*శ్రావణ శనివారం వేంకటేశ్వరస్వామిపూజ* శ్రావణమాసంలో వచ్చే శనివారం శ్రీ వేంకటేశ్వరుని ఆరాధనకు చాలా విశేషమైనది. సాధారణంగా శనివారం అంటే శనిదోషాల నివృత్తి కోసం శ్రీ వేంకటేశ్వరుని ఆరాధన చేస్తారు. ఈ శ్రావణ శనివారం రోజున ప్రత్యేకంగా వేంకటేశ్వరునికి దీపారాధన చేసి పూజిస్తారు. భక్తులపాలిట కల్పవృక్షం, కలియుగం దైవం శ్రీ వేంకటేశ్వర స్వామి. పిలిచిన వెంటనే పలికే దైవం ఆయన. అటువంటి స్వామిని శ్రావణమాసంలో శనివారం నాడు దీపారాధన చేసి ఆరాధించే ఓ విశేషపూజ ఉంది. పూజాగదిలో గోడకు కొద్దిగా పసుపు రాసి, దాని మీద కుంకుమతో శ్రీ వేంకటేశ్వర స్వామి నామం (తిరు నామం) దిద్దాలి. ఆ అవకాశం లేనప్పుడు ఏదైనా వేంకటేశ్వరుని ఫొటో తీసుకోవాలి. నీరు ఉపయోగించకుండా, ఆవుపాలు, బెల్లం, బియ్యపుపిండితో చలివిడి కలిపి, దాన్ని ప్రమిద ఆకారంలో తయారు చేయాలి. అందులో ఆవునెయ్యి వేసి, దీపం వెలిగించాలి. వెలుగుతున్న ఆ జ్యోతినే వేంకటేశ్వరునిగా భావన చేసి, ఆ జ్యోతి స్వరుపుడైన వేంకటేశ్వరునికి గంధం, పుష్పం, ధూపం, దీపం సమర్పించి, అష్టొత్తరశతనామవాళి (108 నామాలు)తో పూజించి, పానకం, వడపప్పు (నానబెట్టిన పెసరపప్పు) నైవేద్యం పెట్టాలి (అవి కాక ఇతర పదార్ధాలు పెట్టడమనేది మన ఇష్టం, శ్రద్ద), మనసులో ఉన్న కోరికను స్వామికి విన్నవించాలి. దీపం కొండెక్కిన తర్వాత ఆ చలివిడిని కూడా నైవేద్యంగా స్వీకరించాలి. ఇది శ్రావణ శనివార వేంకటేశ్వర దీపారాధన. అందువల్ల శనివారం నాడు వేకువజామునే నిద్రలేచి శుచిగా స్నానం చేసి తులసికోట ముందు ఆవునేతితో గాని, నువ్వుల నూనెతో గాని దీపం వెలిగించినవారికి అష్టైశ్వర్యాలు సిద్దిస్తాయి. ఇలా చేసిన గృహంలో లక్ష్మీదేవి ఎల్లప్పుడు కొలువుంటుందని నమ్మకం. శనివారం సాయంత్రం పూట వేంకటేశ్వర ఆలయం దర్శంచి నేతితో దీపం వెలిగించే వారికి బాధలు తొలగిపోయి సుఖసంతోషాలు ప్రాప్తిస్తాయి. ఇలా శ్రావణ మాసంలో శనివారాలు వెంకటేశ్వర స్వామిని పూజిస్తే దోషాలన్నీ తొలగిపోయి అనుకున్న పనులన్నీ జరుగుతాయని పురాణశాస్త్రాలు, గ్రంధాలు చెబుతున్నాయి. #తెలుసుకుందాం #🙏శ్రీ వెంకటేశ్వర స్వామి #🪔శ్రావణ మాసం #🕉️పవిత్ర శ్రావణ మాసం🙏

రామసేతు - ఇంజనీరింగ్ అద్భుతం రాముని వారధి కేవలం ఆధ్యాత్మిక నమ్మకం కాదు, ప్రపంచంలోనే మొట్టమొదటి మెరైన్ ఇంజనీరింగ్ అద్భుతం! రామాయణంలో సీతమ్మను రక్షించడం కోసం రాముని వానర సైన్యం సముద్రం మధ్యలో 30 మైళ్ల పొడవునా ఒక వంతెనను నిర్మించినట్లు మనం చదువుకుంటాం. నాసా (NASA) శాటిలైట్ ఫోటోలు సైతం భారతదేశానికి, శ్రీలంకకు మధ్య సముద్రం కింద వంతెన లాంటి నిర్మాణం ఉందని ధృవీకరించాయి. దీనిని కేవలం ఒక పురాణ గాథగా కాకుండా, ప్రాచీన భారతదేశపు వాస్తుశిల్పం మరియు భూగర్భ శాస్త్ర కోణంలో చూస్తే మన పూర్వీకుల జ్ఞానం మనల్ని విస్మయానికి గురిచేస్తుంది! నీటిపై తేలే రాళ్ల వెనుక ఉన్న రహస్య విజ్ఞానం.సాధారణంగా సముద్రంలో రాళ్లను వేస్తే అవి మునిగిపోతాయి. కానీ, వానర సైన్యం ఉపయోగించిన రాళ్లు నీటిపై తేలాయని చెబుతారు. ఆధునిక భూగర్భ శాస్త్రం ప్రకారం, అగ్నిపర్వతాలు బద్దలైనప్పుడు ఏర్పడే 'ప్యూమిస్' (Pumice) అనే రంధ్రాలు కలిగిన రాళ్ల సాంద్రత నీటి కంటే తక్కువగా ఉంటుంది. అందువల్ల అవి నీటిపై తేలే గుణాన్ని కలిగి ఉంటాయి. ఆనాటి కాలంలోనే ఈ శాస్త్రీయ సూత్రాన్ని ఉపయోగించి వంతెనను నిర్మించారు. సముద్రపు లోతును అంచనా వేయడం: సముద్రం మధ్యలో వంతెనను నిర్మించడం సాదాసీదా విషయం కాదు. సముద్రపు అలల వేగం, నీటి ప్రవాహ దిశ, మరియు సముద్రపు లోతును ఖచ్చితంగా లెక్కించి, వంతెన స్థిరంగా నిలబడగలిగే ఒక నిర్దిష్టమైన 'ఇసుక తిన్నె'ను (sandbar) వారు ఎంచుకున్నారు. నేటి ఆధునిక ఇంజనీర్లు ఒక ఆనకట్ట లేదా వంతెనను నిర్మించే ముందు చేసే 'ఫీజిబిలిటీ స్టడీ' (Feasibility Study - సాధ్యసాధ్యాల అధ్యయనం) వంటి పరిశోధనను నలుడు మరియు నీలుడు అనే ఇద్దరు ఇంజనీర్లు ఆనాడే చేశారు! అత్యంత తక్కువ కాలంలో నిర్మాణం...... సుమారు 30 మైళ్ల (48 కి.మీ) పొడవున్న ఆ వంతెనను కేవలం 5 రోజుల్లోనే పూర్తి చేసినట్లు రామాయణం పేర్కొంది. మొత్తం సైన్యాన్ని క్రమబద్ధంగా విభజించి, రాళ్లను సేకరించేవారు, వాటిని మోసుకొచ్చేవారు, మరియు వంతెనను రూపకల్పన చేసేవారు అంటూ అక్కడ ఒక అద్భుతమైన 'ప్రాజెక్ట్ మేనేజ్‌మెంట్' (Project Management) మరియు కార్మిక సమన్వయాన్ని మనం చూడవచ్చు. రామసేతు అనేది భారతదేశపు అసాధారణమైన సముద్ర సాంకేతిక పరిజ్ఞానానికి మరియు ఉమ్మడి కృషికి దక్కిన ఒక చారిత్రక నిదర్శనం. మన పూర్వీకుల ఇంజనీరింగ్ నైపుణ్యం ఎల్లప్పుడూ ప్రపంచానికి మార్గదర్శకమే! #తెలుసుకుందాం #🚩జై శ్రీరామ 🕉️ #జై శ్రీరామ #జై శ్రీరామ

రాధాకృష్ణ ప్రేమ తత్త్వంపై స్వామి వివేకానంద అభిప్రాయం...........!! ​ఆధునిక కాలంలో 'రాధాకృష్ణ' ప్రేమకు చాలా పెడర్థాలు వస్తున్నాయి. స్వామి వివేకానంద చెప్పిన అభిప్రాయం చాలా లోతైనది. ​లౌకిక ప్రేమ మరియు దివ్య ప్రేమ: హృదయంలో కామ వాసన ఉన్నంత వరకు దివ్య ప్రేమ సాధ్యం కాదు. దివ్య ప్రేమ అనేది మహాత్యాగధనులైన వారికి మాత్రమే సాధ్యం. సాధారణ ప్రజలు ఈ ప్రేమ తత్వాన్ని అర్థం చేసుకోవడంలో పొరబడుతున్నారు. ​ప్రేమ యొక్క దుర్వినియోగం: రాసలీలల వర్ణన వల్ల జాతి పూర్తిగా ఆడంగితనానికి వచ్చిందని వివేకానంద అన్నారు. దీని అర్థం, ఆధ్యాత్మికంగా ఉన్నతమైన ఒక భావాన్ని సరిగ్గా అర్థం చేసుకోకపోవడం వల్ల అది మనలోని లౌకిక వాంఛలను పెంచుతుంది, కానీ ఆధ్యాత్మికంగా మనల్ని ఉన్నత స్థాయికి తీసుకువెళ్ళదు. ​శ్రీకృష్ణుడి యోగీశ్వర స్వరూపం....... ​గీతా ప్రవచనం: కృష్ణుడు అర్జునుడికి చెప్పిన గీతా ప్రవచనం, ముఖ్యంగా "యోగి గొప్పవాడు" అనే విషయం చాలా ముఖ్యం. ఇది కేవలం కృష్ణుడి లీలలను చూసి ఆనందించడం కాకుండా, ఆయన బోధనలను, ఆచరణలను మన జీవితంలో అనుసరించాలని సూచిస్తుంది. ​సాధనలో అకుంఠిత దీక్ష: రాయబారానికి వెళుతున్నప్పుడు కూడా కృష్ణుడు సంధ్యా సమయంలో ధ్యానం చేయడం ఆయన యొక్క అకుంఠిత దీక్షకు నిదర్శనం. ఇది మనందరికీ ఒక గొప్ప ఉదాహరణ. చిన్న చిన్న సమస్యలు వచ్చినా మనం ఆధ్యాత్మిక సాధనలను ఆపివేస్తాం, కానీ కృష్ణుడు ఎప్పుడూ తన ధ్యానాన్ని ఆపలేదు. ​అర్జునుడికి ధైర్యం: అభిమన్యుడు మరణించినప్పుడు అర్జునుడు శోకంలో మునిగిపోతే, కృష్ణుడు అతడిని ధ్యానం చేయమని ప్రోత్సహించాడు. జరిగిపోయినదాని గురించి బాధపడడం కాకుండా, ధ్యానం ద్వారా మనసును శాంతపరచుకొని, రాబోయే యుద్ధానికి సిద్ధం కావాలని సూచించాడు. ఇది ఒక యోగి లక్షణం. ​వినయశీలత మరియు విశ్వరూప దర్శనం....... ​వినయం: ధర్మరాజు రాజసూయ యాగంలో కృష్ణుడు అతిథుల కాళ్లు కడిగి తన వినయాన్ని ప్రదర్శించాడు. అలాగే కుచేలుని పాదాలు కడిగి తన స్నేహాన్ని, వినయాన్ని చూపించాడు. ఈ ఉదాహరణలు మనం ఎంత ఉన్నత స్థాయికి చేరినా వినయాన్ని కలిగి ఉండాలని సూచిస్తాయి. ​విశ్వరూప దర్శనం: విశ్వరూప దర్శనాన్ని పొందాలంటే కేవలం చూడడం కాదు, దానికి యోగ్యత సంపాదించాలి. యోగిగా, వినయంతో, కర్మల పట్ల అంకితభావంతో జీవించినప్పుడే మనకు ఆ యోగ్యత లభిస్తుంది. ​ శ్రీకృష్ణుడి జీవితం కేవలం ఒక భక్తి పాట కాదు, అది మన జీవితాలకు 'ఉద్దీపనా శక్తి'. ఆయన జీవితాన్ని ఒక యోగిలా, ధర్మ స్థాపకుడిలా చూసినప్పుడే మనకు నిజమైన జ్ఞానం లభిస్తుంది. ధ్యానం, వినయం మరియు కర్మ యోగం ద్వారా యోగులమవడానికి ప్రయత్నిద్దాం. #తెలుసుకుందాం #Radha Krishna #రాధాకృష్ణ #Radha Krishna Eternal love 💖 #❤️Radhakrishna Eternal Love ❤️

వెంకటేశ్వరస్వామి ఏయుగానికి చెందినవాడు తిరుమల లో స్వామి వారు శిలారూపం లో దర్శనం ఇవ్వడం ప్రారంభించింది కలియుగం లోనే కావచ్చు...... కానీ స్వామి వారు కృతయుగం నుండి తిరుమల లొనే " మాయా స్వరూపం "లో వున్నారు. అందుకే స్వామివారు శ్రీ ఆది వరహస్వామి గా తిరుమలనే కలియుగంకు నాందిగా కృతయుగం లొనే ఎంచుకున్నారు., అందుకే వరాహస్వామి తిరుమలలో వెలిసినారు. పూర్వం సృష్టి ప్రారంభం లో శ్వేత వరాహ కల్పం లో వరాహస్వామి భూమిని సముద్రం నుండి పైకి తెచ్చి సృష్టిని ఆరంభింప చేశాడనితదనంతరం వెంకటాచలం పైన ఇప్పటి స్వామి వారి పుష్కరిణి పక్కన శాశ్వత నివాసం ఏర్పరుచుకున్నాడని వరాహ పురాణం చెప్తుంది.దానికి నిదర్శనమే ఇప్పుడు మనం చూస్తున్న పుష్కరిణి కి పశ్చిమాన కల వరాహస్వామి ఆలయం. ఈ సంఘటన సృష్టి ఆరంభం లో సుమారు 200 కోట్ల సంవత్సరాల కాలం క్రితం జరిగింది. దానికి ఋజువే నేటి సహజ సిధ్ధ శిలాతోరణం కార్బన్ డేటింగ్ ప్రక్రియ ద్వారా ఈ శిలాతోరణం వయస్సు 200 బిలియన్ సంవత్సరాలు గా తేల్చారు. శ్రీనివాసుడు తిరుమల పై కలియుగాంతం వరకు ఉండడానికి వరాహస్వామి అనుమతి ఇచ్చినందున ప్రథమ దర్శన భాగ్యాన్ని శ్రీనివాసుడు వరాహ స్వామి వారికి కల్పించారని వెంకటాచల మహత్యం లో తెలుపబడింది. దానికి నిదర్శనమే నేటి వరాహ స్వామి సన్నిధి లో కల అనుమతిపత్రం. (అయితే అది కుబేరయంత్రం అని ఒక నమ్మకం కలదు ) త్రేతాయుగంలో దశరథ మహారాజు తిరుమల క్షేత్రo లో అప్పటికి ఎవరికీ సాధ్యం కాని స్వామి వారి " మాయా స్వరూప" దర్శనం చేయగలిగిన కారణంగా..... పుత్రుడు కొరకు ప్రార్ధించడం, స్వామి శ్రీ రామునిగా అతనికే జన్మించాడు అని వెంకటాచల మహత్యం లో చెప్పబడింది రావణుని బారి నుండి రక్షింపమని మునులు, ఋషులు వెంకటాచాలమునకు వెళ్ళుట. శ్రీనివాసుడు అభయమిచ్చుట. శ్రీరాముని కంటే స్వామి హనుమ వయసులో పెద్ద. త్రేతాయుగం కాలంలో బాల్యం లో అల్లరి చేస్తున్న అతనిని అతని తల్లి , అల్లరి చేస్తే ఎదురుగా ఉన్న పుట్టలో ఒక నల్ల బూచాడు వున్నారు..అతనికి నిన్ను ఇచ్చేస్తా అని భయపెట్టి, చేతులకి బేడీలు వేసి అన్నందనిలయనికి ఎదురుగా నిలబెట్టింది. మనం ఇపుడు తిరుమల లో చూస్తున్న బేడి ఆంజనేయ స్వామి విగ్రహం త్రేతాయుగం లోనిది. అంటే స్వామి అక్కడ అప్పటి నుంచే ఉన్నట్టే కదా. ద్వాపరయుగంలో బలరాముడు కూడా మహాభారత యుద్ధం సమయం లో మనశాంతి కోసం తిరుమల ,మొదలగు క్షేత్ర దర్శనానికి వచిన్నట్టు ఆధారాలు ఉన్నాయి. పాండవులు అరణ్య వాసం లో కూడా తిరుమల క్షేత్ర దర్శనం చేశారు అని ఆధారాలు ఉన్నాయి. వారు స్నానం ఆచరించి, కొంత కాలం కొండ పై గడిపిన తీర్థమే నేటి తిరుమల లో " పాండవ తీర్థం". ఇలాంటి ఎన్నో సాక్ష్యాధారాలు చాలా ఉన్నాయి కనుక తిరుమలలో శ్రీనివాసుడు మాయా స్వరూపంలో కృతయుగం నుంచి ఉన్నాడు కానీ శిలారూపంలో కలియుగం నుండి మాత్రమే దర్శనం ఇస్తున్నారు అంతే. #తెలుసుకుందాం #🙏శ్రీ వెంకటేశ్వర స్వామి ##పురాణాలూ_కథలు

*🌹పండుగలమాసం శ్రావణమాసం🌹* తెలుగు మాసాలలోని అతి పవిత్రమైన మాసాలలో శ్రావణమాసం ఒకటి ఈ మాసంలో ఉన్నన్ని పండుగలు వ్రతాలు ఇతర యే మాసంలోను ఉండవు.అందుకే శ్రావణమాసాన్ని శుభ శ్రావణమాసం అంటారు. శ్రావణమాసంలో పండుగలు *శ్రావణ శుద్ధ విదియ: అన్నవరం శ్రీ సత్యనారాయణ స్వామివారి జయంతి* *శ్రావణ శుద్ధ చతుర్థి: నాగుల చవితి* *శ్రావణ శుద్ధ పంచమి: గరుడ పంచమి,కల్కి జయంతి* *శ్రావణ శుద్ధ ఏకాదశి: పుత్రదా ఏకాదశి* *శ్రావణ శుద్ధ ద్వాదశి: రెండవ శుక్రవారం: వరలక్ష్మీ వ్రతం* *శ్రావణ శుద్ధ ద్వాదశి: దామోదర ద్వాదశి.* *శ్రావణ శుద్ధ చతుర్దశి: వరాహజయంతి* *శ్రావణ పూర్ణిమ: రాఖీ పూర్ణిమ,హయగ్రీవ జయంతి* *శ్రావణ బహుళ విదియ: శ్రీ రాఘవేంద్రస్వామి జయంతి* *శ్రావణ బహుళ చవితి: సంకటహర చతుర్ధి* *శ్రావణ బహుళ అష్ఠమి: కృష్ణాష్టమి* *శ్రావణ బహుళ ఏకాదశి: కామిక ఏకాదశి* *శ్రావణ అమావాస్య: పొలాల అమావాస్య* *వరలక్ష్మీ వ్రతం శ్రావణ మాసం లో మహిళలకు అతి ముఖ్యమైన ప్రధానమైన వ్రతం శ్రీ వరలక్ష్మీ వ్రతం. దీనిని పూర్ణిమ ముందు వచ్చే శుక్రవారం ఆచరింపవలెను. ఈ రోజున వరలక్ష్మీ దేవతను పూజిస్తే అష్టలక్ష్మీ పూజలకు సమానం అనే నమ్మకంతో కుటుంబ సభ్యులు కూడా పాలుపంచుకుంటారు. ఈ దేవతను పూజిస్తే అష్టైశ్వర్యాలు అయిన సంపద, భూమి, శిక్షణ, ప్రేమ, కీర్తి, శాంతి, సంతోషం మరియు శక్తి వంటివి లభిస్తాయని ప్రగాఢ విశ్వాసం. గరుడ పంచమి శ్రావణ శుద్ద పంచమిని గరుడపంచమి అంటారు. ఈరోజుననిర్మలమైన మనస్సు, తెలివైన పిల్లలకోసం చేసే పూజ గరుడపంచమి పూజ. ఈరోజున మహిళలు స్నానాంతరం ముగ్గులు పెట్టిన పీఠపై అరటి ఆకును పరచి, బియ్యంపోసి, వారి శక్తి మేర బంగారు,వెండి గరుడపక్షి ప్రతిమను ప్రతిష్టించి, పూజచేసి, పాయస నైవేద్యం పెడ్తారు. ఇలా మనపూజలందుకొనే గరుడిని వంటి మాతృప్రేమకల కుమారుడు కావాలని తెలిపే గరుడ పంచమి వ్రతం అనంత సౌభాగ్యాలను కలుగచేస్తుంది.అంతేకాదు నాగదోషాలు,దుఃస్వప్నాలు వల్లకలిగే కీడును తొలిగిస్తుంది. దామోదర వ్రతం శ్రావణ శుక్ల ద్వాదశిని దామోదర ద్వాదశి అంటారు.ఈ రోజున శ్రీమహావిష్ణువును వివిధ రకాల పూల మాలికలతో అలంకరించాలి. అత్యంత భక్తిశ్రద్ధలతో పూజాభిషేకాలు నిర్వహించి, స్వామివారికి ఇష్టమైన నైవేద్యాలను సమర్పించాలి. మహా విశిష్టమైన ఈ రోజున శ్రీమహా విష్ణువుకి ప్రతీకగా చెప్పబడే సాలాగ్రామాన్ని దానంగా ఇవ్వడం మంచిది. దామోదర ద్వాదశి రోజున ఈ విధంగా చేయడం వలన మోక్షాన్ని పొందడానికి అవసరమైన అర్హత లభిస్తుందని చెప్పబడుతోంది. శ్రావణ శనివారములు ఈ శ్రావణమాసంలోని శనివారాలలో ఇంటి ఇలవేల్పు అయిన శ్రీ వెంకటేశ్వర స్వామిని లేదా మహావిష్ణువు అవతారాలు పూజించడం సంప్రదాయంగా వస్తున్నది. ప్రతి శనివారం రోజున అఖండ దీపంవెలిగించి, ఉపవాసముఉండి ఆ స్వామికి తమ భక్తిని తెలియజేసి అష్టైశ్వర్యాలు పొందవచ్చు. మంగళగౌరీ వ్రతం శ్రావణ మాసమునందు ఆచరించ వలసిన వ్రతములలో రెండవది ఈ మంగళగౌరీ వ్రతం. ఈ నెలలో వచ్చే నాలుగు మంగళవారాలు మంగళ గౌరీని పూజించాలి. పార్వతి దేవికి మరొక పేరు (గౌరీ ) మంగళ గౌరీ. సాధారణంగా కొత్తగా పెళ్ళయిన ముత్తైదువలు ఈ వ్రతాన్ని చేస్తారు. ఈ వ్రతాన్ని ఆచరించడం వల్ల మహిళలకు సౌభాగ్యకరమైన ఐదవతనం కలకాలం నిలుస్తుందని ప్రతీతి. శుక్లచవితి-నాగచతుర్థి దీపావళి తర్వాత జరుపుకొనే నాగులచవితి లాగ, మన రాష్ట్రంలోని కొన్ని ప్రాంతాలందు ఈరోజుని నాగులచవితి పండుగలా నాగాపుజలను చేస్తారు. రోజంతా ఉపవాసం ఉండి పుట్ట వద్దకు వెళ్ళి పాలు పోసి, నాగ దేవతను పూజిస్తారు. దుర్వాయుగ్మ వ్రతం చేయడానికి కుడా విశేషమైన రోజు ఈ శుక్ల చవితి. శుక్ల ఏకాదశి-పుత్రదా ఏకాదశి శ్రావణశుద్ధ ఏకాదశిని పుత్రదా ఏకాదశి లేదా లలిత ఏకాదశి అంటారు. ఆరోజున గొడుగు దానమిస్తే విశేష ఫలితాన్ని పొందవచ్చు. పుత్ర సంతానాన్ని కోరుకొనేవారు ఈనాడు ఏకాదశీ వ్రతాన్ని ఆచరించడం మంచిది శ్రావణ పూర్ణిమ–రాఖీపూర్ణిమ అన్న/తమ్ముని శ్రేయస్సుని కోరుతూ అక్కాచెల్లెళ్ళు సోదరుని చేతికి రాఖీ కట్టే పండుగే ఈ రాఖీ పూర్ణిమ. సోదరునికి రాఖీ కట్టి, నుదుట బొట్టు పెట్టి అనంతరం మిఠాయిలను తినిపిస్తారు. సోదరుడు సోదరిని ఆశీర్వదించి కానుకలివ్వడం ఆనవాయితీ. ఈ రోజునే బ్రాహ్మణ, క్షత్రియ & వైశ్యులు తమ పాత యజ్ఞోపవీతాన్ని విసర్జించి కొత్తది ధరించడం ఆచారం. అందుచేత ఈ రోజుని జంధ్యాల పూర్ణిమ అనికూడా అంటారు. *పూర్ణిమ–హయగ్రీవ జయంతి ఈరోజునే శ్రీమహావిష్ణువు వేదాలను రక్షించేందుకు హయగ్రీవ రూపం ధరించినట్లు పురాణాలు చెబుతున్నాయి. హయగ్రీవుడు జన్మించిన ఈ రోజుని హయగ్రీవ జయంతిగా జరుపుకొని, హయగ్రీవుడిని పూజించి శనగలు, ఉలవలతో గుగ్గిళ్ళు చేసి నైవేద్యం సమర్పించడం సర్వ శ్రేష్టం కృష్ణవిదియ-శ్రీ రాఘవేంద్రస్వామి జయంతి మంత్రాలయంలో శ్రీ గురు రాఘవేంద్రస్వామి జయంతిని పురస్కరించుకొని విశేష పూజలను చేస్తారు. అంతే కాదు. క్రీ.శ.1671 వ సంవత్సరంలో విరోధికృత్ నామ సంవత్సర, శ్రావణ బహుళ విదియనాడు శ్రీ రాఘవేంద్రస్వామి వారు సజీవంగా సమాధిలో ప్రవేశించారని ప్రాచీన గ్రంధాలలో పేర్కొనబడినది. కృష్ణపక్ష అష్టమి–శ్రీకృష్ణాష్టమి శ్రీమహావిష్ణువు యోక్క ఎనిమిదో అవతారమే శ్రీకృష్ణ అవతారం. శ్రీకృష్ణ పరమాత్మ జన్మించిన శుదినమే ఈ శ్రీకృష్ణాష్టమి. దీనినే జన్మాష్టమి అని కూడా పిలుస్తారు. ఈరోజు ఉదయం ఉపవాసం ఉండి సాయంత్రం కృష్ణుడిని పూజించి నైవేద్యంగా పాలు, పెరుగు, వెన్నలను సమర్పించడం అనంతరం ఉట్టిని కొట్టడం అనేది ఆచారంగా వస్తోంది. *కృష్ణపక్ష ఏకాదశి–కామిక ఏకాదశి* ఇక బహుళ పక్షంలో వచ్చే ఏకాదశే కామిక ఏకాదశి. ఈరోజున నవనీతమును(వెన్న) దానం చేయాలని పెద్దలు అంటారు.దీనివలన మహావిష్ణువు యొక్క అనుగ్రహాన్ని పొందవచ్చు. తద్వారా ఈతి బాధలు పోయి, కోరికలన్నీ నెరవేరుతాయని శాస్త్ర వచనం. *అమావాస్య–పోలాల అమావాస్య * పోలాల అమావాస్యను మహిళలు శ్రావణ మాసములో కృష్ణపక్ష అమావాస్య రోజున జరుపుకుంటారు. సంతానాన్ని కోరుకునే ఇల్లాళ్లు దీనిని చేసుకోవాలని పెద్దలు చెబుతుంటారు. కాలక్రమేణా పోలాల అమావాస్య అన్న పేరు కాస్తా, పోలేరు అమావాస్య గా మారి, పోలేరమ్మ అనే గ్రామ దేవతలను ఆరాధించే పర్వదినంగా మార్పు చెందింది. ఇది ఆచరించడం వల్ల పిల్లలకు అకాల మృత్యు భయం తొలగిపోతుంది అని శాస్త్రాలు చెబుతున్నాయి. #తెలుసుకుందాం #🪔శ్రావణ మాసం #🕉️పవిత్ర శ్రావణ మాసం🙏

జీవితంలో ఏదైనా సరే మొండి పట్టుదలతో సంపాదించుకో... కానీ ఒక్క"" స్త్రీ "" కోసం , ప్రేమ కోసం మాత్రం ఆరాటపడకు. అటు ఏడు తరాలు , ఇటు ఏడు తరాలు ఫ్యామిలీ background ను నిశితంగా పరిశీలించి ముందుకు step వేయండి. ___________________________________________ ఇప్పుడు సోషల్ మీడియా లో రోజూ చూస్తూ వున్నాం. భార్య భర్తను చంపిందనో , లేక భర్త భార్యను చంపిందనో.. దీనికి కారణము కుటుంబ వంశ వృక్షాన్ని చూడకుండా , ఆలోచించకుండా .. ఉద్యోగం ఉందని , ఆస్తిపరులు అనీ..సుఖపడతారనీ ... కానీ జరిగేది మరొకటి... ఇలాంటి హింసా ప్రవృత్తి లక్షణాలు తల్లిదండ్రుల ద్వారా , తరాల ద్వారా సంక్రమించవచ్చు.. ___________________________________________ పూర్వం రోజుల్లో పెళ్లి సంప్రదాయాలు పెద్దలు నిర్ణయించినట్టు జరిగేవి.. పెళ్లి అయిన తర్వాతనే మొహాలు చూసుకునేవారు. ఒక సంప్రదాయ వైదిక బ్రాహ్మణ సమక్షంలో , తాటాకు పందిళ్లలో వేద మంత్రాల సాక్షిగా, సొంత ఇంటి ముందే పెళ్లి వేడుక జరిగేది. పరిస్థితులు మారినా .. పద్దతి మారకూడదు కదా.. ___________________________________________ అందుకే ఏ స్త్రీ నీ బ్రతిమాలకు.. తనకు తానుగా నువ్వే కావాలి , నీతోనే నా ప్రయాణం , నా బ్రతుకు అని వస్తుందే.... అలా వచ్చిన స్త్రీ ప్రేమ జెన్యూన్. అప్పుడే మీరిద్దరూ happy గా ఉండగలుగుతారు. ___________________________________________ అంతే గానీ , ముక్కు , మొహం తెలియని వాళ్ళని , సోషల్ మీడియా లో పరిచయం అయినవాళ్ళని అస్సలు నమ్మకండి. వాళ్ళంతా దొంగలు.. మాటలు చాటింగ్ రూపంలో వస్తాయి. ఫేస్ కన్పించదు. అమ్మాయో తెలియదు.. అబ్బాయో తెలియదు.. దీనికి ఉదాహరణ చెప్తాను.. మొన్నీమధ్య social మీడియాలో ఆడపేరు పెట్టుకున్న మగవాడు నాకు తారసపడ్డాడు. అమ్మాయి అని అనుకుని పరిచయం పెంచుకున్నాను. తర్వాత తెలిసింది... వాడు అబ్బాయి అని...పైగా ముసలివాడు అని...అమ్మాయి tag పెట్టుకుని , అమ్మాయిలతో చాటింగ్ చేస్తుంటాడు... వాడి ట్యాగ్...రామ చిలుక...వాడు గ్రూప్ కూడా మెయింటైన్ చేశాడు.. ఆ గ్రూప్ లోని ఒక అమ్మాయి చెప్తే నాకు తెలిసింది. అప్పటికే జరగవలసిన డ్యామేజ్ జరిగిపోయింది. కొంత డబ్బు పోగొట్టుకున్నాను.. ___________________________________________ ఇలా సోషల్ మీడియాలో ఆడపేర్లు పెట్టుకున్న మగవారు చాలా మంది ఉన్నారు. అందుకే నీవు వెంటబడే బంధం ఎక్కువ కాలం నిలబడదు. కలసి బ్రతకాలని ఇద్దరికీ వుండాలి. ప్రయత్నం ఇద్దరూ చేయాలి. పెద్దల అంగీకారంతో తాటాకు పందిళ్లలో , వేద మంత్రాలతో , నిజమైన ప్రేమ కు సాక్ష్యంగా మీ కలలను సాకారం చేసుకోండి. .. నూరేళ్ళ వివాహ బంధాన్ని కాపాడుకోండి. ___________________________________________ Hari (ఓం శ్రీ మాత్రే నమః) ___________________________________________ #తెలుసుకుందాం #🙆 Feel Good Status #✍️నా ఆలోచనలు✍️ #😃మంచి మాటలు #✍️నా మది అంతరంగం💜

⚜️ *జీవితం-మరణం* ⚜️ ఈ సృష్టిలో ప్రతీ ఒక్కరూ మరణ ద్వారం దగ్గర నిలబడి ఉన్నారన్నది కాదనలేని చేదు నిజం. మనిషికి తానెప్పుడు చనిపోతానో తెలియనప్పుడు ప్రతీ ఘడియనూ మరణ సమయంగానే భావించాలి, మనిషి వేసే ప్రతీ అడుగూ మరణానికి దగ్గర చేసేదే ! నేడు జీవితం, రేపు మరణం అన్న భావనతోనే జీవన ప్రయాణాన్ని కొనసాగించాలి. తెలిసిన ప్రపంచం నుంచి తెలియని లోకానికి ప్రయాణమే మరణం. కానీ, మనిషి దీన్ని గుర్తించడు, మరణమనే మాటనే జీర్ణించుకోలేడు. ఇప్పట్లో చావు తన దరికి రాదనుకుంటాడు. ఈ భావనే అతణ్ని మోసానికి గురిచేస్తుంటుంది. కానీ, నిత్యం మరణాన్ని గుర్తుంచుకున్న వారే వివేకవంతులు. ‘చివరకు ప్రతి మనిషీ మరణిస్తాడు. ఎవరికైనా మరణ సమయం ఆసన్నమైనప్పుడు వ్యవధి ఉండదు. ‘ఎవరికైనా మరణ సమయం సమీపించినప్పుడు.. ఆ వ్యక్తి ... ‘భగవాన్ నీవు నాకు మరికొంత వ్యవధి ఎందుకివ్వలేదు. నేను దానధర్మాలు చేసి సజ్జనులలో కలిసిపోయేవాణ్ని కదా?’ అని వాపోయే పరిస్థితి రాకముందే మంచిని ఆచరించండి. ఎవరి ఆచరణ వ్యవధి అయినా ముగిసిపోయే సమయం ఆసన్నమైనప్పుడు, దైవం అతనికి ఎంతమాత్రం అదనపు వ్యవధి ఇవ్వడు’. ‘ఆయన అందరికీ ఒక నిర్ణీత కాలం వరకు గడువు ఇస్తాడు. అంత్యకాలం సమీపించినప్పుడు, ఒక్క ఘడియ కూడా వెనుకా ముందూ కాజాలదు’ శరీరమున్నప్పుడే చేతనైనంత మంచిని ఆచరించు, సత్కర్మలలో పాల్గొను, ఆర్తిక శక్తి చాలకపోతే, చెవుల ద్వారా మంచిని విను, కళ్ళ ద్వారా మంచిని చూడు, నోటి ద్వారా మంచి పలుకు, కాళ్ళను మంచి వైపుకి నడిపించు, చేతులతో మంచి పనుల్లో సహకారం అందజేయు... అందుకే !!... *శరీరం ఆద్యం ఖలు ధర్మసాధనం’’ అన్నాడు మహాకవి కాళిదాసు.* 🙏సమస్త లోకా సుఖినోభవంతు 🙏 #🗣️జీవిత సత్యం #😃మంచి మాటలు #తెలుసుకుందాం

🪷🙏 గ్రామ దేవతల నుండి శక్తి స్వరూపిణి వరకు.. అమ్మవారికి నిమ్మకాయల దండ ఎందుకు వేస్తారో తెలుసా? మనం ఏదైనా అమ్మవారి గుడికి వెళ్లినప్పుడు లేదా గ్రామ దేవతల జాతరలు జరిగినప్పుడు అమ్మవారి మెడలో నిమ్మకాయల దండను చూస్తుంటాం. ముఖ్యంగా దుర్గాదేవి, కాళీమాత, పోలేరమ్మ వంటి ఉగ్ర రూపం కలిగిన దేవతలకు నిమ్మకాయల దండ అంటే ఎంతో ప్రీతి. అయితే, పువ్వుల దండలు ఉండగా కేవలం నిమ్మకాయలనే దండగా ఎందుకు వేస్తారు? దీని వెనుక ఉన్న పురాణ గాథలు ఏమిటి? ఇది కేవలం నమ్మకమా లేక దీని వెనుక ఏదైనా బలమైన కారణం ఉందా? ఈ ఆసక్తికరమైన ఆధ్యాత్మిక విషయాలను ఇప్పుడు తెలుసుకుందాం.. 🪷🙏 నిమ్మకాయ అంటే కేవలం ఒక పండు మాత్రమే కాదు, ఆధ్యాత్మిక శాస్త్రం ప్రకారం అదొక శక్తివంతమైన ఆయుధం. మనపై ఉన్న ప్రతికూల శక్తిని (Negative Energy) గ్రహించే గుణం నిమ్మకాయకు ఉంది. అందుకే అమ్మవారికి నిమ్మకాయల దండ వేయడం ద్వారా మన కష్టాలు, దోషాలు తొలగిపోతాయని భక్తుల ప్రగాఢ విశ్వాసం. మరి నిమ్మకాయల సంఖ్యకు, అమ్మవారి అనుగ్రహానికి ఉన్న సంబంధం ఏంటి? 108 లేదా 54 నిమ్మకాయల దండ వెనుక ఉన్న మర్మమేమిటి? వంటి రహస్యాలను ఇప్పుడు సవివరంగా విశ్లేషిద్దాం..🪷🙏 1. ఉగ్ర రూపాన్ని శాంతింపజేయడానికి: శక్తి స్వరూపిణి అయిన అమ్మవారు దుష్ట శిక్షణ చేసేటప్పుడు అత్యంత ఉగ్రంగా ఉంటారు. నిమ్మకాయలో ఉన్న పులుపు మరియు చలవ చేసే గుణం అమ్మవారి ఉగ్రతను తగ్గించి, ఆమెను శాంతింపజేస్తుందని పురాణాలు చెబుతున్నాయి. 2. ప్రతికూల శక్తిని హరించడం: నిమ్మకాయకు గాలిలోని లేదా మనుషులలోని ప్రతికూల ప్రకంపనలను (Negative Vibrations) ఆకర్షించే గుణం ఉంటుంది. భక్తులు తమపై ఉన్న దిష్టి, ఈర్ష్య, ద్వేషం వంటి నెగటివ్ ఎనర్జీని నిమ్మకాయలు గ్రహించి, తమకు శుభం కలగాలని కోరుకుంటూ అమ్మవారికి ఈ దండను సమర్పిస్తారు. 3. రాహు దోష నివారణ: జ్యోతిష్య శాస్త్రం ప్రకారం, నిమ్మకాయల దండ సమర్పించడం వల్ల రాహు గ్రహ దోషాలు తొలగిపోతాయని నమ్ముతారు. రాహు కాలంలో దుర్గాదేవికి నిమ్మకాయలతో దీపం వెలిగించడం లేదా దండ వేయడం వల్ల పెళ్లి సంబంధాలు కుదరడం, ఉద్యోగ ప్రాప్తి వంటి శుభ ఫలితాలు కలుగుతాయి. 4. ఆరోగ్య సంరక్షణ (శాస్త్రీయ కోణం): పూర్వ కాలంలో జాతరలు, ఉత్సవాలు జరిగినప్పుడు జనం ఎక్కువగా ఉండేవారు. నిమ్మకాయల నుండి వచ్చే సహజమైన సువాసన గాలిలోని క్రిములను చంపి, అంటువ్యాధులు ప్రబలకుండా చేసే ‘డిస్-ఇన్ఫెక్టెంట్’ లా పనిచేసేది. అందుకే గుడుల వద్ద నిమ్మకాయల వినియోగం ఎక్కువగా ఉండేది. 5. నిమ్మకాయల సంఖ్య ప్రాముఖ్యత: సాధారణంగా అమ్మవారికి 18, 54 లేదా 108 నిమ్మకాయలతో దండ వేస్తారు. ఈ సంఖ్యలు ఆధ్యాత్మికంగా ఎంతో పవిత్రమైనవి. పండని పచ్చని నిమ్మకాయల కంటే, బాగా పండిన పసుపు రంగు నిమ్మకాయలతో దండ వేయడం శుభప్రదంగా భావిస్తారు. గమనిక: ఇది కేవలం సమాచారం మాత్రమే. సంస్థ దీనికి బాధ్యత వహించదు. హిందూ ధర్మ శాస్త్రాలు మరియు పురాతన నమ్మకాల ఆధారంగా ఈ సమాచారం అందించబడింది. దీనిని పాటించే ముందు మీ ఆధ్యాత్మిక గురువులను సంప్రదించడం శ్రేయస్కరం.🪷🙏 దుర్గాదేవి ఆరాధనలో నిమ్మకాయల పూజకు, నిమ్మకాయ దండలకు ప్రాధాన్యత ఉండడం తెలిసిందే! అయితే లక్ష్మి సరస్వతి దేవతలకు కాకుండా కేవలం దుర్గాదేవికి మాత్రమే నిమ్మకాయల దండ సమర్పించడం వెనుక ఉన్న అంతరార్ధం ఏమిటి? ఇలా నిమ్మకాయల దండ సమర్పిస్తే ఎలాంటి ఫలితాలు కలుగుతాయి? అనే విషయాలు ఈ కథనంలో తెలుసుకుందాం. దుర్గాదేవికి నిమ్మకాయల దండ సాధారణంగా దుర్గాదేవికి నిమ్మకాయల దండలు వేసి పూజిస్తూ ఉంటాం. ఇలా నిమ్మకాయల దండలు అమ్మవారికి మాత్రమే ఎందుకు వేస్తారు? అసలు ఈ ఆచారం ఎందుకు ప్రారంభం అయ్యింది? హిందూ సంప్రదాయంలో లక్ష్మీ దేవికి, సరస్వతీ దేవికి ఇలాంటి నిమ్మకాయ దండలు వేసే ఆచారం కనిపించదు. కానీ శక్తి ఆలయాల్ల, గ్రామదేవతల ఆలయాల్లో ఈ ఆచారం కనిపిస్తుంది. ప్రాణికోటిని రక్షించే శక్తి స్వరూపిణి అన్నవారు శక్తి స్వరూపిణి. సమస్త ప్రాణికోటిని ఆ తల్లి ఎప్పుడూ రక్షిస్తూ ఉంటుంది. అమ్మవారు అనునిత్యం శత్రుసంహారాన్ని, లయత్వాన్ని నిర్వహిస్తుంటుంది. దుష్టశక్తుల పాలిటి సింహస్వప్నం అయిన దేవికి కొంత తామస గుణం ఉంటుంది. దేవి సత్వ సరూపమే అయినా ఆ తల్లి సంహార క్రియ నిర్వహించేప్పుడు తామస ప్రవృత్తిని ప్రదర్శిస్తుంది . గ్రామ దేవతలు కూడా దేవీ స్వరూపాలే! గ్రామ దేవతలు కూడా ఆ దేవీ స్వరూపాలే! గ్రామదేవతలు గ్రామాలకి రక్షణగా ఉండటానికి రాత్రిపూట గ్రామ సంచారం చేస్తూ, దుష్ట శిక్షణ చేస్తారు. శక్తిస్వరూపిణి అయిన అమ్మవారి వీరత్వాన్ని ప్రతిబింబించేవే ఈ నిమ్మకాయల దండలు. అమ్మవారికి మాత్రమే ఎందుకు? అమ్మవారికి నిమ్మకాయ దండలని సమర్పించడం అనాదిగా వస్తున్న సంప్రదాయం. శత్రు సంహారం కోసం రౌద్ర , తామస స్వరూపిణి అయిన దేవికి, ఆమెకి ఇష్టమైన నిమ్మకాయల దండనీ, పులుపుగా ఉండే పులిహోర వంటి నైవేద్యాన్ని సమర్పిస్తే ఆ తల్లి శాంతిస్తుందని చెబుతారు. అందువల్లే అమ్మవారికి నిమ్మకాయల దండలు వేస్తారు.దుర్గాదేవికి నిమ్మకాయల దండ ఏ రోజు సమర్పించాలి? మంగళవారం, శుక్రవారం అమ్మవారికి నిమ్మకాయల దండ సమర్పించడం శుభప్రదం. ఇంటి పూజలో నిషిద్ధం అయితే అమ్మవారికి నిమ్మకాయల దండ సమర్పించే సంప్రదాయాన్ని ఇళ్లల్లో చేసుకొనే పూజల్లో పాటించకూడదని గుర్తుంచుకోవాలి. ఇంట్లో మనం చేసుకునే పూజలో సాత్విక తత్వం ఉంటుంది. అయితే నిమ్మకాయల దండ సమర్పించడంలో తాంత్రికపరమైన అర్థాలు కూడా ఉన్నందున ఇలాంటి ఆచారాన్ని ఇంట్లో చేసుకొనే పూజల్లో పాటించకపోవడమే మంచిది. ఇలా చేయవచ్చు ఆలయంలో దుర్గాదేవి కోసం నిమ్మకాయల దండని తయారు చేసి, గుడిలో అమ్మవారికి సమర్పించి, అర్చన చేయించుకొని, అమ్మవారి ప్రసాదంగా ఆలయం నుంచి రెండు మూడు నిమ్మకాయలు తెచ్చుకొని, గుమ్మానికి కట్టుకుంటే నరఘోష, ద్రుష్టి దోషాలు, శత్రుపీడలు తొలగిపోతాయి. అలాగే మన ఇల్లు అమ్మ రక్షణలో ఉన్నందువల్ల, దుష్ట శక్తులు దరి చేరకుండా ఉంటాయి . చివరగా ఈ నిమ్మకాయల దండని కేవలం పరాశక్తికి మాత్రమే వినియోగించాలి. అంతేగానీ లక్ష్మీ దేవికి, సరస్వతి దేవికి ఈ ఆచారం వర్తించదని గుర్తుంచుకోవాలి. ఓం శ్రీ దుర్గాదేవ్యై నమః #తెలుసుకుందాం

🌿 శాకంబరీ దేవి అంటే ఎవరు?🥕🥦🫑🥬🫛🍐🥒🫜🫒🍋‍🟩🍋🍍🥭🍆 విజయవాడ శ్రీ కనకదుర్గమ్మ తల్లికి ఆషాఢమాసంలో శాకంబరీ దేవి అలంకారం ఎంతో విశిష్టత 🌿🥒🍆🥕🥬 పూర్వం దుర్గమాసురుడు 100 ఏళ్లు వర్షాలు లేకుండా చేశాడు 🙏 భూమి మీద తినడానికి తిండి లేక అందరూ ఆకలితో అల్లాడారు 🙏శాకం" అంటే కూరగాయలు, ఆకుకూరలు, పండ్లు, "అంబరీ" అంటే ధరించిన తల్లి. పురాణాల ప్రకారం, ఒకసారి దుర్గమాసురుడు వేదాలను అపహరించడంతో వర్షాలు పడలేదు. భూమిపై కరువు ఏర్పడి ప్రజలు, పశువులు ఆకలితో బాధపడ్డారు. అప్పుడు జగన్మాత శాకంబరీ దేవి రూపంలో అవతరించి, తన శరీరం నుంచే వివిధ రకాల కూరగాయలు, పండ్లు, ఆకుకూరలు ఉద్భవింపజేసి సృష్టిని రక్షించింది. 🌾🥒🍅🥕🍆 🔸 ఆషాఢమాసంలో ప్రకృతి పచ్చగా మారుతుంది. 🔸 రైతులు పండించిన తొలి కూరగాయలు, పంటలను అమ్మవారికి సమర్పిస్తారు. 🔸 సర్వలోకాలకు అన్నం, ఆహారం ప్రసాదించే తల్లిగా కనకదుర్గమ్మను శాకంబరీ రూపంలో అలంకరిస్తారు. 🔸 అమ్మవారికి వేలాది కూరగాయలు, పండ్లు, ఆకుకూరలతో అద్భుతమైన అలంకారం చేస్తారు. 🌸 శాకంబరీ అలంకార విశిష్టత 🌿 అన్నపూర్ణ స్వరూపిణి. 🥒 కరువు, ఆకలి, దారిద్ర్యం తొలగుతాయని విశ్వాసం. 🍅 ఇంట్లో ఐశ్వర్యం, ఆరోగ్యం, పంటల సమృద్ధి కలుగుతుందని నమ్మకం. 🥬 వ్యవసాయం చేసే వారికి ప్రత్యేక కృప లభిస్తుందని భక్తుల విశ్వాసం. 🍇 కుటుంబంలో సుఖశాంతులు, ధాన్య సమృద్ధి పెరుగుతాయని చెబుతారు. 🙏 భక్తులు ఏమి సమర్పిస్తారు? 🥒 దోసకాయలు 🍆 వంకాయలు 🥕 క్యారెట్లు 🥬 ఆకుకూరలు 🌽 మొక్కజొన్న కంకులు 🍅 టమాటాలు 🌶️ మిరపకాయలు 🍋 నిమ్మకాయలు 🥭 మామిడిపండ్లు 🍌 అరటిపండ్లు 🥥 కొబ్బరికాయలు ఇలా ఎన్నో రకాల కూరగాయలు, పండ్లతో అమ్మవారిని అలంకరించి దర్శించుకుంటారు. 🌺 శాకంబరీ దేవి దర్శనం చేసిన వారికి అమ్మవారి అనుగ్రహంతో ఆరోగ్యం, ఐశ్వర్యం, ధాన్య సమృద్ధి, కుటుంబ సౌఖ్యం కలుగుతాయని భక్తుల విశ్వాసం. 🙏🌿🌾 అప్పుడు అమ్మవారు తన 100 కళ్ళతో చూసి కన్నీళ్లు పెట్టుకుంది 🙏 ఆ కన్నీళ్లే వర్షాలుగా మారి నదులు అయ్యాయి 🙏 తన ఒంటి నుండే కూరగాయలు, పండ్లు, ఆకుకూరలు పుట్టించి ప్రపంచానికి అన్నం పెట్టింది 🙏 అందుకే ఆమె శాకంభరీ అయ్యింది 🙏 శాకం అంటే కూరగాయల తల్లి అని 🙏 ఆషాడం అంటే రైతులకు పంటల నెల 🙏 పంటలు బాగా పండాలని, కరువు రాకూడదని, ఎవరికీ ఆకలి బాధ ఉండకూడదని మన కనకదుర్గమ్మను శాకంభరీగా అలంకరిస్తారు 🙏 ఈ అలంకారం చూస్తే అర్థం ఏంటంటే - తిండిని వృధా చేయొద్దు, ప్రకృతిని కాపాడండి, ఆకలితో ఉన్నవారికి అన్నం పెట్టండి అని 🙏 #శాకంబరీదేవి 🌿 #విజయవాడకనకదుర్గమ్మ 🙏🌺🍀🌿⚜️💗🧿 #తెలుసుకుందాం #🔱విజయవాడ కనక దుర్గమ్మ #విజయవాడ కనక దుర్గమ్మ #శ్రీ కనక దుర్గ దేవి #కనక దుర్గమ్మ

శ్లో."" వాగర్థావివ సంపృక్తౌ వాగర్థ ప్రతిపత్తయే జగతః పితరౌ వందే పార్వతీ పరమేశ్వరౌ !!"" వాగర్థావివ = వాక్కు, అర్థముల వలె, సంపృక్తౌ = కూడియున్న వారును, జగతః = ఈ జగత్తునకు, పితరౌ = తల్లి దండ్రులును అయిన, పార్వతీ పరమేశ్వరౌ = పార్వతీ పరమేశ్వరులను, వాగర్థ = వాక్కుల, అర్థముల, ప్రతిపత్తయే = సంప్రాప్తి కొఱకు , వందే = నమస్కరిస్తున్నాను. అర్థం: మాటలు, వాని అర్ధముల ఙ్ఞానము కొరకు, వాటి వలెనే ఎప్పుడూ కలిసియుండెడి, జగత్తునకు తల్లిదండ్రులైన పార్వతీ పరమేశ్వరులకు నమస్కరిస్తున్నాను. మహాకవి కాళిదాసు 'రఘువంశం' కావ్యానికి మొదట ఈ మంగళ శ్లోకం రచించాడు. జగత్తుకు అనగా ప్రపంచానికి పార్వతీపరమేశ్వరులు తలిదండ్రులవలె ఉన్నారు, అని ఆ మహాకవి అన్నాడు. ఇదేవిధంగా శంకర భగవత్ పాదులు కూడా 'మాతా చ పార్వతీదేవీ పితాదేవో మహేశ్వరః, బాంధవా శ్శివభక్తాశ్చ స్వదేశో భువనత్రయమ్' అని ఒకచోట నిర్ధారించారు. #తెలుసుకుందాం #💝మాంగళ్య బంధం #💑భార్యాభర్తల అనుబంధం #💑 కపుల్ గోల్స్ #శివపార్వతులు 🔱🚩