స్త్రీలు బలంగా కోరుకునేది ప్రేమ కాదు… గౌరవం. స్త్రీని “స్త్రీ” అనే భావనతో, సంస్కృతి–సాంప్రదాయం పేరుతో గౌరవించడం వేరు. ఆమెను ఒక వ్యక్తిగా, ఆమె ఆలోచనలను, తెలివితేటలను, ప్రతిభను, వ్యక్తిత్వాన్ని గౌరవించడం వేరు. సాంప్రదాయాలు, కట్టుబాట్లు పాటించే స్త్రీని మాత్రమే “మంచి స్త్రీ”గా భావించి, ఆమెకు గౌరవం ఇవ్వడం నిజమైన గౌరవం కాదు. అది చాలాసార్లు ఆమెను ఒక నిర్దిష్టమైన మూసలో బంధించడమే. గౌరవం విలువ నిజంగా ఎవరికి తెలుస్తుంది అంటే… అది దక్కని వారికి మాత్రమే తెలుస్తుంది. ఒక స్త్రీ తన ఆత్మవిశ్వాసంతో, తెలివితేటలతో, ప్రతిభతో, ఆలోచనా విధానంతో, వ్యక్తిత్వంతో గౌరవం సంపాదించుకోవడం మన సమాజంలో ఇప్పటికీ అంత సులభం కాదు. ఆమె తన అభిప్రాయాన్ని ధైర్యంగా చెబితే — “పొగరు.” తనకు ఏది కావాలో స్పష్టంగా చెబితే — “ఎవరి మాటా వినదు.” తన జీవితంపై తనకంటూ నిర్ణయం ఉంటే — “అహంకారం.” ఇది చాలామంది స్త్రీలను చూసే మూస ధోరణి. నిజానికి, తన గురించి తనకు స్పష్టత ఉండటం అహంకారం కాదు. తన విలువ తనకు తెలుసుకోవడం పొగరు కాదు. తన ఆలోచనలను స్వతంత్రంగా వ్యక్తం చేయడం తప్పు కాదు. సంస్కృతి, సంప్రదాయం, మంచితనం పేరుతో సమాజానికి నచ్చినట్టుగా జీవించే స్త్రీని అందరూ సులభంగా అంగీకరిస్తారు. కానీ సొంత ఆలోచనలతో, ఆత్మవిశ్వాసంతో, స్పష్టతతో, వ్యక్తిత్వంతో నిలబడే స్త్రీ చాలామందికి అసౌకర్యంగా అనిపిస్తుంది. ఎందుకంటే ఆమెను నియంత్రించడం అంత సులభం కాదు. అలాంటి స్త్రీని ప్రేమించడానికి ముందు ఆమె వ్యక్తిత్వాన్ని గౌరవించడం నేర్చుకోవాలి. ఒక్కసారి ఒక పురుషుడు ఒక స్త్రీని ఆమె అందం కోసం కాదు… ఆమె వ్యక్తిత్వం కోసం ఇష్టపడటం మొదలుపెడితే, ఆ బంధం చాలా లోతైనదవుతుంది. ఎందుకంటే అందం మారుతుంది. పరిస్థితులు మారతాయి. కాలం మారుతుంది. కానీ వ్యక్తిత్వం మీద పుట్టిన గౌరవం, ప్రేమ… చివరి వరకు నిలిచిపోతాయి. ❤️ #సెల్ఫ్ రెస్పెక్ట్ ఎప్పుడూ కోల్పోవద్దు #💗నా మనస్సు లోని మాట #🙆 Feel Good Status #నా మదిలోని భావాలు...✍🏻