bhanjamohanty
529 views • 12 hours ago
#📰ଦେଶ-ବିଦେଶ ଅପଡେଟ ରୁଷ ଆସିଲେ ଆମେରିକା ପ୍ରତିନିଧି, ୟୁକ୍ରେନ ଉପରେ ହମଲା ନ କରିବାକୁ ନିର୍ଦ୍ଦେଶ ଦେଲେ ପୁଟିନ-
Russia vs Ukraine
ହଠାତ୍ ୟୁକ୍ରେନ ଉପରେ ହମଲାକୁ ବନ୍ଦ କରିବାକୁ ନିର୍ଦ୍ଦେଶ ଦେଇଛନ୍ତି ରୁଷ ରାଷ୍ଟ୍ରପତି ଭ୍ଲାଦିମିର ପୁଟିନ। ଶନିବାର ଠାରୁ ଆସନ୍ତା ୩ ଦିନ ପାଇଁ କିଭ୍ ଉପରେ କୌଣସି ପ୍ରକାରର ହମଲା ନ କରିବାକୁ ସେ ରୁଷ ସେନାକୁ କହିଛନ୍ତି।
ଆମେରିକାର ସ୍ପେଶାଲ ପ୍ରତିନିଧି ଷ୍ଟିଭ ୱିଟକଫ ଓ ଜାରେଡ କୁଶନେର ୟୁକ୍ରେନ ଯୁଦ୍ଧର ପରିସମାପ୍ତିର ସମୀକ୍ଷା କରିବାକୁ ରୁଷ ଆସିଥିବାରୁ ପୁଟିନ ଏପରି ନିର୍ଦ୍ଦେଶ ଦେଇଛନ୍ତି।
କ୍ରେମଲିନ ମୁଖପାତ୍ର ଡିମିଟ୍ରି ପେସ୍କଭ କହିଛନ୍ତି ଯେ ପୁଟିନ ଶନିବାର ରୁଷର ଦୁଇ ପ୍ରତିନିଧିଙ୍କ ସହ ବୈଠକ କରିବେ। ଏଥିପାଇଁ କିଭ ଉପରେ ୩ ଦିନ ପାଇଁ ଆଟାକ ବନ୍ଦ କରିବାକୁ ନିର୍ଦ୍ଦେଶ ଦେଇଛନ୍ତି। ଆମେରିକା ବର୍ତ୍ତମାନ ରୁଷ-ୟୁକ୍ରେନ ଯୁଦ୍ଧ ବନ୍ଦ କରିବାକୁ କୂଟନୀତିକ ଉଦ୍ୟମ କରୁଥିବା ବେଳେ ଏପରି ଘଟଣା ସାମ୍ନାକୁ ଆସିଛି।
ୱିଟକଫ ଓ କୁଶନେର ଶନିବାର ମସ୍କୋ ଆସିଛନ୍ତି। ଏମାନେ ଯୁଦ୍ଧ ସ୍ଥିତି ସମ୍ପର୍କରେ ପୁଟିନଙ୍କ ସହ ବିସ୍ତୃତ ଆଲୋଚନା କରିବେ ବୋଲି ଜଣାପଡ଼ିଛି। ପ୍ରାରମ୍ଭିକ ପର୍ଯ୍ୟାୟରେ ରୁଷ ରାଷ୍ଟ୍ରପତିଙ୍କ କୂଟନୀତିଜ୍ଞ କିରିଲ ଡିମିତ୍ରିଭ ଆମେରିକୀୟ ପ୍ରତିନିଧିଙ୍କୁ ଏୟାରପୋର୍ଟରେ ସ୍ୱାଗତ କରିଥିଲେ। ସେମାନଙ୍କ ସହ କିଛି ସମୟ କଥା ହେବା ପରେ ଏୟାରପୋର୍ଟ ଛାଡ଼ିଥିଲେ।
ଏହାପୂର୍ବରୁ ପୁଟିନ ଓ ଆମେରିକା ପ୍ରତିନିଧିଙ୍କ ସହ ହୋଇଥିବା ଆଲୋଚନରେ ମଧ୍ୟ ଡିମିତ୍ରିଭ ଉପସ୍ଥିତ ରହିଥିଲେ। ସେହିପରି ସେ ନିୟମିତ ଆମେରିକା ପକ୍ଷରୁ ବୁଝାମଣା ଟିମରେ ଥିବା ସଦସ୍ୟଙ୍କ ସହ ଯୋଗାଯୋଗ କରୁଥିଲେ। ଏବେ ସେ ହିଁ ପ୍ରଥମେ ମସ୍କୋ ଆସିଥିବା ଆମେରିକୀୟ ପ୍ରତିନିଧିଙ୍କୁ ଭେଟିଛନ୍ତି। ଏହାପରେ ହିଁ ପୁଟିନ ଆମେରିକୀୟ ପ୍ରତିନିଧିଙ୍କ ସହ କଥାବାର୍ତ୍ତା ହେବେ।
ଶୁକ୍ରବାର ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଶୁକ୍ରବାର କହିଥିଲେ ଯେ ଯୁଦ୍ଧରେ ପୂର୍ଣ୍ଣଚ୍ଛେଦ ଟାଣିବା ପାଇଁ ୱାଶିଂଟନ୍ ପାଖରେ ଗୋଟିଏ ନୂଆ ପ୍ରସ୍ତାବ ରହିଛି। ଏହା ବ୍ୟତୀତ ୫ ବର୍ଷ ଧରି ଯୁଦ୍ଧକୁ ନେଇ ଟ୍ରମ୍ପ ନିଜର ଆଭିମୁଖ୍ୟ ସମ୍ପର୍କରେ କିଛି ବି କହି ନଥିଲେ। ସେ କେବଳ ଏମିତି କି କହିଥିଲେ ଯେ ଆଲୋଚନା ଆଗକୁ ଯାଇ ପାରିବ କି ନାହିଁ, ସେକଥା ଜାଣିବା ପାଇଁ ୱିଟକଫ୍ ଓ କୁଶନେରଙ୍କୁ ବିଦେଶ ପଠାଯାଇଛି।
ଏପଟେ ୟୁକ୍ରେନ୍ର ରାଷ୍ଟ୍ରପତି ଭୋଲଡିମିର ଜେଲେନସ୍କି କହିଛନ୍ତି ଯେ ମସ୍କୋରେ ବୈଠକ ଶେଷ କରିବା ପରେ ଆମେରିକୀୟ ପ୍ରତିନିଧିମାନେ କିଭ ଆସିବାର ଆଶା ରହିଛି। ଆମେରିକୀୟ ପ୍ରତିନିଧି ୟୁକ୍ରେନ ଯିବାର ଥିବାରୁ ସମ୍ଭବତଃ ପୁଟତନ ୩ ଦିନ ପାଇଁ କିଭ ଉପରେ ହେବାକୁ ଥିବା ଆଟାକ ଉପରେ ରୋକ ଲଗାଇ ଦେଇଛନ୍ତି।
11 shares
