#🍲 ഭക്ഷണപ്രേമി *🌶️ ഇന്നത്തെ പാചകം 🍳* *ഫിഷ് ക്രിസ്പി ഫ്രൈ* +------+-----+------+-----+ ```മീൻ വിഭവങ്ങോടുള്ള പ്രിയം മലയാളികൾക്ക് ഏറിക്കൊണ്ടിരിക്കുകയാണ്. അധികം ആളുകൾക്കും കറിയേക്കാൾ മീൻ ഫ്രൈ ചെയ്തു കഴിക്കുന്നതിനോടാണ് പ്രിയം. എന്നാൽ അമിതമായ എണ്ണ മയം ആരോഗ്യത്തിന് നല്ലതല്ല. വറുത്തെടുക്കുന്ന ഭക്ഷണങ്ങൾ കൊളസ്ട്രോളിന് കാരണമായേക്കും. അതോർത്ത് ഇഷ്ടപ്പെട്ട ഭക്ഷണം ഒഴിവാക്കേണ്ട. വളരെ കുറച്ച് എണ്ണ ഉപയോഗിച്ച് ക്രിസ്പിയായി മീൻ വറുത്തെടുക്കാൻ ഒരു വിദ്യയുണ്ട്. ഈ റെസിപ്പി ട്രൈ ചെയ്തു നോക്കൂ.``` ______________________ *ചേരുവകൾ* ______________________ _മീൻ- 250 ഗ്രാം_ _കാശ്മീരിമുളകുപൊടി- 3 ടേബിൾസ്പൂൺ_ _ജീരകം- 1/2 ടീസ്പൂൺ_ _മഞ്ഞൾപ്പൊടി- 1/2 ടീസ്പൂൺ_ _വെളുത്തുള്ളി- 1/2 ടീസ്പൂൺ_ _ഇഞ്ചി- 1 കഷ്ണം_ _വിനാഗിരി- 2 ടീസ്പൂൺ_ _ഉപ്പ്- ആവശ്യത്തിന്_ _റവ- 1/2 കപ്പ്_ _അരിപ്പൊടി- 1/2 കപ്പ്_ _____________________ *തയ്യാറാക്കുന്ന വിധം* _____________________ ```വെളുത്തുള്ളി, ഇഞ്ചി എന്നിവയോടൊപ്പം ജീരകം ചേർക്കാം. ഇതിലേക്ക് മുളകുപൊടി, മഞ്ഞൾപ്പൊടി, വിനഗിരി ഉപ്പ് എന്നിവ ചേർത്ത് നന്നായി അരച്ചെടുക്കാം. കഴുകി വൃത്തിയാക്കിയ മീനിലേക്ക് അരച്ചെടുത്ത ഈ മസാലപ്പൊടികൾ പുരട്ടി 10 മിനിറ്റ് മാറ്റി വക്കാം. ഒരു ബൗളിൽ അരിപ്പൊടിയും റവയും യോജിപ്പിച്ചു വക്കാം. 10 മിനിറ്റിനു ശേഷം മീൻ കഷ്ണങ്ങൾ ഇതിൽ മുക്കിയെടുക്കാം. അടി കട്ടിയുള്ള ഒരു പാത്രം അടുപ്പിൽ വച്ച് ആവശ്യത്തിന് വെളിച്ചെണ്ണ ഒഴിച്ചു ചൂടാക്കാം. അതിലേക്ക് മീൻ കഷ്ണങ്ങൾ ചേർത്തു വറുക്കാം. മുകളിൽ അൽപം നാരങ്ങ നീര് പിഴിഞ്ഞൊഴിച്ച് ചൂടോടെ ചോറിനൊപ്പം കഴിക്കാം. ഇത് തയ്യാറാക്കാൻ റവയോടൊപ്പം അരിപ്പൊടി ചേർക്കണം എന്ന് നിർബന്ധമില്ല. ലഭ്യത അനുസരിച്ച് ഉപയോഗിക്കാം.``` +------+------+------+------+