#പാട്ടും തമാശയും ഇഷ്ടം പോലെ.. #🙋‍♀️ എൻ്റെ സ്റ്റാറ്റസുകൾ #📔 കഥ #👌 വൈറൽ വീഡിയോസ് #സ്പെഷ്യൽ സ്റ്റോറീസ് ✍ ദാന ശീലം നല്ലത് ആണ് പക്ഷെ... നല്ല ഉപദേശം

ജുവിയേലിന്റെ കഥ part-2 #🙂 ശുഭദിനം #🌞 ഗുഡ് മോണിംഗ് #💝 ആശംസകള്‍ #😇 ശുഭചിന്ത #📔 കഥ

Journey of Raghavan -16 #ശുഭരാത്രി 😴😴 #💝 ആശംസകള്‍ #🌃 ഗുഡ് നൈറ്റ് #🙋‍♀️ എൻ്റെ സ്റ്റാറ്റസുകൾ #📔 കഥ

മണ്ണാർശാല ശ്രീ നാഗരാജാ ക്ഷേത്രം #മണ്ണാറാശാല നാഗരാജാവ് #നാഗദൈവങ്ങൾ🙏നാഗരാജാവ് #🙏നാഗരാജാവ് #കാവൽ നാഗം. #📔 കഥ

ജുവിയേലിന്റെ കഥ -56 (part-1) #🌞 ഗുഡ് മോണിംഗ് #🙂 ശുഭദിനം #💝 ആശംസകള്‍ #😇 ശുഭചിന്ത #📔 കഥ

#📙 നോവൽ #📔 കഥ #💞 പ്രണയകഥകൾ MY DOCTOR ❤️35 ആ രാത്രി ബൈക്കെടുത്തു സിറി പോയത് വൈശാഖിന്റെ വീട്ടിലേക്കായിരുന്നു. അവന്റെ വീടിന്റെ താഴെയെത്തി ഫോണിൽ വിളിച്ചതും വൈശാഖ് വന്നു ഡോർ തുറന്നു. കോളേജിലേക്കിട്ട അതെ വസ്ത്രത്തിൽ ക്ഷീണിച്ച മുഖത്തോടെ വിഷാദഭാവത്തിൽ നിൽക്കുന്ന സിറിയെ കണ്ടപ്പോഴേ നല്ലതല്ലാത്ത എന്തോ നടന്നിട്ടുണ്ടെന്നു വൈശാഖിനു മനസിലായി. കുറച്ചു മുന്നേ അഞ്ചു എന്റെ കൂടെ വീട്ടിലേക്ക് വരുന്നുണ്ടെടാ എന്നും പറഞ്ഞു മെസ്സേജ് അയച്ചിട്ടവനാണിപ്പോൾ ഇങ്ങനെ വന്ന് നിൽക്കുന്നത്. "എന്താടാ..... എന്ത് പറ്റി?" സിറിയെ നോക്കി ആവലാതിയോടെ വൈശാഖ് ചോദിച്ചു. സിറി ഒന്നും മിണ്ടാതെ വേഗത്തിൽ അവനെ പുണർന്നു. വൈശാഖിന്റെ നെഞ്ചിടിച്ചു. കാര്യമായിട്ടെന്തോ ഉണ്ടെന്ന് അവനു തീർച്ചയായി. "വാ....." സിറിയുടെ തോളിൽ കയ്യിട്ട് വൈശാഖ് അവനെ അകത്തേക്ക് കൊണ്ട് പോയി. അവനെ സോഫയിൽ ഇരുത്തി അകത്തു പോയി തണുത്ത വെള്ളത്തിന്റെ ഒരു കുപ്പിയുമായി വൈശാഖ് വന്നു അത് സിറിക്ക് നേരെ നീട്ടി. സിറിയത് വാങ്ങി ആർത്തിയോടെ മുഴുവനും കുടിച്ചു തീർത്തു. " പ്രശ്നം എന്താന്ന് പറയെടാ.... നിന്നെ ഇങ്ങനെ കാണുമ്പോൾ പേടിയാകുന്നു. "  തളർച്ചയോടെ വൈശാഖ് പറഞ്ഞു. കുറച്ചു നേരത്തെ മൗനത്തിനു ശേഷം സിറി പറഞ്ഞു തുടങ്ങിയ കാര്യങ്ങൾ കേട്ട് തലക്ക് അടി കിട്ടിയ പോലെ വൈശാഖ് ഇരുന്നു പോയി. എല്ലാം പറഞ്ഞു തീർത്തു നിസ്സഹായതയോടെ തല കുനിച്ചിരിക്കുന്നവനോട് എന്ത് പറയണമെന്ന് വൈശാഖിന് അറിയുന്നുണ്ടായിരുന്നില്ല. ഒന്നും മിണ്ടാതെയവർ അവിടിരുന്നു. " എന്തിനു വേണ്ടിയും ഞാൻ എന്റെ അപ്പനെ വിഷമിപ്പിക്കില്ലെടാ...... പക്ഷെ ഈ ഹാർട്ട്‌ ബ്രേക്ക്‌ എങ്ങനെ അതിജീവിക്കണം എന്നെനിക്ക് മനസ്സിലാവുന്നില്ല. " നെറ്റിയിൽ കൈത്താങ്ങി ഇരുന്ന് സിറി പറഞ്ഞു. " വാ വന്നു ഫ്രഷ് ആയി എന്തേലും കഴിക്ക്. എന്നിട്ട് നാളെ നമുക്ക് സംസാരിക്കാം. " അതിനൊരു മറുപടി പറയാതെ വൈശാഖ് അവനെ പിടിച്ചെണീപ്പിച്ചു. സിറി എണീറ്റു. അത് തന്നെയാണ് നല്ലതെന്നവന് തോന്നി. ഒരുറക്കം കഴിഞ്ഞാൽ ഒരുപക്ഷെ കുറച്ചു ആശ്വാസം കിട്ടിയേക്കും. " ഞാൻ ഫ്രഷ് ആയി കിടന്നോളാം. ഫുഡ്‌ വെണ്ട. വിശപ്പില്ല..... " സിറി പറഞ്ഞതിന് എതിർപ്പൊന്നും പറയാതെ വൈശാഖ് തലയാട്ടി. ഈ നേരം അവന്റെ കംഫർട് എന്താണോ അത് ചെയ്യട്ടെ എന്നാണ് അവനോർത്തത്. സിറി ഫോൺ എടുത്തു നോക്കി. ഏഥന്റെ കുറെ  മിസ്സ്ഡ് കാൾസ് ഉണ്ടായിരുന്നു. വാട്സാപ്പ് എടുത്ത് വൈശാഖിന്റെ വീട്ടിൽ ഉണ്ടെന്ന് ഏഥന് മെസ്സേജ് അയച്ചിട്ട് സിറി ഫോൺ പോക്കറ്റിലേക്കിട്ട് വൈശാഖിന്റെ റൂമിലേക്ക് പോയി. അസ്വസ്തമായ മനസിനെ കണ്ട്രോൾ ചെയ്യാൻ പാടുപെടുന്നുണ്ടെങ്കിലും എല്ലാം നന്നായി നടക്കണേ എന്നവൻ ആത്മാർത്ഥമായി തന്നെ ആഗ്രഹിക്കുന്നുണ്ടായിരുന്നു. ***************** മുഖത്തേക്ക് പ്രകാശം അടിക്കുന്നതിന്റെ അസ്വസ്ഥതയോടെ അഞ്ചു കണ്ണുകൾ പതുക്കെ തുറന്നു. ഗ്ലാസ്‌ ജനൽ മറച്ചിട്ട വെള്ള കർട്ടൻ കുറിച്ചിട്ട ഫാനിന്റെ കാറ്റിൽ പാറി നീങ്ങുന്നതിന്റെ ബാക്കി എന്നോണം സൂര്യപ്രകാശം അകത്തേക്ക് വരുന്നുണ്ടായിരുന്നു. അവളൊന്ന് പുഞ്ചിരിച്ചു. നല്ലൊരു ഉറക്കം കഴിഞ്ഞതിന്റെ എല്ലാ ഉന്മേഷവും അഞ്ജുവിന് തോന്നി. എണീക്കാൻ ശ്രമിച്ചപ്പോഴാണ് ഒരു ബലിഷ്ഠമായ കൈ തന്റെ ഉദരത്തെ വലയം ചെയ്തു കിടക്കുകയാണെന്നവൾക്ക് മനസ്സിലാകുന്നത്. അഞ്ചു വിറച്ചു പോയി പിൻ കഴുത്തിൽ പതിയുന്ന ചൂട് നിശ്വാസവും അവളന്നേരം തിരിച്ചറിഞ്ഞു. അഞ്ചു വെപ്രാളപ്പെട്ടു തല ചരിച്ചു പുറകിലേക്ക് നോക്കി. അവളെ പുറകിൽ നിന്നും പുണർന്നു അഴിഞ്ഞു കിടക്കുന്ന ആ മുടിയിഴകൾക്കുള്ളിലൂടെ പിൻകഴുത്തിലേക്ക് മുഖം പൂഴ്ത്തി ഏഥൻ സുഖമായങ്ങനെ ഉറങ്ങുകയാണ്.  ഏഥൻ തലേന്ന് കിടന്നിടത് തന്നെയാണ് ഇപ്പോഴും കിടക്കുന്നത് പക്ഷെ കട്ടിലിന്റെ മറ്റേ അറ്റത്തു കിടന്നിരുന്ന അഞ്ചു ഇപ്പോൾ കിടക്കുന്നത് ഏഥന്റെ തൊട്ടടുത്താണ്. താൻ ആണ് നീങ്ങി ഇവിടെയെത്തിയതെന്ന് അവൾക്ക് ഉറപ്പായി. പണ്ടുമുതൽക്കെ കിടന്നിടത് നിന്നും തന്നെ എണീറ്റ ചരിത്രം തനിക്കില്ലല്ലോ . അഞ്ചു എന്ത് ചെയ്യണമെന്നറിയാതെ കുഴങ്ങി. ആ കൈ എടുത്തിടാൻ അവളൊന്ന് ശ്രമിച്ചു നോക്കി. പക്ഷെ  പുണരുന്നതിന്റെ മുറുക്കം കൂടിയതല്ലാതെ മറ്റൊന്നും നടന്നില്ല.  പെട്ടന്ന് ഏഥൻ ഒന്ന് കുറുകി ഒന്നു കൂടെ അവളോട് ചേർന്ന് കിടന്നു.  അഞ്ജുവിന്റെ ഹൃദയം ശക്തമായി ഇടിച്ചു. ഇനിയും ഇങ്ങനെ കിടന്നാൽ ശരിയാവില്ലെന്ന് തോന്നി സകല ശക്തിയുമെടുത്തവൾ കുതറി നീങ്ങി. ആ കയ്യിൽ നിന്നും മോചിതയായി നീങ്ങി കിടന്നതും ഏഥൻ ഞെട്ടലോടെ കണ്ണുകൾ തുറന്നു . ഏഥൻ അഞ്ജുവിനെ മിഴിച്ചു നോക്കി. അവൾ ഒന്നും പറഞ്ഞില്ല.  " ഗുഡ് മോർണിംഗ്...." ഉറക്കം എണീറ്റുടനെയുള്ള ഹസ്‌കി വോയ്‌സിൽ ഏഥൻ പറഞ്ഞു.  അഞ്ചു ഉമിനീരിറക്കി പോയി. ഹോട്ട് എന്നൊക്കെ പറഞ്ഞാൽ കുറഞ്ഞു പോവും. അത്രത്തോളം ബ്യൂട്ടി ആയിരുന്നു ഏഥനെ ആ നേരം കാണാൻ. അവനിത്രനേരം തന്നെ കെട്ടിപിടിച്ചു കിടക്കുകയായിരുന്നെന്ന യാതൊരു ഭാവവും ഏഥനില്ലാത്തത് അഞ്ജുവിനെ കുറച്ചു അതിശയപെടുത്തി .  ഇരുവരും പരസ്പരം മുഖത്തോട് മുഖം നോക്കി കട്ടിലിന്റെ രണ്ടറ്റത്തായി അതേ കിടപ്പ് കിടന്നു. ഉറക്കം ഉണർന്ന് ആകെ അലങ്കോലമായി ഇരിക്കുന്ന അഞ്ജുവിനെ കാണും തോറും തന്റെ ഉള്ളിലുള്ള ചിന്തകൾ അതിന്റെ മറ്റു തലങ്ങളിലേക്ക് പോകുന്നതവന് വ്യക്തമായി മനസിലാവുന്നുണ്ടായിരുന്നു.  " എനിക്ക് അങ്ങനൊരു past ഇല്ലാതിരുന്നെങ്കിൽ എന്ന് ആദ്യമായി ഞാൻ ചിന്തിച്ചു പോവുകയാണ് അഞ്ചു....." ഒരു വേദനയോടെ ഏഥൻ പറഞ്ഞു.  " why? "  " ഇപ്പോൾ എന്തിനേക്കാളും നീയെന്നെ ഭ്രാന്തു പിടിപ്പിക്കുന്നു ..."   " ഞാനോ സിറിയോ എന്നൊരു സിറ്റുവേഷൻ വന്നാൽ ഏഥൻ എന്ത് ചെയ്യും ? " അഞ്ചു ശാന്തമായ ഭാവത്തിൽ ചോദിച്ച ചോദ്യം കേട്ടതും ഏഥൻ ഒന്ന് ഞെട്ടി. എങ്കിലും അവൻ പുഞ്ചിരിച്ചു. " തീർച്ചയായും ഞാൻ എന്റെ മകനെ തിരഞ്ഞെടുക്കും..... പക്ഷെ ഇത്രകാലം ജീവിച്ചത് പോലെ ഞാൻ ഇനിയും ഒറ്റക്ക് ജീവിക്കും . ഇത് വരെ ഓർമകളിൽ സൂക്ഷിക്കാൻ പോലും എനിക്കൊരു മുഖമുണ്ടായിരുന്നില്ലല്ലോ പക്ഷെ ഇനിയങ്ങോട്ട് അങ്ങനൊന്നുണ്ട്. ആ ചിന്തകൾ എനിക്കൊരു പുതിയ ഊർജം നൽകുന്നുണ്ട്......"  അഞ്ചു ഒന്നും പറയാതെ കിടക്കയിൽ നിന്നെണീറ്റു. അവളുടെ ഉള്ളിൽ എന്താണെന്ന് ഏഥനു ഒരു ധാരണയും കിട്ടിയില്ല.  അഞ്ചു നേരെ ബാത്റൂമിലേക്ക് കയറി. ഏഥനും എണീറ്റു. ക്ലോക്കിലേക്ക് നോക്കിയ ഏഥൻ ഞെട്ടി പോയി സമയം 9 മണി കഴിഞ്ഞിട്ടുണ്ട്. എത്രയോ വർഷങ്ങളായി 6 മണിക്ക് മുന്നേ എണീക്കാറുള്ളതായിരുന്നു ഏഥൻ. ഇന്ന് ഇത്രയും നേരം കിടന്നുറങ്ങിയതിൽ അവൻ അതിശയിച്ചു പോയി.  ഫോൺ എടുത്തു നോക്കിയപ്പോൾ സീമേച്ചിയുടെയും ഹോസ്പിറ്റലിൽ നിന്നുള്ളതുമായ ഒരുപാടു മിസ്സ്ഡ്കാളുകൾ കിടപ്പുണ്ടായിരുന്നു. സീമേച്ചി വന്നു കാണണം .  വാതിൽ തുറക്കുന്നത് കാണാഞ്ഞു തിരിച്ചു പോയി കാണും. ജീവിതത്തിൽ വർക്കിന് കേറിയിട്ട് ആദ്യമായിട്ടാണ് ലേറ്റ് ആയതിന് ഹോസ്പിറ്റലിൽ നിന്നും വിളിക്കുന്നത്. ആദ്യം സീമേച്ചിയെ വിളിച്ചു വരേണ്ടെന്ന് പറഞ്ഞു. പിന്നെ ഹോസ്പിറ്റലിൽ വിളിച്ചു ലീവും പറഞ്ഞു. ഇന്ന് ഹോസ്പിറ്റലിൽ പോയാൽ മനസമാധാനത്തോടെ ജോലി ചെയ്യാൻ കഴിയില്ലെന്നവന് ഉറപ്പാണ്. ഈയൊരു  ദിവസം  എന്തൊക്കെയോ കാര്യങ്ങളിൽ കാര്യമായ മാറ്റങ്ങൾ വന്നു എന്നോർത്തു ഏഥൻ വാതിൽ തുറന്നു പുറത്തിറങ്ങി. മുൻവാതിലും തുറന്നു സിറ്റ്ഔട്ടിലേക്ക് ചെന്നു. മുറ്റത്തു കിടക്കുന്ന പത്രം എടുത്തു ഉമ്മറത്തേക്ക് വച്ചു. ടീഷർട്ട് ഊരി മുറ്റത്തിട്ടിരിക്കുന്ന ഒരു ചെയറിലേക്ക് ഇട്ട് ബോഡി മുഴുവനായി ഒന്ന് സ്ട്രെച്ച് ചെയ്തു. ബലിഷ്ടമായ ആ ശരീരത്തിലേക്ക് അധികം ചൂടില്ലാത്ത സ്വർണവർണമുള്ള വെയിലടിച്ചു.  മുറ്റത്തുള്ള മാവിൽ നിന്നും മാവിലയും മാങ്ങയും നിലം മുഴുവൻ കൊഴിഞ്ഞു കിടക്കുകയായിരുന്നു. അതിനൊരു പ്രത്യേക ഭംഗിയുണ്ടെന്നവന് തോന്നി. മുറ്റത്തിന്റെ സൈഡിലുള്ള ചെറിയ ഗാർഡനിൽ പല വിലകൂടിയ ചെടികളിലും പൂക്കൾ വിരിഞ്ഞു നിൽക്കുന്നു. ഗേറ്റിനു സൈഡിലായുള്ള പലനിറത്തിലുള്ള കടലാസ് പൂക്കളും പുതിയ പുലരിക്ക് പല വർണങ്ങൾ നൽകി പൂത്തു വിടർന്ന് ആരെയും ആകർഷിക്കും വിധം അങ്ങനെ നിൽക്കുകയാണ് . എല്ലാം ആദ്യമായി കാണുന്ന പോലെ ഏഥൻ സസൂക്ഷ്മം വീക്ഷിച്ചു. മനസിപ്പോൾ അതിന്റെ ഏറ്റവും ശാന്തമായ അവസ്ഥയിലായിരുന്നു . ആരോടും ഒരു രഹസ്യങ്ങളുമില്ലാതെ ശൂന്യമാണിപ്പോൾ . ആ ശൂന്യത തരുന്നൊരു ശാന്തത.... ഓരോന്നോർത്തു കുറച്ചു നേരം മുറ്റത്തൂടെ ഏഥൻ നടന്നു. അതിനു ശേഷം നേരെ അകത്തേക്ക് കയറി.  ടോയ്‌ലെറ്റിൽ പോയി, അവിടിരിക്കുന്ന പുതിയ ബ്രഷ് പാക്കറ്റ് ഒന്ന് പൊട്ടിച്ചു പല്ല് തേച്ചു മുഖവും കഴുകി അഞ്ചു പുറത്തിറങ്ങി. ഏഥൻ പുറത്തു പോയെന്നവൾക്ക് മനസിലായി. ടേബിളിൽ ഇരിക്കുന്ന ബാഗ് തുറന്ന് അതിൽ നിന്നും ഫോൺ എടുത്തു. ആരുടെയൊക്കെയോ മിസ്സ്ഡ് കാൾ ഉണ്ട്. ഐഷുവിന്റെതാണ് കൂടുതൽ. തിരിച്ചടിക്കാൻ തുനിഞ്ഞെങ്കിലും അഞ്ചു വേണ്ടെന്ന് വച്ചു. അതവളോടുള്ള ദേഷ്യം കൊണ്ടോ പരിഭവം കൊണ്ടോ അല്ല. അതൊന്നും ഇപ്പോൾ മനസിൽ പോലുമില്ല . നേരിട്ട് കണ്ടു സംസാരിക്കുന്നതായിരിക്കും നല്ലതെന്നവൾക്ക് തോന്നി.  ക്ലാസ് ഗ്രൂപ്പിലെ ചർച്ച മുഴുവൻ ഇന്നലത്തെ ഇഷ്യൂ ആണ്. ഓരോരുത്തരുടേയും അഭിപ്രായങ്ങൾ വായിച്ചവൾക് ഭ്രാന്തു പിടിച്ചു. അമ്മയെ തല്ലിയാലും രണ്ടു വശം എന്നത് പോലെ അഞ്ജുവിനൊപ്പം നിൽക്കുന്നവരും അവളെ എതിർക്കുന്നവരും രാത്രി മൊത്തം അതിൽ തർക്കിച്ചു തകർത്തിരുന്നു.  ലോകത്തിന്റെ ഏതോ ഒരു മൂലയിൽ ആർക്കും ഒരു സംസാരത്തിനും ഇടകൊടുക്കാതെ ഒതുങ്ങി ജീവിച്ചിരുന്ന താൻ ആണിപ്പോൾ ആരുടെയൊക്കെയോ ജഡ്ജ്മെന്റിന് വിധേയയായി നിൽക്കുന്നതെന്ന് ഒരു നെടുവീർപ്പോടെയവൾ ഓർത്തു.  ഇനി ആരെന്തു പറഞ്ഞാലും അതൊന്നും തന്നെ ബാധിക്കില്ലെന്നവൾ ഉറപ്പിച്ചു. ഇനി സിറിയെ ഒന്നിലേക്കും വലിച്ചിഴക്കരുതെന്നും ഉറപ്പിച്ചു.  ഫോൺ ഓഫ് ചെയ്തു ബെഡിലേക്കിട്ടവൾ റൂമിനു പുറത്തേക്കു നടന്നു. കണ്ണുകൾ കൊണ്ട് ആ വലിയ വീടുമുഴുവൻ അവൾ ഏഥനെ തിരഞ്ഞു. അപ്പോഴാണ് അടുക്കളയിൽ നിന്നെന്തൊക്കെയോ ശബ്ദം കേൾക്കുന്നത് അഞ്ചു ശ്രദ്ധിച്ചത്. സീമേച്ചി വന്നോ എന്ന ചിന്തയോടെയാണ് അഞ്ചു അങ്ങോട്ട് നടന്നത്.  പക്ഷെ അവിടെ സീമേച്ചി ആയിരുന്നില്ല. രാത്രി ഇട്ടിരുന്ന ട്രാക്ക് പാന്റ് മാത്രം ധരിച്ചു കോഫി മേക്കറിൽ എന്തൊക്കെയോ ചെയ്യുകയായിരുന്നു ഏഥൻ. ടീഷർട്ട് ധരിക്കാതെ പിന്തിരിഞ്ഞു നിൽക്കുന്ന ആ മനോഹരമായ ശരീരം കണ്ടതും അഞ്ചു ഞെട്ടി പോയി. വേഗം തിരിഞ്ഞു നടക്കാൻ ഒരുങ്ങിയതും കൈതട്ടി ചുമരിലെ സ്റ്റാൻഡിൽ ഉണ്ടായിരുന്നൊരു ഫ്ലവർപോട്ട് വലിയ ശബ്ദത്തോടെ താഴെ വീണുടഞ്ഞു.  ഏഥൻ പെട്ടന്ന് തിരിഞ്ഞ് നോക്കി. കള്ളം പിടിക്കപ്പെട്ട കൊച്ചു കുഞ്ഞിനെ പോലെ നിൽക്കുന്നവളെ കാണെ ഏഥന് അവളെ ഇറുകെ പുണരാൻ തോന്നി പോയി. അവനൊന്ന് പുഞ്ചിരിച്ചു. തിരിച്ചവളും.   ഏഥൻ രണ്ടു കയ്യിലും ഓരോ കപ്പ് കോഫിയുമായി അവൾക്കടുത്തേക്ക് നടന്നു വന്നു.  അഞ്ചു ഏഥനെ അടിമുടി നോക്കി.  ജീവിതത്തിൽ തനിക്ക് കിട്ടാൻ പോകുന്ന ഏറ്റവും hot കോഫി  ഇതായിരിക്കുമെന്നവൾക്ക് തോന്നി.  " ഇയാളിനി വല്ല കൂടോത്രവും വശമുള്ള ആളാണോ കൃഷ്ണാ......  ആയിരിക്കും അത് കൊണ്ടാണല്ലോ അയാളിൽ വീണ്ടും ഞാൻ അടിമപ്പെട്ട് കൊണ്ടിരിക്കുന്നത്...." അവൾ മനസ്സിൽ പറഞ്ഞു.  " coffee............" തൊട്ടടുത്ത് വന്നു ഏഥൻ പറഞ്ഞതും അഞ്ചു ഞെട്ടലോടെ അവനെ നോക്കി.  വിറക്കുന്ന കൈകളോടെ അഞ്ചു ആ കോഫി വാങ്ങി. പെട്ടന്നവൾ വായുവിൽ ഉയർന്നു പൊങ്ങി. ഇടത്തെ കയ്യിലെ കോഫി മുറുകെ പിടിച്ചു വലതു കൈകൊണ്ടവളുടെ ഇടുപ്പിലൂടെ പിടിച്ചു ഏഥൻ അഞ്ജുവിനെ എടുത്തുയർത്തി. കയ്യിൽ പിടിച്ചിരിക്കുന്ന ചൂട് കോഫി കാരണം ഒന്ന് കുതറാൻ പോലും പറ്റാത്തവൾ നിസ്സഹായയായി .  എടുത്തുയർത്തി കുറച്ചു അപ്പുറത്തായി ഏഥൻ അവളെ നിലത്തു നിർത്തി. " what are you doing eadhan ....." അഞ്ചു മുഖം ചുളിച്ചു ചോദിച്ചു.  ഏഥൻ കണ്ണുകൾ കൊണ്ട് നിലത്തേക്ക് കാണിച്ചു. അപ്പോഴാണവൾ അത് ശ്രദ്ധിക്കുന്നത്. ഫ്ലവർ പോട്ട് വീണു പൊട്ടിച്ചിതറിയ ചില്ലുകൾക്ക് നാടുവിലായാണ് താൻ നിന്നിരുന്നത് . ഒന്ന് അനങ്ങിയിരുന്നെങ്കിൽ ഉറപ്പായും കാലിൽ മുറിവായേനെ.... " thanks....." അഞ്ചു ചമ്മലോടെ പറഞ്ഞു.  ഏഥൻ ഒരു ചിരിയോടെ കിച്ചണിൽ ഇട്ടിരിക്കുന്ന നീണ്ട സ്റ്റൂൾ ഒന്നിൽ കയറി ഇരുന്നു. കോഫി കുടിച്ചു തുടങ്ങി. അവളിലെ മാറി മറിഞ്ഞു വരുന്ന ഭാവങ്ങളിൽ നിന്നും ഏഥൻ അത് ഉറപ്പിച്ചു കഴിഞ്ഞിരുന്നു. അവളെ ഒരിക്കലും തനിക്ക് നഷ്ട്ടപെടില്ലെന്ന്....  തുടരും............................. ഇനി കുറച്ചു സമാധാനം ആവാം 😌

പെയ്തിട്ടും തീരാതെ Part -6 മഴ മിഴി എന്നാലും ഞാൻ ഇത്രേം കാലം അയാളെ നോക്കിയതല്ലേ അതിന്റെ ഒരു ദയ പോലും അയാൾ എന്നോട് കാണിക്കാതെ എന്തൊക്കെയാ പറഞ്ഞെ. അയാളെ പോലെ ഒരുത്തനെ ശുശ്രുശിച്ചതോർത്തു വെറുപ്പ് തോന്നുവാ എനിക്ക്. കാശില്ലാത്തവർ എല്ലാം എന്താ ഒരു വിലയും ഇല്ലാത്തവരണോ. അയാൾക്ക് ഞാൻ കാണിച്ചു കൊടുക്കുന്നുണ്ട്.വിലയുണ്ടോ ഇല്ലയൊന്നു.. വല്ലാത്ത വാശിയിൽ പറഞ്ഞു കൊണ്ട് വൈഗ എണീറ്റു റൂമിലേക്ക് നടന്നു .അവൾക്ക് പിറകെ ഹിമയും ചെന്നു. "വൈഗേ..." ടി... നീ അല്പം മുൻപ് പറഞ്ഞിട്ട് വന്നതു എന്താന്ന് നിനക്ക് ബോധം ഉണ്ടോ? Yes.. @അങ്ങനെയൊക്കെ നീ വെറുതെ പറഞ്ഞതല്ലേ... ഒരിക്കലും അല്ലേടാ.. ഞാൻ കാര്യമായിട്ട് തന്നെ പറഞ്ഞതാ... അയാൾക്ക് ഞാൻ കാണിച്ചു കൊടുക്കുന്നുണ്ട് പാവപെട്ടവർ എന്ന് പറഞ്ഞാൽ അയാളെ പോലെയുള്ള പണക്കാർക്ക് തട്ടി കളിക്കാൻ ഉള്ളതല്ലെന്നു. നീ എന്താ ഉദ്ദേശിക്കുന്നത്. നീ കണ്ടോ ഞാൻ എന്താ ചെയ്യാൻ പോകുന്നതെന്ന്. അയാടെ വിവാഹം നടക്കുന്നത് എനിക്ക് ഒന്ന് കാണണം... നീ എന്തു ചെയ്യാൻ പോവാ വൈഗേ. അവളുടെ മുഖഭാവം കാണെ ഭയത്തോടെ ഹിമ ചോദിച്ചു. അതൊക്കെയുണ്ട്... നീ തത്കാലം എന്റെ കൂടെ ഒന്ന് നിന്നാൽ മാത്രം മതി. ഹിമ ഒന്നും മനസ്സിലാകാതെ പതിയെ തലയാട്ടി. ആ നേരം ഹിമയുടെ ഉള്ളിൽ ചെറിയൊരു ഭയം തോന്നാതെ ഇരുന്നില്ല. എങ്കിലും വൈഗയുടെ ധൈര്യം കാണെ അവളുടെ ഉള്ളിലും ഒരു ധൈര്യം തോന്നി. വൈഗ പറഞ്ഞത് സത്യം ആണെന്ന് അവൾക്കും തോന്നി.. കാശില്ല എന്നാ ഒറ്റ കാരണം കൊണ്ട് പുച്ഛിച്ചു തള്ളാൻ ഉള്ളതാണോ പാവപെട്ടവരുടെ ജീവിതം. അവർക്കും ഈ ഭൂമിയിൽ ജീവിക്കാൻ അവകാശമില്ലേ... പണം കൊണ്ടു മാത്രം മനുഷ്യനെ അളക്കുന്ന കുറെ കീടങ്ങൾ ഉണ്ട് ഇവിടെ.. പണത്തിനു വേണ്ടി എന്തും ചെയ്യുന്ന കുറെ കൃമി കീടങ്ങൾ. ഇവറ്റകളെയൊക്കെ ഇപ്പോഴേ നിലയ്ക്ക് നിർത്തിയില്ലെങ്കിൽ നാളെ തലേൽ കേറി നിരങ്ങും.പണം കൊണ്ട് എന്തും വാങ്ങാന്നുള്ള ഇവറ്റകളുടെ ഈ മനോഭാവം ആദ്യം ഇല്ലാതാക്കണം. നീ പറഞ്ഞത് നേരാടി..വൈഗേ... അയാടെ അഹന്തയ്ക്കിട്ടു തന്നെ ഒരു കൊട്ടു കൊടുക്കണം.. അതിനു വേണ്ടി നിന്റെ കൂടെ ഞാനുണ്ട്..ഞാൻ എന്താ ചെയ്യണ്ടെന്നു മാത്രം നീ പറഞ്ഞാൽ മതി.. അതൊക്കെ പറയാം നീ ഇപ്പോ വാ എനിക്ക് നന്നായി വിശക്കുന്നുണ്ട്.. . . .കമന്റ്‌ and സപ്പോർട്ട് തരു... . . . തുടർന്നു വായിക്കാൻ ലിങ്ക് നോക്കു 👇 . . https://aksharacheppuofficial.blogspot.com/2026/08/blog-post.html #📝 ഞാൻ എഴുതിയ വരികൾ #📔 കഥ #👨‍👩‍👧‍👦 കുടുംബം #💞 പ്രണയകഥകൾ #📙 നോവൽ

#💞 പ്രണയകഥകൾ #📔 കഥ #📙 നോവൽ MY DOCTOR ❤️ 43 " അയ്യേ...... അയാൾ ശരിക്കും നിന്റെ ഏട്ടനാണോ അതോ നിന്നയവർ ദത്തെടുത്തെതങ്ങാനും ആണോ? " അജുവിന്റെ കാര്യം പറഞ്ഞപ്പോൾ ഇതായിരുന്നു ഐഷുവിന്റെ പ്രതികരണം. " പക്ഷെ എന്തുകൊണ്ടോ ഒന്നും ഇപ്പോഴെന്നെ ബാധിക്കുന്നില്ലെടി... ഞാൻ ഇപ്പൊ protect ചെയ്യാൻ അച്ഛനുള്ള ഒരു കൊച്ചു പെൺകുട്ടിയെ പോലെയാണ്. എന്റെ ഡോക്ടറുടെ ഒരു പ്രെസെൻസ് പോലും വല്ലാത്ത ധൈര്യം തരുന്നുണ്ട്..... " അഞ്ജു പറയുന്നത് കേട്ട് ഐഷു തലയാട്ടി ചിരിച്ചു. " ഞാൻ മുന്നേ ഒരിക്കൽ പറഞ്ഞ പോലെ നീന്നെ രക്ഷിക്കാൻ ഏഴു കടലും താണ്ടി വന്ന രാജകുമാരൻ ആണെടി അങ്ങേര്...." " ആണെന്ന് തോന്നുന്നു. " അഞ്ജു പുഞ്ചിരിച്ചു. " വാ ക്ലാസ്സിൽ പോവാം..... " ഐഷുവിന്റെ കയ്യിലേക്ക് പിടിച്ചു അഞ്ജു അവൾക്കൊപ്പം ക്ലാസ്സിലേക്ക് നടന്നു. ക്ലാസിനു മുന്നിലെ വരാന്തയിൽ അവരെതന്നെ നോക്കി സിദ്ധു നിൽക്കുന്നുണ്ടായിരുന്നു. " എന്താണ് നിന്റെ പുരുഷോത്തമൻ ക്ലാസ്സിന് കാവൽ നിൽപ്പാണല്ലോ...... " അഞ്ജു ഐഷുവിന്കേൾക്കാൻ പാകത്തിന് പതുക്കെ പറഞ്ഞു. "പോടീ....." ഐഷു കള്ളച്ചിരിയോടെ നടന്നു. സിദ്ധു അവർക്കടുത്തേക്ക് കുറച്ചു നടന്നു വന്നു. " നിങ്ങൾ സംസാരിക്ക്... " അഞ്ജു പോകാനൊരുങ്ങിയതും സിദ്ധു അവളുടെ കൈതണ്ടയിൽ പിടിച്ചതും ഒരുമിച്ചായിരുന്നു. " സോറി....." സിദ്ധു കണ്ണ് ചുരുക്കി അപേക്ഷ പോലെ പറഞ്ഞു. " എന്തിന്? " " ഫസ്റ്റ് സേം എക്സാം കഴിഞ്ഞ അന്ന് ബാത്‌റൂമിൽ അരമണിക്കൂർ പൂട്ടിയിട്ടതിന്. നിന്റെ  നോട്ട് ബുക്ക്‌ മൊത്തം എടുത്തു ഒളിപ്പിച്ചു വച്ചതിന്. കോളേജ് ഡേയ്‌യുടെ അന്ന് നീ നടന്നു വരുന്നത് കണ്ടിട്ടും മനഃപൂർവം പടക്കം എറിഞ്ഞതിന്..... അങ്ങനെ തുടങ്ങി എല്ലാത്തിനും..... എനിക്കറിയില്ലായിരുന്നു ഇത്രേം പ്രശ്നങ്ങൾക്കിടയിലാണ് നീ ജീവിക്കുന്നതെന്ന്....... സോറി. എന്റെ ഹൃദയത്തിൽ നിന്നും സോറി...." " അങ്ങനെയാണെങ്കിൽ എനിക്കും പറയണം സോറി..... നിന്റെ ഷർട്ടിൽ മഷി ഒഴിച്ചതിന്.. മിസ്സ്‌നോട് ഫാൾസ് കംപ്ലയിന്റ് ചെയ്തതിന്. നിന്റെ ബൈക്കിന്റെ കാറ്റൂരി വിട്ടതിനു.  നീ ഫസ്റ്റ് വാങ്ങാതിരിക്കാൻ റൈറ്റിങ് കോംപ്പീറ്റിഷനിൽ പങ്കെടുത്തു ഫസ്റ്റ് വാങ്ങിച്ചതിന്.... അങ്ങനെ കൊറേ കാര്യത്തിന്.....'' അഞ്ജു പുഞ്ചിരിയോടെ പറഞ്ഞതും സിദ്ധു ഒന്ന് ചിരിച്ചു. " ഫ്രണ്ട്‌സ്??? " " ഫ്രണ്ട്‌സ് ...." സിദ്ധു അവളെ അടുത്തേക്ക് ചേർത്തു  പിടിച്ചു. അഞ്ജു അവന്റെ കെട്ടിവച്ച കയ്യിലേക്ക് ഒന്ന് നോക്കി. "ഹാ..... ഇത് കാണുമ്പോൾ എനിക്ക് ഒരു ചെറിയ സങ്കടം ഒക്കെ തോന്നുന്നുണ്ടെങ്കിലും നിനക്ക് ഇതൊരു പ്രാക്ടീസ് ആയിരിക്കുമെടാ....." സിദ്ധു മനസ്സിലാവാതെ പുരികം ചുളിച്ചു. " അല്ല... പുത്തൻപുരക്കക്കാരുടെ കയ്യിന്ന് അടി വാങ്ങിക്കൂട്ടാനുള്ളതല്ലേ.... " അഞ്ജു ഐഷുവിനെ ചൂണ്ടി കളിയോടെ പറഞ്ഞു. സിദ്ധു പൊട്ടിച്ചിരിച്ചു. ഐഷു അതെല്ലാം നിറഞ്ഞ മനസ്സോടെ കേട്ട് നിന്നു. അവൾക്കീ ലോകത്തേറ്റവും പ്രിയപ്പെട്ട രണ്ടുപേർ സുഹൃത്തുക്കളകുന്നതിലും വലിയ സന്തോഷം വേറെന്താനുള്ളത്..... ***************** ഒപി കഴിഞ്ഞപ്പോഴേക്കും ഏകദേശം ഏഴുമണി. ഏഥൻ ധൃതിയിൽ ഹോസ്പിറ്റലിൽ നിന്നും ഇറങ്ങി. രാവിലെ ഹോസ്പിറ്റലിൽ എത്തിയത് മുതൽ വൈകുന്നേരം ആവാനുള്ള കാത്തിരിപ്പായിരുന്നു. അതിനിടക്ക് മെർലിൻ ലീവിൽ ആണെന്ന് അറിഞ്ഞു.  മിനിഞ്ഞാന്നത്തെ അഞ്ജുവിന്റെ പെർഫോമെൻസിൽ അവൾ മൊത്തത്തിൽ ഡൌൺ ആയിട്ടുണ്ടാവുമെന്ന് ഏഥൻ ഊഹിച്ചിരുന്നു. ഓരോന്നോർത്ത് ടുവീലർ പാർക്കിങ്ങിലേക്കണവൻ പോയത്. അവിടെ സിറിയുടെ ബുള്ളറ്റ് കിടപ്പുണ്ട്. ക്ലാസ്സ്‌ കഴിഞു വരുമ്പോൾ അതിവിടെയിട്ട് സിറിയോട് കാർ എടുത്തു പോകാൻ ഏഥൻ പറഞ്ഞിരുന്നു. തന്റെ ഓരോ ചെയ്തികളും ഒരു ഇരുപതുകാരനെ പോലെ ആയിതുടങ്ങിയിട്ടുണ്ടെന്ന് ഒരു ജാള്യതയോടെ ഏഥൻ ചിന്തിച്ചു. ബുള്ളെറ്റ് എടുത്തു ഏഥൻ നേരെ പോയത് അഞ്ജുവിന്റെ റെസ്റ്റോറന്റിലേക്കായിരുന്നു. നേരിയ മഴ ചാറികൊണ്ടിരുന്നു. ബുള്ളറ്റ് റോഡ് സൈഡിലേക്കൊതുക്കി ഏഥൻ ഫോൺ എടുത്തു. Baby girl എന്നെഴുതിയ നമ്പറിലേക്ക് വിളിച്ചു. " ഇറങ്ങിയാലോ ? " ഏഥൻ ചോദിച്ചപ്പോൾ അപ്പുറത്തു നിന്നും വന്ന മറുപടിക്ക് അവനൊന്നു മൂളി കാൾ കട്ട്‌ ചെയ്തു. പറഞ്ഞറിയിക്കാൻ ആവാത്ത എന്തൊക്കെയോ വികാരങ്ങൾ എഥനെ ഭരിച്ചു കൊണ്ടിരുന്നു. ഏകാന്തമായ വരണ്ടണങ്ങിയ മരുഭൂമി പോലുള്ള അവന്റെ ഹൃദയത്തിൽ ഒരു ചാറ്റൽ മഴപോലെ പെയ്തിറങ്ങി ഒരു വസന്തം തന്നെ അഞ്ജു തീർത്തിരുന്നു. ഫോൺ നോക്കി ഇരിക്കുന്നതിനിടക്കാണ് കുറച്ചുമാറി അവന്റെ ഓപ്പോസിറ്റായി നിർത്തിട്ടിട്ടിരിക്കുന്ന താർ അവനിൽ ഒരു strange ഫീൽ ഉണ്ടാക്കുന്നത്. എന്തോ ഒരു നെഗറ്റീവ് ഫീൽ. ആരോ ഉറ്റു നോക്കുന്ന പോലെ. ഏഥൻ മുഖമുയർത്തി കുറച്ചു നേരം അതിലേക്ക് തന്നെ തുറിച്ചു നോക്കി. പെട്ടന്ന് ആ വണ്ടി സ്റ്റാർട്ട്‌ ആവുന്നതും അത് റിവേഴ്‌സ് എടുത്തു പോകുന്നതും കണ്ടപ്പോൾ ആ നെഗറ്റീവ് ഫീൽ വെറും തോന്നൽ അല്ലെന്ന് ഏഥൻ മനസ്സിലാക്കി. ആരോ മനഃപൂർവം ടാർഗറ്റ് ചെയ്യുന്നുണ്ട്. പക്ഷെ തന്നെയാണെകിൽ അവർ തിരിച്ചു പോയതെന്താണെന്ന് ഏഥൻ ചിന്തിക്കാതിരുന്നില്ല.  അവനറിയില്ലല്ലോ സിറിയെയും അഞ്ജനയെയും കാത്തിരുന്ന മാർട്ടിനും ടീമും ആണാ കാറിൽ ഉണ്ടായിരുന്നതെന്ന്. വേഗം പണി തീർത്തു മാനേജരോട് തലവേദനയാണെന്ന് കാരണവും പറഞ്ഞു ശരത്തിനോട് ബൈ പറഞ്ഞു അഞ്ജു പുറത്തേക്കിറങ്ങി. തലയിലെ ക്യാപ് എടുത്തു ബാഗിലെക്ക് വച്ചു. ഇൻസൈഡ് ചെയ്ത ഷർട്ട്‌ എടുത്തു പാന്റിന്റെ വെളിയിലേക്കിട്ടു അഞ്ജു മുടി ഒന്ന് കൂടി ശരിയാക്കി റോഡിലേക്ക് നടന്നു. അപ്പോഴേക്കും മഴ ശക്തമായി തുടങ്ങിയിരുന്നു. റോഡ് സൈഡിലായി ഒരു മരച്ചുവട്ടിൽ രാവിലെ കണ്ട വേഷത്തിൽ സിറിയുടെ ബൈക്കിൽ ഇരിക്കുന്ന ഏഥനെ കണ്ടവൾ അങ്ങോട്ട് വേഗത്തിൽ നടന്നു. അവൾ വന്നത് പോലും അറിയാതെ ആലോചനയോടെ ഇരിക്കുന്ന ഏഥന്റെ ബൈസെപ്സിൽ അഞ്ജു പിടിച്ചു. ഒരു ഞെട്ടലോടെ ഏഥൻ അവളെ നോക്കി. " എന്ത് പറ്റി... " " ഏയ്... ഒന്നുല്ല ഞാൻ ഓരോന്നോർത്ത്.....താൻ കയറ്......., " ഏഥൻ ബുള്ളറ്റ് സ്റ്റാർട്ട്‌ ചെയ്തു. അഞ്ജു അവന്റെ ഇതുവരെ കാണാത്ത ഭാവം കണ്ടുള്ള അതിശയത്തിൽ പുറകിലേക്ക് ഇരുന്നു. ബൈക്ക് മുന്നോട്ട് നീങ്ങിയതും മഴ ശക്തമായി പെയ്തു തുടങ്ങി. ഏഥൻ മനസ്സിലുള്ള കൺഫ്യൂഷൻ തൽക്കാലത്തിന് മറന്ന് ഈ മോമെന്റിലേക്ക് തിരിച്ചു വന്നു..... മഴ മുഖത്തേക്കടിച്ചതും അഞ്ജു ഏഥന്റെ പുറത്തേക്ക് മുഖം പൂഴ്ത്തി അവന്റെ വയറിലൂടെ ചുറ്റി പിടിച്ചു. ഏഥന്റെ മനസ്സിൽ പുറത്തു പെയ്യുന്നതിനേക്കാൾ മനോഹരമായൊരു മഴ പെയ്യുന്നുണ്ടായിരുന്നു. ഇനി ഒരിക്കലും ജീവിതത്തിൽ അനുഭവിക്കാനാവില്ലെന്ന് ഉറപ്പിച്ചിരുന്ന പലതും ഇപ്പോഴതിന്റെ മാക്സിമത്തിൽ അവൻ അനുഭവിക്കുകയാണ്. "  feel the rain baby girl..... " ഏഥൻ ഉറക്കെ പറഞ്ഞു. അഞ്ജു മുഖമുയർത്തി മഴയെ കണ്ണുകളടച്ചു സ്വീകരിച്ചു. രണ്ടു പേരും മുഴുവനായി നനഞ്ഞു കുതിർന്നിരുന്നു. നനഞ്ഞൊട്ടി അഞ്ജു മുഴുവൻ ദേഹവും ഏഥനെ പുണർന്നിരുന്നു. എത്ര നേരം അങ്ങനെ ഇരുന്നെന്നറിയില്ല തകർത്തു പെയ്യുന്ന മഴ  ആസ്വദിച്ചുകൊണ്ടിരിക്കുന്നതിനിടയിൽ ബുള്ളറ്റ് ഒരു വീടിന്റെ കോമ്പൗണ്ടിലേക്ക് കയറി. അഞ്ജു ചുറ്റും നോക്കി. ഏഥന്റെ വീടുപോലെ ഭംഗിയിൽ പണിതിരിക്കുന്നൊരു വലിയ വീടായിരുന്നത്. ചുറ്റിലും വലിയൊരു ഗാർഡൻ തന്നെയുണ്ട്. നല്ല വെളിച്ചത്തിൽ ആ വലിയ വീട് തിളങ്ങി നിൽക്കുന്നു. ഏഥൻ ബൈക്ക് പോർച്ചിലേക്കിട്ടു. " ഇത്?? " അഞ്ജു വീടിനെ നോക്കി ചോദിച്ചു. " ഇറങ്ങു.... പറഞ്ഞു തരാം. " ഏഥൻ അഞ്ജുവിന്റെ കൈപിടിച്ചു മഴയിലൂടെ ഓടി സിറ്റൗട്ടിലേക്ക് കയറി. അവരുടെ ദേഹത്ത് നിന്നൊഴുകുന്ന വെള്ളം നിലം മുഴുവൻ നനച്ചു. ഏഥൻ മുടിക്കുള്ളിലൂടെ കയ്യിട്ടു വെള്ളം കുടഞ്ഞു കളഞ്ഞു.അഞ്ജു വല്ലാതെ തണുത്തു വിറക്കുന്നുണ്ടായിരുന്നു. ഏഥൻ കാളിങ് ബെല്ലടിച്ചു അഞ്ചുവിനടുത്തേക്ക് നിന്നു അവളുടെ തോളിലൂടെ കയ്യിട്ടു. ആരോ ഉള്ളിൽ നിന്നും വാതിൽ തുറക്കുന്നുണ്ടെന്ന് അഞ്ജുവിന് തോന്നി. നനഞ്ഞൊട്ടി ഒരു പെൺകുട്ടിയുടെ തോളിൽ കയ്യിട്ട് നിൽക്കുന്ന ഏഥനെ കണ്ട് വാതിൽ തുറന്ന നീലിമ കണ്ണ് മിഴിച്ചു. " നീലീ.... ആ വായടക്കെടി.... " നീലിമയുടെ തലക്കിട്ടൊരു കൊട്ട് കൊടുത്തു ഏഥൻ പറഞ്ഞു. " ആരാ നീലു അവിടെ? " നവമി മോളെയും എടുത്തു സ്റ്റെപ്പിറങ്ങി വരുന്ന നവീൻ ചോദിച്ചു. " ഇതാടാ..... നമ്മടെ ഏഥൻ ഏതോ ഒരു പെങ്കൊച്ചിനേം കൊണ്ട് നനഞ്ഞ കോഴിയെ പോലെ വന്നു നിൽക്കുന്നു.... " അവരിൽ നിന്നും കണ്ണെടുക്കാതെ നീലിമ പറഞ്ഞു. അകത്തു നിന്നും ഒരു പെൺകുഞ്ഞിനേയും കൊണ്ട് വരുന്ന നവീനെ കണ്ടപ്പോൾ അഞ്ജു ഒന്ന് നെടുവീർപ്പിട്ടു.ഏഥൻ അവളെ ഒന്ന്  കൂടെ ചേർത്തു പിടിച്ചു. " നീലി... ഇത്.... " " പറയണ്ട.... അറിയാം അഞ്ജു അല്ലെ....  നിങ്ങൾ അകത്തേക്ക് കയറ്... " അവർ ഉള്ളിലേക്ക് കയറിയതും നീലിമ അകത്തേക്ക് ഓടി ഒരു ടവലുമായി വന്നു. അഞ്ജുവിന് നീട്ടി. അഞ്ജു രണ്ടുപേരോടും ഒന്ന് പുഞ്ചിരിച്ചു അത് വാങ്ങി. നവീൻ ചിരി കടിച്ചു പിടിച്ചു നിൽപ്പായിരുന്നു. നീലിമ ഏഥനെ സൂക്ഷിച്ചു നോക്കുകയായിരുന്നു. അഞ്ജുവിന്റെ കയ്യിൽ നിന്നും ടവൽ വാങ്ങി ഏഥൻ അവളുടെ തല തുടച്ചു കൊടുത്തു. മുഖവും കഴുത്തും തുടച്ചു. " നവീനെ.... എന്താടാ നമ്മടെ ഏഥനു പറ്റിയത്... ഇനി ഇത് അവനല്ലേ.... ആളെങ്ങാനും മാറിയോ... " " ആൾ മാറിയതല്ല നീലു.... ഇത് ചികിത്സയ്യില്ലാത്ത അസുഖമാണ്... മെഡിക്കൽ സയൻസിൽ ഇതിനെ love എന്ന് പറയും.... " രണ്ടു പേരുടെയും മാറി മറിയുള്ള ഊക്ക് കേട്ടിട്ടും ഏഥനു യാതൊരു ഭാവവിത്യസവും ഇല്ലെന്നത് അഞ്ജുവിനെ അത്ഭുതപ്പെടുത്തി. അവൾക്കാണെങ്കിൽ നാണക്കേട് തോന്നുന്നുണ്ടായിരുന്നു. " ബേബി..... ഈ ഡയലോഗ് കേട്ടിട്ട് ഇവർ ആരാണെന്ന് പ്രേത്യേകം പരിചയപ്പെടുത്തണ്ടല്ലോ ല്ലേ.... " അഞ്ജു വേണ്ടന്ന് തലയാട്ടി. ഏഥന്റെ ബെസ്റ്റ് ഫ്രണ്ട്‌സ് ആണെന്നവൾക്ക് മനസിലായിരുന്നു. " മോൾ വാ.... വേറെ ഡ്രസ്സ്‌ തരാം.... ഈ പ്രാന്തൻ ഈ മഴ മുഴുവൻ കൊള്ളിച്ചു ഈ രാത്രി കൊച്ചിനെ ഇങ്ങോട്ട് കൊണ്ടുവന്നിരിക്കുന്നു. പാവം കിടന്ന് വിറക്കുന്നത് കണ്ടില്ലേ... " നീലിമ ഏഥനെ ശാസിച്ചു അഞ്ജുവിനെ ഒരു റൂമിലേക്ക് കൊണ്ടു പോയി ഡ്രസ്സ്‌ എടുത്തു കൊടുത്തു പോയി. അഞ്ജു ഡ്രസ്സ്‌ ചേഞ്ച്‌ ചെയ്ത് വന്നപ്പോഴേക്കും എഥനും ഡ്രസ്സ്‌ മാറ്റിയിരുന്നു. അഞ്ജു നവമി മോളെ  കയ്യിലെടുത്തു ഓമനിച്ചു. അവൾ പെട്ടന്ന് അഞ്ജുവിനോട് കൂട്ടായി. നവീനും നീലിമയും അനിയത്തിയോടെന്ന പോലെ അവളോട് പെരുമാറി. എല്ലാവരും ചേർന്ന് ഫുഡ്‌ കഴിച്ചു. ആ നേരം എല്ലാ കാര്യങ്ങളും നീലു ചോദിച്ചറിഞ്ഞു. അഞ്ചുവിനും അവരോട് വല്ലാത്ത ആത്മബന്ധം തോന്നി. ഏകദേശം 9 മണി വരെ കുഞ്ഞിനെ കളിപ്പിച്ചും അവരോട് വിശേഷങ്ങൾ പറഞ്ഞും അവരിരുന്നു. ഹോസ്റ്റലിൽ കയറാൻ ഉള്ളത് കൊണ്ട് അവരോട് യാത്ര പറഞ്ഞിറങ്ങി. അപ്പോഴേക്കും നീലിമ അവൾക്കൊരു ചേച്ചിയും നവീൻ ഒരു ചേട്ടനും ആയി മാറിയിരുന്നു. " are you happy now? " ഏഥനെ പുറകിൽ നിന്നും പുണർന്നു മിണ്ടാതിരിക്കുന്ന അഞ്ജുവിനോട് ഏഥൻ ചോദിച്ചു. " very very happy........ " " ഞാൻ ഒരു ജീവിതം തുടങ്ങണമെന്ന് ഏറ്റവും കൂടുതൽ ആഗ്രഹിച്ചത് നവീനും നീലുവുമാണ്. അപ്പോൾ പിന്നെ എന്റെ പെണ്ണിനെ അവർക്ക് കാണിച്ചു കൊടുക്കേണ്ടത് എന്റെ ചുമതലയല്ലേ..... " " താങ്ക്യൂ...... " " എന്തിന്? " വണ്ടി നിർത്തി അവളെ തിരിഞ്ഞു നോക്കി ഏഥൻ ചോദിച്ചു.. " ഇതുവരെ ആരും തരാത്ത പരിഗണന സ്നേഹം കെയർ എല്ലാം തരുന്നതിന്.... " '" അതിനാണെകിൽ താങ്ക്യു പോരല്ലോ..... " കള്ള ചിരിയോടെ ഏഥൻ പറഞു. " പിന്നെ..... " " devour me with your kiss... "  അഞ്ജുവിന്റെ അടിവയറ്റിൽ ഇക്കിളി കൂട്ടും പോലെയാ വാക്കുകൾ ചിന്നി ചിതറി. " ഇപ്പോഴോ.... " പതുക്കെയവൾ ചോദിച്ചു. " മഴ തോർന്നു ഈറൻ കാറ്റടിക്കുന്ന അന്തരീക്ഷത്തേക്കാൾ ഒരു ചുംബന ചൂടറിയാൻ പറ്റിയ സമയം മറ്റേതാണ്? " അവളുടെ ഇമവെട്ടുന്ന കണ്ണിലേക്കു ഉറ്റു നോക്കി ഏഥൻ ചോദിച്ചു. " ആരെങ്കിലും കാണും.... " അവന്റെ നോട്ടത്തെ നേരിടാൻ ആവാതെ വെപ്രാളത്തിൽ അവൾ പറഞ്ഞു. " close your eyes...... No one will see you.... " " are you mad??? " " you are making me mad..... " ഏഥൻ husky വോയ്‌സിൽ പറയുന്നത് കേട്ട് അഞ്ജു വിറച്ചു. തുടരും........

ജുവിയേലിന്റെ കഥ part-1 #🙂 ശുഭദിനം #🌞 ഗുഡ് മോണിംഗ് #💝 ആശംസകള്‍ #😇 ശുഭചിന്ത #📔 കഥ

ഭാഗം 47 |part -2-ജുവിയേലിന്റെ കഥ ഇരുട്ട് നിറഞ്ഞ വഴിയിൽ... അവർക്ക് മുന്നിൽ പെട്ടെന്ന് പ്രത്യക്ഷപ്പെട്ട ആ നിഗൂഢമായ തീഗോളം എന്തായിരുന്നു? #🌞 ഗുഡ് മോണിംഗ് #😇 ശുഭചിന്ത #🙂 ശുഭദിനം #💝 ആശംസകള്‍ #📔 കഥ