഗുണ്ടകളിലൊരാൾ പറഞ്ഞു. അവർ രണ്ടുപേർക്കും ബോധം നഷ്ടപ്പെടുത്താനുള്ള വീര്യമേറിയ മരുന്ന് കുത്തിവെച്ചു. ശേഷം, റോഷൻ പ്ലാൻ ചെയ്തത് പോലെ അവരെ ഒരേ കട്ടിലിൽ ബോധമില്ലാത്ത അവസ്ഥയിൽ കിടത്തി. റോഷന്റെ ആളുകൾ ചേർന്ന് അവരുടെ ഫോട്ടോകളും വീഡിയോകളും വിവിധ ആംഗിളുകളിൽ പകർത്തി. ഒരു വലിയ കെണി അവർക്ക് ചുറ്റും മുറുകുകയായിരുന്നു. അതേസമയം, ധീരജിന്റെ അടുത്തേക്ക് വരികയായിരുന്ന അജയിയെയും അമീനെയും റോഷന്റെ മറ്റൊരു സംഘം വഴിയിൽ വെച്ച് തടഞ്ഞു. കനത്ത മർദ്ദനത്തിന് ശേഷം അവരെ കൈകാലുകൾ കെട്ടി ഒരു രഹസ്യ ഗോഡൗണിലേക്ക് മാറ്റി. ​അതേസമയം നിധിയുടെ വീട്ടിൽ... 🏠 വിവാഹവീട് പരിഭ്രാന്തിയിലായി. നിധിയെ കാണാനില്ലെന്ന വാർത്ത കാട്ടുതീ പോലെ പടർന്നു. ഗംഗയും ശിവദാസും തകർന്നുപോയി. എല്ലായിടത്തും അന്വേഷണം നടന്നെങ്കിലും ഒരു തുമ്പും കിട്ടിയില്ല. പിറ്റേന്ന് രാവിലെ... ☀️ സൂര്യപ്രകാശം പരന്നു തുടങ്ങിയപ്പോൾ തന്നെ വിഷ്ണുവും അവന്റെ വീട്ടുകാരും കൂടെ റോഷനും നിധിയുടെ വീട്ടിൽ എത്തി. അവർ പോലീസ് കംപ്ലയിന്റ് കൊടുക്കാം എന്ന് തീരുമാനിച്ചു. അപ്പോഴാണ് വിഷ്ണുവിന്റെ ഫോണിലേക്ക് ചില ഫോട്ടോകൾ സന്ദേശമായി എത്തി. അത് കണ്ട വിഷ്ണുവിന്റെ മുഖത്ത് ക്രൂരമായ ഒരു ചിരി വിരിഞ്ഞു. ' ആരും കംപ്ലയിന്റ് കൊടുക്കണ്ട.. നിധി എവിടെ ഉണ്ടെന്നും ആരുടെ കൂടെ ഉണ്ടെന്നും ഞാൻ അറിഞ്ഞു കഴിഞ്ഞു. അത് ഇനി കൈയ്യോടെ പിടിക്കാൻ പോവാ ഞാൻ ' അത്രയും പറഞ്ഞു വിഷ്ണു ധീരജിന്റെ വീട്ടിലേക്ക് പോയി.പിന്നാലെ നിധിയുടെയും വിഷ്ണുവിന്റെയും കുടുംബാംഗങ്ങളും മറ്റ് ആൾക്കാരും പോയി.വിഷ്ണു ആവേശത്തോടെ വാതിൽ ചവിട്ടിത്തുറന്നു. ബോധം തെളിഞ്ഞു വരുന്ന നിധിയും ധീരജും കാണുന്നത് തങ്ങൾക്ക് ചുറ്റും നിൽക്കുന്ന ആളുകളെ ആണ്. 'കണ്ടോ എല്ലാവരും! വിവാഹത്തിന് തൊട്ടുമുമ്പ് രാത്രി ഇവൾ ആരുടെ കൂടെയാണ് ആഘോഷിച്ചതെന്ന്!' വിഷ്ണുവിന്റെ വാക്കുകൾ കേട്ട് നിധിയുടെ അച്ഛൻ തലയിൽ കൈവെച്ച് താഴെയിരുന്നു. ​ഒരക്ഷരം പോലും മിണ്ടാൻ കഴിയാതെ, നിധിയും ധീരജും വിറച്ചു നിന്നു. റോഷൻ ദൂരെ മാറിനിന്ന് ആ കാഴ്ച കണ്ട് രസിക്കുന്നുണ്ടായിരുന്നു. ' അച്ഛാ അമ്മേ ഞാൻ..' നിധി അവരെ വിളിച്ചെങ്കിലും അവർ അവിടെ നിന്ന് ഇറങ്ങി പോയി.. ' എന്ത് കാണാൻ നിക്കുവാ വിഷ്ണു, വന്നേ നമുക്ക് പോകാം...' വിഷ്ണുവിന്റെ വീട്ടുകാർ അവനെ വിളിച്ചു കൊണ്ട് പോയി.ആളുകളുടെ പരിഹാസവും നോട്ടവും കൊണ്ട് നിധി തളർന്നിരുന്നു.. ഇനി എന്ത് ചെയ്യണം എന്ന് അറിയാതെ ധീരജും ഇരുന്നു. ഇതേ സമയം അജയിയെയും അമീനെയും അവർ മോചിപ്പിച്ചു. (തുടരും) ✏️​എഴുത്തുകാരിയുടെ കുറുപ്പ്🌸: ​പ്രിയ വായനക്കാരെ, ഞാൻ തുടർന്ന് എഴുതണോ?? അതോ വേണ്ടേ?? ഒരാൾ പോലും ഒരു അഭിപ്രായം പോലും പറയുന്നില്ല.... അതുമാത്രം ആണോ ആദ്യ support ഒന്നും നിങ്ങളുടെ ഭാഗത്ത്‌ നിന്ന് ഇപ്പോൾ കിട്ടുന്നില്ല.... 🥲...Daily ഒരു episode വെച്ചിട്ട് ഇടണം എന്നായിരുന്നു plan.. But നിങ്ങളുടെ support ഉം കൂടി ഇല്ലാതെ എനിക്ക് ഒന്നും ചെയ്യാൻ പറ്റില്ല.... 🙂 നിങ്ങൾക്ക് പറ്റുമെങ്കിൽ അഭിപ്രായം comment ആയി ഇടണേ.. കൂടെ ഒന്ന് like ഉം കൂടി ചെയ്യണേ.... 😊♥️ സ്നേഹത്തോടെ,😊 നിങ്ങളുടെ സ്വന്തം എഴുത്തുകാരി.🦋 #💝 ആശംസകള്‍ #❤ സ്നേഹം മാത്രം 🤗 #💞 നിനക്കായ് #💑 സ്നേഹം #📙 നോവൽ