Part 24 അന്തമില്ലാത്ത വരികൾ - സഖിയുടെ സഖാവ് - നിയ പതിയെ പുസ്തകം അടച്ചു. പുസ്തകത്തിന്റെ പുറംചട്ടയിൽ അവളുടെ വിരലുകൾ മുറുകെ പിടിച്ചിരുന്നു. കുറച്ച് നിമിഷങ്ങൾ ആരും ഒന്നും സംസാരിച്ചില്ല. പാർട്ടി ഓഫീസിലെ നിശ്ശബ്ദത അവർക്കിടയിലും പടർന്നുനിന്നു. ലക്ഷ്മിയുടെ നിറഞ്ഞ കണ്ണുകളിലേക്ക് നോക്കിനിന്ന നിയയുടെ മനസ്സിൽ ചോദ്യങ്ങൾ ഒന്നൊന്നായി ഉയർന്നു. ലക്ഷ്മി…” നിയ മെല്ലെ വിളിച്ചു. ആ വിളിയിൽ കൗതുകത്തേക്കാൾ ആശങ്കയായിരുന്നു നിറഞ്ഞിരുന്നത്. ലക്ഷ്മി പതിയെ മുഖമുയർത്തി നിയയെ നോക്കി. “എന്റെ സഖാവ്… എന്റെ മുന്നിൽ വരും…” ആ വാക്കുകൾ പറയുമ്പോൾ ലക്ഷ്മിയുടെ കണ്ണുകളിൽ പ്രതീക്ഷയുടെ തിളക്കം നിറഞ്ഞിരുന്നു. ആകാംക്ഷയോടെയും അതിലേറെ സന്തോഷത്തോടെയും അവൾ നിയയുടെ മുഖത്തേക്ക് നോക്കി. ആ വാക്കുകൾ ചുണ്ടുകളിൽ നിന്ന് പുറത്തുവന്ന നിമിഷം, അവളുടെ മനസ്സാകെ പറഞ്ഞറിയിക്കാനാവാത്തൊരു സന്തോഷം നിറഞ്ഞു. ഇതൊന്നുമറിയാതെ ഇരുവരും സംസാരത്തിൽ മുഴുകി. എന്നാൽ, അൽപം അകലെയിരുന്ന് എല്ലാം നിശ്ശബ്ദമായി വീക്ഷിക്കുന്ന രണ്ട് കണ്ണുകൾ കൂടി അവിടെയുണ്ടായിരുന്നു. ലക്ഷ്മിയുടെ വാക്കുകൾ അവന്റെ കാതുകളിൽ പതിഞ്ഞ നിമിഷം, ദേവിന്റെ ചുണ്ടിൽ മായാത്തൊരു പുഞ്ചിരി വിരിഞ്ഞു. അവന്റെ ഹൃദയം പറഞ്ഞറിയിക്കാനാവാത്ത സന്തോഷത്താൽ നിറഞ്ഞു. ആരും കാണാതെ അവിടെനിന്ന് മടങ്ങാൻ ദേവ് പതിയെ തിരിഞ്ഞു. എന്നാൽ അടുത്ത നിമിഷം തന്നെ വാതിലിൽ ചാരിനിന്നിരുന്ന ഒരാളിൽ അവന്റെ കണ്ണുകൾ ഉടക്കി. ദേവ് ഒരു നിമിഷം കൊണ്ട് തന്റെ മുഖഭാവം നിയന്ത്രിച്ചു. ഉടൻ തന്നെ തിരിഞ്ഞ് മേശപ്പുറത്തിരുന്ന പുസ്തകം തുറന്ന് അതിലേക്ക് നോക്കിനിന്നു. അലി ഓഫീസിനുള്ളിലേക്ക് നടന്നുകയറാൻ തുടങ്ങിയ അതേ നിമിഷം തന്നെയായിരുന്നു ലക്ഷ്മിയും നിയയും പുറത്തേക്ക് ഇറങ്ങാൻ തിരിഞ്ഞത്. വാതിൽക്കൽ വെച്ച് അലിയെ കണ്ട ലക്ഷ്മി ഒരു മന്ദഹാസം സമ്മാനിച്ചു. അതിന് മറുപടിയായി അലിയും ചെറുചിരിയോടെ തലയാട്ടി. അടുത്ത നിമിഷം ലക്ഷ്മിയും നിയയും പുറത്തേക്ക് നടന്നു. അലി ഓഫീസിനുള്ളിലേക്കും കയറി. “എന്താ സഖാവേ… മുഖത്തൊരു കള്ളച്ചിരി. ലക്ഷ്മിയുടെ മുഖത്തും ഒരു പ്രത്യേക തിളക്കമുണ്ടല്ലോ…” അലി ചോദിച്ചു “അതൊക്കെയുണ്ട്, മോനേ… തിരഞ്ഞെടുപ്പ് പ്രചാരണ ദിവസം എല്ലാം നിനക്ക് മനസ്സിലാകും.” ദേവ് കള്ളച്ചിരിയോടെ പറഞ്ഞു. തുടരും part 25 #📙 നോവൽ #💞 പ്രണയകഥകൾ #📔 കഥ #📝 ഞാൻ എഴുതിയ വരികൾ #തുടർകഥ